− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”بارلىق جۇڭگو كوممۋنيستىك پارتيا مۇشەلەرى! پارتيا ورتالىق كوميتەتى سىزدەردى اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، حالىق بۇقاراسىمەن ەتەنە بايلانىستى ماڭگى ساقتاپ، قاي - قاشان دا حالىقپەن بىرگە ويلاپ، بىرگە ىستەپ، قيىن - قىستاۋدى بىلەك بىرىكتىرە جەڭىپ، زەينەت پەن بەينەتتە بىرگە بولىپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن ۇزدىكسىز قاجىماي - تالماي قۇلشىنۋعا، پارتيا مەن حالىققا اناعۇرلىم زور داڭق اپەرۋگە قۇلشىنۋعا شاقىرادى!“.
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ءبىرىنشى 100 جىلدىق كۇرەس نىساناسىن ىسكە اسىرىپ، جاپپاي دوڭگەلەك داۋلەتتى قوعام ورناتقاندىعىن اسقاق سەنىممەن، تاسقىنداعان جىگەرمەن سالتاناتتى تۇردە جاريالاپ، جاڭا داۋىردەگى جۇڭگوشا سوتسياليزمگە تاباندى بولۋ جانە ونى دامىتۋ، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ ەكىنشى 100 جىلدىق كۇرەس نىساناسىنا قاراي قادام تاستاۋ بەرىك بەكىمىن ايبىندى تۇردە جاريالاپ، تاريحتى اينا ەتۋ، بولاشاق اشۋدىڭ ”توعىز ءسوز جوق“ سىندى ءتۇبىرلى تالابىن تەرەڭدەي بايىمداپ، پارتيا ورتالىق كوميتەتى اتىنان بارلىق پارتيا مۇشەلەرىنە پارتيا مەن حالىققا اناعۇرلىم زور داڭق اپەرۋ سىندى ۇلى ۇندەۋ جاريالاپ، بۇكىل پارتياداعى جولداستاردى قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، ۇزدىكسىز كۇرەس جاساپ، ۇلتتى گۇلدەندىرۋ ۇلى ىسىندە پارتيا مەن حالىق ءۇشىن ۇلەس قوسىپ، ناتيجە شىعارۋعا جىگەرلەندىردى جانە دەم بەردى. كەزەكتە جانە بۇدان كەيىنگى ءبىر مەزگىلدە ءبىز باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، سوزگە سىڭىرىلگەن ديالەكتيكالىق ماتەرياليزمدىك جانە تاريحي ماتەرياليزمدىك دۇنيەگە كوزقاراستى، ادىستەمەنى تەرەڭ يگەرۋىمىز كەرەك، بۇل − ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ساياسي جارناماسى، پارتيامىزدىڭ حالىقتى ىنتىماقتاستىرىپ جانە باستاپ، تاريحتى اينا ەتۋىنىڭ، بولاشاق اشۋىنىڭ ارەكەت باعدارناماسى، ءسوزدىڭ كەلەلى ماڭىزىن، باي مازمۇنىن، وزەكتى ءمانىن، امالياتتىق تالابىن تەرەڭ ۇعىنىپ، شىن مانىندە يدەيا مەن ارەكەتتى ءسوزدىڭ رۋحىمەن شىنايى بىرلىككە كەلتىرىپ، وسكەلەڭ ساياسي سانالىلىقپەن 100 جىلدىق شۇعىلالى تاريحتى تاراتىپ، ۇلى پارتيا قۇرۋ رۋحىن اسقاقتاتىپ، ەكپىندەي ىلگەرىلەۋدىڭ تەلەگەي كۇشىن قاۋلاتىپ، جاڭا ساپاردا تىڭ دا اناعۇرلىم زور كەرەمەتتەردى جارىققا شىعارۋ كەرەك.
100 جىلدىق قاجىرلى كۇرەس، 100 جىلدىق جاپا - ماشاقاتتى شۇعىلا. 100 جىلدىڭ الدىندا، جۇڭگو كوممۋنيستىك پارتياسى قۇرىلعان كەزدە نەبارى 50 نەشە پارتيا مۇشەسى عانا بار ەدى، بۇگىن 95 ميلليوننان استام پارتيا مۇشەسى بار، ءبىر ميلليارد 400 ميلليوننان استام حالقى بار ءىرى ەلگە باسشىلىق ەتكەن، الەمدە ماڭىزدى ىقپالعا يە دۇنيە جۇزىندەگى ءبىرىنشى ءىرى بيلىك باسىنداعى پارتياعا اينالدى. 100 جىلدىڭ الدىندا، جۇڭحۋا ۇلتى دۇنيە ءجۇزىنىڭ الدىندا توقىراعان، تۇرالاعان بەينەدە كورىنىس بەرگەن ەدى. بۇگىنگى تاڭدا جۇڭحۋا ۇلتى دۇنيە جۇزىنە گۇلدەنىپ - كوركەيگەن بەينەمەن كورىنىپ، بوگەۋ بەرمەس ارىنمەن ۇلى گۇلدەنۋگە قادام تاستاۋدا. وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى. وتكەن بارىسقا قايىرىلا قاراپ، الدىڭعى جاقتاعى ساپارعا كوز جىبەرسەك، كوڭىلىمىز كولدەي تولقىپ، اسقاق سەزىم كەرنەيدى! جاڭا ساپاردا اۋەلگى ماقساتتى، بورىشتى ەستە بەرىك ساقتاۋعا، كوركەم بولاشاق اشۋعا اناعۇرلىم تاباندىمىز، اناعۇرلىم سانالىمىز! ”ەكى كەلەلى جاعدايدى“ تياناق ەتىپ، ”مەملەكەتتىڭ زور ءىسىن“ كوكەيدە ساقتاپ، جاڭا ءداۋىردىڭ ەمتيحان قاعازىنا جاقسى جاۋاپ جازۋدا، ءبىز اناعۇرلىم سەرگەكپىز، اناعۇرلىم سەنىمدىمىز!
جاڭا ەمتيحان تاپسىرۋ جولىندا پارتيا مەن حالىققا اناعۇرلىم زور داڭق اپەرۋگە قۇلشىنۋ ءۇشىن، مىزعىماس تاباندىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، ماركسيزمنىڭ اقيقات شۇعىلاسىمەن العا باسۋ جولىمىزدى نۇرلاندىرىپ، نانىمدى، ۇستانىمدى، سەنىمدى بەكەمدەپ، ماڭگى پارتياعا سەنىپ، پارتيانى ءسۇيىپ، پارتيا ءۇشىن ىستەپ، ءوز قىزمەت ورنىمىزدا قايسارلىقپەن ايانباي ىستەپ، اسقاق مۇرات ءۇشىن كۇرەسۋدىڭ امالياتىن ۇزدىكسىز العا ىلگەرىلەتۋىمىز؛ اۋەلگى ماقساتتان، بورىشتان اينىماي، حالىقتىق تۇرعىعا، حالىقتى بارىنەن جوعارى قويۋعا تاباندى بولىپ، حالىقتى باقىتقا كەنەلتۋ سىندى ءىس جۇزىندىك ارەكەتپەن كوممۋنيستەردىڭ ”ءوزىن مۇلدە ويلامايتىن، حالىقتىڭ ءۇمىتىن اقتايتىن“ اسقاق ىنتا - ىقىلاسىن ءتۇسىندىرىپ، اينىماس ماقسات، بەرىك مۇراتپەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن كۇرەس جاساۋىمىز؛ توڭكەرىستى سوڭىنا دەيىن جۇرگىزۋ رۋحىن اسقاقتاتىپ، كوممۋنيستەردىڭ رۋحاني تامىرىن ۇلاستىرىپ، كۇرەس رۋحىن كۇشەيتىپ، كۇرەس قابىلەتىن جوعارىلاتىپ، حاۋىپ - قاتەر، سىن - سايىس اتاۋلىنى باتىلدىقپەن جەڭۋىمىز؛ تۇبەگەيلى وزىنە توڭكەرىس جاساۋ رۋحىن ۇزدىكسىز ساۋلەلەندىرىپ، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زيان كەلتىرەتىن ماسەلە اتاۋلىمەن باتىلدىقپەن كۇرەسىپ، كوممۋنيستەردىڭ ساياسي قاسيەتىن ماڭگى ساقتاپ، پارتيامىزدىڭ ءوزىن تازارتۋ، ءوزىن كەمەلدەندىرۋ، ءوزىن جاڭارتۋ، ءوزىن جوعارىلاتۋ قابىلەتىن ۇزدىكسىز ارتتىرۋىمىز كەرەك. العا باسۋ جولىندا پارتيانىڭ كۇرەس بارىسى مەن ۇلى تابىستارى ارقىلى كۇرەس جىگەرىن قاۋلاتىپ، بەتالىستى كورسەتىپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش ۇيىستىرىپ، پارتيانىڭ تاريحي تاجىريبەلەرى مەن امالياتتىق جاسامپازدىعى ارقىلى اقىل - پاراساتتى وياتىپ، قاسيەتتى شىڭداپ، الدىڭعىلاردىڭ ءىزىن باسىپ، بولاشاققا جول اشساق، ءورىس اشا العا ىلگەرىلەسەك، ءبىز، ءسوز جوق، توڭكەرىستىك ارداگەر قۇرباندار قان توگىپ، قۇرباندىق بەرىپ ورناتقان قىزىل بيلىكتى ويداعىداي قورعاپ، ويداعىداي قۇرىپ، توڭكەرىستىك ارداگەر قۇربانداردىڭ ءۇمىتىن اقتايتىن، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتا الامىز.
باس شۋجي شي جينپيڭ بىلاي دەپ باسا دارىپتەدى: ”جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، 100 جىلدىق كەمەل شاعىنا كەلدى!“. ءبىز كۇرەس جاساۋ ارقىلى كەدەرگى - بوگەتتەردى الاستاپ، سان - ساناقسىز اسۋلاردان استىق. ءبىز تاعى دا ۇزدىكسىز كۇرەس جاساپ، ەرلىكپەن العا تارتىپ، اناعۇرلىم شۇعىلالى ناتيجەلەر جاراتامىز. ساپار الىس، تەك كۇرەس جاساۋ كەرەك. بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قاجىماي - تالماي كۇرەس جۇرگىزىپ، ماڭگى كۇرەس جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەكىنشى 100 جىلدىق كۇرەس نىساناسىنا قاراي، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا تارتۋىمىز كەرەك!
(شينحۋا اگەنتتىگىنىڭ 7 - ايدىڭ 13 - كۇنى بەيجيڭنەن بەرگەن حابارى)
