انار بۇلت / شينجياڭ گازەتىنىڭ ءتىلشىسى جاڭ يۇنمەي 7 - ايدىڭ 14 - كۇنى ۇرىمجىدەن حابارلايدى. جۋىقتا مەملەكەتتىڭ قۋزاۋ - جەتەكشىلىك ەتۋ، تەكسەرۋ گرۋپپاسى شينجياڭنىڭ اۋداندارداعى مىندەتتى وقۋ - اعارتۋدىڭ نەگىزىنەن بىركەلكى دامۋى جونىندە سول جەردىڭ وزىندە قۋزاپ جەتەكشىلىك ەتتى، تەكسەرۋ جۇرگىزدى، سونداي - اق 7 - ايدىڭ 13 - كۇنى ۇرىمجىدە قۋزاۋ - جەتەكشىلىك ەتۋ، تەكسەرۋدەن اڭىس ەتۋ ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، وقۋ - اعارتۋ مينيسترلىگىنىڭ ورىنباسار مينيسترى، باس مەكتەپ باقىلاۋشى جىڭ فۋجى ماجىلىسكە قاتىناستى ءارى ءسوز سويلەدى. مەملەكەتتىڭ قۋزاۋ - جەتەكشىلىك ەتۋ، تەكسەرۋ گرۋپپاسىنىڭ باستىعى، وقۋ - اعارتۋ مينيسترلىگى باس مەكتەپ باقىلاۋشىسىنىڭ اقىلشىسى ساي گويىڭ قۋزاۋ - جەتەكشىلىك ەتۋ، تەكسەرۋ گرۋپپاسى اتىنان پىكىر اڭىس ەتىپ، شينجياڭنىڭ بارلىق اۋداندارى (قالا، رايون) تۇگەلدەي مەملەكەت بەلگىلەگەن باعالاۋ - بەكىتۋ ولشەمىنە ۇيلەسەدى دەپ قارادى.
جىڭ فۋجى بىلاي دەپ اتاپ كورسەتتى: شينجياڭنىڭ اۋداندارداعى مىندەتتى وقۋ - اعارتۋدىڭ نەگىزىنەن بىركەلكى دامۋى جاعىندا مەملەكەتتىڭ تەكسەرىپ وتكىزىپ الۋىنان جالپى تۇلعالىق جاقتان ءوتۋى شينجياڭ وقۋ - اعارتۋىنىڭ دامۋ تاريحىنداعى تىڭ بەلەس، جاڭا باستامادا شينجياڭنىڭ مىندەتتى وقۋ - اعارتۋىنىڭ بىركەلكى دامۋىن تاعى دا تىڭ ساتىعا كوتەرۋدى ىلگەرىلەتۋ كەرەك. بىرىنشىدەن، بەكەمدەۋدى يگەرىپ، مەحانيزمدى اقاۋسىزداندىرۋ جاعىنا كۇش سالۋ كەرەك. دامۋدى جوبالاۋ، قازىنالىق ۇسىنىلىم، بايلىقتى ورنالاستىرۋدى قامتاماسىز ەتۋدە ”ءۇشتى الدىڭعى ورىنعا قويۋدى“، ءمان بەرۋ دارەجەسىندە، ۇسىنىلىم كۇشەمەلىلىگىندە، قىزمەت سەرپىنىندە ”ءۇشتى كەمەيتپەۋدى“ ورىنداۋ كەرەك. ەكىنشىدەن، جوعارىلاتۋدى يگەرىپ، ساپالى بىركەلكىلىك جاعىنا كۇش سالۋ كەرەك. جالپى بەتتىك دامۋ ۇستانىمىنىڭ ءتىپتى دە ايقىن، ولشەمدەنگەن قۇرىلىس دارەجەسىنىڭ ءتىپتى دە جوعارى، وقىتۋشىلار قوسىنىنىڭ ءتىپتى دە كۇشتى، حالىق بۇقاراسىنىڭ ءتىپتى دە رازى بولۋىن جۇزەگە اسىرۋ كەرەك. ۇشىنشىدەن، باقىلاۋدى يگەرىپ، ناقتى ونىمدىلىك جاعىنا كۇش سالۋ كەرەك. قۋزاۋ - جەتەكشىلىك ەتۋ قۇرىلىمىن ويداعىداي قۇرىپ، قۋزاۋ - جەتەكشىلىك ەتۋ كادرلارىن ويداعىداي سەپتەپ، مەكتەپ باقىلاۋ قوسىنىن ويداعىداي تاڭداپ، قۋزاۋ - جەتەكشىلىك ەتۋ شارت - جاعدايىن ويداعىداي قامتاماسىز ەتىپ، قۋزاۋ - جەتەكشىلىك ەتۋ ناتيجەسىن قىزمەت ناتيجەسىمەن بايلانىستىرىپ، قۋزاۋدىڭ بەدەلى مەن ونىمدىلىگىنە شىنايى كەپىلدىك ەتۋ كەرەك.
شوكىرات زاكىر مىنالاردى ءبىلدىردى: مەملەكەتتىڭ قۋزاۋ - جەتەكشىلىك ەتۋ، تەكسەرۋ گرۋپپاسىنىڭ شينجياڭنىڭ اۋداندارداعى مىندەتتى وقۋ - اعارتۋدىڭ نەگىزىنەن بىركەلكى دامۋىنا قاراتا سول جەردىڭ وزىندە قۋزاۋ - جەتەكشىلىك ەتۋى شينجياڭنىڭ وقۋ - اعارتۋدى الدىمەن دامىتۋدى، وقۋ - اعارتۋ رەفورماسىن تەرەڭدەتۋدى، ساپا وقۋ - اعارتۋىن دامىتۋدى، مىندەتتى وقۋ - اعارتۋدىڭ وقىتۋ ساپاسى مەن دەڭگەيىن جوعارىلاتۋدى تياناقتاندىرۋى جونىنەن ءبىر رەتكى جالپى بەتتىك ”ارالاپ ءجۇرىپ دياگنور قويۋ“ بولدى. شينجياڭ پارتيا ورتالىق كوميتەتىنىڭ، مەملەكەتتىك كەڭەستىڭ كەلەلى شەشىمدەرىن، ورنالاستىرۋلارىن باتىل، بۇلجىماستان دايەكتىلەندىرىپ، تياناقتاندىرىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قۋزاۋ - جەتەكشىلىك ەتۋدىڭ ”سوڭعى جۇمىستارىن“ تىڭعىلىقتى، ويداعىداي ورىنداۋ كەرەك. جاۋاپكەرشىلىك ارقالاۋدى كۇشەيتىپ، مىندەتتى وقۋ - اعارتۋدىڭ بارىنەن ماڭىزدى بولۋىنان مىزعىماۋعا باستان - اياق تاباندى بولىپ، وقۋ - اعارتۋدى الدىمەن دامىتۋ ستراتەگيالىق ورنىنا قويىپ، ”پارتكوم باسشىلىق ەتەتىن، ۇكىمەت باستاماشى بولاتىن، تاراۋلار بىرلەسىپ قيمىلدايتىن، كۇش بىرىكتىرىپ قامال الاتىن“ قىزمەت مەحانيزمىن ۇزدىكسىز تەرەڭدەتىپ، مىندەتتى وقۋ - اعارتۋدىڭ دامۋ دەڭگەيىن ۇزدىكسىز بەكەمدەۋ كەرەك. ەرەجە - ءتۇزىم ورناتۋدى كورنەكتىلەندىرىپ، مىندەتتى وقۋ - اعارتۋدىڭ بىركەلكى دامۋ بەتالىسىنىڭ اۋىتقىماۋىنا تاباندى بولۋ، ماندىك دامۋدى جانە ساپاسىن جوعارىلاتۋدى جەتەكشى ەتىپ، وقۋ - اعارتۋ مەحانيزم - ءتۇزىلىس رەفورماسىن ۇزدىكسىز تەرەڭدەتىپ، مىندەتتى وقۋ - اعارتۋدىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك. باقىلاپ تەكسەرۋ جەتىستىگىنەن ويداعىداي پايدالانىپ، ماسەلەنى باعدار ەتۋگە تاباندى بولىپ، بىرەۋى ارقىلى وزگەسىن تۇسپالداپ رەتتەۋ - تۇزەتۋدى يگەرىپ، وقۋ - اعارتۋدى قۋزاۋ - جەتەكشىلىك ەتۋدىڭ اكىمشىلىكتى باقىلاۋ، مەكتەپ باقىلاۋ، باعالاۋ مەن تەكسەرۋ - ولشەۋ جاعىنداعى رولىن تولىق ساۋلەلەندىرىپ، مىندەتتى وقۋ - اعارتۋدىڭ كولەمىن كەڭەيتۋدەن ساپاسىن جوعارىلاتۋعا بۇرىلىس جاساۋىن، نەگىزىنەن بىركەلكى بولۋدان ساپالى بىركەلكىلىككە قاراي دارەجەسىن جوعارىلاتۋدى جالپى بەتتىك ىلگەرىلەتۋ كەرەك.
ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، اۆتونوميالى رايوندىق پارتكوم وقۋ - اعارتۋ قىزمەتى كوميتەتىنىڭ شۋجيى لي يفي، اۆتونوميالى رايوننىڭ ورىنباسار ءتوراعاسى، اۆتونوميالى رايوندىق پارتكوم وقۋ - اعارتۋ قىزمەتى كوميتەتىنىڭ ورىنباسار شۋجيى، اۆتونوميالى رايوندىق حالىق ۇكىمەتىنىڭ وقۋ - اعارتۋدى قۋزاۋ - جەتەكشىلىك ەتۋ كوميتەتىنىڭ مەڭگەرۋشىسى سۇن حۇڭمەي ماجىلىسكە قاتىناستى.
