شي جينپيڭ ”دوستىق بارىس - كەلىس، تاعدىرلاستىق − پارتيا مەن مەملەكەت باسشىلارىنىڭ ديپلوماتيالىق قيمىلدارىنىڭ تارتۋ بۇيىمدارى كورمەسىن“ ەكسكۋرسيالاعاندا بىلاي دەپ باسا دارىپتەدى
دۇنيە جۇزىندەگى ءار ەل حالقىمەن دوستىقتى تەرەڭدەتىپ، اۋىس - كۇيىستى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك
ۋاڭ حۋنيڭ كورمەنى ەكسكۋرسيالادى
7 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىق تارتۋ بۇيىمدارى مادەني ەسكەرتكىشتەرىن باسقارۋ ورتالىعىنا بارىپ، ”دوستىق بارىس - كەلىس، تاعدىرلاستىق − پارتيا مەن مەملەكەت باسشىلارىنىڭ ديپلوماتيالىق قيمىلدارىنىڭ تارتۋ بۇيىمدارى كورمەسىن“ ەكسكۋرسيالادى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 7 - ايدىڭ 16 - كۇنى بەيجيڭنەن بەرگەن حابارى. 7 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىق تارتۋ بۇيىمدارى مادەني ەسكەرتكىشتەرىن باسقارۋ ورتالىعىنا بارىپ، ”دوستىق بارىس - كەلىس، تاعدىرلاستىق − پارتيا مەن مەملەكەت باسشىلارىنىڭ ديپلوماتيالىق قيمىلدارىنىڭ تارتۋ بۇيىمدارى كورمەسىن“ ەكسكۋرسيالادى. ول بىلاي دەپ باسا دارىپتەدى: پارتيا مەن مەملەكەت باسشىلارىنىڭ ديپلوماتيالىق قيمىلدارىنىڭ تارتۋ بۇيىمدارى ەرەكشە تاريحي قۇنعا جانە باي گۋمانيتارلىق مانگە يە، وعان جۇڭگو حالقىنىڭ دۇنيە جۇزىندەگى ءار ەل حالقىمەن تەرەڭ سۇيىسپەنشىلىگى شوعىرلانعان، سونداي - اق ول جاڭا جۇڭگونىڭ ديپلوماتيا ىستەرىنىڭ شۇعىلالى تابىستارىنا كۋا بولۋدا. جۇڭگو كوممۋنيستىك پارتياسى جۇڭگو حالقىن باقىتقا كەنەلتەتىن ساياسي پارتيا، سونداي - اق ادامزاتتىڭ العا باسۋ ىستەرى ءۇشىن كۇرەس جۇرگىزەتىن ساياسي پارتيا. ءبىز بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، دۇنيە جۇزىندەگى ءار ەل حالقىمەن دوستىقتى تەرەڭدەتىپ، اۋىس - كۇيىستى كۇشەيتەمىز، جاڭاشا حالىقارالىق قارىم - قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، جۇڭگونىڭ جاڭاشا دامۋى ارقىلى دۇنيە ءجۇزىن جاڭا ورايمەن قامدايمىز. كورمە ارقىلى بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ىنتىماقتاسا كۇرەس جۇرگىزۋگە شابىتتاندىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كورمەنى ەكسكۋرسيالادى.
تۇستەن بۇرىن ساعات 10نان 30 مينۋت وتكەن مولشەردە، شي جينپيڭ قاتارلى باسشى جولداستار ورتالىق تارتۋ بۇيىمدارى مادەني ەسكەرتكىشتەرىن باسقارۋ ورتالىعىنا كەلىپ، كورمە زالىنا كىرىپ كورمەنى ەكسكۋرسيالادى. كورمەدە ءبىر نەگىزگى كورمە اۋماعى جانە ەكى ارناۋلى تاقىرىپتىق اۋماق ورنالاستىرىلعان، نەگىزگى كورمە اۋماعى ”دەربەس ءوز - وزىنە قوجا بولۋ ، بەيبىت قاتار تۇرۋ“، ”ەسىك اشۋ، سەلبەستىك جاساۋ، بەيبىت دامۋ“، ”داڭعىل جولدا بىرگە باسۋ، تاعدىرلاستىق“ سىندى 3 تاراۋعا بولىنگەن، ارناۋلى تاقىرىپتىق اۋماق جەكە - جەكە ”دۇنيە ساحناسى، ءىرى ەلدىڭ جاۋاپكەرشىلىك ارقالاۋى“، ”ءار الۋان دۇنيە، وركەنيەتتەر ءبىر - بىرىنەن ۇلگى الۋ“ دەگەندى تاقىرىپ ەتىپ، 670تەن استام تارتۋ بۇيىمى، 40تان استام فوتوسۋرەت جانە 100گە جۋىق حۇجات، ماقالالاردان ءۇزىندى، جاڭا مەديا ماتەريالى سياقتىلار ارقىلى جاڭا جۇڭگو قۇرىلعاننان بەرگى كەلەلى ديپلوماتيالىق ىستەردى نەگىزگى جەلى ەتىپ، جۇڭگو كوممۋنيستەرىنىڭ ءساتتى تۇردە جۇڭگونىڭ ديپلوماتيالىق ىستەرىن اشۋ مەن دامىتۋدا باسىپ وتكەن شۇعىلالى بارىسىن، قول جەتكىزگەن شۇعىلالى تابىستارىن، وتە - موتە، پارتيا 18 - قۇرىلتايىنان بەرى جۇڭگوشا ءىرى ەل ديپلوماتياسىندا قول جەتكىزگەن تاريحي سيپاتتى، باستاماشىلىق سيپاتتى تابىستارىن جۇيەلى كورسەتىپ، ەلىمىزدىڭ ديپلوماتيالىق قارىم - قاتىناس ورناتقان ەلدەرمەن اراداعى دوستىق بارىس - كەلىسىنە، تەرەڭ دوستىعىنا، مادەنيەت اۋىس - كۇيىسىنە جانە وركەنيەتتەردىڭ ءبىر - بىرىنەن ۇلگى الۋىنا جاندى ايعاق بولدى.
رەسەي زۇڭتۇڭى پۋتين سيعا تارتقان، سوۆەت وداعى فوتوگرافى تۇسىرگەن مەملەكەت قۇرۋ سالتاناتىنىڭ رەڭدى تاريحي كەسكىنى، فرانسيانىڭ بۇرىنعى زۇڭتۇڭى پومپيدوۋ سيعا تارتقان اسپا كىلەم − «امازون وزەنى»، بىرلەسكەن مەملەكەتتەر ۇيىمى جىبەرگەن جۇڭحۋا حالىق رەسپۋبىليكاسىنىڭ زاڭدى ورنىنىڭ قالپىنا كەلۋى تۋرالى تەلەگرامماسى، امەريكانىڭ بۇرىنعى زۇڭتۇڭى نەكسون سيعا تارتقان فارفور اققۋ، انگليانىڭ بۇرىنعى باس ءۋازىرى ساچەر حانىم سيعا تارتقان كۇمىس تەمەكى قالبىر، قازاقستاننىڭ تۇڭعىش زۇڭتۇڭى نازاربايەۆ سيعا تارتقان تۇيە ءپىشىندى ريتون، يندونەزيانىڭ بۇرىنعى زۇڭتۇڭى سۋسيلو سيعا تارتقان ءداستۇرلى بەتقالقا، چاۋشيان ەڭبەك پارتياسىنىڭ باس شۋجيى جين جىڭىن مەن زايىبى سيعا تارتقان ۇلۋ قابىرشاعى قوندىرىلعان اشەكەي سۋرەت، كەنيانىڭ زۇڭتۇڭى كەنياتا سيعا تارتقان مومباسا - نايروبي تەمىر جولىنىڭ ەستەلىك U دەسكاسى، گرەتسيانىڭ بۇرىنعى زۇڭليى تسيپراس سيعا تارتقان افينا بۇدىرماق ناقىشى، بوليۆيانىڭ بۇرىنعى زۇڭتۇڭى مورالەس سيعا تارتقان الۋان رەڭدى اعاش ويما، فيجيدىڭ زۇڭليى موباينيماراما سيعا تارتقان ءداستۇرلى ادەت - عۇرىپ اشەكەي سۋرەتى... كورمە زالىندا ءبىر - بىرلەگەن دارا ەرەكشەلىككە يە تارتۋ بۇيىمدارىنىڭ ناقتى زاتتارى، ءبىر - بىرلەگەن قۇندى دا ەگجەي - تەگجەيلى جازبا ماتەريالدار، ءبىر - بىرلەگەن جاڭا دا جاندى بەينەجازبا كورىنىستەرى شي جينپيڭ قاتارلى باسشى جولداستاردىڭ نازارىن اۋداردى. ولار ءالسىن - ءالى توقتاپ كورىپ، تۇسىندىرمەنى مۇقيات تىڭداپ، قاتىستى جاعدايلاردى ەگجەي - تەگجەيلى سۇرادى.
ديڭ شۋەشياڭ، ياڭ جيەچى، حۋاڭ كۇنميڭ، ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتى جولداستارى قاتارلىلار كورمەنى ەكسكۋرسيالادى.
