تيانشان تورى   ›   جاڭالىقتار   ›   ماڭىزدى حابارلار

شي جينپيڭ 44 - كەزەكتى دۇنيە جۇزىلىك مۇرا جينالىسىنا قۇتتىقتاۋ حات جولدادى

  شينحۋا اگەنتتىگىنىڭ 7 - ايدىڭ 16 - كۇنى بەيجيڭنەن بەرگەن حابارى. 7 - ايدىڭ 16 - كۇنى مەملەكەت ءتوراعاسى شي جينپيڭ 44 - كەزەكتى دۇنيە جۇزىلىك مۇرا جينالىسىنا قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: دۇنيە ءجۇزى مادەنيەتى مەن جاراتىلىستىق مۇرالار ادامزات وركەنيەتى دامۋىنىڭ جانە تابيعي بىرتىندەپ وزگەرۋدىڭ ماڭىزدى جەتىستىگى، سونداي - اق تۇرلىشە وركەنيەتتەردىڭ اۋىس - كۇيىس جاساپ، ءوزارا ۇلگى الۋىن جەبەۋدەگى ماڭىزدى دانەكەر. وسى باعالى بايلىقتاردى ويداعىداي قورعاۋ، ويداعىداي جالعاستىرۋ، ويداعىداي پايدالانۋ ءبىزدىڭ ورتاق جاۋاپكەرشىلىگىمىز، ادامزات وركەنيەتىنىڭ ۇزدىكسىز جالعاسۋىنىڭ جانە دۇنيە ءجۇزىنىڭ باياندى دامۋىنىڭ تابيعي تالابى.

  شي جينپيڭ بىلاي دەپ باسا دارىپتەدى: جۇڭگو جاڭا دامۋ ۇستانىمىن امالياتتا ايگىلەپ، تاريحقا جاۋاپتى بولۋ، حالىققا جاۋاپتى بولۋ رۋحىمەن، «دۇنيە ءجۇزى مادەنيەتى مەن جاراتىلىستىق مۇرانى قورعاۋ شارتىن» مۇقيات اتقارىپ، مۇرالاردى قورعاۋ قابىلەتى مەن ورەسىن ۇزدىكسىز جوعارىلاتتى. جۇڭگو دۇنيە جۇزىندەگى ءار ەلمەن جانە بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمىمەن بىرگە اۋىس - كۇيىستى، سەلبەستىكتى كۇشەيتىپ، وركەنيەتتەر تىلدەسۋىن ىلگەرىلەتىپ، اۋىس - كۇيىس جاساپ، ءوزارا ۇلگى الۋدى جەبەپ، دۇنيە ءجۇزىنىڭ مۇرالاردى قورعاۋ ىستەرىن قولداپ، بۇكىل ادامزاتتىڭ مادەنيەت جاۋھارى مەن جاراتىلىستىق اسىلىن بىرگە قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

  44 - كەزەكتى دۇنيە جۇزىلىك مۇرا جينالىسى سول كۇنى فۋجيان ولكەسىنىڭ فۋجوۋ قالاسىندا اشىلدى، جينالىستى بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمى ۇيىمداستىردى، جۇڭگو ۇستىنە الىپ وتكىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.