اۆتونوميالى رايوننىڭ قاۋىرت كەزدەگى ساياحاتتى ىلگەرىلەتۋ قىزمەتى جونىندەگى تەلەۆيزور - تەلەفون ءماجىلىسى اشىلدى
چىن چۋانگو بەكىتۋ جازدى
انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، ياۋ گاڭ 7 - ايدىڭ 16 - كۇنى ۇرىمجىدەن حابارلايدى. 7 - ايدىڭ 15 - كۇنى اۆتونوميالى رايوننىڭ قاۋىرت كەزدەگى ساياحاتتى ىلگەرىلەتۋ قىزمەتى جونىندەگى تەلەۆيزور - تەلەفون ءماجىلىسى اشىلدى. ءماجىلىس باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، كەزەكتەگى قاۋىرت كەزدەگى ساياحات قىزمەتتەرىن ويداعىداي ىستەۋدى ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى چىن چۋانگو بەكىتۋ جازدى.
چىن چۋانگو بىلاي دەپ باسا دارىپتەدى: ءار دارەجەلى قاتىستى تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، باس شۋجي شي جينپيڭنىڭ ساياحات قىزمەتى جونىندەگى ماڭىزدى بايىمداۋىن مۇقيات دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، وڭىرلىك جانە بايلىق باسىمدىعىن تولىق ساۋلەلەندىرىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋدى جۇزەگە اسىرۋىن ىلگەرىلەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ساياسي دەڭگەيدى شىن مانىندە جوعارىلاتىپ، يدەيالىق تانىمدى تەرەڭدەتىپ، اسقاق جاۋاپكەرشىلىك سەزىممەن جانە بورىشتىلىق سەزىممەن ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي ىلگەرىلەتىپ، قاتتى بولشەك قۇرىلعىلارىن، قاتىناس شارت - جاعدايىن، كورىنىس ءوڭىرىنىڭ قورشاعان ورتاسىن جانە قىزمەت وتەۋ دەڭگەيىن كۇش سالا جاقسارتىپ، ساياحاتتىق قىزمەت وتەۋ ساپاسىن جان - جاقتى جوعارىلاتۋ؛ جوبا ارقىلى جەتەكشىلىك ەتۋدى كۇشەيتىپ، ءونىم قۇرىلىمىن ساپالىلاندىرىپ، شينجياڭعا كومەكتەسەتىن ولكە، قالالاردىڭ شينجياڭعا ساياحاتشى باستاپ اكەلۋ باسىمدىعىن ساۋلەلەندىرىپ، ۇگىتتى، ساۋدالاۋدى كۇشەيتىپ، بازار نەگىزگى تۇلعالارىن زورايتۋ؛ قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ جانە ءوندىرىس حاۋىپسىزدىگى قىزمەتتەرىن شىن مانىندە مىقتى يگەرىپ، ساياحات كاسىبىنىڭ دامۋىنا تاماشا ورتا ازىرلەۋ؛ جەر - جەردەگى پارتكومدار مەن ۇكىمەتتەر نەگىزگى تۇلعالىق جاۋاپكەرشىلىكتى شىن مانىندە ارقالاپ، قاتىستى تاراۋلار قىزمەت بىرىككەن كۇشىن قالىپتاستىرىپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك.
