انار بۇلت / شينجياڭ گازەتىنىڭ ءتىلشىسى جاڭ يۇنمەي، ەرىكتى ءتىلشى جاڭ يىنچۇن 7 - ايدىڭ 16 - كۇنى چىڭدۋدان حابارلايدى. مەملەكەتتىك ساياسي كەڭەستىڭ ورنالاستىرۋى بويىنشا، 7 - ايدىڭ 12 - كۇنىنەن 16 - كۇنىنە دەيىن شينجياڭدا تۇراتىن مەملەكەتتىك ساياسي كەڭەس مۇشەلەرى قيمىلىنىڭ شاقىرۋشىسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن شينجياڭدا تۇراتىن مەملەكەتتىك ساياسي كەڭەس مۇشەلەرىنىڭ تەكسەرۋ ۇيىرمەسىن باستاپ سىچۋان ولكەسىنە بارىپ، چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىسى جاعدايى توڭىرەگىندە تەكسەرۋ جۇرگىزدى. سىچۋان ولكەلىك ساياسي كەڭەستىڭ ءتوراعاسى كى زۇنپيڭ، سىچۋان ولكەلىك پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى دىڭ يۇڭ قاتىستى قيمىلدارعا قاتىناستى.
نۇرلان ءابىلماجىن بىلاي دەدى: بەيجيڭنەن سىرت جەرلەردەگى مەملەكەتتىك ساياسي كەڭەس مۇشەلەرىن ولكە اتتاپ قىزمەت تەكسەرۋگە ۇيىمداستىرۋ، مەملەكەتتىك ساياسي كەڭەستىڭ باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرۋدەگى، تياناقتاندىرۋداعى كەلەلى ورنالاستىرۋى، سونداي - اق ولكەلەردىڭ (اۆتونوميالى رايون، توتە قاراستى قالا) ورتالىقتىڭ كەلەلى ورنالاستىرۋلارىن تياناقتاندىرۋىن ىلگەرىلەتۋدەگى ماڭىزدى شاراسى. جاقىنعى جىلداردان بەرى، شينجياڭ باس شۋجي شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋ جونىندەگى ماڭىزدى بايىمداۋىن مۇقيات دايەكتىلەندىرىپ، تياناقتاندىرىپ، عىلمي جوبالاپ، ىرىقتىلىقپەن ىسكەرلىك كورسەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىندا جاڭا ونىمدىلىكتەرگە قول جەتكىزدى. قازىر سىچۋان دا ”ءبىر بەلدەۋ، ءبىر جول“ جەلىسى بويىنداعى ماڭىزدى جالعاسۋ ءتۇيىنى، ەكى ولكە - رايوننىڭ ءوزارا تيىمدىلىك جاساپ، سەلبەسۋىن كۇشەيتۋ جىبەك جولى ەكونوميكالىق بەلدەۋىن بىرگە قۇرۋدىڭ تابيعي تالابى. وسى رەتكى قىزمەت تەكسەرۋدى وراي ەتىپ، سىچۋاننىڭ تاماشا تاجىريبەلەرىن، جاقسى ادىستەرىن ۇيرەنىپ، ودان ۇلگى الىپ، اۋىس - ءتۇيىستى، سەلبەستىكتى اناعۇرلىم كۇشەيتىپ، جاڭا داۋىردەگى حالىق ساياسي كەڭەسى قىزمەتىنىڭ جاڭا جاعدايىن بىرگە اشۋعا، شينجياڭ ەكونوميكاسىنىڭ جوعارى ساپالى دامۋىنا دەم بەرۋگە ۇلەس قوسامىز.
كى زۇنپيڭ قىزمەت تەكسەرۋ ۇيىرمەسىندەگىلەردى قارسى الاتىندىعىن ءبىلدىردى. ول بىلاي دەدى: چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىسىن ىلگەرىلەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جالپى جاعداي مەن بولاشاقتىق دامۋدى نازارعا الىپ جاساعان كەلەلى ستراتەگيالىق ورنالاستىرۋى. ءبىر جىلدان استام ۋاقىتتان بەرى، سىچۋان، چۇڭچيڭ ەكى ولكە - قالا ورتالىقتىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ءبىر نيەتپەن سەلبەسىپ، ءبىر باعىتتا كۇش سالىپ، بەلسەندى ونىمدىلىككە قول جەتكىزدى. قىزمەت تەكسەرۋ ۇيىرمەسىنىڭ چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىسى مەن ەكى ولكە - رايوننىڭ تەرەڭ دەڭگەيدە اۋىس - ءتۇيىس جاساۋىن اناعۇرلىم جاقسى ىلگەرىلەتۋگە قۇندى پىكىر، ۇسىنىس بەرۋىن ءۇمىت ەتەمىز، ءبىز دە شينجياڭنىڭ تاماشا تاجىريبەلەرىن، جاقسى ادىستەرىن مۇقيات ۇيرەنىپ، ودان ۇلگى الىپ، ەكى ولكە - رايوننىڭ سەلبەستىكتى تەرەڭدەتۋىن، تەڭ يگىلىككە كەنەلىپ دامۋىن ىلگەرىلەتەمىز. سىچۋانداعى مەزگىلىندە مۇشەلەر چىڭدۋ، دىياڭ، لۋجوۋ قاتارلى جەرلەردەگى الەۋمەتتىك اۋماق، اۋىل - قالاشىق جانە كاسىپورىن سياقتىلارعا بارىپ، سىچۋاننىڭ چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىسىن ىلگەرىلەتۋ ءۇشىن، قوعامدىق جونگە سالۋ، اۋىل - قىستاقتى گۇلدەندىرۋ، مادەنيەت - ساياحاتتى توعىستىرۋ، ەكولوگيالىق وركەنيەت قۇرىلىسى جانە جوعارى، جاڭا تەحنيكالىق كاسىپ سالاسىن دامىتۋ سياقتى جاقتاردا قولدانىپ وتىرعان شارالارى مەن قول جەتكىزگەن ناتيجەلەرىن جۇمىس باسىندا تەكسەردى. مۇشەلەر بىلاي دەپ قارادى: سىچۋان ولكەسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، چىڭدۋ - چۇڭچيڭ قوس قالا ەكونوميكالىق شەڭبەر قۇرىلىسىن ىلگەرىلەتۋدى كەلەلى ساياسي مىندەت ەتۋگە تاباندى بولىپ، ”ءبىر ۇيەك، ەكى ورتالىق، ەكى جەر“ قۇرىلىسىنىڭ نىساناسىن تۇراقتاندىرۋمەن تىعىز بايلانىستىرىپ، مەملەكەتتىڭ ستراتەگيالىق يقۋاتىن دامۋدىڭ ناقتى ونىمدىلىگىنە شىن مانىندە اينالدىرىپ، كوشىرۋگە، جالپىلاستىرۋعا بولاتىن ءبىر قىدىرۋ تابىستار قالىپتاستىرۋ جونىندە ىزدەنىس جاسادى. كوپشىلىك مىنالاردى ءبىلدىردى: سىچۋاننىڭ تاجىريبەلەرىن مۇقيات ۇيرەنىپ، ودان ۇلگى الىپ، شينجياڭنىڭ ءىس جۇزىندىگىمەن بىرلەستىرىپ، شينجياڭ ەكونوميكاسىنىڭ جوعارى ساپالى دامۋىنا دەم بەرۋگە سىندارلى اقىل - كەڭەس بەرىپ، ورتاق تانىم ۇيىستىرامىز.
تەكسەرۋ بارىسىندا مۇشەلەر تاعى گۋلين اۋدانى تايپيڭ قالاشىعىنا بارىپ پارتيا تاريحىن ۇيرەنۋ تاربيەسىن ورىستەتىپ، جۇڭگو جۇمىسشى - شارۋا قىزىل ارمياسىنىڭ چىشۇي تايپيڭ وتكەلىنەن 4 رەت ءوتۋ كورمە سارايىن ەكسكۋرسيالاپ، تايپيڭ وتكەلى اۋزىنداعى ەسكەرتكىشكە گۇل شارباق قويدى، پارتيالى مۇشەلەر پارتيا تۋى استىندا پارتياعا كىرگەندەگى سەرتىن پىسىقتادى.
شينجياڭدا تۇراتىن مەملەكەتتىك ساياسي كەڭەس مۇشەلەرى ءمۇتالىپ قاسىم، ماعاۋ سەيتقامزا، ورگۇل جاپار، سىچۋان ولكەلىك ساياسي كەڭەستىڭ ورىنباسار ءتوراعالارى سۇي باۋحۋا، جۋ چۇنشيۋ، چىڭدۋ قالالىق ساياسي كەڭەستىڭ ءتوراعاسى جاڭ يان قاتارلىلار تەكسەرۋگە قاتىناستى.
