اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ قىزمەتىن ىلگەرىلەتۋ ءماجىلىسى اشىلدى
رەفورما مىندەتتەرىنىڭ ۋاقىتىندا ورىندالۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك
انار بۇلت / شينجياڭ گازەتىنىڭ ءتىلشىسى ليۋ شياڭ 7 - ايدىڭ 16 - كۇنى ۇرىمجىدەن حابارلايدى. 7 - ايدىڭ 15 - كۇنى تۇستەن كەيىن اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ قىزمەتىن ىلگەرىلەتۋ ءماجىلىسى اشىلدى. ءماجىلىس باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 9 - كەزەكتى پارتكومنىڭ ون ەكىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، الدىڭعى جارتى جىلداعى رەفورمانى تەرەڭدەتۋ قىزمەتىن قورىتىندىلاپ، سوڭعى جارتى جىلداعى رەفورمانى تەرەڭدەتۋ قىزمەتىن ورنالاستىرىپ، رەفورمانى تياناقتاندىرۋ، ىلگەرىلەتۋ تەبىنىن اناعۇرلىم كۇشەيتىپ، ءتۇرلى رەفورما مىندەتتەرىنىڭ ءتارتىپتى ىلگەرىلەۋىنە، تياناقتانىپ، ونىمدىلىك كورسەتۋىنە شىنايى كەپىلدىك ەتتى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ءماجىلىستى باسقاردى.
ءماجىلىس مىنالاردى اتاپ كورسەتتى: بيىل جىل باسىنان بەرى اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ كوميتەتىنىڭ ارناۋلى گرۋپپالارى، ايماقتار (وبلىس، قالا)، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، ورتالىق ورنالاستىرعان رەفورمالاردى جاپپاي قابىلداپ، ءتۇيىندى سالالارداعى رەفورمانى ورنىقتى ىلگەرىلەتىپ، شەشۋشى بۋىندارداعى رەفورمالاردا تابىستارعا قول جەتكىزدى، ايماقتاردىڭ (وبلىس، قالا) رەفورما قىزمەتىن تىڭعىلىقتى ورىستەتتى، رەفورمانى جاپپاي ىلگەرىلەتۋ قىزمەتىندە كەزەڭدىك ناتيجەگە قول جەتكىزدى. سوڭعى جارتى جىلدا اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ كوميتەتىنىڭ ارناۋلى گرۋپپالارى، ايماقتار (وبلىس، قالا)، تاراۋلار جاۋاپكەرشىلىك سەزىمىن، كوكەي تەستىلىك سەزىمىن، بورىشتىلىق سەزىمىن شىنايى كۇشەيتىپ، ماسەلەنى باعدار ەتۋگە، نىسانانى باعدار ەتۋگە، ناتيجەنى باعدار ەتۋگە تاباندى بولىپ، رەفورما شارالارىنىڭ تياناقتانۋىن مىقتى ۇستاپ، تۇتاس جىلداعى مىندەتتەردىڭ ۋاقىتىندا ورىندالۋىنا، ناقتى ونىمدىلىككە جەتۋىنە شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: شەشۋشى بۋىنداردى ءجىتى قاداعالاپ، قىزمەتتىڭ ماڭىزدى تۇيىندەرىن مىقتى يگەرىپ، ورتالىق ورنالاستىرعان رەفورما مىندەتتەرىن ۇزدىكسىز قابىلداپ، ويداعىداي تياناقتاندىرىپ، اۆتونوميالى رايوندىق پارتكوم ورنالاستىرعان رەفورما مىندەتتەرىن ىلگەرىلەتۋدى تەزدەتىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن، شارۋاشىلىق - ساۋدا ورتاسىن جاقسارتۋ، بيڭتۋان مەن جەرگىلىكتى ورىندى توعىستىرۋ سياقتى ءتۇيىندى رەفورمالاردى كورنەكتىلەندىرە مىقتى يگەرىپ، جاۋاپتى ادام مەن ورىندالاتىن ۋاقىت شەگىن اناعۇرلىم ايقىنداپ، قۋزاستىرىپ تياناقتاندىرۋدى كۇشەيتىپ، ءتۇرلى رەفورما مىندەتتەرىنىڭ ەگجەي - تەگجەيلى تياناقتانۋىنا شىنايى كەپىلدىك ەتۋ كەرەك. كەلەلى رەفورما سىناق ءتۇيىنى قىزمەتىن ويداعىداي يگەرىپ، كوشىرۋگە، جالپىلاستىرۋعا بولاتىن ءبىر توپ تاجىريبەلەر مەن ادىستەردى قۇلشىنا ورتاعا قويۋ كەرەك. رەفورمانىڭ جۇيەلىلىگىنە، تۇلعالىلىعىنا، سايكەسىمدىلىگىنە دەن قويىپ، اۆتونوميالى رايوندىق پارتكومنىڭ رەفورما كەڭسەسى ءوڭىر اتتاعان، سالا اتتاعان كەلەلى رەفورما ىستەرىن سايكەستىرۋ تەبىنىن كۇشەيتىپ، قيىندىقتاردان قامال الىپ، بوگەتتەردى كۇش سالا اشىپ، ءتۇرلى رەفورمالاردىڭ تەڭ قاداممەن ىلگەرىلەۋىنە، بىردەي باعىتتا جۇرۋىنە شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: ۇيىمدىق باسشىلىقتى كۇشەيتىپ، جاۋاپكەرشىلىكتى قاتايتىپ، ناقتىلاندىرىپ، ”اي سايىن ورنالاستىرۋ“ ءماجىلىس ءتۇزىمىن ورناتىپ، تياناقتاندىرىپ، سايكەستىرۋدى، ورنالاستىرۋدى كۇشەيتىپ، رەفورما مىندەتتەرىن تياناقتاندىرۋدى ىلگەرىلەتۋدى تەزدەتۋ كەرەك. جەر - جەردىڭ رەفورما كەڭسەسىنىڭ قىزمەت كۇشىن تولىقتاپ، نىعايتىپ، كاسىپتىك باۋلۋدى، جەتەكشىلىك ەتۋدى كۇشەيتىپ، رەفورما قوسىنىنىڭ تۇراقتىلىعى مەن جاۋىنگەرلىك كۇشىنە شىنايى كەپىلدىك ەتۋ كەرەك. رەفورمانى قۋزاۋ - تەكسەرۋ، تياناقتاندىرۋ مەحانيزمىن كەمەلدەندىرىپ، رەفورمانى باقىلاۋ تەبىنىن ارتتىرىپ، باقىلاۋ ارقىلى مىندەتتىڭ تياناقتانۋىن جەبەپ، ساپاسىن كوتەرىپ، ونىمدىلىگىن جوعارىلاتۋدى جەبەۋ كەرەك. رەفورمانىڭ جاڭا اياق الىسىن، جاڭا ونىمدىلىگىن ىلگەرىلەتۋدى زور كۇشپەن ۇگىتتەپ، شىعارىلعان رەفورما ساياسات، شارالارىن دۇرىس ءتۇسىندىرىپ، رەفورمانى جاپپاي تەرەڭدەتۋگە تاماشا قوعامدىق پىكىر ورتاسىن ازىرلەۋ كەرەك.
اۆتونوميالى رايوننىڭ ورىنباسار ءتوراعاسى سۇن حۇڭمەي ماجىلىسكە قاتىناستى.
