تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭدىق حۋاچياۋ، حۋارىن قوعامدىق ۇيىمدارىنىڭ جاۋاپتىلارىنا ارنالعان بەينە ەكران اۋىس - كۇيىس ءماجىلىسى وتكىزىلدى

  انار بۇلت / شينجياڭ گازەتىنىڭ ءتىلشىسى ۋاڭ نا 7 - ايدىڭ 16 - كۇنى ۇرىمجىدەن حابارلايدى. 7 - ايدىڭ 15 - كۇنى شينجياڭ سىرتپەن بىرلەسكەن دوستىق قوعامى مەن جۇڭگونىڭ پاكيستان، قازاقستان، قىرعىزستان، جاپونيا، تۇركيا سياقتى ەلدەردەگى ەلشىحانالارى، كونسۋلحانالارى شينجياڭدىق حۋاچياۋ، حۋارىن قوعامدىق ۇيىمدارىنىڭ جاۋاپتىلارىنا ارنالعان بەينە ەكران اۋىس - كۇيىس ءماجىلىسىن بىرگە وتكىزدى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن قاتىناستى. اۆتونوميالى رايوننىڭ ورىنباسار ءتوراعاسى جاروللا يسامدين ارقاۋ ءسوز سويلەدى، جۇڭحۋا سىرتپەن بىرلەسكەن دوستىق قوعامى سىرتپەن بايلانىس جاساۋ ءبولىمىنىڭ 1 - دارەجەلى شارلاۋشىسى دۇڭ چۋانجيە، سىرتقى ىستەر مينيسترلىگى كۋنسۋل مەكەمەسىنىڭ اقىلشىسى يۇي شياۋميڭ ءسوز سويلەدى. جۇڭگونىڭ پاكيستان، قازاقستان، قىرعىزستان، جاپونيا، تۇركيا سياقتى ەلدەردەگى ەلشىحانالارىنىڭ، كۋنسۋلحانالارىنىڭ جاۋاپتىلارى، شينجياڭدىق حۋاچياۋ، حۋارىن قوعامدىق ۇيىمدارىنىڭ جاۋاپتىلارى، اۆتونوميالى رايونداعى قاتىستى تاراۋلاردىڭ جاۋاپتىلارى، ماماندار، وقىمىستىلار جانە نەگىزگى ساتى بۇقارا ۋاكىلدەرى سياقتىلاردان 40تان استام ادام ماجىلىسكە قاتىناستى.

  جاروللا يسامدين مىنانى ءبىلدىردى: جۇڭگو كوممۋنيستىك پارتياسىنىڭ 18 - قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا شينجياڭنىڭ قوعامدىق كەلەلى جاعدايى ءۇرتىس ورنىقتى جاقساردى، ەكونوميكا جوعارى ساپالى دامۋدى جۇزەگە اسىردى، قالا، اۋىل بەت - بەينەسىندە زور وزگەرىستەر جارىققا شىقتى، كەدەيلىكتەن ارىلتۋدان قامال الۋ جالپى بەتتىك جەڭىسكە قول جەتكىزدى، حالىق تۇرمىسى كورنەكتى جاقساردى، ۇلتتار ىنتىماعى اناعۇرلىم بەكەمدەلدى، ءدىن سالاسى تاتۋ، ۇيلەسىمدى بولدى، چياۋباۋلاردىڭ جانە ولاردىڭ تۋىس - تۋعاندارىنىڭ ۇقىق - مۇددەسى زاڭ بويىنشا قورعالدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. امەريكاداعى، باتىستاعى جۇڭگوعا قارسى كۇشتەر شينجياڭداعى ءار ۇلت حالقىنىڭ تاماشا تۇرمىس كەشىرىپ جاتقان شىندىعىمەن ساناسپاي، مۇلدە تومەنگى شەگى جوق، مۇلدە قيسىنسىز، مۇلدە نەگىزسىز تۇردە شينجياڭنىڭ ”اتىنا داق سالدى“، ”تۇرپايىلاندىرىپ كورسەتتى“، ءتىپتى، شينجياڭ ”ءناسىل جويۋ قىلمىسى“ مەن ”ادامزاتقا قارسى قىلمىس“ وتكىزدى دەگەن عاسىرلىق وسەك - اياڭ تاراتتى، بۇل ادامزات تاريحىنداعى ەڭ ۇلكەن جالا جابۋ دەلوسى سانالادى.

  دۇڭ چۋانجيە مىنانى ءبىلدىردى: بۇلت كۇن كوزىن كولەگەيلەي المايدى، جاڭا داۋىردەگى شينجياڭنىڭ كوركەيىپ، دامۋى ءىشىنارا جات نيەتتەگى سول ءبىر ”ادامدىق ۇقىق تۋرالى كوسەمسيتىن اقىلگويلەرگە“ بەرىلگەن ەڭ پارمەندى تويتارىس سانالادى. شەتەلدەردەگى شينجياڭدىق حۋاچياۋ، حۋارىن قوعامدىق ۇيىمدارىنىڭ شينجياڭنىڭ ناقتى جاعدايىن حۋاچياۋ ۇيىمدارىنا جانە تۇرعان ەلدەرىندەگى حالىققا تانىستىرۋلارىن، شينجياڭنىڭ قوعام ورنىقتىلىعىنىڭ اسا تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرىپ جاتقان باقىتتى تۇرمىسىن ۇگىتتەۋلەرىن، تۇرعان ەلدەرىندەگى قوعامداعى ءار سالانىڭ جۇڭگونىڭ شينجياڭىنا قاراتقان تۇسىنىگىن جەبەۋلەرىن، جۇڭگو مەن شەتەلدىڭ وركەنيەت اۋىس - كۇيىسىن نىعايتۋلارىن، ەكى جاقتى ناقتى ىستەر سەلبەستىگىن، حالىق تىلەگىنىڭ توعىسۋىن ىلگەرىلەتۋلەرىن، ادامزاتتىڭ تاعدىرلاس ورتاق تۇلعاسىن قۇرۋداعى اسقاق اۋەنىن بىرلىكتە شىرقاۋلارىن شىن جۇرەكتەن ءۇمىت ەتەمىن.

  يۇي شياۋميڭ مىنانى ءبىلدىردى: شينجياڭ قازىر تاريحتاعى ەڭ تاماشا گۇلدەنگەن، دامىعان مەزگىلدە تۇر، ءاربىر شينجياڭدىق چياۋميندەردىڭ تۇرعان ەلدەرى مەن جۇڭگونىڭ دوستىق قارىم - قاتىناسىندا تىنباي جەبەۋشى بولۋىن، جۇڭگو مەن شەتەلدىڭ ەكونوميكا، مادەنيەت اۋىس - كۇيىسىندەگى، ءبىر - بىرىنەن ۇلگى الۋىنداعى كوپىرلىك، دانەكەرلىك رولدى ىرىقتىلىقپەن ۇستىنە الۋلارىن، جۇڭگونىڭ بەيبىت بىرلىككە كەلۋ ىسىندە تىنباي تاباندى ىلگەرىلەتۋشى بولۋىن، شينجياڭ حيكاياسىن ىرىقتىلىقپەن ويداعىداي بايانداۋىن، حالىقارالىق قوعامعا ناقتى شينجياڭدى بايانداۋلارىن، شينجياڭعا قاساقانا كۇيە جاعاتىن، جالا جاباتىن، جۇڭگوعا قارسى بارلىق ارەكەتتەرمەن باتىل كۇرەس جاساۋلارىن، قالىڭ شينجياڭدىق چياۋباۋلاردى ىنتىماقتاستىرۋداعى، ولارعا قىزمەت وتەۋدەگى تىنباي ۇلەس قوسۋشى بولۋلارىن ءۇمىت ەتەمىن. سىرتقى ىستەر مينيسترلىگى جانە شەتەلدە تۇراتىن ەلشىحانا، كونسۋلحانالار بەلسەندى رولدارىن ساۋلەلەندىرىپ، شينجياڭنىڭ قازىرگى جانە كەلەشەكتەگى تارتىمدى حيكايالارىن كوپشىلىكپەن بىرگە باياندايدى.

  اۆتونوميالى رايوننىڭ قاتىستى تاراۋلارىنداعى جاۋاپتىلار، ماماندار، وقىمىستىلار شينجياڭ كاسىپتىك شەبەرلىككە تاربيەلەۋ - باۋلۋ ورتالىعىنىڭ قاتىستى جاعدايلارىن تانىستىردى، ايتىلمىس ”ۇيعۇر ەرەكشە سوتىنىڭ“ شينجياڭعا ساياتىن وسەك - اياڭدارىن اشكەرەلەدى جانە سىن تەزىنە الدى، شينجياڭداعى ءارقايسى قاتىستى جاقتاردىڭ حوتان ايماعىنداعى بىلەگى ۇزىلگەن ۇل بالانى بار كۇشپەن قۇتقارۋ - كومەكتەسۋ بارىسىن باياندادى. شينجياڭ بايىنعولين موڭعۇل اۆتونوميالى وبلىسى، قاشقار ايماعى، حوتان ايماعى سياقتى ايماق، وبلىستارداعى ءدىني قايراتكەرلەر، تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەر، از ۇلت ايەلدەرى، جاتاقتى مەكتەپتەردەگى وقۋشىلار اتا - انالارىنىڭ ۋاكىلدەرى بەينە ەكران فورماسىندا جالعانىمعا شىعىپ ءوز كەشىرمەلەرىن بايانداپ، امەريكانىڭ، باتىستىڭ ايتىلمىس شينجياڭ ”ءدىني سەنىم ەركىندىگىن شەكتەدى“، ”زورلىقپەن ەڭبەككە سالدى“، ”ءناسىل جويدى“، ”ۇرپاقتار اراسىن ءۇزىپ تاستادى“ دەگەن سياقتى وسەك - اياڭدارىن اشكەرەلەدى جانە ايىپتادى.

  جۇڭگونىڭ تۇركيادا، قازاقستاندا تۇراتىن ەلشىحانالارىنىڭ، كونسۋلحانالارىنىڭ جاۋاپتىلارى، شينجياڭدىق حۋاچياۋ، حۋارىن قوعامدىق ۇيىمدارىنىڭ جاۋاپتىلارىنىڭ ۋاكىلدەرى بەلسەندىلىكپەن ءسوز سويلەپ، امەريكاداعى، باتىستاعى جۇڭگوعا قارسى كۇشتەردىڭ وسەك - اياڭدارىن، ساندىراقتارىن جازعىردى ءارى ”ءبىر بەلدەۋ، ءبىر جول“ باستاماسىنا بەلسەنە ءۇن قوسىپ، شينجياڭنىڭ ەكونوميكاسىنىڭ، قوعامنىڭ جوعارى ساپالى دامۋىن بۇرىنعىداي قولدايتىندىقتارىن ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.