انار بۇلت / شينجياڭ گازەتىنىڭ ىلەدەگى تىلشىلەر پۋنكتىنەن شى شۋەحۇڭ، ەرىكتى ءتىلشى لي كايحۇڭ، ياڭ رۇيلين
”كوپشىلىك، قايىرلى تاڭ، بۇل ارا قۇلجا قالالىق سالىق مەكەمەسىنىڭ پارتيا تاريحىن ۇيرەنۋ شاعىن راديوسى ...“. 7 - ايدىڭ 13 - كۇنى مەملەكەتتىك سالىق باس مەكەمەسى قۇلجا قالالىق سالىق مەكەمەسىنىڭ پارتيا تاريحىن ۇيرەنۋ تاربيەسى شاعىن راديوسى ءدال ۋاعىندا ساڭقىلداپ قويا بەردى.
پارتيا تاريحىن ۇيرەنۋ تاربيەسى ورىستەتىلگەننەن بەرى قۇلجا قالالىق سالىق مەكەمەسى شاعىن راديودان پايدالانىپ، ءار كۇنى ەكى ۋاق پارتيالى كادرلاردى پارتيا تاريحى شاعىن وقۋىن ورىستەتۋگە ۇيىمداستىرىپ، پارتيالى كادرلاردى سۇيىسپەنشىلىكپەن وقۋ، دەن قويا ۇعىنۋ بارىسىندا پارتيا تاريحىن ۇيرەنۋگە جەتەكتەپ، پارتيا تاريحىن ۇيرەنۋدى پارتيا مۇشەلەرىنىڭ كۇندەلىكتى مىندەتتى ساباعىنا اينالدىردى.
تاياۋ مەزگىلدەن بەرى ىلە قازاق اۆتونوميالى وبلىسىنداعى 675 پارتيالى كادر ”جۇرگىزۋشى“ بولىپ پارتيا تاريحىن داۋىستاپ وقىدى، وقىعان ماقالالارى ىركەس - تىركەس ىلە ۇيىمداستىرۋ قىزمەتى، اۋدان - قالالار ۇيىمداستىرۋ قىزمەتى ۋيچات تۇعىرلارىندا اشىلعان ”100 جىلدىق پارتيا تاريحى“ وقۋ باعدارلاماسىندا قويىلدى. سونىمەن بىرگە 1012 پارتيا مۇشەسى كاسىپورىندارعا بارىپ، اۋىل - قىستاقتارعا بارىپ، الەۋمەتتىك اۋماقتارعا بارىپ، «جۇڭگو كوممۋنيستىك پارتياسىنىڭ تاريحى جونىندە» سياقتى پارتيا تاريحىن ۇيرەنۋ كىتاپتارىن باستاپ وقىدى، 10 مىڭنان استام پارتيالى كادر وقۋ بارىسىندا ۇيرەنىپ، ۇيرەنۋ بارىسىندا ءتۇسىنىپ، ءتۇسىنۋ بارىسىندا ونىمدىلىككە قول جەتكىزدى.
پارتيا تاريحىن ۇيرەنۋ تاربيەسى ورىستەتىلگەننەن بەرى ىلە وبلىسىنداعى ءار دارەجەلى پارتيا ۇيىمدارى وقۋ، سويلەۋ، تىڭداۋ، سەزىنۋ سياقتى فورمالار ارقىلى بەلسەندى تۇردە شاعىن وقۋ، شاعىن پارتيا ساباعى، شاعىن حيكايا، شاعىن ءبولىسۋ سىندى ”ءتورت شاعىن“ ۇيرەنۋ، ىستەتۋ قيمىلىن پارتيا تاريحىن ۇيرەنۋ تاربيەسىمەن توعىستىرىپ، قالىڭ پارتيالى كادرلاردى تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە جىگەرلەندىردى.
ىلە وبلىسىنداعى ءار دارەجەلى پارتكومداردىڭ (پارتيا باسشىلىق گرۋپپاسى) شۋجيلەرى، باسشىلىق القاسىنىڭ مۇشەلەرى باستاماشىلدىقپەن پارتيا ساباعىن ءوتتى، سونىمەن بىرگە ساقا قىزىل ارميالاردى، ساقا پارتيا مۇشەلەرىن پارتيا مەكتەبىندە پارتيا ساباعىن وتۋگە ۇسىنىس ەتتى. جەلىلەس پارتيا تاريحىن ۇيرەنۋ تاربيەسى شاعىن پارتيا ساباعىن كەسكىنگە الىپ، ”پارتيا ساباعى باستالدى“ ارناۋلى تاقىرىبىن تولىقتىردى. پارتيالى كادرلاردى 3712 مايدان (رەت) شاعىن پارتيا ساباعىن وتۋگە ۇيىمداستىرىپ، 90 مىڭعا جۋىق ادام (رەت) شاعىن پارتيا ساباعى ارقىلى پارتيا تاريحىن ۇيرەندى.
”ءبىزدىڭ وتىرعان بەيقۇت ءۇيىمىز، جۇرگەن اسفالت جولىمىز، پايدالانعان قۇبىر سۋىمىز ... تۇگەلدەي پارتيانىڭ ابزال ساياساتىنىڭ ارقاسىندا كەلگەن“. سول كۇنى نىلقى اۋدانى جاعالاستاي اۋىلىنىڭ جاعالاستاي قىستاعىنداعى 72 جاستاعى راقىم قۇدي ساقا پارتيا مۇشەلەرىمەن بىرگە قىستاق تۇرعىندارىنا پارتيا باسشىلىعىنىڭ ارقاسىندا قىستاقتا تۋىلعان وراسان زور وزگەرىستەردى ايتىپ بەردى.
ىلە وبلىسى ”ماڭايىنداعى ادامدار ماڭايىنداعى ىستەردى ايتۋعا، ماڭايىنداعى ىستەر ارقىلى ماڭايىنداعى ادامداردى تاربيەلەۋگە“ تاباندى بولىپ، «اق تەرەك ساقا جاۋىنگەردىڭ حيكاياسى»، «تاڭشانعا ات جەتكىزۋ» سياقتى 10 قىسقا فيلم ءتۇسىرىپ، پارتيا مۇشەلەرىن قاعاز ويما، حاتكەرلىك، ادەبيەت - كوركەمونەر كونسەرتى سياقتى فورمالار ارقىلى پارتيا تاريحىن ۇيرەنۋ اسەرلەرىن بەينەلەۋگە جىگەرلەندىرىپ، ءار سالا، ءار كاسىپتەگى پارتيالى كادرلاردى 312 سان قىزىل شاعىن حيكايانى كەسكىنگە تۇسىرۋگە ۇيىمداستىرىپ، پارتيا مۇشەلەرىن پارتيا تاريحىن ۇيرەنۋ تاربيەسىنىڭ كورۋگە بولاتىن وقىتۋ ماتەريالدارىن شوعىرلى ۇيرەنۋگە، كورۋگە جانە اسەرلەرىن ءبولىسىپ پىكىرلەسۋگە ۇيىمداستىرىپ، پارتيالى كادرلاردىڭ ۇيرەنۋ ىنتاسىن ۇزدىكسىز قاۋلاتتى.
