انار بۇلت / شينجياڭ گازەتىنىڭ تىلشىلەرى جاۋ مين، ۋاڭ يۇيجاۋ، لي لين، چىن چياڭۋي، سۋ لۋپيڭ 7 - ايدىڭ 17 - كۇنى ۇرىمجىدەن حابارلايدى. جۋىقتا پوسكام اۋدانى ايكول اۋىلى ايكول قىستاعىنىڭ تۇرعىنى قۇربانجان تۇي ارت - ارتىنان جاقسى ىستەرگە كەنەلدى، ەسىگىنىڭ الدىندا تەحنيكانى تەگىن ۇيرەنىپ قانا قالماستان، شارۋاشىلىق قۇرۋ قوسىمشا قاراجاتىنا دا يە بولدى. قۇربانجان: ”پارتيانىڭ حالىققا تيىمدىلىك جەتكىزۋ ساياساتى اسا تاماشا، قايرات - جىگەرىم ءتىپتى دە تاسقىندادى“، - دەدى تەبىرەنە.
حالىققا پايدالى، حالىققا ءتيىمدى ناقتى ىستەردى ۇزدىكسىز جاقسى ىستەۋ، ءار ۇلت بۇقاراسىنىڭ ءتۇبىرلى مۇددەسىن شىن مانىندە ويداعىداي جۇزەگە اسىرۋ، ويداعىداي قورعاۋ، ويداعىداي دامىتۋ ءۇشىن، بيىل رايونىمىز ءوز دارەجەسىندەگى قازىنالىق شىعىستىڭ ％70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا تاباندى بولىپ، جۇمىستاندىرۋ ءورىسىن كەڭەيتۋ، كىرىستى ارتتىرىپ، بايۋ، وقۋ - اعارتۋ دەڭگەيىن جوعارىلاتۋ، جالپى حالىقتىڭ سالاماتتىعى، قوعامدىق قامسىزداندىرۋ كولەمىن كەڭەيتۋ، جايلى قونىستى قامتاماسىز ەتۋ، كومىردى ەلەكترگە وزگەرتۋ، شەكارا وڭىردى گۇلدەندىرىپ، حالىقتى بايىتۋ، الەۋمەتتىك حاۋىپسىزدىكتى قامتاماسىز ەتۋ، حالىققا ورنىقتى تيىمدىلىك جاساۋ سىندى ”10 ءتۇرلى حالىققا تيىمدىلىك جەتكىزۋ ينجەنەرياسىن“ ىشكەرىلەي اتقاردى.
رايونىمىز اناعۇرلىم بەلسەندى جۇمىستاندىرۋ ساياساتىن اتقارۋ ارقىلى قالا، اۋىلداعى ارتىق ەڭبەككۇشتەردى، جوعارى مەكتەپ بىتىرگەن وقۋشىلاردى، قوسىننان شەگىنگەن اسكەريلەردى، قيىنشىلىعى بار قاۋىمدى جۇمىستاندىرۋدى ءتۇيىندى تۇردە مىقتى يگەردى. جۇمىستاندىرۋ ءورىسىن كەڭەيتۋ ينجەنەرياسىنىڭ يگىلىگىنە كەنەلۋشى، ماكىت اۋدانى ماكىت قالاشىعى ماقتابازار الەۋمەتتىك اۋماعىنىڭ تۇرعىنى ابدۇقيۇم ابىليميت تۇراقتى قىزمەتكە يە بولدى، ول: ”مەن قازىر الەۋمەتتىك اۋماقتاعى قوجالىق سەرىكتەستىگىنىڭ جابدىقتاردى كۇتىمدەۋ جۇمىسىنا جاۋاپتىمىن، ايلىق ەڭبەكاقىم 4000 يۋان، وتباسىمنان ۇزاماي - اق وسىنداي جاقسى قىزمەت تاپقانىما ايرىقشا قۋانامىن“، - دەدى.
جالپى حالىقتىڭ سالاماتتىعى ينجەنەرياسىن اتقارۋ جاعىندا، رايونىمىز حالپى حالىقتىڭ سالاماتتىعىن تەكسەرۋ جۇمىسىن ۇزدىكسىز ورىستەتۋ ارقىلى نەگىزگى ساتى ەمدەۋ، دەنساۋلىق ساقتاۋ قاينارى ۇسىنىلىمىن ارتتىرىپ، ءۇش دارەجەلى ەمدەۋ، دەنساۋلىق ساقتاۋ بويىنشا قىزمەت وتەۋ جەلىسى جانە دارەجە بويىنشا ەمدەۋ جۇيەسى سياقتىلاردى كەمەلدەندىرىپ، بۇقارانىڭ سالاماتتىعىن قورعادى. بيىل جىل باسىنان قازىرگە دەيىن جەر - جەر جالپى حالىقتىڭ سالاماتتىعىن تەكسەرۋ قىزمەتى بويىنشا 556 ميلليون يۋان قارجىنى تياناقتاندىردى، ءتۇرلى ينفورماتسيالاردى باسقارۋ تەكشەسىندە سالاماتتىق ۇلكەن ساندى مالىمەت قويماسىن ورناتۋ ارقىلى سالاماتتىقتى تەكسەرۋ قۇرىلىمدارىنىڭ قوسىلۋ سالىستىرماسى ％92.3كە جەتتى؛ وتباسى شيپاگەرلەرىمەن كەلىسىم بويىنشا قىزمەت وتەۋگە قاتىستى تەحنيكالاردى ارناعا ءتۇسىرۋ، قىزمەت وتەۋ بارىسى جانە قىزمەت وتەۋ ولشەمى سياقتى ءتۇزىمدەردى ەگجەي - تەگجەيلىلەندىردى. قازىرگە دەيىن رايونىمىز جيىنى وتباسى شيپاگەرلەرى اترەتىنەن 10 مىڭ 942نى قۇرىپ، تۇراقتى حالىق سانى بويىنشا كەلىسىم جاساسۋ سالىستىرماسى ％70.31 بولدى.
سونىمەن قاتار، رايونىمىز قوعامدىق قامتاماسىزداندىرۋ كولەمىن كەڭەيتۋ ينجەنەرياسىن اتقارۋ ارقىلى نەگىزدىك ەمدەلۋ، زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋ ءتۇزىمىن ۇزدىكسىز كەمەلدەندىرىپ، قوعامدىق قۇتقارۋ، كومەكتەسۋ، تومەنگى شەكتەن تۇسىرمەي قامتاماسىز ەتۋ قىزمەتىن تىڭعىلىقتى جاقسى ىستەپ، جالپى حالىقتى قامتۋ، قالا، اۋىلدى ءبىر تۇتاس جوسپارلاۋ، قامتاماسىز ەتۋ ۇيلەسىمدى بولۋ، باياندى بولۋداي كوپ ساتىلى قوعامدىق قامتاماسىزداندىرۋ جۇيەسىن كۇش سالا ورناتتى.
بەيقۇت ءۇي قامتاماسىزدىعى ينجەنەرياسىن اتقارۋ جاعىندا بيىل رايونىمىز قالا - قالاشىقتارداعى كونە تۇرعىندار رايونىنان 1714ىن جاڭالاۋدى جوسپارلادى، بۇل 231 مىڭ 500 وتباسىن قامتىپ، جەكە - جەكە بىلتىرعىدان ％57.2، ％19.7 ارتتى. قازىرگە دەيىن تۇتاس رايونىمىز قالا - قالاشىقتارداعى 1526 كونە تۇرعىندار رايونىن جاڭالاۋ جۇمىسىن باستادى، مۇنان يگىلىكتەنگەن تۇرعىن 214 مىڭ 300 بولىپ، جۇمىس باستاۋ سالىستىرماسى ％92.6كە جەتتى.
التاي قالاسى تاجىريبە باستاۋىش مەكتەبى تۇرعىندار اۋلاسى بيىلعى جاڭالاۋ جوسپارىنا ەنگىزىلدى. تۇرعىندار رايونى جاڭالانعان كەزدە جولداردى قورعاۋمەن بىرگە، دەنە شىنىقتىرۋ جانە جاسىل جامىلعى اۋماعى سياقتىلارعا دا ورىن قالدىرىلدى، ”تۇرعىندار رايونىنىڭ ورتاسى جاقساردى. بارلىق وتباسى مۇنىڭ يگىلىگىن كوردى“، - دەدى تۇرعىندار رايونىنىڭ تۇرعىنى ما يۇيشاۋ.
”جەلى قوندىرعىسى ەسىگىمىزدىڭ الدىنا دەيىن ورناتىلدى، بيىل قىستا وتباسىمىز دا ەلەكتر پاردان پايدالانا الاتىن بولدى!“. قازىر قاۋىرت ءجۇرىلىپ جاتقان قۇرىلىستى كورگەن قاراقاش اۋدانى تۇقۇلا اۋىلى باشگۇر قىستاعىنىڭ تۇرعىنى سۇمايرام روزىتوحتىنىڭ كوڭىلى ەرەكشە كوتەرىڭكى.
باشگۇر قىستاعىنداعى قۇرىلىس جاعدايى − بيىل وڭتۇستىك شينجياڭدا كومىردى ەلەكترگە وزگەرتۋ (1 - مەرزىمدىك) ينجەنەرياسىنىڭ شاعىن كورىنىسى. بۇل ينجەنەرياعا 2 ميلليارد 843 ميلليون يۋان قارجى قوسۋ جوسپارلانۋدا، سالىناتىن سايكەستى ەلەكتر تورى نىسانى 1832، قاشقار ايماعىنان، قىزىلسۋ قىرعىز اۆتونوميالى وبلىسىنان، حوتان ايماعىنان جالپى 287 مىڭ 100 وتباسى يگىلىكتەنەدى. 7 - ايدىڭ 12 - كۇنىنە دەيىن وسى قۇرىلىستىڭ جۇمىسى جاپپاي باستالدى، قالپىنا كەلدى، قازىر قاۋىرت جۇرگىزىلۋ كەزەڭىنە ءوتتى.
