− ما چاۋشۇي ءتوراعا شي جينپيڭنىڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسقانداعى جەتىستىكتەرگە ايالدادى
شينحۋا اگەنتتىگىنىڭ 7 - ايدىڭ 17 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 7 - ايدىڭ 16 - كۇنى ۇسىنىس بويىنشا بەيجيڭدە بەينە ەكران ءتاسىلى ارقىلى ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناستى ءارى «ىندەتكە ىنتىماقتاسا، سەلبەسە قارسى اتتانىپ، ەكونوميكانى جانداندىرۋعا جەتەكشىلىك ەتۋ» تاقىرىبىندا ماڭىزدى ءسوز سويلەدى. ءماجىلىس اياقتاعاننان كەيىن، سىرتقى ىستەر مينيسترلىگىنىڭ ورىنباسار مينيسترى ما چاۋشۇي اقپارات قۇرالدارىنىڭ تىلشىلىگىن قابىلداپ، ءتوراعا شي جينپيڭنىڭ ماجىلىسكە قاتىناسۋ جەتىستىگىن تانىستىردى.
ما چاۋشۇي مىنالاردى ءبىلدىردى: وسى رەتكى ءماجىلىس ازيا - تىنىق مۇحيت ەكونوميكالىق سەلبەستىك ۇيىمىنىڭ ىندەتكە توتەپ بەرۋ جانە ەكونوميكانى جانداندىرۋدى جەبەۋ ءۇشىن ايرىقشا ۇستەمەلەپ اشىلعان باسشىلاردىڭ ءبىر رەتكى بەيرەسمي ءماجىلىسى. بۇل ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتاۋ تۇسىندا، ءتوراعا شي جينپيڭ قاتىناسقان ءبىر رەتكى ماڭىزدى كوپ جاقتى باسشىلار ءماجىلىسى ءارى جۇڭگونىڭ ازيا - تىنىق مۇحيت پەن دۇنيە جۇزىنە باعىتتالعان ءبىر رەتكى كەلەلى ديپلوماتيالىق ارەكەتى، الەمدىك ىندەتكە قارسى اتتانۋ سەلبەستىگىن كۇشەيتۋ، دۇنيە ءجۇزى ەكونوميكاسىنىڭ جاندانۋىن ىلگەرىلەتۋ، ازيا - تىنىق مۇحيت تاعدىرلاس ورتاق تۇلعاسىن قۇرۋ جونىنەن ەرەكشە كەلەلى ءمان الادى.
ما چاۋشۇي بىلاي دەدى: باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا جۇڭگو كوممۋنيستىك پارتياسى ادامزاتتىڭ بولاشاعىنا، تاعدىرىنا نازار اۋدارادى، دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەيدى دەپ اتاپ كورسەتتى. جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل الەمدە جاپپاي تارالۋى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو حالىقتى بارىنەن جوعارى قويۋدان، ءومىردى بارىنەن جوعارى قويۋدان جازباي، ءوزى ىندەتكە قارسى اتتانۋدا بۇكىل الەمدى جالت قاراتقان جەتىستىككە قول جەتكىزىپ قانا قالماستان، ونىڭ ۇستىنە الەمدىك ىندەتكە قارسى اتتانۋدىڭ ەڭ الدىڭعى شەبىندە ەرلىكپەن اتوي سالىپ، جاڭا جۇڭگو قۇرىلعاننان بەرگى ەڭ كەڭ كولەمدى الەمدىك ادامگەرشىلىك ارەكەتىن ورىستەتتى، قالىڭ وركەندەپ كەلە جاتقان ەلدەردىڭ ىندەت ىقپالىن جويۋىنا مۇمكىندىكتىڭ بارىنشا قۇلشىنا كومەكتەسىپ، حالىقتىڭ ءومىرىن، سالاماتتىعىن قورعاپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بەلسەنە دارىپتەدى ءارى امالياتتا ايگىلەدى.
ما چاۋشۇي مىنالاردى ءبىلدىردى: كەزەكتە جاڭا تيپتى ايدارشا ۆيرۋس وكپە قابىنۋ ىندەتى بىردە باسەيىپ، بىردە كۇشەيىپ قايتالانۋدا، ۆيرۋس ءجيى وزگەرىپ، ىندەتتەن ساقتانۋ - تىزگىندەۋ جاعدايى ءالى دە اۋىر بولۋدا، دۇنيە ءجۇزىنىڭ ەكونوميكاسى ءبىراز جاندانا باستادى. حالىقارالىق قوعام اناعۇرلىم كوپ سەنىم، ءۇمىت جانە سەلبەستىك بولۋدى اسىعا كۇتۋدە. وسى ءبىر شەشۋشى ساتتە، ءتوراعا شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناستى ءارى ماڭىزدى ءسوز سويلەپ، ءار جاقتىڭ ورتاق تانىم ۇيىستىرۋىن، سەلبەستىك ورىستەتۋىن ىلگەرىلەتىپ، بۇكىل الەمنىڭ ىندەتكە توتەپ بەرۋىنە ناقتى شارا كورسەتتى، دۇنيە ءجۇزى ەكونوميكاسىن جانداندىرۋعا جاڭا وي جەلىسىن ازىرلەدى، ازيا - تىنىق مۇحيت سەلبەستىگىن تەرەڭدەتۋگە جاڭا قوزعاۋشى كۇش ۇستەدى.
ءبىرىنشى، جۇڭگونىڭ دامۋ جولىن شەشىپ ءتۇسىندىرىپ، حالىقارانىڭ تۇسىنىگىن، شىنايى مويىنداۋىن كەڭەيتتى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. 100 جىلدان بەرى جۇڭگو كوممۋنيستىك پارتياسى جۇڭگو حالقىن باستاپ ۇلى تاريحي تابىسقا قول جەتكىزىپ، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن تەرەڭ وزگەرتىپ قانا قويماي، دۇنيە ءجۇزىنىڭ دامۋ اۋقىمىن دا تەرەڭ وزگەرتتى. ءتوراعا شي جينپيڭ ازيا - تىنىق مۇحيتتى تياناق ەتىپ، دۇنيە جۇزىنە بەت الىپ، جۇڭگونىڭ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاعاندىعىن اتاپ كورسەتتى. ءبىز جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، اناعۇرلىم جوعارى دەڭگەيلى، اشىق ەكونوميكا جاڭا ءتۇزىلىسىن قۇرىپ، اناعۇرلىم باۋراۋ قۋاتىنا يە شارۋاشىلىق - ساۋدا ورتاسىن جاراتىپ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى ىلگەرىلەتىپ، دۇنيە جۇزىمەن جانە ازيا - تىنىق مۇحيت وڭىرىندەگى ءارقايسى ەلمەن اناعۇرلىم جوعارى دەڭگەيدەگى ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرامىز. ءتوراعا شي جينپيڭ كەلەلى ساياساتتاردى اشىق جاريالاپ، حالىقارالىق قوعامنىڭ تىلەگىنە بەلسەنە جاۋاپ بەرىپ، ازيا - تىنىق مۇحيت ءوڭىرى مەن دۇنيە ءجۇزى حالقىنا جاڭا داۋىردەگى اناعۇرلىم سەنىمدى، اشىق جۇڭگونى كورسەتتى، بۇل الداعى جەردە ازيا - تىنىق مۇحيت ءوڭىرى مەن دۇنيە جۇزىنە اناعۇرلىم كوپ دامۋ ورايىن اكەلەدى، كۇن سايىن كۇردەلىلەنگەن حالىقارالىق جانە وڭىرلىك جاعدايعا جۇڭگونىڭ وڭ ەنەرگياسىن ۇستەيدى.
ەكىنشى، تاعدىرلاس ورتاق تۇلعا ۇستانىمىن دارىپتەپ، ازيا - تىنىق مۇحيت ءوڭىرىنىڭ دامۋىنا بەتالىس نۇسقادى. 2020 - جىلى ءتوراعا شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىندە ازيا - تىنىق مۇحيت تاعدىرلاس ورتاق تۇلعا ۇستانىمىنىڭ باي مازمۇنىن جان - جاقتى تەرەڭدەي بايىمداپ، ازيا - تىنىق مۇحيت ءوڭىرىنىڭ بولاشاق دامۋىنا ايقىن بەتالىس كورسەتتى. وسى رەتكى ماجىلىستە ءتوراعا شي جينپيڭ ازيا - تىنىق مۇحيت تاعدىرلاس ورتاق تۇلعا ۇستانىمىنان جازباي، ىندەتكە قارسى اتتانۋداعى ىنتىماقتى، سەلبەستىكتى كۇشەيتىپ، سىن - سايىسقا بىرگە توتەپ بەرۋدى بەلسەنە دارىپتەپ، ىندەت ءبىزدىڭ ءبىر جەر شارى قىستاعىندا تۇرمىس كەشىرىپ جاتقاندىعىمىزدى، ءار ەلدىڭ قۋانىش - قايعىسى ورتاق، تاعدىرلاس ەكەندىگىن تاعى ءبىر رەت دالەلدەگەندىگىن اتاپ كورسەتتى. ءبىز، ءسوز جوق، قول ۇستاسا قۇلشىنىپ، ۋاقىتتىق قيىنشىلىقتى بىرگە جەڭىپ، ادامزاتتىڭ سالاماتتىعىن، تاماشا بولاشاعىن بىرگە قورعاۋىمىز كەرەك.
ءتوراعا شي جينپيڭنىڭ ماڭىزدى ءسوزى ازيا - تىنىق مۇحيت ءوڭىرىنىڭ دامۋ اۋقىمىنا سايكەسىپ، ءىرى ەل كوسەمىنىڭ الەم حالقىن كوكەيىندە ساقتاعان وسكەلەڭ سۇيىسپەنشىلىگىن قامتىپ، جۇڭگونىڭ ازيا - تىنىق مۇحيت ءوڭىرى مەن دۇنيە جۇزىمەن قيىن - قىستاۋدا بىرگە وتكەرەتىن، ۋاقىتتىق قيىنشلىقتى بىرگە جەڭەتىن شىنايى تىلەگىن ايگىلەپ، جۇڭگونىڭ ازيا - تىنىق مۇحيت ءوڭىرىنىڭ سەلبەسىپ قۇرۋشىسى جانە ۇلەس قوسۋشىسى رەتىندەگى ءىرى ەل جاۋاپكەرشىلىگىن كورنەكتىلەندىردى، ءار جاقتىڭ بەلسەندى باعاسىنا جانە كەڭ كولەمدى قۇپتاۋىنا يە بولدى. ماجىلىستە جاريالانعان باسشىلار جارناماسىندا ازيا - تىنىق مۇحيت ورتاق تۇلعاسىن قۇرۋ نىساناسى تاعى دا باسا دارىپتەلىپ، ءتوراعا شي جينپيڭنىڭ ازيا - تىنىق مۇحيت تاعدىرلاس ورتاق تۇلعاسىن قۇرۋ ۇستانىمى جونىندەگى كەلەلى ساياساتتىق قۋاتتاماسىن بەلسەنە، تولىق بەينەلەدى.
ءۇشىنشى، ىنتىماق، سەلبەستىك ۇلى تۋىن بيىك ۇستاپ، ازيا - تىنىق مۇحيت ءوڭىرىنىڭ ىندەتكە قارسى اتتانۋ سەلبەستىگىن جەبەۋگە جەتەكشىلىك ەتتى. ىندەتكە قارسى اتتانۋ − كەزەكتە ازيا - تىنىق مۇحيت ەكونوميكالىق سەلبەستىك ۇيىمىنىڭ سەلبەسۋدەگى ەڭ كوكەي تەستى مىندەتى، ۆاكسينا ىندەتتى جەڭۋدىڭ جانە ەكونوميكانى قالپىنا كەلتىرۋدىڭ پارمەندى قارۋى، سونداي - اق ءومىردى قۇتقارۋدىڭ ءۇمىتى. ءتوراعا شي جينپيڭ ماجىلىستە بىلاي دەپ باسا دارىپتەدى: جۇڭگو جاق ۆاكسينا جونىندەگى حالىقارالىق سەلبەستىگىن تەرەڭدەتىپ، ۆاكسينانىڭ وركەندەپ كەلە جاتقان ەلدەردە قولجەتىمدى بولۋىنا جانە كوتەرىمدى بولۋىنا شىنايى كەپىلدىك ەتىپ، ۆاكسينانى الەمدىك الەۋمەتتىك ونىمگە اينالدىرۋدى ۇنەمى دارىپتەپ كەلەدى. جۇڭگو جاق جاڭا تيپتى ايدارشا ۆيرۋس وكپە قابىنۋ ۆاكسيناسىنىڭ ءبىلىم مەنشىك ۇقىعىنىڭ تەكتەلمەۋىن قولدايدى، ءار جاقپەن بىرگە دۇنيە جۇزىلىك ساۋدا ۇيىمى سياقتى حالىقارالىق قۇرىلىمداردىڭ ەرتەرەك قارار شىعارۋىن ىلگەرىلەتۋدى قالايدى. جۇڭگو جاق ۆاكسينامەن قامداۋ تىزبەگىنىڭ ورنىقتىلىعىن، حاۋىپسىزدىگىن قامتاماسىز ەتۋ، شەشۋشى زاتتىق ماتەريالدار اينالىمىن جەبەۋ سياقتى سەلبەستىك دارىپتەمەلەرىنە بەلسەنە ات سالىسىپ، ءونىمدى شارالار قولدانىپ، ادامداردىڭ سالاماتتىعىنا، حاۋىپسىزدىگىنە، ءتارتىپتى تۇردە بارىس - كەلىس جاساۋىنا شىنايى كەپىلدىك ەتىپ، ءوڭىردىڭ ەكونوميكا - ساۋدا سەلبەستىگىنىڭ ەرتەرەك قالپىنا كەلۋىن ىلگەرىلەتۋدى قالايدى.
ءبىز ءتوراعا شي جينپيڭ جاريالاعان كەلەلى شارالاردى باتىل تياناقتاندىرىپ، ۆاكسينانى الەمدىك الەۋمەتتىك ءونىم ەتۋ ايبىندى ۋادەمىزدى ءىس جۇزىندىك ارەكەتىمىز ارقىلى ورىندايمىز. جۇڭگو جاق وزىندەگى كەڭ كولەمدە ۆاكسينا ەگۋ اكەلگەن سىن - سايىستى جەڭىپ، وركەندەپ كەلە جاتقان ەلدەردى 500 ميلليوننان استام ۆاكسينامەن قامدادى، الداعى 3 جىل ىشىندە تاعى 3 ميلليارد دوللارلىق حالىقارالىق كومەك كورسەتەدى، ونى وركەندەپ كەلە جاتقان ەلدەردىڭ ىندەتكە قارسى اتتانۋىن جانە ەكونوميكالىق دامۋدى قالپىنا كەلتىرۋىن قولداۋعا جۇمسايدى. جۇڭگو جاق دۇنيە جۇزىلىك دەنساۋلىق ساقتاۋ ۇيىمىنىڭ ”جاڭا تيپتى ايدارشا ۆيرۋس ۆاكسيناسىن اتقارۋ جوسپارىنا“ (COVAX) قوسىلادى ءارى ونى 110 ميلليون ۆاكسينامەن قامدايدى. بۇل جۇڭگو جاقتىڭ ادامزات تاعدىرلاس ورتاق تۇلعا ۇستانىمىنان جازباي، بۇكىل ادامزاتتىڭ دەنساۋلىق ساقتاۋ، سالاماتتىق ىستەرىنە قوسقان يگى ءىسى. شىندىق جۇڭگونىڭ بۇكىل الەمدەگى ىندەتكە قارسى اتتانۋدىڭ ەڭ سەنىمدى، ەڭ سەنىم ارتۋعا تاتيتىن ءتۇپ قازىق ەكەندىگىن دالەلدەدى.
ءتورتىنشى، الەمدىك دامۋعا نازار سالىپ، ەكونوميكانى جانداندىرۋدىڭ جۇڭگو جوباسىن العا قويدى. ىندەت دۇنيە ءجۇزىنىڭ ەكونوميكالىق دامۋىنا تەرەڭ ىقپال جاسادى. ەكونوميكانىڭ تيبىن جاڭالاپ، دارەجەسىن ءوسىرۋدى قالاي ىلگەرىلەتۋ، ەكونوميكانىڭ باياندى جاندانۋىن قالاي جۇزەگە اسىرۋ − ازيا - تىنىق مۇحيت وڭىرىندەگى ءار جاق ءدوپ كەلگەن كەلەلى تاقىرىپ. الەمدەگى نەگىزگى ەكونوميكالىق تۇلعالاردىڭ ءبىرى رەتىندە، جۇڭگو ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتتى، ەكونوميكاسى ءۇرتىس، ورنىقتى ارتىپ، الەمدىك ەكونوميكانى ورنىقتىراتىن تىرەكتى كۇشكە اينالدى. ءتوراعا شي جينپيڭ ازيا - تىنىق مۇحيت ءوڭىرى مەن دۇنيە ءجۇزى ەكونوميكاسىنداعى ”تۇيىنشەكتەردى“ دالمە - ءدال يگەرىپ، ەكونوميكانىڭ جاندانۋىن ىلگەرىلەتەتىن ءبىر قىدىرۋ جۇڭگو جوباسىن العا قويدى.
ءتوراعا شي جينپيڭ بىلاي دەپ اتاپ كورسەتتى: وڭىرلىك ەكونوميكانىڭ ءبىر تۇلعالانۋىن تەرەڭدەتىپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتۋ كەرەك. داۋال سوقپاۋ، قايتا داۋالدى شاعۋ، وڭاشالانباۋ، قايتا اشىق ۇستاۋ، الشاقتاماۋ، قايتا توعىسۋ كەرەك، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا بىردەي، تەپە - تەڭ بولۋ، بىرگە يگىلىككە كەنەلۋ بەتالىسىنا قاراي دامۋىنا جەتەكشىلىك ەتۋ كەرەك. ازيا - تىنىق مۇحيت ەكونوميكالىق سەلبەستىك ۇيىمىنىڭ ۇلاستىرۋ، تۇتاستىرۋ جوباسىن جاپپاي تياناقتاندىرىپ، وڭىرلىك ەكونوميكانىڭ ءبىر تۇلعالانۋىن ىلگەرىلەتىپ، جوعارى دەڭگەيدەگى ازيا - تىنىق مۇحيت ەركىن ساۋدا رايونىن ەرتەرەك قۇرىپ شىعۋ كەرەك.
ءتوراعا شي جينپيڭ بىلاي دەپ باسا دارىپتەدى: سيىسىمدى، باياندى دامۋعا تاباندى بولىپ، تاماشا ەكولوگيالىق ورتانى بۇكىل الەمنىڭ ەكونوميكاسىنىڭ، قوعامىنىڭ باياندى دامۋىنىڭ ماڭىزدى تىرەگىنە اينالدىرىپ، جاسىل ارتۋدى جۇزەگە اسىرۋ كەرەك. جۇڭگو جاق كليمات وزگەرىسىنە توتەپ بەرۋگە وسكەلەڭ ءمان بەرىپ، 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋعا، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا كۇش سالادى. جۇڭگو جاق ازيا - تىنىق مۇحيت ەكونوميكالىق سەلبەستىك ۇيىمىنىڭ باياندى دامۋ سەلبەستىگىن ورىستەتۋىن قولدايدى. ەكونوميكالىق، تەحنيكالىق سەلبەستىكتى كۇشەيتىپ، سيىسىمدى ساۋدا قارجى قوسۋىن جەبەپ، ورتا، شاعىن كاسىپورىنداردىڭ دامۋىن قولداپ، ايەلدەر سياقتى ءالسىز قاۋىمداردى سۇيەمەلدەۋ تەبىنىن ارتتىرىپ، مۇلدەم كەدەيلىكتى جويۋ تاجىريبەسىن بىرگە ءبولىسىپ، 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا قۇلشىنادى.
ءتوراعا شي جينپيڭ بىلاي دەپ اتاپ كورسەتتى: عىلىم - تەحنيكادا جاڭالىق اشۋ ورايىن يگەرۋ كەرەك. الەمدىك سيفرلى ەكونوميكا − اشىق ءارى تىعىز بايلانىسقان تۇتاس تۇلعا، سەلبەسىپ تەڭ يگىلىككە كەنەلۋ − بىردەن - ءبىر دۇرىس جول. تۇيىقتاۋ، وزگەلەردى قاقپايلاۋ، قاراما - قارسى قويۋ، بولشەكتەۋ تەك تىعىرىققا تىرەيدى. ازيا - تىنىق مۇحيت ەكونوميكالىق سەلبەستىك ۇيىمىنىڭ ينتەرنەت جانە سيفرلى ەكونوميكالىق جول كارتاسىن جالپى بەتتىك، بىركەلكى تياناقتاندىرىپ، سيفر نەگىزدىك قۇرىلعى قۇرىلىسىن كۇشەيتىپ، جاڭا تەحنيكانىڭ تارالۋى مەن قولدانىلۋىن جەبەپ، اشىق، ءادىل، كەمسىتپەيتىن سيفرلى شارۋاشىلىق - ساۋدا ورتاسىن قۇلشىنا قۇرۋ كەرەك.
بەسىنشى، نازاردى ناقتى سەلبەستىككە شوعىرلاندىرىپ، جۇڭگو كۇشىن بەلسەنە ارنادى. ءتوراعا شي جينپيڭ بىلتىر ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىندە ازيا - تىنىق مۇحيت ەكونوميكالىق سەلبەستىك ۇيىمىنىڭ ناقتى سەلبەستىگىن جەبەۋ جونىندە ءبىر قىدىرۋ كەلەلى دارىپتەمەلەرىن جاريالادى. ءبىز قاتىستى دارىپتەمەلەردىڭ تياناقتانۋىن بەلسەنە ىلگەرىلەتىپ، سيفرلى كەدەيلىكتى ازايتۋ زەرتتەۋ - تالقى ءماجىلىسىن ءساتتى وتكىزىپ، سيفرلى تەحنيكا ارقىلى ىندەتكە قارسى اتتانۋ، زەردەلى قالا، سيىسىمدى ساۋدا قارجى قوسۋى سياقتى نىسانداردى ورىنداپ، ازيا - تىنىق مۇحيت وڭىرىندەگى باسقا دا مۇشەلەردىڭ ىندەت ىقپالىن جويۋىنا كومەك كورسەتۋگە جۇڭگو تاجىريبەسىن، جۇڭگو اقىل - پاراساتىن ۇسىنىپ، ءار جاقتىڭ كەڭ كولەمدى قولداۋى مەن جاپپاي القاۋىنا يە بولدىق.
ءتوراعا شي جينپيڭ وسى رەتكى ماجىلىستە جۇڭگو جاقتىڭ ازيا - تىنىق مۇحيت ءوڭىرىنىڭ ىندەتكە قارسى اتتانۋ جانە ەكونوميكانى جانداندىرۋ سەلبەستىگىنە ونان ارى قولداۋ كورسەتۋ ماڭىزدى دارىپتەمەسىن العا قويدى، ول ازيا - تىنىق مۇحيت ەكونوميكالىق سەلبەستىك ۇيىمىنا قارجى اتاپ، ”ىندەتكە توتەپ بەرۋ جانە ەكونوميكانى جانداندىرۋ“ قوسالقى قورىن قۇرۋدى جاريالاۋ، سيفرلى قابىلەت قۇرىلىسى زەرتتەۋ - تالقى ءماجىلىسىن وتكىزۋ، سيفرلى تەحنيكانى ىلگەرىلەتىپ، ساياحاتتىڭ جاندانۋىنا كۇش ۇستەۋ سياقتى سەلبەستىك دارىپتەمەلەرىن قامتيدى. جۇڭگو جاق ازيا - تىنىق مۇحيت وڭىرىندەگى ءار جاقپەن بىرگە وسى دارىپتەمەلەردى ويداعىداي تياناقتاندىرىپ، ازيا - تىنىق مۇحيت ەكونوميكالىق سەلبەستىك ۇيىمىنىڭ قاتىستى سالالارىنداعى ناقتى سەلبەستىكتى اناعۇرلىم ىلگەرىلەتىپ، ازيا - تىنىق مۇحيت وڭىرىندەگى ءار جاقتىڭ ىندەتكە قارسى اتتانۋىنا جانە ەكونوميكانى جانداندىرۋىنا كومەكتەسەدى.
ما چاۋشۇي بىلاي دەدى: جاڭا ساپاردا قايراتتانىپ، جەلكەن جايىپ تاعى دا اتتانايىق. ءبىز شي جينپيڭ جاڭا ءداۋىر جۇڭگوشا سوتسياليزم يدەياسى مەن شي جينپيڭنىڭ ديپلوماتيا يدەياسىن جەتەكشى ەتىپ، بەيبىتشىلىك، دامۋ، سەلبەستىك، بىرگە يگىلىككە كەنەلۋ تۋىن بيىك ۇستاپ، ازيا - تىنىق مۇحيت وڭىرىندەگى ءار جاقپەن بىرگە ىندەتكە قارسى اتتانۋ جانە ەكونوميكالىق سەلبەستىكتى تەرەڭدەتىپ، حالىقارالىق قوعامنىڭ ىندەتتى ەرتەرەك جەڭۋىن ىلگەرىلەتۋگە، ەكونوميكانىڭ باياندى جاندانۋىن جۇزەگە اسىرۋعا، ادامزات تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسامىز.
