اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، بۇكىل رايوننىڭ ەكونوميكالىق اينالىم قىزمەتىن اقىلداستى
پارتيا قۇرىلعاندىعىنىڭ 100 جىلدىعىن قۇتتىقتاۋ قيمىلىنىڭ جەتىستىكتەرىن ۇزدىكسىز تەرەڭدەتىپ، كەڭەيتىپ، جاڭا دامۋ ۇستانىمىن دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك
چىن چۋانگو ءماجىلىستى باسقاردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 17 - كۇنى ۇرىمجىدەن حابارلايدى. 7 - ايدىڭ 17 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىن قورىتىندىلاۋ بايانداماسىن ارناۋلى تىڭداعاندا سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى؛ الدىڭعى جارتى جىلداعى بۇكىل رايوننىڭ ەكونوميكالىق اينالىم جاعدايىنان جاسالعان مالىمەتتى تىڭداپ، بۇكىل رايوننىڭ ەكونوميكالىق اينالىم قىزمەتىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلى تولىق تابىسقا قول جەتكىزىپ، 100 جىلدىق ءىرى پارتيانىڭ عاسىرلىق كەلبەتىن، جالىندى جىگەرىن، اسقاق كۇرەس ارىنىن تولىق ايگىلەپ، بۇكىل ەلدەگى ءار ۇلت حالقىنىڭ بۇلجىماستان پارتيانىڭ سوزىنە قۇلاق اسىپ، اينىماس مۇراتتان جازباي پارتياعا ىلەسۋ بەكىمى مەن سەنىمىن ونان ارى كۇشەيتىپ، بارلىق جۇڭحۋا ۇلاندارىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى اسىل ارمان، اسقاق جىگەرىن بارىنشا تاسقىنداتتى. باس شۋجي شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە قۇتتىقتاۋ قيمىلىن قورىتىندىلاۋ بايانداماسىن ارناۋلى تىڭداعاندا سويلەگەن ماڭىزدى سوزىندە قۇتتىقتاۋ قيمىلىنىڭ دايىندىق قىزمەتتەرىن تولىق تۇراقتاندىرىپ، قۇتتىقتاۋ قيمىلىنىڭ جەتىستىكتەرىن تەرەڭدەتۋ جانە كەڭەيتۋ جونىندە ايقىن تالاپ قويدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ قۇتتىقتاۋ قيمىلى كەزىندە سويلەگەن ماڭىزدى ءسوزىنىڭ، اسىرەسە، ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، مۇنى پارتيا تاريحىن ۇيرەنۋ تاربيەسىنىڭ وزەكتى مازمۇنى ەتىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتىپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ يدەياسى مەن ارەكەتىن پارتيا ورتالىق كوميتەتىنىڭ رۋحىمەن ونان ارى بىرلىككە كەلتىرۋ كەرەك. قۇتتىقتاۋ قيمىلىنىڭ جەتىستىكتەرىن جاپپاي تەرەڭدەتىپ، كەڭەيتىپ، قۇتتىقتاۋ قيمىلى تاسقىنداتقان پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ قىزۋ ىنتاسىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدەگى، تياناقتاندىرۋداعى، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەۋدەگى ءىس جۇزىندىك ارەكەتكە شىنايى اينالدىرىپ، بۇكىل رايوندا جوعارىدان تومەنگە دەيىن بىرگە ىنتىماقتاسىپ كۇرەس جاسايتىن، بىرگە گۇلدەنىپ داميتىن تەلەگەي ۇلى كۇش ۇيىستىرىپ، اناعۇرلىم بەرىك يدەيالىق سانالىلىق، ءدال دە ناقتى شارا، شىنايى يگەرىپ، ناقتى ىستەيتىن ارىن ارقىلى جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
ءماجىلىس الدىڭعى جارتى جىلداعى بۇكىل رايوننىڭ ەكونوميكالىق اينالىم جاعدايىنان بەرىلگەن مالىمەتتى تىڭدادى. ءماجىلىس مىنالاردى اتاپ كورسەتتى: الدىڭعى جارتى جىلدا بۇكىل رايوننىڭ ەكونوميكاسى ورنىقتى ارتىپ، ونىمدىلىگى ۇزدىكسىز جوعارىلاپ، 3 - كاسىپ سالاسى سايكەستى دامىپ، جۇمىستاندىرۋ جاعدايى جاقسارىپ، قارجى قوسۋ تەبىندىلىگىن ساقتاپ، حالىق تۇرمىسى ۇزدىكسىز جاقسارىپ، شارۋاشىلىق - ساۋدا ورتاسى ۇزدىكسىز ساپالىلانىپ، جالپى تۇلعالىق جاقتان جاقسارعان اۋقىم جارىققا شىعىپ، ”14 - بەسجىلدىقتا“ تاماشا باستاما اشۋ جۇزەگە اسىرىلدى. ءماجىلىس مىنالاردى باسا دارىپتەدى: سوڭعى جارتى جىلداعى ەكونوميكالىق قىزمەتتى ويداعىداي ىستەۋ ءۇشىن، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى قوزعاۋشى كۇش ەتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكانىڭ جوعارى ساپالى دامۋىن ىلگەرىلەتىپ، تۇتاس جىلداعى نىسانا - مىندەتتەردىڭ ورىندالۋىنا شىنايى كەپىلدىك ەتۋ كەرەك. جاڭا دامۋ ۇستانىمىنا تاباندى بولىپ، جاڭا دامۋ ارناسىنا قىزمەت وتەۋدىڭ جانە توعىسۋدىڭ ورنى مەن كىرىسۋ ءتۇيىنىن ءدال تاۋىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭالىق اشۋ ارقىلى دامۋعا دەم بەرۋدى كۇشەيتىپ، ”التىنى ورنىقتىرۋ“، ”التىنى قامتاماسىز ەتۋ“ مىندەتىن جاپپاي دايەكتىلەندىرىپ، وسىزاماندانعان ەكونوميكا جۇيەسىن قۇرۋدى جەدەلدەتۋ كەرەك. كاسىپ سالالارىنىڭ سايكەستى دامۋىن ىلگەرىلەتىپ، ەرەكشە، باسىمدىققا يە كاسىپ سالالارىن جەتىلدىرىپ، زورايتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋ مەن تيبىن وزگەرتىپ، دارەجەسىن جوعارىلاتۋدى ىلگەرىلەتىپ، وسى زامانعى قىزمەت وتەۋ كاسىبىن زور كۇشپەن دامىتىپ، قىزمەت وتەۋ كاسىبىنىڭ كاسىپ سالاسى قۇرىلىمىن جاپپاي ساپالىلاندىرىپ، 1 -، 2 -، 3 - كاسىپ سالالارىنىڭ توعىسا دامۋىن جەبەۋ كەرەك. نىسان قۇرىلىسىن كورنەكتىلەندىرە ويداعىداي يگەرىپ، ءونىمدى قارجى قوسۋدىڭ شەشۋشى رولىن ساۋلەلەندىرىپ، ساۋداگەر شاقىرىپ، قارجى ەنگىزۋ سەرپىنىن ارتتىرىپ، ءتۇيىندى نىسانداردى جەدەل قۇرۋدى، تياناقتاندىرىپ ونىمدىلىگىن كورسەتۋدى جوعارى ونىممەن ىلگەرىلەتىپ، ءبىر توپ ستراتەگيالىق جاڭادان گۇلدەنگەن كاسىپ سالالارىن مىقتى ۇستاپ ورنالاستىرىپ، ”ءبىر توبىن قۇرۋ، ءبىر توبىنىڭ جۇمىسىن باستاۋ، ءبىر توبىن زاپاس ساقتاۋ“ سىندى ۇتىمدى اينالىس قالىپتاستىرۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، ”ءتورتتى توقتاتپاۋدى“ تياناقتاندىرىپ، قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىم مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋ كەرەك. رەفورمانى جاپپاي تەرەڭدەتۋدى ىلگەرىلەتىپ، ءتۇيىندى سالالار مەن شەشۋشى بۋىندارداعى رەفورمانى تەرەڭدەتىپ، رەفورمانىڭ جۇيەلى دە شوعىرلى جانە سايكەستى دە جوعارى ءونىمدى بولۋىن كۇشەيتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، جاڭا دامۋ ومىرشەڭدىك كۇشىن قاۋلاتۋ كەرەك. ەسىك اشۋ ورەسىن ۇزدىكسىز جوعارىلاتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، شينجياڭنىڭ وزىندىك وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىگىن تۇلعالاۋ كەرەك. حالىق تۇرمىسىنىڭ ىرىس - قۇتىن كۇش سالا ارتتىرىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى ەڭ الدىمەن ويلاستىرۋدى كۇشەيتىپ، جۇمىستاندىرۋدى، شارۋاشىلىق قۇرۋدى كۇش سالا جەبەپ، حالىققا تيىمدىلىك جەتكىزۋ ينجەنەريالارىن زور كۇشپەن اتقارىپ، وقۋ - اعارتۋ ىستەرىن جەدەل دامىتىپ، ەمدەۋ قىزمەت وتەۋ ورەسىن جوعارىلاتىپ، قوعامدىق قامتاماسىزداندىرۋ جۇيەسىن كەمەلدەندىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. قالا - قالاشىقتاندىرۋ قۇرىلىسىن جەدەل ىلگەرىلەتىپ، ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، ءۇرىمجى ورتالىق قالا شەڭبەرىن جەتىلدىرىپ، سولتۇستىك شينجياڭ قالا بەلدەۋىن قۇرىپ، وڭتۇستىك شينجياڭ قالا شوعىرىن تۇلعالاپ، قالانىڭ دامۋ ارناسىن كەمەلدەندىرىپ، قالا مەن اۋىلدىڭ توعىسا دامۋىن ىلگەرىلەتۋ كەرەك. ەكولوگيالىق ورتانى قورعاۋدى كۇشەيتىپ، جاسىل تاۋ، تۇنىق سۋ − باعالى بايلىق ۇستانىمىن بەرىك ورناتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ مەن كومىر قىشقىل گازىن بەيتاراپتاندىرۋدى ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا ەنگىزىپ، تاۋ، سۋ، ورمان، اتىز، كول، جايلىم، ءشول، مۇزدىق جۇيەسىن جونگە سالۋدى ءبىر تۇتاس جوسپارلاپ، بايتاق كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. قازىنا - سالىق، فينانس قىزمەتىن ويداعىداي ىستەپ، قازىنا - سالىق، فينانس تىرەگىن كۇشەيتىپ، قازىنالىق شىعىس قۇرىلىمىن ساپالىلاندىرىپ، جالپىعا ءتيىمدى فينانستىق قىزمەت جۇيەسىن كەمەلدەندىرىپ، فينانستىڭ ناقتى ەكونوميكاعا قىزمەت وتەۋ قۋاتىن ۇزدىكسىز كۇشەيتۋ كەرەك. شىن مانىندە تاماشا ورتا قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى تۇردە ويداعىداي ىستەپ، ەكونوميكانىڭ، قوعامنىڭ جوعارى ساپالى دامۋىنا تاماشا ورتا قالىپتاستىرۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي يفي، ياڭ چىڭ، شۇي حايرۇڭ، سارقىت اقان، تيان شياڭلي، چىن ۋيجۇن قاتارلىلار ماجىلىسكە قاتىناستى.
