□ اقسۋ قالاسى ليۋيۋان ەگىس الاڭىنداعى ماقتاشى اسقار يمامنياز
H&M قاتارلى شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندى سىلتاۋ ەتىپ، شينجياڭ ماقتاسىن شەكتەدى، مەن بۇعان باتىل قارسى تۇرامىن جانە مۇنى قاتاڭ جازعىرامىن.
وتباسىمىز ەجەلدەن ماقتا ەگىپ كەلەدى، مەن اقسۋ قالاسى ليۋيۋان ەگىس الاڭى اۋماعىن باسقارۋ كوميتەتى رۇيفىڭ قىستاعىندا 1100 مۋ جەرگە ماقتا ەكتىم. بيىلعى كوكتەمگى ەگىستەن بەرى 5 جۇمىسشىنى جالداپ، ولارمەن جۇمىسشى ىستەتۋ توقتامىن جاساسىپ، ولاردى جاتىن ورىنمەن، قاتىناس قۇرالدارىمەن، تۇرمىستىق تۇتىنۋ بۇيىمدارىمەن قامداپ، ەڭبەكاقىلارىن اي سايىن دەر كەزىندە تاراتىپ تۇردىم. مەندە 2 جەر جىرتۋ ماشيناسى، ءبىر تۇقىم سەبۋ ماشيناسى بار، تۇتاس ماقتا اتىزىندا جەر جىرتۋدان، تىڭايتقىش بەرۋدەن تۇقىم سەبۋگە دەيىن تۇگەلدەي ماشينالاسقان، تەك قوسىمشالاي ەگۋ سياقتى ازىن - اۋلاق جۇمىستاردى عانا ادام كۇشىمەن ىستەۋگە تۋرا كەلەدى. جۇرتتىڭ بارلىعى ەڭبەككە ءوز ەركىمەن قاتىناسىپ وتىر، قايدان كەلگەن ”زورلاۋ“ بولسىن؟
امەريكاداعى، باتىستاعى جۇڭگوعا قارسى كۇشتەر شينجياڭ ماقتاسىن وندىرۋدەن، تەرۋدەن مۇلدە بەيحابار، ايتىلمىس ”زورلىقپەن ەڭبەككە سالدى“ دەگەن وسەك - اياڭدى نەگىزسىز ويدان قيىستىرىپ وتىر. شينجياڭ ماقتاسىن داتتاۋعا، وعان كۇيە جاعۋعا جول بەرمەيمىز. ءبىز شينجياڭداعى ءار ۇلت ءبىر ءۇيلى جانداي بەرەكەلىمىز، مۇنداي قيسىنسىز شاتپاققا الجاسپايمىز.
