انار بۇلت / شينجياڭ گازەتىنىڭ ءتىلشىسى شى شين
قىش ىدىس، باكى مادەنيەت جاسامپازدىعى كاسىپ سالاسى باقشاسى قۇرىلىسى جەدەل دامىدى؛ داۋاز بەيزاتتىق مادەني مۇرالارىن جالعاستىرۋ ورتالىعى مەن جي - نيڭ سەرىك ويىنى ءشارىسى قول ۇستاسا سەلبەستى... ”باكى مەكەنى“، ”داۋاز مەكەنى“ دەگەن تاماشا اتى بار يىڭىسار اۋدانىنىڭ شاندۇڭ ولكەسى جينان قالاسىنىڭ باعىتتامالى كومەك كورسەتىپ دەم بەرۋىندە، ەرەكشە مادەنيەت، ساياحات كاسىپ سالاسىنىڭ دامۋى تەبىندى بولىپ، ”باقىتتى يىڭىسار“ ماركاسىنىڭ ىقپال كۇشى كۇن سايىن ارتا ءتۇستى.
تيانشان الابىنا كوز جىبەرسەك، مۇنداي كاسىپ سالاسى بويىنشا شينجياڭعا كومەكتەسۋ مىسالدارى تولىپ جاتىر. 7 - رەتكى مەملەكەتتىك شينجياڭعا باعىتتامالى كومەكتەسۋ قىزمەت ماجىلىسىنەن بەرى، شينجياڭعا كومەكتەسۋشى ءارقايسى ولكە، قالالار كاسىپ سالاسىن دامىتۋدى شينجياڭنىڭ ”قان جاساۋ“ يقۋاتىن كۇشەيتۋدىڭ، باياندى دامۋدى جۇزەگە اسىرۋدىڭ ءتۇبىرلى جولى ەتۋگە تاباندى بولىپ، شينجياڭعا كومەكتەسۋ قارجىسىن جيناقتاپ ورنالاستىرىپ، ساۋداگەر شاقىرىپ، قارجى ەنگىزۋگە، ولشەمدى زاۆود ۇيلەرى مەن باقشا رايونى نەگىزدىك قۇرىلعى قۇرىلىسىنا ءتۇيىندى تۇردە جۇمساپ، كومەك العان جەرلەردىڭ جەرگىلىكتى ەرەكشە ابزال كاسىپ سالاسىن دامىتۋىنا قولداۋ كورسەتتى.
كاسىپ سالاسىنىڭ كوركەيۋى كومەك العان جەرلەردىڭ كاسىپ سالاسى قۇرىلىمىنىڭ ساپالىلانىپ رەتتەلۋىن، بۇقارانىڭ جۇمىستانىپ، كىرىستى ارتتىرۋىن ىلگەرىلەتىپ، دامۋدىڭ ىشكى قوزعاۋشى كۇشىن قاۋلاتتى.
ەگىن، مال شارۋاشىلىعىنىڭ ساپاسىنىڭ جوعارىلاپ، ونىمدىلىگىنىڭ ارتۋىن ىلگەرىلەتتى
7 - ايدىڭ 16 - كۇنى اقتاۋ اۋدانى پىلال اۋىلىنىڭ ۇلگى كورسەتۋ اتىزىندا جايقالا وسكەن كۇرىش ادامدى شاتتاندىرادى.
تاياۋدا جياڭشي ولكەلىك اۋىل شارۋاشىلىق عىلىم اكادەمياسى كۇرىش زەرتتەۋ ورنىنىڭ باستىعى، جياڭشيدىڭ كۇرىش ءوسىرۋ جەتەكشى مامانى يىن جيانحۋا ماماندار توبىن باستاپ وسى اراعا كەلىپ، اۋىل شارۋاشىلىعى وندىرىسىنە جەتەكشىلىك ەتتى ءارى اقتاۋ اۋدانىنىڭ كۇرىش ەگىمشىلىگىنەن ۇلگى كورسەتۋ، جالپىلاستىرۋ نىسانىنا قول قويۋ سالتىنا قاتىناستى.
اقتاۋ اۋدانىنىڭ كۇرىش ەگىمشىلىگى ەرەكشەلىگىن تياناق ەتىپ، جياڭشي ولكەسىنىڭ شينجياڭعا كومەكتەسۋ قولباسشىلىق شتابى اۋىل شارۋاشىلىعى ەگىمشىلىگى، تەحنيكالىق باسقارۋ ابزالدىلىعىن ساۋلەلەندىرىپ، ”اقتاۋ اۋدانىندا ساپالى، جوعارى قارسىلىق قۋاتقا يە كۇرىش سورتىن ەنگىزۋ، سۇرىپتاۋ جانە جوعارى ءتۇسىمدى ۇلگى كورسەتۋ“ بويىنشا شينجياڭعا كومەكتەسۋ نىسانىن اتقارىپ، جەرگىلىكتى ورىندا كۇرىشتىڭ مۋلىق ءتۇسىمىن 300 كيلوگرام اينالاسىنان 750 كيلوگرامنىڭ ۇستىنە شىعاردى. الدىڭعى مەرزىمدە العاشقى ونىمدىلىككە قول جەتكىزۋ نەگىزىندە، بيىل جياڭشي ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى كۇرىش ەگىمشىلىگىن تۇڭعىش رەت بارىن اۋىلىنا، پىلال اۋىلىنا دەيىن كەڭەيتىپ، 1000 مۋلىق ۇلگى كورسەتۋدى اتقاردى.
نىسان اتقارۋ جاعىندا، جياڭشيدىڭ شينجياڭعا كومەكتەسەتىن اۋىل شارۋاشىلىق ماماندارى اقتاۋ اۋدانىنىڭ تابيعي جاعراپيالىق ابزالدىلىعىنان پايدالانىپ، كۇرىش سورتىنىڭ قۇرىلىمىن اناعۇرلىم ساپالىلاندىرىپ، كومەك العان جەرلەرمەن بىرگە كۇرىش كاسىبى سالاسىن ويداعىداي دامىتتى؛ كۇرىش مادەنيەتى كەشەنىن تۇلعالاپ، ءبىر قىستاقتا ءبىر مادەنيەت نەگىزگى تاقىرىبى بولۋ نىساناسى ارقىلى اۋىل شارۋاشىلىعىنىڭ، مادەنيەتتىڭ، ساياحاتتىڭ توعىسپالى دامۋىن ىلگەرىلەتىپ، كۇرىش كاسىپ سالاسى يگىلىگىنىڭ مولىنان جارىققا شىعۋىنا مۇمكىندىك جاسادى.
كاسىپ سالاسى − دامۋدىڭ نەگىزى. شينجياڭعا كومەكتەسەتىن ءارقايسى ولكە، قالالار كومەك العان جەرلەردىڭ بايلىق ەرەكشەلىگىنە، وڭىرلىك ورىن شارت - جاعدايىنا، كاسىپ سالاسى نەگىزىنە ساي، تيانشان الابىنىڭ كەڭ - بايتاق دالاسىندا ەگىن، مال شارۋاشىلىعىنىڭ ساپاسىنىڭ جوعارىلاپ، ونىمدىلىگىنىڭ ارتۋىن كۇش سالا ىلگەرىلەتىپ، ەگىنشى - مالشىلاردىڭ ءونىمدى، كىرىستى ارتتىرۋىنا دەم بەردى.
ەڭبەك شوعىرلانعان كاسىپ سالاسىن دامىتتى
كاسىپ سالاسىن دامىتۋدا تەتىكتى مىقتى يگەرۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرۋدىڭ تەتىگى − كاسىپ سالاسى جانە جۇمىستاندىرۋ. كومەك كورسەتۋشى ءارقايسى ولكە، قالالار كاسىپ سالاسىن ەنگىزۋگە جانە جەتىلدىرۋگە ايرىقشا باسا ءمان بەرىپ، توقىماشىلىق، كيىم - كەشەك، ەلەكتروندى ونىمدەردى قۇراستىرۋ سياقتى ەڭبەك شوعىرلانعان كاسىپ سالاسىن بار كۇشپەن دامىتىپ، بۇقارانى جاقىن ماڭدا، سول جەردە جۇمىستانۋعا جەتەكتەدى.
جۇڭگو گۇما سيفرلى ەكونوميكا كاسىپ سالاسى باقشاسىنا ورنالاسقان حوتان شيەيىڭ ينتەرنەت عىلىم - تەحنيكا شەكتى سەرىكتەستىگىندە قىزمەتكەرلەر قاتار - قاتار تىزىلگەن كومپيۋتەر ۇستەلىنىڭ الدىندا جۇمىس جۇرگىزۋدە، كوزدەرىنەن سيفرلى كاسىپ سالاسىنا دەگەن قاباعات قىزىعۋ جانە ىنتىزارلىق مەن مۇندالايدى.
امانگۇل ابىليكىم گۇما اۋدانى قوستاۋ قالاشىعىندا تۇرادى، قىزمەتكە قابىلدانعان بىرنەشە ايدان بەرى سەرىكتەستىكتىڭ كاسىپتىك تىرەكتىسىنە اينالدى. ”جاڭادان كەلگەن كەزىمدە ەشتەمە تۇسىنبەۋشى ەدىم، تاربيەلەنۋ جانە ۇيرەنۋ ارقىلى قازىر قيىندىق دەڭگەيى ءبىرشاما زور، ءبىرشاما كۇردەلى قىزمەتتەردى ىستەي الاتىن بولدىم، مىسالى، بەت الپەت تانۋ، شوفەرسىز جۇرگىزۋ، ت. ب. ءار ايلىق ەڭبەكاقىم دا 2000 نەشە يۋاننان 3000 نەشە يۋانعا ارتتى“، - دەدى امانگۇل ابىليكىم ماقتانىشپەن.
شينجياڭنىڭ بايتاق دالاسىندا تالايلاعان كاسىپ سالاسى جاعىنان شينجياڭعا كومەكتەسۋ نىساندارىنىڭ تياناقتانۋىنا ىلەسە، تالاي - تالاي وسىزاماندانعان ونەركاسىپ باقشا رايونى سالىندى، امانگۇل ابىليكىم سياقتى كوپتەگەن ەگىنشى - مالشىلار وسى زامانعى كاسىپ سالاسى جۇمىسكەرىنە اينالىپ، ەكونوميكالىق، قوعامدىق دامۋعا جاڭا قان قوستى.
بايلىق باسىمدىعى دامۋ باسىمدىعىنا اينالدى
شىجىعان ىستىق كۇندە توقسۋ اۋدانى ءىشارىق قالاشىعى يانداق قىستاعىنداعى ەگىنشى احات قاسىم شىلان باعىنا بارىپ، ىعى - جىعى وسكەن بۇتاقتاردى دەن قويا كەسىپ جاتتى. ”شينجياڭعا كومەكتەسۋشى كادرلاردىڭ بولعانى قانداي جاقسى بولدى، ويتپەگەندە ءبىزدىڭ وسى جەل وتىندەگى جەرىمىزدەن قايداعى جاقسى ءتۇسىم بولسىن!“.
جىجياڭ ولكەسىنىڭ شينجياڭعا كومەكتەسۋ قولباسشىلىق شتابىنىڭ كەلۋىمەن وسى جەل وتىندەگى ەگىنجاي ”10 قالا، 100 دۇكەن“ ينجەنەرياسىنىڭ يگىلىگىنە قول جەتكىزدى.
كومەك العان جەرلەردىڭ بازار اشۋىنا كومەكتەسۋ قارجى بەرۋدەن، نىسان بەرۋدەن دە اناعۇرلىم ءونىمدى بولادى.
جىجياڭ ولكەسىنىڭ شينجياڭعا كومەكتەسۋ قولباسشىلىق شتابى كومەك العان جەردىڭ 4 ميلليون 500 مۋ جەمىس ورمانىنا، اۋىل شارۋاشىلىعى ەرەكشە ونىمدەرى بازاسى بايلىعىنا ارقا سۇيەپ، جىجياڭ بازارىنىڭ دامۋ باسىمدىعىن ساۋلەلەندىرىپ، جەلىدە، جەلىدەن تىس بىرلەسىپ ارەكەتتەنىپ، بازار جاعىنان شينجياڭعا كومەكتەسۋدىڭ ”10 قالا، 100 دۇكەن“ ينجەنەرياسىن توقتاۋسىز ىلگەرىلەتىپ، كومەك العان جەردىڭ ابزال اۋىل شارۋاشىلىق ونىمدەرىنىڭ ”ساتىپ شىعارىلۋىن“، ”جاقسى باعادا ساتىلۋىن“، ”جىجياڭعا ساتىلۋىن“، ”بۇكىل ەلگە ساتىلۋىن“ ىلگەرىلەتتى.
2020 - جىلدىڭ سوڭىنا دەيىن ”10 قالا، 100 دۇكەن“ ساتۋ دۇكەنى (تەرمينال) جىجياڭداعى 11 ايماق دارەجەلى قالانى جانە باستى اۋدانداردى (قالا، رايون) قامتىپ، ”100 قالا، 1000 دۇكەن“ دارەجەسىنە كوتەرىلىپ، جالپى 1239 دۇكەن (تەرمينال) قۇرىلدى؛ سيفردىڭ كۇشەيتۋ ونىمدىلىگى اناعۇرلىم كورنەكتىلەنىپ، ينتەرنەت جەلىسى دۇكەنىنەن 57سى قۇرىلدى. 2020 - جىلى اۋىل شارۋاشىلىق ونىمدەرىنەن 236 مىڭ توننا ساتىلىپ، ساتىلۋ سوماسى 3 ميلليارد 580 ميلليون يۋان بولدى.
كاسىپ سالاسى جاعىنان شينجياڭعا كومەكتەسۋدە ساياحاتتى الدىمەن جولعا قويدى. شينجياڭعا كومەكتەسۋشى ءارقايسى ولكە، قالالار ورنىقتىلىق پايداسىنىڭ ءۇرتىس جارىققا شىعۋ ورايىن مىقتى يگەرىپ، شينجياڭنىڭ وزگەشە ساياحات بايلىعى باسىمدىعىنان ويداعىداي پايدالانىپ، ۇشاق جالداۋ، ارناۋلى كەزەكشى پويەزبەن ”جولاۋشىلاردى شينجياڭعا جەتكىزۋ“، كومەك العان جەرلەردىڭ ساياحات جوباسىن جاساۋىنا كومەكتەسۋ، ساياحات الەۋمەتتىك نەگىزدىك قۇرىلعىلارىن كەمەلدەندىرۋ، ساياحات سارا جەلىسىن ۇسىنۋ سياقتى فورمالارمەن ”شينجياڭ جاقسى جەر“ ماركاسىن تۇلعالاۋعا دەم بەرىپ، شينجياڭنىڭ ساياحات كاسىبىنىڭ جوعارى قارقىندى دامۋدىڭ جەدەل ارناسىنا ءتۇسۋىن ىلگەرىلەتتى.
ءوز قابىلەتىن، كومەك العان جەردىڭ قاجەتىن تياناق ەتىپ، كاسىپ سالاسىنىڭ ساپالى ورنالاستىرۋىنا جەتەكشىلىك ەتۋگە باسا ءمان بەرىپ، كاسىپ سالاسى تۇعىرىن ءتۇيىندى قۇرۋدى كورنەكتىلەندىرىپ، باعىتتامالى سەلبەستىكتى تەرەڭدەتتى... جاڭا كەزەكتى شينجياڭعا باعىتتامالى كومەكتەسۋ امالياتى بارىسىندا ورتالىق پەن مەملەكەت ورگاندارىنان، ورتالىققا قاراستى كاسىپورىنداردان، 19 ولكە، قالادان كەلگەن شينجياڭعا كومەكتەسۋشى كۇشتەر تيانشان الابىنا كوكتەمگى تاسقىنداي جوڭكىلە كىرىپ، ادامدى شاتتاندىراتىن وزگەرىستەر اكەلدى. تاۋ - وزەندەردى اسىپ توعىسقان تىلەكتەر، ءسوز جوق، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ەڭ تاماشا ىزدەردى قالدىرادى.
