اۆتونوميالى رايون قۇربان ايت مەرەكەسى شاي ءماجىلىسىن وتكىزدى
چىن چۋانگو ءسوز سويلەدى، سىمايىل تىلەۋالدى، ابىلەت ابدىرەشيت ۇسىنىس بويىنشا قاتىناستى
شوكىرات زاكىر باسقاردى، شاۋكەت يمىن، ۋاڭ جۇنجىڭ، جاڭ چۇنلين قاتىناستى
جۋىقتا اۆتونوميالى رايون 2021 - جىلعى قۇربان ايت مەرەكەسى شاي ءماجىلىسىن وتكىزدى، ءار ۇلت، ءار سالا ۋاكىلدەرى ءبىر اراعا شاتتىقپەن باس قوسىپ، قۋانىشتى مەرەكەنى بىرگە قۇتتىقتادى. □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 18 - كۇنى ۇرىمجىدەن حابارلايدى. قۇربان ايت مەرەكەسى قارساڭىندا، جۋىقتا اۆتونوميالى رايون 2021 - جىلعى قۇربان ايت شاي ءماجىلىسىن وتكىزدى، ءار ۇلت، ءار سالا ۋاكىلدەرى ءبىر اراعا باس قوسىپ، قۋانىشتى مەرەكەنى بىرگە قۇتتىقتادى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو ءسوز سويلەپ، اۆتونوميالى رايوندىق پارتكوم مەن ۇكىمەت اتىنان بۇكىل رايونداعى قالىڭ كادرلارعا، جۇمىسشى - قىزمەتكەرلەرگە، بۇقاراعا مەرەكەلىك تىلەك تىلەدى جانە ىزگى تىلەك ايتتى، شينجياڭنىڭ ورنىقتىلىعىنا، دامۋىنا كوڭىل بولگەن، قولداۋ كورسەتكەن ءار سالاداعى بارلىق قايراتكەرلەرگە شىن جۇرەكتەن العىس ايتتى، وسكەلەڭ قۇرمەت ءبىلدىردى.
كوركەيگەن زاماننىڭ شاتتىق انىمەن پارتيانىڭ مەيىرىن جىرعا قوستى، ءبىر نيەتپەن جاڭا ءداۋىردى بىرگە قۇتتىقتادى. شينجياڭ يىڭبين سارايى ءماجىلىس ورتالىعىندا جاعىمدى شاي ءيىسى اڭقىپ، ىنتىماق - سۇيىسپەنشىلىك تەرەڭدەپ، بارلىق جەردەن قويۋ مەرەكەلىك راي بايقالادى.
مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت ۇسىنىس بويىنشا شاي ماجىلىسىنە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شاي ءماجىلىسىن باسقاردى. اۆتونوميالى رايون باسشىلارىنان شاۋكەت يمىن، ۋاڭ جۇنجىڭ، جاڭ چۇنلين، شۇي حايرۇڭ، ەركىن تۇنياز، سارقىت اقان، تيان شياڭلي، چىن ۋيجۇن قاتارلىلار شاي ماجىلىسىنە قاتىناستى.
چىن چۋانگو سوزىندە بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى ءار ۇلت كادر - بۇقاراسىن ىنتىماقتاستىرىپ، باستاپ، ءورىس اشا جاڭالىق اشىپ، شىنايى يگەرىپ، ناقتى ىستەدى، بۇكىل رايوننىڭ قوعامدىق كەلەلى جاعدايى جاراسىمدى، ورنىقتى بولدى، ەكونوميكاسى ورنىقتى، اقاۋسىز دامىدى، ۇلتتار ىنتىماعى بەكەمدەلىپ، كۇشەيتىلدى، شينجياڭدى مادەنيەتپەن نارلەندىرۋ تىڭعىلىقتى ىلگەرىلەتىلدى، ەكولوگيالىق ورتا ۇزدىكسىز جاقساردى، بۇقارانىڭ تۇرمىسى اناعۇرلىم تاماشا بولىپ، ءتۇرلى ىستەردە جاڭا ناتيجەلەرگە قول جەتتى، جاڭا جاعداي اشىلدى. وسى ناتيجەلەردىڭ قولعا كەلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ىقىلاستى قامقورلىعىنىڭ ناتيجەسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ءبىر تۇتاس باسشىلىق ەتىپ، باعدار كورسەتۋىنىڭ، عىلمي جەتەكشىلىك ەتۋىنىڭ ناتيجەسى، بۇكىل ەلدەگى ءار ۇلت حالقىنىڭ قالتقىسىز كومەكتەسۋىنىڭ، كۇش سالا قولداپ - قۋاتتاۋىنىڭ ناتيجەسى، بۇكىل رايونداعى ءار ۇلت كادرلارىمەن بۇقارانىڭ ءبىر نيەتپەن ىنتىماقتاسۋىنىڭ، قاجىرلىلىقپەن كۇرەس جۇرگىزۋىنىڭ ناتيجەسى، سونداي - اق وعان ساقا باسشىلاردىڭ، ساقا جولداستاردىڭ جانە جولداستاردىڭ، دوستاردىڭ جۇرەك قانى مەن ماڭداي تەرى سىڭگەن. ءبىز ەرەكشە قاستەرلەپ، تاباندىلىقتى ساقتاپ، كۇش ۇستىنە كۇش قوسىپ، توقتاۋسىز كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋىمىز كەرەك.
چىن چۋانگو بىلاي دەدى: جاڭا ساپارعا قادام تاستاپ، جەلكەن كوتەرىپ قايتا اتتاندىق. ءبىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ۇلى پارتيا قۇرۋ رۋحىن اسقاقتاتىپ، كوممۋنيستەردىڭ رۋحاني شەجىرەسىن جالعاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەتپەن ىنتىماقتاسىپ، ءورىس اشا العا ىلگەرىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، حاۋىپسىز ءوندىرىس جانە ەكونوميكانىڭ جوعارى ساپالى دامۋى قىزمەتتەرىن ۇزدىكسىز جاقسى يگەرىپ، ”14 - بەسجىلدىقتىڭ“ تاماشا باستاما اشۋىنا شىنايى كەپىلدىك ەتىپ، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋىمىز كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القالارىنىڭ مۇشەلەرى، قارۋلى ساقشى شينجياڭ باس اترەتىندەگى، اۋە ارمياسى ءۇرىمجى بازاسىنىڭ اسكەري - ساياسي نەگىزگى باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايونداعى دەمالىسقا، زەينەتكە شىققان ورىنباسار ولكە دارەجەلىدەن جوعارى ساقا جولداستاردىڭ جانە بيڭتۋانداعى دەمالىسقا، زەينەتكە شىققان ورىنباسار ولكە دارەجەلىدەن جوعارى ساقا جولداستاردىڭ ۋاكىلدەرى شاي ماجىلىسىنە قاتىناستى. ۇرىمجىدەگى ءبىر ءبولىم پارتيا 19 - قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، شينجياڭعا كومەكتەسۋشى كادرلار، ءار شەپتەگى وزات - ۇلگىلەردىڭ ۋاكىلدەرى، دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ۋاكىلدەرى قاتارلىلار شاي ماجىلىسىنە قاتىناستى.
شاي ماجىلىسىندە ادەبيەت - كوركەمونەر قىزمەتكەرلەرى تارتىمدى ادەبيەت - كوركەمونەر نومىرلەرىن ورىندادى.
