شينحۋا اگەنتتىگى ”جۇڭ حۋالۇننىڭ“ ماقالاسىن تاراتتى
«ۇلى رۋحاني قاينار، ەكپىندەي ىلگەرىلەۋدىڭ تەلەگەي كۇشى − ۇلى پارتيا قۇرۋ رۋحى تۋرالى»
شينحۋا اگەنتتىگىنىڭ 7 - ايدىڭ 18 - كۇنى بەيجيڭنەن بەرگەن حابارى. شينحۋا اگەنتتىگى 7 - ايدىڭ 18 - كۇنى ”جۇڭ حۋالۇننىڭ“ «ۇلى رۋحاني قاينار، ەكپىندەي ىلگەرىلەۋدىڭ تەلەگەي كۇشى − ۇلى پارتيا قۇرۋ رۋحى تۋرالى» دەگەن تاقىرىپتاعى ماقالاسىن تاراتتى.
”100 جىلدىڭ الدىندا جۇڭگو كوممۋنيستىك پارتياسىنىڭ ارداگەرلەرى جۇڭگو كوممۋنيستىك پارتياسىن قۇرىپ، اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن قالىپتاستىردى، بۇل − جۇڭگو كوممۋنيستىك پارتياسىنىڭ رۋحاني قاينارى“.
2021 - جىلى 7 - ايدىڭ 1 - كۇنى، بەيجيڭ تيان - انمىن الاڭى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ۇلى پارتيا قۇرۋ رۋحىن ايقىن العا قويىپ، 95 ميلليوننان استام پارتيا مۇشەسىنىڭ، ءبىر ميلليارد 400 ميلليوننان استام جۇڭگو حالقىنىڭ جۇرەگىندە الدىڭعىلاردىڭ ءىزىن باسىپ، بولاشاققا جول اشۋدىڭ، قايراتتانا ەكپىندەي ىلگەرىلەۋدىڭ تەلەگەي كۇشىن تاسقىنداتتى.
ماقالادا مىنالار ايتىلدى: 32 ارىپكە 100 جىلدىق كۇرەس بارىسى قامتىلدى، تاريحتىڭ شىن سىرىن اشتى. بۇل، ءبىر ۇلى ماركسيزمدىك ساياسي پارتيانىڭ رۋحاني ەپوسى، بۇل جاڭا داۋىردەگى جۇڭگو كوممۋنيستەرىنىڭ تاريحتى اينا ەتىپ، بولاشاق اشۋداعى ايبىندى ۇندەۋى.
ماقالادا مىنالار اتاپ كورسەتىلدى: باس شۋجي شي جينپيڭنىڭ ۇلى پارتيا قۇرۋ رۋحى جونىندە جاساعان سۇرىپتاۋ قورىتىندىسى مەن تەرەڭ بايىمداۋى جۇڭگو كوممۋنيستىك پارتياسىنىڭ رۋحاني قاينارى مەن باستاماسىن اشالاي ءتۇسىندىردى، ۇلى پارتيا قۇرۋ رۋحىنىڭ تاريحي ءمانى مەن داۋىرلىك قۇنىن كورسەتتى، پارتيا تاريحى، پارتيا ءداستۇرى، پارتيا رۋحى جونىندەگى تەرەڭ بايىمداۋىن شوعىرلى بەينەلەدى، بۇل كەلەلى نازاريالىق جاسامپازدىق، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ بايىتىلۋى جانە كەمەلدەنۋى، بۇل پارتيا مەن حالىق ىستەرىنىڭ قارىشتاپ دامۋىن ىلگەرىلەتۋ جونىنەن كەلەلى دە تەرەڭ ءمان الادى.
ماقالادا مىنالار اتاپ كورسەتىلدى: ۇلى پارتيا قۇرۋ رۋحىنىڭ يدەياسى سارا، مازمۇنى باي، ويى شۇلەن، ول 4 جاقتان سالىستىرمالى دەربەس، ءاربىرىنىڭ ءتۇيىنى بولۋمەن بىرگە ءارى تىعىز بايلانىستى، ءوزارا توعىسقان، ءوزارا ساباقتاسقان، ءوزارا جەبەيتىن ورگانيكالىق تۇتاس تۇلعا، 100 جىلدىق پارتيا تاريحىنىڭ نەگىزگى تاقىرىبى مەن نەگىزگى جەلىسىن، نەگىزگى اعىمى مەن وزىندىك ءمانىن تولىق ايگىلەگەن، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ سىندى وسى ماركسيزمدىك ساياسي پارتيانىڭ ماندىك تالابىن تولىق ايگىلەگەن.
ماقالادا بىلاي دەلىندى: ”اقيقاتتان جازباۋ، مۇراتتان اينىماۋ“ پارتيامىزدىڭ يدەياسى وزىق، سەنىمى بەرىك ايرىقشا ابزالدىلىعىن يدەيالىق دەڭگەيدە اشىپ كورسەتتى؛ ”اۋەلگى ماقساتتى امالياتتا ايگىلەۋ، بورىش ارقالاۋ“ پارتيامىزدىڭ دايەكتى تاباندى بولعان تاريحي جاۋاپكەرشىلىك ارقالاۋىن جانە ماڭگى سارقىلمايتىن العا باسۋ قوزعاۋشى كۇشىن امالياتتىق دەڭگەيدە اشىپ كورسەتتى؛ ”قۇربان بەرۋدەن قورىقپاۋ، ەرلىكپەن كۇرەس جۇرگىزۋ“ پارتيامىزدىڭ بەكەم ەرىك - جىگەرىن، جەڭىلمەس قۋاتتى كۇشىن رۋحاني دەڭگەيدە اشىپ كورسەتتى؛ ”پارتياعا ادال بولۋ، حالىقتىڭ ءۇمىتىن اقتاۋ“ پارتيامىزدىڭ جالپى ءۇشىن پارتيا قۇراتىن، حالىقتى كوكەيىندە ساقتاعان وسكەلەڭ قاسيەتىن قۇن دەڭگەيىندە اشىپ كورسەتتى.
ماقالادا مىنالار باسا دارىپتەلدى: اعاش قانشا بيىك وسكەنىمەن، تامىرى بولادى، وزەن قانشا الىسقا اققانىمەن، قاينارى بولادى. ۇلى پارتيا قۇرۋ رۋحى پارتيا قۇرۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ رۋحاني تەگى، يدەيالىق ءتۇيىنى، جۇڭگو كوممۋنيستەرىنىڭ رۋحاني شەجىرەسىنىڭ قاينارى مەن نەگىزى، تامىرى مەن جانى. سەنىم شۋاعى ارقىلى كۇرەس جولىن نۇرلاندىرىپ، گۇلدەنۋ مۇراتى ارقىلى تەلەگەي كۇش ۇيىستىرىپ، ۇلى پارتيا قۇرۋ رۋحى ارقىلى ۇلى گۇلدەنۋ نىساناسىنا قاراي ەرلىكپەن العا باسۋىمىزعا شابىت بەرەيىك!
