تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ ماقتا ءوندىرىسى ورەلى ماشينالاسۋدى الدەقاشان جۇزەگە اسىردى

       □ يانچي اۋىل شارۋاشىلىق ماشينالارى بەلگىلى سەلبەستىك كووپەراتيۆىنىڭ جاۋاپتىسى ۇسەنجان تۇرعۇن

  بىرنەشە جىلدىڭ الدىندا ءىنىم ەكەۋىمىز بىرلەسىپ ءبىر اۋىل شارۋاشىلىعى ماشينالارى سەلبەستىك كووپەراتيۆىن قۇردىق، جەر ايدايتىن تراكتور، تۇقىم سەبۋ ماشيناسى، ءدارى شاشۋ ماشيناسى، ماقتا تەرۋ ماشيناسى سياقتى اۋىل شارۋاشىلىعى ماشينالارىن ساتىپ الىپ، ماڭايىمىزداعى ماقتاشىلارعا قىزمەت وتەدىك. ءار جىلى 3 - ايدىڭ ورتاسىندا ءبىزدىڭ سەلبەستىك كووپەراتيۆىمىزدەگىلەردىڭ بارلىعى سىرتقا شىعىپ جۇمىس ىستەپ، نەشە ون مىڭ مۋلىق ماقتا اتىزىنا تۇقىم سەبەمىز. جايشىلىقتا مەنىڭ تراكتور ايداپ، جەردى ءبىر اينالىپ شىعۋىما جارتى ساعات ۋاقىت كەتەدى. شەكسىز - شەتسىز ماقتالى اتىزعا قاراپ مەن ۇنەمى: ەگەر دە ماشينالاسقان ەگىمشىلىك بولماعاندا، ادام كۇشى وزىندىك قۇنىنىڭ قانشالىق جۇمسالاتىندىعىن ويلاپ جەتۋىمنىڭ ءوزى قيىن ەدى دەپ تەبىرەنەتىنمىن.

  وسىناۋ جىلداردان بەرى ساپالى قىزمەت وتەۋىمىزدىڭ ارقاسىندا ءبىز قىرۋار قاريدار بايلىعىن توپتادىق، مۇنىڭ كەيبىرەۋى ەگىمشىلىك ءىرى وتباسىلارى بولسا، كەيبىرەۋلەرى كوتەرمەگە الۋ سەرىكتەستىكتەرى. قازىر بارعان سايىن كوبەيگەن ماقتاشىلار، كوتەرمەگە الۋشى سەرىكتەستىكتەر تۇگەلدەي ولشەمدەنگەن، ماشينالاسقان ەگىمشىلىكتى جالپىلاستىرىپ، ادام كۇشى وزىندىك قۇنىن تومەندەتۋمەن بىرگە ءوندىرىس ونىمدىلىگىن جوعارىلاتقان. ماشينالاسۋ دەڭگەيىنىڭ جوعارىلاۋىنا ىلەسە جەر جىرتۋ، تۇقىم سەبۋ، جارعاق توسەۋ، تامشىلاتىپ سۋارۋ تاسپاسىن جاتقىزۋ سياقتىلار تۇگەلدەي ءبىر رەتتە ورىندالادى، سۋارعان كەزدە تىڭايتقىش تامشىلاتىپ سۋارۋ تاسپاسىن بويلاپ سۋمەن بىرگە جەرگە سىڭەدى، شىرپۋ جۇمىسى ۇشقىشسىز ۇشاقپەن مەڭگەرىلەدى. كۇزدە مول ءونىم العان كەزدە قوس ءتىستى، ءتورت ءتىستى، سەگىز ءتىستى ماقتا تەرۋ ماشيناسى جۇمىسقا كىرىسىپ، ءتۇرلى پايدالانۋشىلاردىڭ قاجەتىن قاناعاتتاندىرادى، ماقتا توتە تايلانىپ، تاسۋعا دا قولايلى. قازىر ماقتا ءوندىرىسى تۇقىم سەبۋدەن تارتىپ تەرىپ الىنعانعا دەيىنگى بارلىق بۋىنداردى ماشينالاستىرۋدى جۇزەگە اسىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.