گازەتىمىزدىڭ 7 - ايدىڭ 19 - كۇنى ۇرىمجىدەن بەرگەن حابارى. 7 - ايدىڭ 8 - كۇنىنەن 18 - كۇنىنە دەيىن پارتيا تاريحىن ۇيرەنۋ تاربيەسى بويىنشا ورتالىقتىڭ جەتەكشىلىك ەتۋ 10 - گرۋپپاسىنىڭ باستىعى ۋي داپىڭ جەتەكشىلىك ەتۋ گرۋپپاسىن باستاپ شينجياڭعا كەلىپ تەكسەرۋ - زەرتتەۋ جۇرگىزدى، جەتەكشىلىك ەتتى. تەكسەرۋ - زەرتتەۋ كەزىندە جەتەكشىلىك ەتۋ گرۋپپاسى اۆتونوميالى رايوننىڭ نەگىزگى باسشىلارى تۇرعان پارتيا ياچەيكاسىنىڭ پارتيا تاريحىن ۇيرەنۋ تاربيەسى ارناۋلى تاقىرىبىنداعى ۇيىمدىق تۇرمىس جيىنىنا جەكە - جەكە سىرتتاي قاتىناستى ءارى ايماق، وبلىستاردى جانە بيڭتۋاننىڭ ءىشىنارا شى - قالالارىن ىشكەرىلەي ارالاپ، تەكسەرۋ - زەرتتەۋ، جەتەكشىلىك ەتۋ ورىستەتىپ، پارتيا تاريحىن ۇيرەنۋ تاربيەسىنىڭ جان - جاقتى كەڭەيۋىن، تەرەڭدەي جۇرگىزىلۋىن ىلگەرىلەتتى.
ءۇرىمجى قالاسىندا جەتەكشىلىك ەتۋ گرۋپپاسى 8 - ارميانىڭ شينجياڭدا تۇراتىن ءىس باسقارماسى ەسكەرتكىش سارايىن ەكسكۋرسيالاپ، شينجياڭ داشۋەسىنە بارىپ ناقتى تەكسەرۋ - زەرتتەۋ جۇرگىزىپ، پارتيا تاريحىن ۇيرەنۋ تاربيەسى جاعدايىنان بەرىلگەن مالىمەتتى تىڭدادى؛ بايىنعولين موڭعۇل اۆتونوميالى وبلىسىندا جەتەكشىلىك ەتۋ گرۋپپاسى حوشۇت اۋدانىنداعى مالان قۇرباندار قابىرستاندىعى، حىجيڭ اۋدانىنداعى شينشيڭ جيحۋا كيىم - كەشەك كاسىپ سالاسى باقشاسى، باعراش اۋدانى بۇمبۇت قالاشىعى شىنبۇح قىستاعىنىڭ پارتيا تاريحى سارايى، كورلا قالاسىنداعى ”3 وزەندى توعىستىرۋ“ لاشىقتى رايونىن جاڭالاۋ ينجەنەرياسىنىڭ قۇرىلىس جۇرگىزۋ جۇمىس باسى سياقتىلاردى ىشكەرىلەي ارالاپ، پارتيالى كادرلاردىڭ پارتيا تاريحىن ۇيرەنۋ تاربيەسى بويىنشا ارناۋلى تاقىرىپتىق باۋلۋ جاعدايىن ۇعىسىپ، ماتەريالداردى تەكسەرىپ وقۋ، بەينەجازبالاردى كورۋ، جۇمىس باسىندا قۋزاۋ - جەتەكشىلىك ەتۋ سياقتى تاسىلدەر ارقىلى جاپپاي ۇعىستى، تۇرگە ءبولىپ جەتەكشىلىك ەتتى؛ اقسۋ ايماعىندا جەتەكشىلىك ەتۋ گرۋپپاسى اقسۋ ايماقتىق مادەنيەت - مۇراجاي مەكەمەسى (مۇراجاي)، اقسۋ قالاسىنىڭ يگەرشى اۋىلى باقچى قىستاعى، كوكيار ەسكەرتكىش سارايى سياقتىلارعا بارىپ، قىزمەتكەرلەرمەن، پارتيا مۇشەلەرىمەن، بۇقارامەن بەتپە - بەت پىكىر اۋىستىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ سياقتى جاقتارداعى جاعدايلاردى ۇعىستى.
ىلە قازاق اۆتونوميالى وبلىسىندا جەتەكشىلىك ەتۋ گرۋپپاسى قۇلجا قالاسىنىڭ توعىسپالى اقپارات قۇرالدارى ورتالىعى، كۇنەس اۋدانى نارات قالاشىعى اراسان قىستاعى، قورعاس قالالىق شەكارا كۇزەتۋشىلەر ۇلكەن اترەتى سياقتىلاردى ىشكەرىلەي ارالاپ، پارتيا تاريحىن ۇيرەنۋ تاربيەسى قىزمەتىن ىلگەرىلەتۋگە جەتەكشىلىك ەتتى ءارى ”1 - شىلدە وردەنىنىڭ“ يەگەرى، قۇلجا اۋدانى ونيار قالاشىعى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ءومارعا امانداسا بارىپ، حال سۇرادى؛ بيڭتۋاندا جەتەكشىلىك ەتۋ گرۋپپاسى شينجياڭ گۋاننۇڭ گورۇڭ جارنا شەكتى سەرىكتەستىگى، 1 - شىنىڭ 11 - تۋانى، 1 - شى ارال قالاسى 359 - لۇيى تىڭ يگەرۋ ەسكەرتكىش سارايى، تارىم داشۋەسى مەكتەپ تاريحى سارايى سياقتىلارعا بارىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ نەگىزگى ساتىدا تياناقتانۋ، ناقتىلانۋ جاعدايىن، قىزىل بايلىقتان پايدالانىپ پارتيا تاريحىن ۇيرەنۋ تاربيەسىن ورىستەتۋ سياقتى جاعدايلاردى تاپتەشتەي ۇعىستى.
ۋي داپىڭ شينجياڭنىڭ پارتيا تاريحىن ۇيرەنۋ تاربيەسىندە قول جەتكىزگەن تابىسىن تولىق تۇراقتاندىردى ءارى كەلەر ساتىداعى قىزمەتتەر جونىندە تالاپ قويدى. ول بىلاي دەپ اتاپ كورسەتتى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ ءارى ونى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، پارتيا تاريحىن ۇيرەنۋ تاربيەسىنىڭ وزەكتى مازمۇنى ەتىپ، ”ءتورت تاريح“ ۇگىت تاربيەسىمەن ۇشتاستىرىپ، پارتيا تاريحىن ۇيرەنۋ تاربيەسىنىڭ ءمانىن ۇزدىكسىز بايىتىپ، ساپا ونىمدىلىگىن كوتەرۋ كەرەك؛ پارتيا تاريحى ارناۋلى تاقىرىپتىق ۇيرەنۋدى، باۋلۋدى تەرەڭدەتىپ، ۇگىتتى، ۇگىت لەكسيانى كەڭ كولەمدە ورىستەتىپ، ارناۋلى تاقىرىپتىق ۇيىمدىق تۇرمىس جيىنىن ويداعىداي اشىپ، باس شۋجيدىڭ ”1 - شىلدەدەگى“ ماڭىزدى ءسوزىنىڭ رۋحىنىڭ جۇرت جۇرەگىنە تەرەڭ ۇيالاۋىن، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتۋ كەرەك؛ قىزىل بايلىقتى اشۋدى، پايدالانۋدى ۇزدىكسىز ويداعىداي يگەرىپ، قىزىل گەندى جالعاستىرىپ، قىزىل حيكايانى ويداعىداي بايانداپ، قىزىل قان تامىردى ۇزدىكسىز جالعاستىرىپ، پارتيا تاريحىن ۇيرەنۋ تاربيەسى ارقىلى ەكپىندەي ىلگەرىلەۋدىڭ تەلەگەي رۋحاني كۇشىن قالىپتاستىرۋ كەرەك؛ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ىلگەرىلەتىپ، نازاردى ”شۇعىل، قيىن، ۋايىمداعان، ءزارۋ“ ماسەلەلەرگە شوعىرلاندىرىپ، ناقتى ىستەردى، جاقسى ىستەردى ويداعىداي ىىستەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك؛ ءار ۇلت جاستارىن باس شۋجي شي جينپيڭنىڭ ”1 - شىلدەدەگى“ ماڭىزدى سوزىندە جاستارعا ارتقان ىقىلاستى ءۇمىتىن مۇقيات ۇيرەنىپ، جەكەنىڭ مۇرات - تالپىنىسىن پارتيا مەن مەملەكەت ىستەرىنە توعىستىرىپ، ءداۋىردىڭ ءۇمىتىن اقتاپ، ەسىل شاقتاردى زايا كەتىرمەي، ايانباي كۇرەس جۇرگىزىپ، وتان قۇرىلىسىنىڭ تىرەكتى دارىندىلارىنان بولۋعا قۇلشىنۋعا تاربيەلەۋ، جەتەكتەۋ كەرەك؛ ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى شىن مانىندە ورىنداپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
اۆتونوميالى رايوننىڭ باسشىلارىنان تيان ۋىن، دوۋ ۋانگۇي، چيۋ شۋحۋا قاتارلىلار ءبىر ءبولىم تەكسەرۋ - زەرتتەۋ قيمىلىنا قاتىناستى.
(انار بۇلت / شينجياڭ گازەتىنىڭ ءتىلشىسى جاڭ يانفاڭ، بايىنعولين وبلىسىنداعى تىلشىلەر پۋنكتىنەن جاڭ حۇيجياڭ، ياڭ شياۋدۇڭ، اقسۋ تىلشىلەر پۋنكتىنەن ۋ جىپيڭ، ەرىكتى تىلشىلەر لي شين - ان، جاۋ جۇن)
