شينحۋا اگەنتتىگى كولەمدى ادەبي حابار تاراتتى
«رۋحاني قاينار، رۋحاني بەلگى − جۇڭگو كوممۋنيستىك پارتياسىنىڭ ۇلى پارتيا قۇرۋ رۋحى جونىندەگى تولعانىس»
شينحۋا اگەنتتىگىنىڭ 7 - ايدىڭ 19 - كۇنى بەيجيڭنەن بەرگەن حابارى. شينحۋا اگەنتتىگى 7 - ايدىڭ 19 - كۇنى كولەمدى ادەبي حابار «رۋحاني قاينار، رۋحاني بەلگى − جۇڭگو كوممۋنيستىك پارتياسىنىڭ ۇلى پارتيا قۇرۋ رۋحى جونىندەگى تولعانىستى» تاراتتى.
جۇڭگو كوممۋنيستىك پارتياسى قالايشا ميحىناتتى كوپ شەكسە دە، ۇزدىكسىز تولىسا ءتۇستى؟ قالايشا 100 جىلدى وتكەرىپ، كەمەل شاعىنا كەلدى؟
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭنىڭ نازارى الىپ كەمە ساپارعا اتتانعان كەزگە ءتۇستى:
”100 جىلدىڭ الدىندا جۇڭگو كوممۋنيستىك پارتياسىنىڭ ارداگەرلەرى جۇڭگو كوممۋنيستىك پارتياسىن قۇرىپ، اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن قالىپتاستىردى، بۇل جۇڭگو كوممۋنيستىك پارتياسىنىڭ رۋحاني قاينارى“.
ماقالادا بىلاي دەلىندى: ۇلى پارتيا قۇرۋ رۋحى بەينە ىرگە تاس ىسپەتتى، 100 جىلدان بەرگى پارتيا ىستەرىنىڭ دامۋىنىڭ، العا باسۋىنىڭ ءزاۋلىم عيماراتىنا تىرەك بولىپ، جۇڭگو كوممۋنيستىك پارتياسىنىڭ ەجەلدەن بار قىزىل گەنىنە، باسقادا ءارقانداي ساياسي پارتيامەن ۇقسامايتىن رۋحاني بەلگىسىنە اينالدى.
ۇلى پارتيا قۇرۋ رۋحى بەينە وت ىسپەتتى جيڭگاڭشانداعى ۇشقىندى، ۇزاق جورىق جولىنداعى مازداعان الاۋدى، باۋتاشانداعى جايناعان قىزىل جۇلدىزدى تۇتاندىردى... الاۋدى ۇرپاقتان - ۇرپاققا جالعاستىرىپ، جۇڭگو كوممۋنيستەرىنىڭ رۋحاني شەجىرەسىن تۇلعالادى.
ماقالادا مىنالار اتاپ كورسەتىلدى: ۇلى اماليات ۇلى رۋحتى جەتىلدىرەدى، ۇلى رۋح ۇلى امالياتتى تۇلعالايدى. ۇرپاقتان - ۇرپاققا جالعاسقان جۇڭگو كوممۋنيستەر مەملەكەت پەن حالىق مۇددەسى ءۇشىن، الدىڭعىلاردىڭ ءىزىن، سوڭعىلار باسىپ، ىستىق قاندارىمەن مۇراتتارىن نارلەندىردى، ءومىرىن وتباسى - وتانعا ارنادى، جۇڭحۋا ۇلتىنىڭ رۋحاني ەڭسەسىن كوتەردى، وركەنيەتتى بايىرعى ەل شۇعىلالى جاڭا ءومىردى قارسى الدى.
ماقالا 5 بولىمگە بولىنگەن: 100 جىلدىق ساپاردا، جۇڭگو كوممۋنيستەرىنىڭ سەنىم تالپىنىسى ۇزبەي جالعاستى، باستان - اياق اقيقاتتان جازبادى، مۇراتتان اينىمادى؛ 100 جىلدىق ساپاردا، جۇڭگو كوممۋنيستەرىنىڭ ساياسي قاسيەتى ۇزبەي جالعاستى، باستان - اياق اۋەلگى ماقساتتى امالياتتا ايگىلەدى، بورىش ارقالادى؛ 100 جىلدىق ساپاردا، جۇڭگو كوممۋنيستەرىنىڭ قايسار ەرىك - جىگەرى ۇزبەي جالعاستى، باستان - اياق قۇربان بەرۋدەن قورىقپادى، ەرلىكپەن كۇرەس جۇرگىزدى؛ 100 جىلدىق ساپاردا، جۇڭگو كوممۋنيستەرىنىڭ تاڭداۋلى ستيلى ۇزبەي جالعاستى، باستان - اياق پارتياعا ادال بولدى، حالىقتىڭ ءۇمىتىن اقتادى؛ 100 جىل الاۋدى ۇرپاقتان - ۇرپاققا جالعادى، 100 جىل ۋاقىت وتكەن سايىن جاڭاردى، ۇلى پارتيا قۇرۋ رۋحى، ءسوز جوق، بۇكىل پارتيانىڭ، بۇكىل ەل حالقىنىڭ ارمان قۋا العا باساتىن تەلەگەي كۇشىن تاسقىنداتادى.
ماقالادا مىنالار اتاپ كورسەتىلدى: 100 جىل ماڭگىلىك ۇلى ءىستىڭ باستاماسى عانا. 1921 - جىلدان 2021 - جىلعا، ودان 2035 - جىلعا، وسى عاسىردىڭ ورتاسىنا دەيىن... جۇڭگو كوممۋنيستىك پارتياسى جۇڭگو حالقىن باستاپ جۇڭحۋا ۇلتىنىڭ ۇلى گۇلدەنۋى نىساناسىنا قاراي ۇدەرە العا ىلگەرىلەيتىن بولسا، ءسوز جوق، جاڭا رۋحاني ۇلى كۇش ارقىلى جاڭا ءداۋىردىڭ داستانىن جازادى، ءسوز جوق، جاڭا ۇلى جەڭىس ارقىلى جاڭا رۋحاني وشپەس ەسكەرتكىش ورناتادى.
