شىندىققا قۇرمەت ەتىپ، وسەك - اياڭدارىڭدى دوعارىڭدار

　　　　　　　　□ اقسۋ قالاسى قۇمباش اۋىلى اياقباق قىستاعىنىڭ ماقتا تەرۋشىسى گۇلنۇر قۇمري

　　امەريكاداعى، باتىستاعى جۇڭگوعا قارسى كۇشتەر مەن ءىشىنارا شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ جالا جاۋىپ، شينجياڭ ماقتاسىن، سونداي - اق ماقتادان جاسالعان ونىمدەردى پايدالانۋدى شەكتەدى. بۇعان مەن باتىل قارسى تۇرامىن ءارى مۇنى قاتاڭ جازعىرامىن.

　　قىستاعىمىز جەمىس ورمانى شارۋاشىلىعىن نەگىز ەتەدى، ءار جىلى جاڭعاقتى جيىپ العاننان كەيىن، قىستاقتاعى ارتىق ەڭبەككۇشتەردىڭ ءبارى ىرىقتى تۇردە ماقتا ەگىمشىلىگى ءىرى وتباسىلارىن ىزدەپ بارىپ ماقتا تەرىپ، اقشا تابادى. ءۇيىمىز بىرنەشە مۋ جەرگە جاڭعاق ەككەن، ءار جىلى جاڭعاقتى جيىپ العاننان كەيىن قولىمىز بوساپ قالادى، وسى كەزدە مەن اۋات اۋدانىنداعى ماقتا ەگىمشىلىگى ءىرى وتباسىلارىن ىزدەپ بارىپ ماقتاسىن تەرىسەمىن. بىلتىر ماقتا تەرۋدەن 16 مىڭ يۋان كىرىس كىرگىزدىم، ونىڭ ۇستىنە تاماعىمىز بەن جاتىن ورنىمىزدى وزدەرى قامدايدى. ماقتا تەرۋ جاپالى بولعانىمەن، ءبىراق كىرىسى جوعارى، ۇيىمدە جاڭعاق ەگىپ، باعىمشىلىقپەن شۇعىلدانۋداعى كىرىسىممەن سالىستىرعاندا، بۇل مەنىڭ ءبىر جىلدا تاباتىن ءبىرشاما جوعارى كىرىسىم سانالادى. ماقتا تەرىلىپ بولىسىمەن ماقتاشىلار ەڭبەكاقىڭدى ەسەپتەپ بەرەدى، ەشقاشان كەشەۋىلدەتكەن ەمەس.

　　مەن جانە مەنىمەن بىرگە ماقتا تەرۋگە بارعاندار ماقتا تەرۋگە ءوز ەركىمىزبەن بارعانبىز، ءارقانداي ”زورلىقپەن ەڭبەككە سالۋ“ جاعدايى مۇلدە بولعان ەمەس. مەن امەريكاداعى، باتىستاعى جۇڭگوعا قارسى كۇشتەرگە شىندىققا قۇرمەت ەتىپ، وسەك - اياڭدارىڭدى دوعارىڭدار دەپ قاتاڭ ەسكەرتەمىن.