□ انار بۇلت / شينجياڭ گازەتىنىڭ ءتىلشىسى ۋي يۇڭگۇي
”مۇنداي ’جۇلدىز ورىك‘ ەرەكشە قارسى الىنادى، ماركانىڭ ەل اۋزىنداعى ماداعىن جوعالتپاي، ءاربىرىن سۇرىپتاپ سارالاپ، دەن قويا تاڭداۋ كەرەك“. 7 - ايدىڭ 18 - كۇنى گۇما اۋدانى سازام اۋىل شارۋاشىلىق عىلىم - تەحنيكا اشۋ شەكتى سەرىكتەستىگىندە باس ديرەكتور الىمجان مامەتيمىن جاڭا قىزمەتكەرلەرگە ”1 - سورتتى ورىكتى“ تاڭداۋدى قولما - قول ۇيرەتىپ جاتتى.
6 جىلدىڭ الدىندا الىمجان ەگىن ەگۋگە سۇيەنىپ تىرشىلىك كەشىرەتىن ەگىنشى بولاتىن. جەردى اينالىمعا سالعاننان كەيىن، ول گۇما اۋدانىنا باعىتتامالى كومەكتەسكەن انحۇي ولكەسىنىڭ شينجياڭعا كومەكتەسۋشى كادرلارىنىڭ كومەگىندە جەمىس - جيدەك كاسىپورنىنا كەلىپ قىزمەت ىستەدى، كەيىن ءوزىنىڭ سەرىكتەستىگىن اشتى. ”گۇماداعى ءارقايسى قىستاقتىڭ بارلىعى انحۇيدىڭ اۋىل - قالاشىقتارىمەن جۇپ قۇراپ، شينجياڭعا كومەكتەسۋشى كادرلار مەنىمەن تۋىس بولدى“، - دەدى ول.
اۋىل - قالاشىقتار جۇپ قۇراۋ، كادرلار تۋىس بولۋ − انحۇي ولكەسىنىڭ شينجياڭعا كومەكتەسۋ قىزمەتى بارىسىندا ۇزاق ۋاقىت جالعاستىرعان شاراسى. تالاي جىلدان بەرى شينجياڭعا باعىتتامالى كومەكتەسۋشى 19 ولكە، قالانىڭ كادر - بۇقاراسى رايونىمىزداعى ءار ۇلت بۇقاراسىمەن كەڭ كولەمدە ارالاسىپ، جان - جاقتى ىشتەسىپ، تەرەڭدەي توعىسىپ، كوپشىلىك اناردىڭ دانىندەي تىعىز ۇيىسىپ، كورىكتى شينجياڭدى بىرگە قۇرىپ، تاماشا بولاشاقتى بىرگە جاراتتى.
كەڭ كولەمدە ارالاسىپ، ءوزارا كومەكتەسىپ، ءوزارا قارايلاسىپ، شىنايى سۇيىسپەنشىلىكتى ايگىلەدى
بيىل 5 - ايدا قاشقار تەحنيكتەر مەكتەبىنىڭ ساياحات باسقارۋ كاسىبىندە وقيتىن نۇرزادام تۇرسۇننىڭ اكە - شەشەسى ءبىر رەتكى اۆتوكولىك شىرعالاڭىندا، باقىتقا قارسى، قازا بولىپ، نۇرزادام جەتىم قالادى.
نۇرزادام ياركەن اۋدانى ودانلىق اۋىلى چوڭارىق قىستاعىنىڭ تۇرعىنى، شاڭحاي قالاسىنىڭ شينجياڭعا كومەكتەسۋشى كادرى لي جيڭ تۋىس بولىپ، احۋال ۇعىسۋ بارىسىندا جاعدايدان حاباردار بولعان سوڭ، شاڭحايدىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنا دەرەۋ مالىمدەيدى. قولباسشىلىق شتابى ءار جاقتاعى كۇشتى بەلسەنە سايكەستىرىپ، نۇرزادامعا مەيىر، قامقورلىق جەتكىزىپ، ءىس جۇزىندىك ماسەلەسىن شەشتى، نۇرزادامنىڭ دا تۇرمىسقا دەگەن باتىلدىعى قايتادان كۇشەيدى.
”نۇرزادام سياقتى وسىنداي بالالارعا كومەكتەسىپ، ولاردى ەسەيىپ - ەرجەتۋ جولىندا قاتاردان قالدىرماعانىم ءۇشىن، مەن ءوزىمدى وتە باقىتتى سەزىنەمىن“، - دەدى لي جيڭ.
تالاي جىلدان بەرى شينجياڭعا كومەكتەسۋشى قالىڭ كادر ادامدى قاتتى اسەرلەندىرەتىن تالايلاعان ۇلتتار ىنتىماعى حيكاياسىن شىنايى سۇيىسپەنشىلىكتەرىمەن جازدى. حوتان ايماعىندا بەيجيڭ قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ”مەنىڭ بەيجيڭدە ءۇيىم بار“ اتتى جاستار مەن ورەندەردىڭ وقۋىنا كومەك بويىنشا كومەكتەسۋ - سۇيەمەلدەۋ قيمىلىن ورىستەتتى، 1144 ۇيعۇر جاس ءوسپىرىم بالانىڭ ”بەيجيڭدىك اكەسى، بەيجيڭدىك شەشەسى“ بار بولدى.
سانجى حۇيزۋ اۆتونوميالى وبلىسىندا فۋجيان ولكەسىنىڭ شينجياڭعا كومەكتەسۋشى كادرلارىنىڭ اربىرەۋى 1 − 3 وتباسىمەن جۇپ قۇراپ تۋىس بولىپ، مەرزىم سايىن احۋال ۇعىسىپ، قيىن ىسكە جولىقسا، ءسوزسىز، كومەكتەسەتىن، سالماقتى اۋرۋعا شالدىقسا، ءسوزسىز، كومەكتەسەتىن، قۋانىشتى ءىس بولسا، ءسوزسىز، قۇتتىقتايتىن، مەرەكە - مەيرام كەزدەرى، ءسوزسىز، قۇتتىقتايتىن بولدى.
بايىنعولين موڭعۇل اۆتونوميالى وبلىسى مەن بيڭتۋان 2 - شىسىندا حىبەي ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى جۇپ قۇراپ كومەكتەسۋ - سۇيەمەلدەۋ مەحانيزمىن بەكەمدەپ، كەڭەيتىپ، ەكى جەردەگى كادرلاردىڭ، دارىندىلاردىڭ جۇپ قۇراۋىن، اۋىل - قالاشىقتاردىڭ جۇپ قۇراۋىن، قىستاق، كاسىپورىندارىنىڭ جۇپ قۇراۋىن، مەكتەپتەردىڭ جۇپ قۇراۋىن جالپىلاستىردى، جۇپ قۇراعان مەكەمە - ورىندارداعى كادرلار مەن بۇقارا ۇنەمى بارىس - كەلىس جاساپ، تەرەڭ دوستىق ورناتتى.
جان - جاقتى ىشتەسىپ، ەڭ ۇلكەن سەنترلەس شەڭبەردى ويداعىداي سىزدى
«كوكتوعايداعى شوپان» ءانى كوكتوعاي كورىنىس ءوڭىرىن، نارات ساحاراسىن بۇكىل ەلگە تانىتتى.
ساياحات جاعىنان شينجياڭعا كومەكتەسۋدى كەڭەيتتى، گۋمانيتارلىق اۋىس - كۇيىستى جەبەدى، حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ورايدى مىقتى ۇستاپ، 6 - ايدىڭ 1 - كۇنى حاربين قالاسىنان التاي ايماعىنا تىكە جەتەتىن ”لۇڭجياڭ ءنومىرلى“ ساياحات كەزەكشى پويەزىنىڭ قوس باعىتتا قاتىناۋىن جەدەلدەتتى؛ جياڭسۋ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ىلە وبلىسىمەن سايكەسىپ، نارات ساياحات، كورىنىس ءوڭىرىنىڭ ساياحاتتىق قىزمەت وتەۋ قۇرىلعىسىن جاڭالاپ، دارەجەسىن كوتەردى، كورىنىس وڭىرىندەگى ساياحاتشىلار بيىل 5 - ايدان بەرى قاۋىرت ارتتى.
مادەنيەت اۋىس - كۇيىسىن ورىستەتىپ، ىنتىماق كۇشىن ۇيىستىردى. 7 - ايدىڭ 17 - كۇنى ”شينجياڭدى مادەنيەتپەن نارلەندىرۋ ● حىنان - قۇمىل ورەندەر ساپارى“ جانە جازعى لاگەر قول ۇستاسۋ قيمىلىنىڭ باستالۋ سالتى قۇمىل قالاسىنىڭ مادەنيەت جاسامپازدىعى باقشاسىندا وتكىزىلدى، حىنان ولكەسى، قۇمىل قالاسى سىندى ەكى جەردەن 200 جاس پەن ورەن ءبىر ساحنادا ءداستۇرلى كلاسسيكالىق ءبي تەاترى مەن وسى زامانعى قىزىل ءبي ءنومىرىن ورىندادى. حىنان ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ ”حىنان - قۇمىل سۇيىسپەنشىلىگى ● مادەنيەت ساپارى“ اتىنداعى 27 ءتۇرلى قيمىلى ارت - ارتىنان ورىستەتىلدى.
تۇرپان قالاسىندا حۋنان ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى حۋنان ولكەسىنىڭ ەرەكشە قىستاقتارىن تۇرپان قالاسىنىڭ اۋىل - قىستاقتى گۇلدەندىرۋدەن ۇلگى كورسەتۋدەگى وزات قىستاقتارىمەن ارالاسۋ، ىشتەسۋ، توعىسۋ قيمىلىن ورىستەتۋگە ۇيىمداستىرىپ، تۇرپان قالاسىنىڭ ەڭبەك ەرلەرى مەن نەگىزگى ساتى كادر - بۇقاراسى ۋاكىلدەرىن حۋنانعا بارىپ اۋىس - كۇيىس جاساۋعا ۇيىمداستىرىپ، تۇرپان قالاسىنىڭ اۋىل - قىستاقتى گۇلدەندىرۋىنە دەم بەردى.
گۋاڭدۇڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ىشتەسۋ نەگىزگى تۇلعاسىن ۇزدىكسىز كەڭەيتتى، تاياۋ جىلداردان بەرى كونەءشار اۋدانىنىڭ، ءپايزاۋات اۋدانىنىڭ، بيڭتۋان 3 - شىسىنىڭ تاڭداۋلى وقىتۋشى - وقۋشىلارى، تاڭداۋلى ايەل ۋاكىلدەرى، تەحنيكا دارىندىلارى، بايۋ باستاماشىلارى، ۇلتتار ىنتىماعى ۇلگىلەرى، پارتياعا كىرۋ بەلسەندىلەرى، حالىق قۇرىلتايى ۋاكىلدەرى، ساياسي كەڭەس مۇشەلەرى قاتارلىلاردى گۋاڭدۇڭعا بارىپ ەكسكۋرسيالاۋعا ۇيىمداستىرىپ، جۇڭحۋا ۇلتى ورتاق تۇلعا تانىمىن بىرگە سومدادى.
تەرەڭ توعىسىپ، ءبىر نيەتپەن ارماندى تۇلعالاپ، بولاشاققا بەت الدى
19 ولكە، قالانىڭ شينجياڭعا كومەكتەسۋ قىزمەتى ۇزدىكسىز ىشكەرىلەي ىلگەرىلەپ، تيانشان الابىنداعى ءار ۇلت بۇقاراسىنىڭ بىرگە تۇرۋىن، بىرگە ۇيرەنۋىن، بىرگە ىستەۋىن، بىرگە شاتتانۋىن، ءوندىرىس، تۇرمىس، يدەيا، سۇيىسپەنشىلىك جاعىندا تەرەڭدەي توعىسۋىن ىلگەرىلەتتى.
تارباعاتاي ايماعىندا لياۋنيڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى 28 ميلليون 630 مىڭ يۋان قارجى قوسىپ، ارالاسۋ، ىشتەسۋ، توعىسۋ نىسانىنان 72سىن اتقاردى. قولباسشىلىق شتابى كوپىرلىك، دانەكەرلىك رولىن تولىق ساۋلەلەندىرىپ، شينجياڭداعى از ۇلت بۇقاراسى مەن جوعارى مەكتەپتەن وقۋ تاۋىسقان وقۋشىلاردى لياۋنيڭدە قونىستانۋعا جانە جۇمىستانىپ، شارۋاشىلىق قۇرۋعا جەتەكتەدى، وعان قولداۋ كورسەتتى ءارى ولاردىڭ ءىس جۇزىندىك قيىنشىلىعىن شەشۋىنە كومەكتەستى.
قىزىلسۋ قىرعىز اۆتونوميالى وبلىسىندا جياڭسۋ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ”جياڭسۋدىڭ مەملەكەت مەنشىگىندەگى كاسىپورىندار ماماندارىنىڭ قىزىلسۋ وبلىسىنا ساپارى“ قيمىلىن ۇيىمداستىرىپ، ورىستەتىپ، ”جياڭسۋدىڭ وڭتۇستىك بولىگىندەگى، قىزىلسۋ وبلىسىنداعى اۋىل - قالاشىقتاردىڭ اۋىس - كۇيىس جاساۋ، سەلبەستىك تالقى مىنبەرى“ سياقتىلاردى وتكىزىپ، قىزىلسۋ وبلىسىنداعى كاسىپورىنداردىڭ، اۋىل - قالاشىق كادرلارىنىڭ، بۇقاراسىنىڭ شارۋاشىلىق جۇرگىزۋ ۇستانىمىن جاڭالاۋىنا كومەكتەستى.
شاندۇڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى شاندۇڭ - شينجياڭ ساياحات سەلبەستىگى مەحانيزمىن تياناقتاندىرىپ، شاندۇڭنىڭ ”قاشقاردىڭ جاقسى كورىنىسى“ ساياحات كووپەراتيۆى بىرلەستىگىن قۇرىپ، ”شاندۇڭدىقتار قاشقاردى ساياحاتتاۋ“، ”شينجياڭدىقتار شاندۇڭدى ساياحاتتاۋ“ كولەمىن كەڭەيتىپ، ادامداردىڭ كەڭ كولەمدە ىشتەسۋىن جۇزەگە اسىردى.
التاي ايماعىندا جيلين ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى قار - مۇز ەكونوميكاسىن جوعارى ساپالى دامىتۋ سىناق رايونىن قۇرۋ قىزمەتىمەن ۇشتاستىرىپ، ”2022 - جىلعى بەيجيڭ قىسقى وليمپيادا سپورت جارىسى ەرىكتىسى بولۋ“ باۋلۋ قيمىلىن وتكىزىپ، 600 ەرىكتىنى (رەت) باۋلىدى.
2020 - جىلى حۋبەي ولكەسىنىڭ ىندەتتەن ساقتانۋ - تىزگىندەۋ قىسىلتاياڭ ساتىندە بۇراتالا موڭعۇل اۆتونوميالى وبلىسىنىڭ، بيڭتۋان 5 - شىسىنىڭ كادر - بۇقاراسى حۋبەيعا، اقشاعا سىندىرعاندا، قۇنى 20 ميلليون يۋاننان اساتىن زاتتىق ماتەريالدى جىلۋعا اتاپ، قيىن - قىستاۋ كەزدە ەكى جەردەگى بۇقارانىڭ ءوزارا كومەكتەسەتىن، ءوزارا قول ۇشىن بەرەتىن، ۋاقىتشا قيىندىقتى بىرگە ەڭسەرەتىن تەرەڭ سۇيىسپەنشىلىگىن، دوستىعىن ايگىلەدى.
