انار بۇلت / شينجياڭ گازەتىنىڭ ءتىلشىسى جاڭ يۇنمەي 7 - ايدىڭ 20 - كۇنى ۇرىمجىدەن حابارلايدى. 7 - ايدىڭ 20 - كۇنى اۆتونوميالى رايون قۇربان ايت مەرەكەسى ارناۋلى اقپار جاريالاۋ ءماجىلىسىن وتكىزىپ، ءۇرىمجى قالاسى، تۇرپان قالاسى، اقسۋ ايماعى، قاشقار ايماعى سياقتى جەرلەردەن كەلگەن 5 از ۇلت بۇقاراسى ۋاكىلىن وزدەرىنىڭ قۇربان ايت مەرەكەسىمەن بولعان حيكاياسىن ايتۋعا ۇسىنىس ەتتى.
قاشقار قالاسىنداعى كاۋاپ دۇكەنىنىڭ قوجايىنى ياقۇپجان يالقۇن بىلاي دەدى: قۇربان ايت مەرەكەسى قارساڭىندا بارلىق وتباسىلار قاربالاستىققا تۇسەدى. ايەلدەر ءۇي جيناستىرۋمەن، ءدامدى تورتتار جاساۋمەن قاربالاستاپ، مەرەكە كەزىندە قىدىرىپ كەلەتىن تۋىس - تۋعاندارىنا، دوس - جاراندارىنا ءدامدى تاعام ازىرلەيدى. ەرلەر سىرتتاعى ءتۇرلى دايىندىق قىزمەتتەرىن ويداعىداي ىستەۋمەن قاربالاستايدى. ءبىزدىڭ وتباسىمىز دا وسىلاي، وسى جىلدارى ءار جىلى مەرەكە وتكىزگەندە مەن وتباسىمداعىلارعا مەرەكەلىك سالەم - ساۋقىت الىپ بەرەمىن، كوپشىلىكتىڭ ءبارى ادەمى كيىنەدى، كوپشىلىك قولدارىنداعى جۇمىستارىن قويا تۇرىپ، بۇكىل ىنتاسىمەن وتباسىنداعىلارمەن بىرگە بولادى، تۋىس - تۋعان، دوس - جاراندارىن ارالايدى. قۇربان ايت مەرەكەسى تۋىستىق سۇيىسپەنشىلىكتى، دوستىق سۇيىسپەنشىلىكتى نىعايتاتىن مەيىرگە تولى مەرەكە.
توقسۇن اۋدانى بوستان قالاشىعى چاڭان قىستاعىنان كەلگەن ابليكىم ەركىننىڭ بالا كەزىندە تۋىس - تۋعان، دوس - جاراندارىمەن توپتاسىپ بىرگە ايتشىلايتىندىعى، جاقىن جەرگە جاياۋ، الىستاعىلارعا ات اربامەن، ەسەك اربامەن باراتىندىعى ءالى ەسىندە. ”ەكونوميكانىڭ، قوعامنىڭ دامۋىنا ىلەسە، ءبىزدىڭ تۇرمىس ساپامىز بارعان سايىن جوعارىلادى، قۇربان ايت مەرەكەسى دە بارعان سايىن تارتىمدى بولا ءتۇستى، ايتشىلاۋ ءتاسىلى دە تۇرلىشە بولا ءتۇستى“. ابليكىم ەركىن بىلاي دەدى: قازىر باسىم كوپ ساندى وتباسىلارىندا جەڭىل اۆتوكولىك بار، اۆتوكولىكپەن اسفالت جولدا جۇرسەك ءارى تەز، ءارى جانعا جايلى. ونىڭ ۇستىنە ۇشاق، جوعارى قارقىندى تەمىر جول دا وتە قولايلى، الىستا تۇراتىن تۋىس - تۋعاندار دا قايتىپ كەلىپ مەرەكە وتكىزە الادى، قايتىپ كەلە الماعان كۇننىڭ وزىندە زەردەلى قول تەلەفونمەن حابارلاسىپ، بەينە كەسكىن جولداپ، ءوزارا ايتشىلاپ تىلەك جولدايدى. ”ءبىز جونىنەن العاندا قازىرگى باقىتتى تۇرمىسىمىزدىڭ ءار كۇنى تۇگەلدەي مەرەكە“، - دەدى ول.
اقپار جاريالاۋ ءماجىلىسىنىڭ ناق مايدانىندا سول كۇنى تاڭەرتەڭگى نامازدى باسقارعان، ءۇرىمجى قالاسىنداعى اق مەشىتتىڭ يمامى ابدۇشكۇر راحمەتوللا امەريكاداعى، باتىستاعى جۇڭگوعا قارسى كۇشتەردىڭ شينجياڭ ”ءدىني سەنىم ەركىندىگىن شەكتەدى“ دەگەن وسەك - اياڭىنا ءتول كەشىرمەسى ارقىلى تويتارىس جاسادى. اقسۋ قالاسى حۇڭچياۋ ءمالىسى رەستى الەۋمەتتىك اۋماعىندا تۇراتىن تۇرعىن ياسىنجان ءالقام ءوزىنىڭ حانزۋ وكىل اكەسىمەن بولعان حيكاياسىن ءبولىسۋ ارقىلى كوپشىلىككە: شينجياڭدىق رەتىندە، ءسوز جوق، ۇلتتار ىنتىماعىن ءوزىنىڭ كوزقاراشىعىن ايالاعانداي ايالاۋ، ءار ۇلت حالقى اناردىڭ دانىندەي تىعىز ۇيىسۋى كەرەك، - دەگەندى ۇعىندىردى.
شينجياڭ كوركەمونەر تەاترحاناسى ءان - ءبي ۇيىرمەسى وقىتۋ - زەرتتەۋ كەڭسەسىنىڭ ورىنباسار مەڭگەرۋشىسى، مەملەكەتتىك 1 - دارەجەلى رەجيسسەر ميھراي يبىرايىم بيىلعى قۇربان ايت مەرەكەسى ادەبيەت - كوركەمونەر ساۋىق كەشىنىڭ رەجيسسەرى، ول جاسامپازدىق بارىسىنداعى شىنايى سەزىنگەندەرىن ءبولىسۋ ارقىلى كوپشىلىككە: قۇربان ايت مەرەكەسى ادەبيەت - كوركەمونەر ساۋىق كەشى − شينجياڭنىڭ ءار ۇلت مادەنيەتىن قورعاۋىنىڭ، جالعاستىرۋىنىڭ، دامىتۋىنىڭ شاعىن كارتيناسى، شينجياڭداعى ءار ۇلت حالقىنىڭ رۋحاني تۇرمىسى اناعۇرلىم تارتىمدى دا الۋان ءتۇرلى بولادى دەگەندى ۇعىندىردى.
اقپار جاريالاۋ ءماجىلىسى تاعى بەينە ەكران بايلانىس ءتاسىلى ارقىلى اقسۋ، حوتان 2 جەردەگى بۇقارانىڭ قۇربان ايت مەرەكەسىن تويلاعان دۋماندى كورىنىسىن كوردى. اقپار جاريالاۋ ءماجىلىسى دۋماندى ماشىراپپەن اياقتادى.
