تيانشان تورى
تيانشان تورى   ›   جاڭالىقتار   ›   شينجياڭ حابارلارى

پارتيا تاريحىن ۇيرەنۋ تاربيەسى جاندى دا جالىندى بولدى

  بۇراتالا وبلىسى:

  پارتيا تاريحىن ۇيرەنۋ تاربيەسى جاندى دا جالىندى بولدى

  □ انار بۇلت / شينجياڭ گازەتىنىڭ ءتىلشىسى سۇڭ ياۋىن

  ”تاريح پاراقتارىن اقتاراتىن بولساق، حۋاشيانىڭ جاڭا عاسىردى اشقاندىعىن بىلەمىز...“ 7 - ايدىڭ 15 - كۇنى بۇراتالا قالاسى چىندەل ءمالىسى حىپيڭ الەۋمەتتىك اۋماعىنىڭ مادەنيەت الاڭىنان سىڭعىرلاعان كۋايبار داۋىسى ەستىلدى، بۇراتالا قالاسى چىندەل قالاشىعى نەگىزگى قۇرىلىس اترەتىنىڭ انار گۇلى ۇگىت اترەتى وزدەرى قۇراستىرعان «پارتيا قۇرىلعاندىعىنىڭ 100 جىلدىعى» كۋايبار ولەڭىن ورىنداپ، پارتيانىڭ شۇعىلالى تاريحىن ۇگىتتەپ، پارتيانىڭ ابزال ساياساتىن ”شوچاڭ“ ۇلگىسى ارقىلى ءار ۇلت بۇقاراسىنا جەتكىزدى.

  پارتيا تاريحىن ۇيرەنۋ تاربيەسى ورىستەتىلگەننەن بەرى، بۇراتالا موڭعۇل اۆتونوميالى وبلىسى ”ءۇش جيىن، ءبىر ساباق“، ”پارتيا تۋى تيانشاندى نۇرلاندىردى“ نەگىزگى تاقىرىپتىق پارتيا كۇنى قيمىلى سياقتىلارمەن ۇشتاستىرىپ، ەرەكشەلىگى ايقىن، فورماسى الۋان ءتۇرلى بولعان پارتيا تاريحىن ۇيرەنۋ تاربيەسىن ورىستەتتى ءارى پارتيا تاريحىن ۇيرەنۋ تاربيەسىن قىزمەت ءىس جۇزىندىگىمەن ۇشتاستىرىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن، جۇرەككە ۇيالاۋىن ىلگەرىلەتتى.

  بۇراتالا وبلىسىنداعى ءار دارەجەلى پارتيا ۇيىمدارى زەر سالا وزدىگىنەن ۇيرەنۋدى توپتىق ۇيرەنۋمەن ۇشتاستىرىپ، ءونىمدى ۇيرەنۋ تاسىلدەرى، ادىستەرى جونىندە بەلسەنە ىزدەنىس جاساپ، ”پارتيا تاريحىن سويلەتۋ ● قىزىل حيكايالاردى داۋىستاپ وقۋ“، ”پارتيا تاريحىن ۇيرەنۋدەن شاعىن اسەر ● ءار كۇنى ءبىر سويلەم“، ”پارتيا تاريحىن مىنبەگە كەزەكپەن شىعىپ بايانداۋ“ سياقتى قيمىلدار ورىستەتىپ، پارتيا تاريحىن ۇيرەنۋ تاربيەسىنىڭ اناعۇرلىم جاندى، جالىندى بولۋىنا مۇمكىندىك جاسادى.

  ”قۇرمەتتى قوناقتار، پارتيانىڭ 100 جىلدىق شۇعىلالى بارىسىن مەنىمەن بىرگە ەسكە الىڭىزدار...“. 7 - ايدىڭ 16 - كۇنى بۇراتالا وبلىسىنداعى جالپى حالىقتىق دەنە شىنىقتىرۋ ورتالىعى ● مادەنيەت، كوركەمونەر ورتالىعى ءبىر توپ ەكسكۋرسيالاۋشىنى قارسى الدى. كوپشىلىك تۇسىندىرۋشىگە ىلەسە كورمە زالىنا كىرىپ، ”100 جىلدىق كۇرەس جولى، جاڭا ساپارعا اتتانۋ“، ”قىزىل كينو جارناماسى كورمەسى جانە قىزىل كينو قويۋ قيمىلى“، ”كوركەمونەر كلاسسيكاسىنداعى پارتيا تاريحى“ سياقتى قىزىل، ءسوزسىز، باراتىن جەرلەردى جەكە - جەكە ەكسكۋرسيالاپ، جاندى سۋرەتتەر، كينو جارناماسى، قىزىل كينو، كوركەمونەر كلاسسيكالىق تۋىندىلارى، مادەني ەسكەرتكىش، ناقتى زاتتار سياقتىلار ارقىلى جۇڭگو كوممۋنيستىك پارتياسىنىڭ قۇلاشىن كەڭ جايعان ايدىنى اسقاق 100 جىلدىق بارىسىن جان - جاقتى ءتۇسىنىپ، پارتيا تاريحىن ۇيرەنۋ تاربيەسىن ورىستەتۋدىڭ ماڭىزدى ءمانىن تەرەڭ ۇعىندى.

  قازىرگە دەيىن بۇراتالا وبلىسى جالپى حالىقتىق دەنە شىنىقتىرۋ ورتالىعى ● مادەنيەت، كوركەمونەر ورتالىعى جالپى 500دەن استام قيمىل وتكىزدى، ەكسكۋرسيالاعانداردىڭ جالپى سانى 20 مىڭ ادام - رەتتەن استى. ءار ۇلت پارتيا مۇشەلەرى، كادرلار، بۇقارا وسى اراعا كەلىپ، پارتياعا كىرۋ سەرتىن قايتا پىسىقتادى، اعا بۋىنداردىڭ ىزدەرىن ەسكە الدى، قىزىل حيكايالاردى تىڭدادى، سول جەردە كورۋ، دەن قويا ۇعىنۋ ارقىلى قىزىل گەندى قان تامىرعا شىنايى ءسىڭىردى.

  مۇنان سىرت، بۇراتالا وبلىسى ماقالا قابىلداۋ، لەكسيا سويلەۋ، كۋايبار، شاعىن اڭگىمە ايتۋ سياقتى جارىس وتكىزىپ، مۋزيكا ساۋىعى، قىزىل ادەبيەت - كوركەمونەر ساڭلاقتارى نەگىزگى تاقىرىپتىق ارالاپ ويىن قويۋ، ارناۋلى تاقىرىپتىق مادەنيەتتى اۋىلعا جەتكىزۋ سياقتى قيمىلداردى دا ۇيىمداستىردى؛ تالانتتى جاستار، ۇلتتار ىنتىماعى، ەڭبەك ەرلەرى، شەبەرلەر، بۇقارا اراسىنداعى شەشەن سياقتى كاسىپتىك ۇگىت لەكسيا جاساۋ اترەتىنەن 10ىن، سونداي - اق ۇلانمۇچىر، جاپپالى اۆتوموبيل، مەيىربان انالار سياقتى ەرەكشە ۇگىت لەكسيا ۇيىرمەسىنەن 206سىن ۇيىمداستىرىپ قۇردى، حالىق ۇگىت لەكسياشىسى 1733 ادام بولدى. ”ۇگىت لەكسيا + ادەبيەت - كوركەمونەر“ قيمىلدارى پارتيانىڭ شۇعىلالى بارىسىن ەسكە الىپ، ۇلى پارتيا قۇرۋ رۋحىن جالعاستىرىپ، ماڭايىنداعى ىستەر ارقىلى كەلەلى ساياساتتاردى ءتۇسىندىرىپ، شاعىن حيكايالار ارقىلى ۇلكەن قيسىندى ايقىن ءتۇسىندىرىپ، پارتيا تاريحىن ۇيرەنۋ تاربيەسىنىڭ وي - ساناعا، جۇرەككە ۇيالاۋىن ىلگەرىلەتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.