نۇرلان ءابىلماجىن جاي پارتيا مۇشەسى سالاۋاتىمەن ءوزى قاراستى پارتيا ياچەيكاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق ۇيىمدىق تۇرمىس جيىنىنا قاتىناستى
پارتيانىڭ 100 جىلدىق ۇلى كۇرەسى بارىسىنان اقىل - پاراسات جانە كۇش - قۋات قابىلداۋ كەرەك
انار بۇلت / شينجياڭ گازەتىنىڭ ءتىلشىسى جاڭ يۇنمەي 7 - ايدىڭ 20 - كۇنى ۇرىمجىدەن حابارلايدى. 7 - ايدىڭ 19 - كۇنى تۇستەن كەيىن اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن جاي پارتيا مۇشەسى سالاۋاتىمەن ءوزى قاراستى اۆتونوميالى رايوندىق ساياسي كەڭەس ورگانى 11 - پارتيا ياچەيكاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق ۇيىمدىق تۇرمىس جيىنىنا قاتىناسىپ، پارتيا ياچەيكاسىنىڭ مۇشەلەرىمەن بىرگە باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنىپ، ۇيرەنۋ، دايەكتىلەندىرۋ سانالىلىعى مەن ىرىقتىلىعىن ونان ارى كۇشەيتىپ، پارتيانىڭ 100 جىلدىق ۇلى كۇرەس بارىسىنان ۇزدىكسىز اقىل - پاراسات جانە كۇش - قۋات قابىلدادى.
جيىندا ياچەيكاداعى پارتيا مۇشەلەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، نازاردى پارتيا تاريحىن ۇيرەنۋگە، يدەيانى تۇسىنۋگە، ناقتى ءىس ىستەۋگە، جاڭا جاعداي اشۋعا شوعىرلاندىرىپ، ۇيرەنۋ اسەرلەرىن اڭگىمەلەدى؛ پارتيا تاريحىن ۇيرەنۋ تاربيەسىنىڭ نىسانا - تالاپتارى بويىنشا جەكەنىڭ يدەيالىق جانە قىزمەت امالياتىمەن بايلانىستىرا وتىرىپ، ماسەلەلەردى قاداعالاپ، تەكسەرىپ، يدەيانىڭ ءتۇپ قاينارىن جىنتىكتەي تالداپ، رەتتەۋ - تۇزەتۋ شارالارىن ايقىندادى.
كوپشىلىكتىڭ ءسوزىن مۇقيات تىڭداعاننان كەيىن نۇرلان ءابىلماجىن ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزى بۇكىل پارتيانىڭ، بۇكىل ەلدەگى ءار ۇلت حالقىنىڭ ەكىنشى 100 جىلدىق كۇرەس نىساناسىنا قاراي قادام تاستاۋىنا ايقىن العا ىلگەرىلەۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. ساياسي دەڭگەيدى جوعارىلاتىپ، ”ءتورت تانىمدى“ كۇشەيتىپ، ”تورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ۇدايى مىقتى يگەرىپ، كۇندەلىكتى داعدىعا اينالدىرىپ، جايشىلىقتا قاتايتىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، اۆتونوميالى رايوندىق پارتكومنىڭ ورنالاستىرۋ تالابىنا ساي، قاي - قاشان دا اينىماي پارتياعا سەنۋ، پارتيانى ءسۇيۋ، پارتيا ءۇشىن ىستەۋ ساياسي سانالىلىعىن، يدەيالىق سانالىلىعىن جانە ارەكەت سانالىلىعىن شىن مانىندە كۇشەيتىپ، پارتياعا بۇلجىماي ىلەسۋ، العان بەتىنەن قايتپاۋ سەنىمىن ونان ارى بەكەمدەپ، ۇلى پارتيا قۇرۋ رۋحىن كۇندەلىكتى ناقتى ارەكەتكە اينالدىرىپ، توڭكەرىستىك ءداستۇردى سانالىلىقپەن جالعاستىرىپ، قىزىل گەندى جالعاستىرىپ، رۋحاني كالتسيدى تولىقتاپ، مۇرات - سەنىمدى رۋحتىڭ جانىنا، كىسىلىكتىڭ تاعانىنا، جاۋاپكەرشىلىكتى اتقارۋدىڭ نەگىزىنە اينالدىرۋ كەرەك.
نۇرلان ءابىلماجىن بىلاي دەپ باسا دارىپتەدى: پارتيانىڭ اۋەلگى ماقساتىن، بورىشىن تەرەڭ ءتۇسىنىپ، حالىق ءۇشىن ىستەۋ باس ماقساتىن امالياتتا بەلسەنە اتقارىپ، ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇرۋ، ۇلتتار ىنتىماعىنىڭ بەرەكەلى شاڭىراعى، كوزدەن كەشىرۋ، تەكسەرۋ - زەرتتەۋ، وقۋ - اعارتۋعا كومەكتەسۋ، وقۋعا كومەكتەسۋ سياقتى ورايلاردان تولىق، ويداعىداي پايدالانىپ، بۇقارا اراسىنا ىشكەرىلەي بارىپ، بۇقارامەن بايلانىس جاساپ، بۇقاراعا قىزمەت وتەپ، ءىس جۇزىندىك ارەكەت ارقىلى پارتيانىڭ شينجياڭداعى بيلىك جۇرگىزۋىنىڭ بۇقارالىق نەگىزىن نىعايتۋ كەرەك. بۇقاراعا قىزمەت وتەۋدەگى قابىلەت ماسەلەسىن ويداعىداي شەشىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ويداعىداي تياناقتاندىرىپ، اۆتونوميالى رايوندىق پارتكومنىڭ حالىققا تيىمدىلىك جاساۋ ساياساتتارىن ويداعىداي تياناقتاندىرىپ، حالىق تۇرمىسىنىڭ قۇت - ىرىسىن سايكەسە نىعايتۋ بارىسىندا حالىق ساياسي كەڭەسىنىڭ حالىق ءۇشىن ىستەۋ قۇن تالپىنىسىن ايگىلەۋ كەرەك.
نۇرلان ءابىلماجىن مىنالاردى تالاپ ەتتى: جاۋىنگەر قورعاندىق رولدى تولىق ساۋلەلەندىرىپ، ياچەيكانىڭ پارتيا قۇرىلىسى قىزمەتىن كاسىپتىك قىزمەتتىڭ جالپى بارىسىنا ءسىڭىرىپ، ياچەيكا قۇرىلىسىن يگەرۋدىڭ جاڭا ناتيجەسى ارقىلى باسقارمالاردىڭ، كەڭسەلەردىڭ نەگىزگى جاۋاپكەرشىلىگىن، نەگىزگى كاسىبىن جوعارى ساتىعا كوتەرۋدى جەبەپ، ”ۇلگىلى ياچەيكا“ بولۋعا قۇلشىنۋ كەرەك. ”توعىز ءسوز جوق“ ءتۇبىرلى تالابىن تەرەڭ ءتۇسىنىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى، تياناقتاندىرۋدى وراي ەتىپ، قوزعاۋشى كۇش ەتىپ، پارتيا تاريحىن ۇيرەنۋ تاربيەسىن ىشكەرىلەي تىڭعىلىقتى ورىستەتىپ، ءوز قىزمەتىن تاباندىلىقپەن ويداعىداي ىستەۋ كەرەك.
