تيانشان تورى   ›   جاڭالىقتار   ›   ەل ءىشى حابارى

ءبىر نيەتپەن ارمانعا قۇلاش سەرمەپ، شينجياڭنىڭ كەلەشەگىن كەستەلەدى

  ءبىر نيەتپەن ارمانعا قۇلاش سەرمەپ، شينجياڭنىڭ كەلەشەگىن كەستەلەدى

  − جاڭا كەزەكتى شينجياڭعا باعىتتامالى كومەكتەسۋ ”مەملەكەت ارەكەتىنە“ جالپى شولۋ

□ شينحۋا اگەنتتىگىنىڭ تىلشىلەرى حى جۇن، لي جىحاۋ، جاڭ يان، ديڭ لەي

  جاپا شەككەن بۇقارانىڭ ەندى دوڭگەلەك داۋلەتتى تۇرمىستان يگىلىكتەنەتىن شاعى جەتتى. قالا حالقىنا قامقورلىق جاساپ، شار تاراپتى الاڭسىز ەتتى.

  2010 - جىلى جاڭا كەزەكتى شينجياڭعا باعىتتامالى كومەكتەسۋ قىزمەتى باستالدى. ەكونوميكا، عىلىم - تەحنيكا، وقۋ - اعارتۋ، ەمدەۋ، دارىندى سياقتىلاردى جان - جاقتىلى قامتىعان شينجياڭعا كومەكتەسۋ مەحانيزمى تيانشاننىڭ وڭتۇستىگى مەن سولتۇستىگىنىڭ دامۋىنا تاسقىنداعان قوزعاۋشى كۇش ۇستەدى.

  ورتالىق كوڭىل ءبولىپ، مەملەكەتتىك مينيسترلىك، كوميتەتتەر بار كۇشىن سالىپ، 19 ولكە، قالا كەلەلى مىندەت ارقالادى. 11 جىلدا ۇتىلاي كومەكتەسىپ، شينجياڭنىڭ اۋىل - قىستاقتارىنداعى 3 ميلليوننان استام كەدەي حالىقتىڭ كەدەيلىككە قوش ايتۋىنا، شينجياڭداعى 25 ميلليوننان استام ءار ۇلت حالقىنىڭ دوڭگەلەك داۋلەت ارمانىن تەڭ قادامدا جۇزەگە اسىرۋىنا كومەكتەستى.

  شىعىس تەڭىزدىڭ سۋى كۇنلۇندى نارلەندىردى، نانليڭنىڭ جاسىل جەلەگى ءشول دالانى كومكەردى. قازىر ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ كەلبەتى مەن مۇندالايدى...

  ءبىر نيەتپەن ارمانعا قۇلاش سەرمەپ، دوڭگەلەك داۋلەت ارمانىن جۇزەگە اسىردى

  شينجياڭ قىزمەتىنىڭ سالماعى اۋىر، سالماقتىڭ اۋىرى وڭتۇستىك شينجياڭدا، كەدەيلىك جاپپاي دوڭگەلەك داۋلەتتىلىك نىساناسىن جۇزەگە اسىرۋداعى ەڭ ۇلكەن كەدەرگى بولىپ كەلگەن ەدى.

  جاسى ەلۋدەن اسقان سادىقجان تاش كەدەيلىكتىڭ اشتى ءدامىن ابدەن بىلەدى. قاشقار ايماعى كونەءشار اۋدانىنىڭ شاعىن قىستاعىندا دۇنيەگە كەلگەن ول داشۋەدە ازىق - تۇلىك ماماندىعىن وقىعان. وقۋ تاۋىسىپ اۋىلىنا قايتقان ول ءوزى ۇيرەنگەن بىلىمدەرىمەن اتا مەكەنىنىڭ كەدەيلىكتەن ارىلۋىن جەبەۋدى كوزدەدى.

  2019 - جىلى جەرگىلىكتى ۇكىمەت پەن گۋاڭدۇڭنىڭ شينجياڭعا كومەكتەسۋ بويىنشا قولداۋىنىڭ ارقاسىندا، 50 جاستاعى ول ءوزى تالاي جىلدان بەرى ابدەن جاتىلعان ماي تارتۋ تەحنيكاسىنا سۇيەنىپ اتا مەكەنىندە شاعىن ماي تارتۋ زاۆودىن قۇردى.

  ماي تارتۋ زاۆودىنىڭ كولەمى شاعىن بولعاندىقتان، جۇمىس ىستەيتىندەردىڭ سانى دا شەكتى بولدى. شينجياڭعا كومەككە كەلگەن كادرلار سادىقجان تاشتىڭ شارۋاشىلىق قۇرۋداعى تالماۋ جەرىن ءداپ باسىپ كورە ءبىلدى. 2020 - جىلى كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ ساتىندە، گۋاڭدۇڭ شينجياڭعا كومەكتەسۋدەگى ”باستاۋشى قازداردى“ جەتىلدىرۋدى نىسانا ەتىپ، سادىقجان تاشتى قامتىعان 18 بايۋ باستاماشىسىن جەتىلدىرۋ وبيەكتىسى ەتىپ تاڭداپ، جالپى سوماسى 5 ميلليون 400 مىڭ يۋان قارجىلىق قولداۋ كورسەتەدى.

  شينجياڭعا كومەكتەسۋ قارجىسى مەن تەحنيكاسىنىڭ قولداۋىندا سادىقجان تاش ءوندىرىس قۋاتىن تەز كەڭەيتەدى، كەيىن تاعى ەكىنشى ماي تارتۋ زاۆودىن اشادى. كاسىپورىنداعى قازىرگى 48 قىزمەتكەردىڭ %70ى كەدەي وتباسى. ”ولار قازىر تۇگەلدەي كەدەيلىكتەن ارىلدى“، - دەدى سادىقجان تاش ماقتانىشپەن.

  گۋاڭدۇڭنىڭ شينجياڭعا كومەكتەسۋ بويىنشا بايۋ باستاماشىلارىن جەتىلدىرۋ نىسانىنىڭ ارقاسىندا 2000نان استام بۇقارا كەدەيلىكتەن ارىلىپ بايۋ جولىنا ءتۇستى.

  2020 - جىلدىڭ اياعىنا دەيىن شينجياڭنىڭ اۋىل - قىستاقتارىندا قازىرگى ولشەمدەگى 3 ميلليوننان استام كەدەي حالىق تۇگەلدەي كەدەيلىكتەن ارىلىپ، تالايلاعان جىلعى مۇلدەم كەدەيلىك ماسەلەسى تاريحي شەشىم تاپتى. وسى رەتكى كەدەيلىكتەن ارىلتۋدان قامال الۋ شايقاسىندا، شينجياڭعا كومەكتەسۋشى كۇشتەر ماڭىزدى رول اتقاردى. 2019 - جىلدان بەرى ورتالىق كاسىپورىندارى شينجياڭدا جيىنى 265 ميلليارد يۋان قارجى سالدى، شينجياڭعا كومەكتەسكەن ولكە، قالالار جيىنى 50 ميلليارد يۋاننان استام شينجياڭعا كومەكتەسۋ قارجىسىن سالدى.

  تاكلاماكان ءشولىنىڭ وڭتۇستىك جيەگىندەگى شينجياڭنىڭ كۇنيۇي قالاسى ءشول دالادا ەڭسە كوتەرگەن جاس قالا. بەيجيڭ شينجياڭعا كومەكتەسىپ 70 ميلليون يۋاننان استام قارجىمەن سالعان كۇنيۇي قالالىق حالىق شيپاحاناسى ەمدەۋ، الدىن الۋ، كۇتىمدەۋ، سالاماتتىق تاربيەسى، ازىق - تۇلىك تازالىعىن باقىلاۋ سياقتى يقۋاتتاردى ءبىر بويىنا شوعىرلاندىرعان زاماناۋي شيپاحانا، 2018 - جىلى 10 - ايدا ماڭدايشالىق اسىپ قۇرىلىپ، كۇنيۇي قالاسىندا ۋنيۆەرسال شيپاحانا جوق بولۋداي اق تاڭداقتى تولتىردى.

  11 جىلدان بەرى بۇكىل ەلدەگى 19 ولكە، قالا حالىق تۇرمىسى بويىنشا شينجياڭعا كومەكتەسۋ سالاسىندا ۇزدىكسىز تەر توگىپ، وزىق قاتتى دەتالدى ”ەنگىزىپ“ قانا قالماستان، كومەك بەرىلەتىن جەرلەرگە تاپشى دارىندىلاردى ۇزدىكسىز تاڭداپ جىبەرىپ، ”قان قۇيۋمەن“ بىرگە، ”قان جاساۋعا“ ءتىپتى دە ءمان بەردى.

  وسى قالاداعى بىردەن - ءبىر بالالار اۋرۋى جاعىنداعى مامان شيپاگەر رەتىندە، بەيجيڭنەن شينجياڭعا كومەككە كەلگەن يۇي ليجۋان ءوزى ارقالاعان جۇكتىڭ سالماعىنىڭ اۋىر ەكەندىگىن ابدەن ءبىلدى، ”بۇل جەردە بالاباقشا، باستاۋىش مەكتەپ، ورتالاۋ مەكتەپ بار، بالا كوپ، بالالار اۋرۋىن ەمدەۋ جاعىنداعى قاجەت وتە زور“.

  نەشە كيلومەترگە سوزىلىپ جاتقان ءشول دالاعا ءار كۇنى كوز سالعان سايىن، يۇي ليجۋاننىڭ جەرگىلىكتى ورىننىڭ بالالار اۋرۋىن ەمدەۋ دەڭگەيىن تەزىرەك جوعارىلاتىپ، وزىق ۇستانىم مەن تەحنيكانى ماڭىنداعى قىزمەتتەستەرىنە ۇيرەتۋ بەكىمى نىعايا تۇسەدى. ”بالالار اۋرۋى ماماندىعىن ويداعىداي ورناتىپ، بالالاردىڭ اۋرۋ كورسەتۋىن اناعۇرلىم قولايلى ەتۋ كەرەك“.

  حالىق مەملەكەتتىڭ ىرگە تاسى، ىرگە تاس بەرىك بولسا، مەملەكەت تىنىش بولادى.

  جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى 19 ولكە، قالا شينجياڭعا كومەكتەسۋ قارجىسىنىڭ %80ىن ەمدەۋ، وقۋ - اعارتۋ، جۇمىستاندىرۋ سياقتى حالىق تۇرمىسى سالالارىنا قوسىپ، ءار ۇلت بۇقاراسىنىڭ ەڭ تىكە، ەڭ رەال، ەڭ كوكەي تەستى حالىق تۇرمىسى قيىن ماسەلەلەرىن ءونىمدى شەشتى.

  جۇمىس جەلىسىنىڭ ەكى جاعىندا بىركەلكى جۇمىس كيىمىن كيىپ وتىرعان ايەلدەر ەپتى قولدارىمەن قۇراۋ، تىگۋ سياقتى جۇمىس تارتىپتەرىن شەبەرلىكپەن ورىنداۋدا. جۇمىستىڭ سوڭعى كەزىندەگى دايىن بولعان كيىم - كەشەكتەر جەتكىزىلىپ، وسى كيىم - كەشەكتەر دەرەۋ شىعىس بولىكتەگى شەكارا وتكەلدەرىنە جونەلتىلەدى.

  مۇنداي كورىنىس شينجياڭنىڭ وڭتۇستىك بولىگىندەگى ءىرى جاسىل القاپ قالالارىنىڭ بارىندە بار. باسىم كوپ ساندى جۇمىسشىلار بىرنەشە جىلدىڭ الدىندا ءناپاقاسىن جەردەن الىپ جۇرگەن ەگىنشىلەر بولاتىن، كاسىپ سالاسى ارقىلى شينجياڭعا كومەكتەسۋ ءبىر توپ جاساۋ كاسىپورىندارىنىڭ شينجياڭعا ىرگە تەبۋىن جەبەپ، ولاردىڭ سالاۋاتتارىنا بۇرىلىس جاساۋىنا وراي اپەردى.

  ماقتا توقىماشىلىق كاسىبىن عانا مىسال ەتەر بولساق، 2020 - جىلعا دەيىن شينجياڭنىڭ ماقتا توقىماشىلىق كاسىبىنىڭ ءوندىرىس قۋاتى 20 ميلليون 380 مىڭ ۇرشىققا جەتىپ، بۇكىل ەلدەگى ماقتا توقىماشىلىق كاسىبى ءوندىرىس قۋاتىنىڭ %17.6ىن يەلەپ، 600 مىڭ ادامدى جۇمىستاندىرىپ، بۇكىل ەلدىڭ ماقتا توقىماشىلىق كاسىبىندەگى ماڭىزدى ءوندىرىس بازاسىنا اينالدى. كاسىپ سالاسىنىڭ تەز دامۋى مەملەكەت پەن اۆتونوميالى رايوننىڭ ساياساتتىق قولداۋىنان كەلسە، ەندى ءبىر جاعىنان، مۇنى 19 ولكە، قالانىڭ شينجياڭعا كومەكتەسۋ كۇشتەرىنىڭ بۇكىل ەلدەگى كاسىپ سالالارىن شينجياڭعا كىرۋگە باستاعان ەڭبەگىنەن دە بولە قاراۋعا بولمايدى.

  شالعايدان قارايلاسىپ، تىلەك پەن بىلەكتى جالعادى

  الىس ساپاردى بىرگە باسىپ، حالىق تۇرمىسىنىڭ بارلىق ىستەرىن تىندىردى، شينجياڭعا باعىتتامالى كومەكتەسۋ مەملەكەت ارەكەتىنىڭ الىپ كارتيناسى − ۇلتتاردىڭ، سالالاردىڭ بارىس - كەلىس جاساۋ حيكايالارىنىڭ اسەرلى جيناعى.

  باۋىرلاستىق گۇلى جايقالىپ، ءبىر تامىر بوپ تۇتاستى. ”بىردە - بىرەۋىن قاعىس قالدىرماۋداي“ جاپپاي دوڭگەلەك داۋلەتتىلىك جۇڭحۋا ۇلتى ورتاق تۇلعا تانىمىنىڭ تامىر تارتۋىنان وركەن جايدى.

  جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى 17 مىڭعا جۋىق شينجياڭعا كومەكتەسەتىن كادر دارىندى شىعىستا ياڭگۋاننان ءوتىپ تيانشاننىڭ ەتەگىنە كەلدى. وتاننىڭ التىدان ءبىر بولىگىن ۇستايتىن بايتاق دالاسىندا، جەر - جەردەگى شينجياڭعا كومەكتەسۋ قۇرىش قوسىندارى ۇزدىكسىز كۇرەس جۇرگىزىپ، شينجياڭداعى ءار ۇلت باۋىرلاستاردىڭ دوڭگەلەك داۋلەتكە جەتۋ ارمانىن بىرگە جۇزەگە اسىرۋىنا كومەكتەستى.

  2010 - جىلدان بەرى 15 مىڭنان استام شينجياڭعا كومەككە كەلگەن كادر دارىندى جەرگىلىكتى 145 مىڭنان استام كادر دارىندىمەن جۇپ قۇراپ، كومەكتەسىپ - جەتەكتەدى. شينجياڭعا كومەكتەسكەن ولكە، قالالار ”ىشكە ەنگىزۋ“ مەن ”سىرتقا شىعارۋدى“ ۇشتاستىرۋعا تاباندى بولىپ، شينجياڭداعى كادر دارىندىلار قوسنىنىڭ تۇتاس تۇلعالىق ساپاسىن جوعارىلاتۋمەن بىرگە، شەكارا ءوڭىر مەن وتاننىڭ جەر - جەرىنىڭ ىقپالداستىعىن، اۋىس - كۇيىسىن جەبەدى.

  7 - ايدىڭ 3 - كۇنى تۋىت شيپاگەرى حۋاڭ فاڭنىڭ شاكىرتى گاۋھارگۇل جىجياڭنىڭ نيڭبوسىنا قايتپاقشى بولعان ۇستازىنا از ۇلتتاردىڭ ەرەكشەلىككە يە دوپپاسىن كيگىزدى.

  ءبىر جارىم جىلدان بەرى حۋاڭ فاڭ 1200 ادام - رەتتەن استام جۇكتى ايەلدى ەمدەۋگە قابىلداپ، وكپە ارتەريا جوعارى قىسىمى، شۇعىل سيپاتتى جۇرەك قالجىراۋ، قانسىراۋ سيپاتتى ەستەن تانۋ سياقتى قاتەرلى كەزەڭدەگى جۇكتى ايەلدى 40 ادام - رەتتەن استام شۇعىل قۇتقارىپ، سانسىز قۇرمەت جالاۋىنا يە بولدى. ”بىرەۋدىڭ قاجەتىنە جاراۋدىڭ ءوزى ءبىر باقىت“. حۋاڭ فاڭ تاعى كورلا قالالىق حالىق شيپاحاناسى تۋىت ءبولىمىنىڭ كلينيكالىق ەمدەۋىن ولشەمدەندىرۋىنە كومەكتەسىپ، ءبولىمنىڭ كاسىپتىك قابىلەتىن جوعارىلاتتى.

  ارتقى جاق پەن الدىڭعى شەپ بىرلەسە قيمىلدادى، جەلىدە جانە جەلىدەن تىس جۇمىس ىستەۋدى ۇشتاستىردى، تۇتاس قوعام ات سالىستى. شينجياڭعا كومەككە كەلگەن كادر دارىندىلار كومەك بەرگەن جەردىڭ بايلىعى مەن تەحنيكاسىن الا كەلىپ، كومەك قابىلدايتىن جەردىڭ كادر دارىندىلارىنىڭ تەز جەتىلۋىنە كومەكتەستى.

  جاڭا كەزەكتى شينجياڭعا كومەكتەسۋ قىزمەتى باستالعاننان بەرى شينجياڭعا كومەككە كەلگەن قالىڭ كادر دارىندىلار ”ۇلتتار ىنتىماعىنىڭ بەرەكەلى شاڭىراعى قيمىلىنا“ بەلسەنە ات سالىسىپ، شينجياڭداعى 10 مىڭنان استام ءار ۇلت كادر، بۇقارا وتباسىمەن جۇپ قۇراپ، تۋىس بولىپ، 74 ميلليون 400 مىڭ يۋاننان استام اقشا، زات جىلۋ اتادى، جەر - جەردىڭ شينجياڭعا كومەكتەسۋ قولباسشىلىق شتاپتارى تاعى ”بولماشى تىلەكتى“ ايگىلەۋ، جاس وسپىرىمدەردىڭ ”قول ۇستاسۋى“، جازدىق لاگەردە سۇيىسپەنشىلىك توعىستىرۋ، فۋتبول جارىسىنا باۋلۋ سياقتى ءتۇرلى قيمىلداردى ورىستەتتى. ءتۇرلى فورماداعى بارىس - كەلىس نەشە مىڭداعان كيلومەتر ارالىقتى جالعادى.

  2018 - جىلى 11 - ايدان بەرى جياڭسۋ ولكەسىنىڭ شينجياڭ ىلە قازاق اۆتونوميالى وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى جانە ىلە وقۋ - اعارتۋ، پوچتا سياقتى تاراۋلارمەن بىرگە جياڭسۋ مەن ىلەدەگى وسپىرىمدەردىڭ ”10 مىڭ شاقىرىمنان قازداردىڭ شىنايى سۇيىسپەنشىلىك جەتكىزۋى“ قول ۇستاسىپ، حات جازىپ دوستاسۋ قيمىلىن ورىستەتتى.

  حاتپەن حابارلاسۋ وسپىرىمدەردىڭ اراسىنداعى اۋىس - كۇيىستىڭ ”ليانيۇنگاڭ - قورعاس جوعارى جىلدامدىقتى تاس جولىن“ ۇلاستىردى. قورعاس قالاسى سۋگاڭ جوعارى دارەجەلى ورتا مەكتەبىنىڭ وقۋشىسى ايمان ليانيۇنگاڭداعى دوسىنا جازعان حاتىندا بىلاي دەدى: ”ءوز كوزىممەن كورمەسەم دە، سەنىڭ تانىستىرۋىڭنان ءدال سوندا بارعانداي بولدىم. جول تۇسسە، مەن، ءسوز جوق، تاۋلار مەن وزەندەردەن ءوتىپ باراتىن بولامىن، سول كەزدە ءوزىڭ ماعان جول باستاۋدى ۇمىتپاعايسىڭ“.

  شينجياڭعا كومەكتەسۋ قىزمەتى كومەك بەرگەن جەر مەن كومەك قابىلداعان جەردىڭ ءار ۇلت بۇقاراسى اراسىندا ”تىلەكتەستىك كوپىرىن“ سالىپ، جۇڭحۋا ۇلتى ورتاق تۇلعا تانىمى كەڭىنەن ارالاسۋ، جالپى بەتتىك ىشتەسۋ، تەرەڭدەي توعىسۋ بارىسىندا كۇن سايىن بەكەمدەلدى.

  ۇزاق ۋاقىت ەڭبەك ەتىپ، شينجياڭنىڭ كەلەشەگىن بىرگە كەستەلەدى

  جاڭا باستامادا، جاڭا كۇرەس جۇرگىزۋدى مۇرات ەتتى.

  تيانشاننىڭ وڭتۇستىگى مەن سولتۇستىگىندە، شينجياڭعا كومەكتەسۋشى كۇشتەر دامىل الماي، شينجياڭنىڭ جوعارى ساپالى دامۋدى جۇزەگە اسىرۋىن توقتاۋسىز ىلگەرىلەتىپ، ەكىنشى 100 جىلدىق كۇرەس نىساناسىنا قاراي ارشىندى قاداممەن ىلگەرىلەدى.

  − بيىل الدىڭعى جارتى جىلدا شاندۇڭ شينجياڭعا كومەكتەسۋ بويىنشا قاشقار ايماعىندا 132 نىساندى تياناقتاندىرىپ، جالپى سوماسى 20 ميلليارد يۋاننان استام قارجى سالىپ، ءبىر توبىن ىرگە تەپتىرگەن، ءبىر توبىمەن كەلىسىم جاساسقان، ءبىر توبىن زاپاسقا العان تاماشا كۇي قالىپتاستىرىپ، شينجياڭعا كەيىنگى كومەكتەسۋگە بەرىك نەگىز قالادى؛

  − جياڭسۋدىڭ شينجياڭعا كومەكتەسۋىنىڭ قولداۋىندا بيىل قورعاس شەكارا وتكەلىنەن شەكارادان كىرىپ - شىققان جۇڭگو - ەۆروپا كەزەكشى پويەزدارى بىلتىرعى ۇقساس مەزگىلدەگىدەن 79 كۇن بۇرىن 3000نان اسىپ، جىبەك جولى ەكونوميكالىق بەلدەۋىندەگى ”مەرۋەرتتىڭ“ جارىعى بارعان سايىن كوز جاۋىن الدى؛

  − تيانجين شينجياڭعا كومەكتەسۋ بويىنشا 18 كادر دارىندىنى حوتان ايماعىنىڭ اۋىل - قالاشىقتارىندا قىزمەت ىستەۋگە تاڭداپ جىبەرىپ، اۋىل - قىستاق كەشكى بازار قۇرىلىسىن، ەلەكتروندى ساۋدا تىكە تاراتۋىن، قىستاقتىڭ قونىس ورتاسىن جاقسارتۋدى ىلگەرىلەتىپ، كومەك قابىلداعان جەردىڭ اۋىل - قىستاقتى گۇلدەندىرۋىنە دەم بەردى.

  ...

  شينجياڭعا كومەكتەسۋدىڭ العاشقى ماقساتى − شينجياڭداعى ءار ۇلت حالقىنىڭ قيىن ماسەلەلەرىن شەشىپ، شينجياڭداعى ءار ۇلت حالقىن باقىتقا كەنەلتۋ.

  شىلدە ايى، الما جيناۋ مەزگىلىنە دەيىن ءالى 3 ايدان استام ۋاقىت بار. اقسۋ ايماعىنداعى كوپتەگەن جەمىس وسىرەتىن شارۋالار زاتپەن قامداۋ كەلىسىمىن ەرتە جاساسىپ قويدى.

  بۇرىنعى جىلدارى تاسىمال ارالىعى تىم الىس بولعاندىقتان، مۇنداعى المانى قامتىعان ەركشە جەمىس ونىمدەرىندە ساتۋ قيىنداسۋ، ارزانداتىپ ساتۋ قۇبىلىسى جارىققا شىققان بولاتىن.

  2017 - جىلى 8 - ايدا اقسۋ ايماعىنا باعىتتامالى كومەكتەسكەن جىجياڭ ولكەسى ءوزىنىڭ بازار باسىمدىعىن تياناق ەتىپ، ”10 قالادا 100 دۇكەن“ ينجەنەرياسىن جولعا قويىپ، ولكەدەگى 10 قالادا شينجياڭنىڭ ەرەكشە اۋىل شارۋاشىلىعى ونىمدەرىن ارناۋلى ساتۋ دۇكەنىن اشىپ، كومەك قابىلداعان جەردىڭ ساپالى اۋىل شارۋاشىلىق ونىمدەرىنىڭ شينجياڭنان شىعۋىنا كومەكتەستى.

  جىجياڭ ولكەسىنىڭ 10 - توپتا شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ قولباسشىسى جۋ لينسىن بىلاي دەدى: ”10 قالادا 100 دۇكەننىڭ“ دارەجەسى جوعارىلاتىلىپ، ”100 قالادا 1000 دۇكەنگە“ جەتكىزىلەدى ءارى تيانماۋ ساۋدا ورتالىعى، بۇلتتىق شوعىرلاندىرۋ ۋيچات دۇكەنى سياقتىلار ارقىلى جەلىدە بازارعا شىعارۋعا ۇلاستىرىلادى.

  ۇلتتار ىنتىماعى ءار ۇلت حالقىنىڭ جانى، جۇڭحۋا ۇلتى ورتاق تۇلعا تانىمىن بەرىك ورناتۋ، ۇلتتاردىڭ ۇلى ىنتىماعىن ۇزدىكسىز بەكەمدەۋ − شينجياڭداعى ءار ۇلت بۇقاراسىنىڭ ءتۇبىرلى مۇددەسىنىڭ تياناعى.

  شىنجىن شينجياڭعا كومەكتەسۋ بويىنشا شىنجىن، قاشقار وقۋشىلارىنىڭ بىرگە تاماقتانۋىن، بىرگە تۇرۋىن، بىرگە ۇيرەنۋىن، بىرگە اۋىس - كۇيىس جاساۋىن ىلگەرىلەتىپ، ەكى جەردەگى وسپىرىمدەردىڭ جانە وتباسىلارىنىڭ قوس باعىتتى ىقپالداستىعىن جۇزەگە اسىردى؛ حۋنان شينجياڭعا كومەكتەسۋ بويىنشا شينجياڭعا كومەكتەسەتىن شيپاگەرلەردى كومەك قابىلدايتىن جەردەگى ”وتباسى شيپاگەرى“ قىزمەت وتەۋ قيمىلىنا ات سالىسۋعا جەتەكتەپ، ناۋقاستار ءۇشىن جاقسى ءىس ىستەپ، قيىن ىستەردى شەشۋ بارىسىندا سۇيىسپەنشىلىكتى كۇشەيتتى؛ شاڭحاي شينجياڭعا كومەكتەسۋ بويىنشا شينجياڭدى مادەنيەتپەن نارلەندىرۋ ارەكەتىن ۇزدىكسىز ورىستەتىپ، توعىسپالى ادەبيەت - كوركەمونەر باعدارلامالارىن دانەكەر ەتىپ وسى زامانعى مادەنيەتتى قاشقارعا ەنگىزدى ءارى كومەك قابىلدايتىن جەردىڭ ءداستۇرلى مادەنيەتىن ۇگىتتەپ، ەكى جاقتىڭ جۇڭحۋانىڭ تاڭداۋلى مادەنيەتىن شىنايى مويىنداۋىن كۇشەيتتى.

  ءار ۇلتتىڭ شينجياڭعا كومەكتەسۋدى دانەكەر ەتە وتىرىپ كەڭىنەن ارالاسقان، جالپى بەتتىك ىشتەسكەن، تەرەڭدەي توعىسقان تاماشا بەينەسى شينجياڭنىڭ بايتاق دالاسىنىڭ ءار بۇرىشىندا ايگىلەنىپ، ۇلتتار ىنتىماعىنىڭ اسەرلى حيكايالارى ءار كۇنى جاڭالانۋدا.

  نيڭبو قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ قولباسشىسى شان جيچىڭ بىلاي دەدى: ”جاڭا داۋىردەگى شينجياڭعا كومەكتەسۋ قىزمەتى قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ۇزاق ۋاقىتتىق شارا جوسپارلاپ، نەگىزدى بەكەمدەۋ شاراسىن جولعا قويىپ، باياندى تىنىشتىققا ساياتىن تەرەڭ قاتپارلى ماسەلەگە شوعىرلاندىرا كۇش سالۋى كەرەك“.

  مەملەكەت كوڭىل بولگەن، باۋىرلاستار ءبىر نيەتتە بولعان شينجياڭنىڭ كەلەشەگىنىڭ ءۇمىتى زور!

  (شينحۋا اگەنتتىگىنىڭ 7 - ايدىڭ 20 - كۇنى ۇرىمجىدەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.