تيانشان تورى   ›   جاڭالىقتار   ›   ماڭىزدى حابارلار

شي جينپيڭ «جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەنگەن ءسوز» كوپ تىلدە كىتاپشا بولىپ باسپادان شىعىپ تاراتىلدى

  شينحۋا اگەنتتىگىنىڭ 7 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجات زەرتتەۋ اكادەمياسى اۋدارعان شي جينپيڭ «جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەنگەن ءسوز» ورىس ءتىلى، فرانسۋز ءتىلى، يسپان ءتىلى، اراب ءتىلى، جاپون ءتىلى، نەمىس ءتىلى سىندى 6 تىلدە كىتاپشا بولىپ، جاقىندا ورتالىق قۇراستىرۋ - اۋدارۋ باسپاسىنان باسىلىپ شىعىپ تاراتىلدى.

  شي جينپيڭ «جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەنگەن ءسوز» جۇڭگو كوممۋنيستىك پارتياسى قۇرىلعان 100 جىلدان بەرگى بۇكىل ەلدەگى ءار ۇلت حالقىن ىنتىماقتاستىرىپ، باستاپ اشقان ۇلى جولدى، جاراتقان ۇلى ىستەردى، قول جەتكىزگەن ۇلى تابىستاردى جۇيەلى ەسكە الدى؛ ءبىرىنشى 100 جىلدىق كۇرەس نىساناسىنىڭ جۇزەگە اسىرىلىپ، جاپپاي دوڭگەلەك داۋلەتتى قوعام ورناتىلعاندىعىن سالتاناتپەن جاريالادى، جاڭا داۋىردەگى جۇڭگوشا سوتسياليزمگە تاباندى بولىپ جانە ونى دامىتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستاۋدىڭ بەرىك بەكىمىن ايبىنمەن جاريالاپ، تاريحتى اينا ەتىپ، كەلەشەك اشۋدىڭ ءتۇبىرلى تالاپتارىن تەرەڭ بايىمدادى. بۇل ماڭىزدى ءسوزدىڭ كوپ تىلدە كىتاپشا بولىپ باسپادان شىعىپ، تاراتىلۋى، ەل ءىشى - سىرتىنداعى وقىرمانداردىڭ جۇڭگو كوممۋنيستىك پارتياسىنىڭ حالىقتى ىنتىماقتاستىرىپ، باستاپ، قاجىماي - تالماي كۇرەس جۇرگىزگەن شۇعىلالى بارىسى مەن ۇلى جەتىستىگى، قالىپتاستىرعان ۇلى پارتيا قۇرۋ رۋحى، جاراتقان جۇڭگو ۇلگىسىندەگى وسىزاماندانۋدىڭ جاڭا جولى جانە ادامزات وركەنيەتىنىڭ جاڭا كۇيى، اسقاقتاتقان بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇنى، ت. ب لاردى تەرەڭدەي ءتۇسىنۋى جونىنەن ماڭىزدى مانگە يە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.