شينحۋا اگەنتتىگىنىڭ 7 - ايدىڭ 20 - كۇنى بەيجيڭنەن بەرگەن حابارى. جۋىقتا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ تۋىت ساياساتىن ساپالىلاندىرىپ، حالىق سانىنىڭ ۇزاق ۋاقىت بىركەلكى دامۋىن جەبەۋ جونىندەگى قارارى» رەسمي جاريالاندى.
«قاراردا» مىنالار اتاپ كورسەتىلدى: حالىق سانىنىڭ دامۋى جۇڭحۋا ۇلتىنىڭ دامۋىنا ساياتىن ءىرى ءىس. پارتيا 18 - قۇرىلتايىنان بەرى پارتيا ورتالىق كوميتەتى حالىق سانى ماسەلەسىنە ايرىقشا ءمان بەرىپ، ەلىمىز حالىق سانىنىڭ دامۋ، وزگەرۋ جاعدايىنا نەگىزدەلىپ، تۋىت ساياساتىن بىرتىندەپ رەتتەۋ، كەمەلدەندىرۋ، حالىق سانىنىڭ ۇزاق ۋاقىت بىركەلكى دامۋىن جەبەۋ سىندى كەلەلى شەشىمدى جاساپ، ءتۇرلى قىزمەتتەردە كورنەكتى ونىمدىلىكتەرگە قول جەتكىزدى. قازىر حالىق سانى جاعدايىنداعى جاڭا وزگەرىستەرگە جانە جوعارى ساپالى دامۋدى ىلگەرىلەتۋدىڭ جاڭا تالابىنا ىشكەرىلەي ۇيلەسىپ، 3 پەرزەنتتى بولۋ ساياساتىن، سونداي - اق سايكەستى قولداۋ شارالارىن اتقارۋ، حالىق سانىنىڭ قۇرىلىمىن جاقسارتىپ، حالىقتىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن تياناقتاندىرۋعا ءتيىمدى؛ ادام كۇشى بايلىعىنىڭ تابيعي باسىمدىعىن ساقتاپ، دۇنيە جۇزىندە 100 جىلدا بولماعان زور وزگەرىسكە توتەپ بەرۋگە ءتيىمدى؛ جالپىلىق تۋۋ مولشەرىنىڭ تومەندەۋ بەتالىسىن باسەڭدەتىپ، لايىقتى تۋۋ دەڭگەيىن جۇزەگە اسىرۋدى ىلگەرىلەتۋگە ءتيىمدى؛ جاپپاي دوڭگەلەك داۋلەتتى قوعام قۇرىپ شىعۋ جەتىستىگىن بەكەمدەپ، ادام مەن تابيعاتتىڭ جاراسىمدى بىرگە ءومىر ءسۇرۋىن جەبەۋگە ءتيىمدى.
«قاراردا» مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، حالىقتى وزەك، بىركەلكىلىكتى نەگىزگى جەلى، رەفورمانى قوزعاۋشى كۇش، زاڭمەن جونگە سالۋدى قامتاماسىزدىق ەتىپ، 2025 - جىلعا بارعاندا بەلسەندى تۋىتقا قولداۋ كورسەتۋ ساياسات جۇيەسىن نەگىزىنەن ورناتىپ، قىزمەت وتەۋ، باسقارۋ ءتۇزىمىن نەگىزىنەن كەمەلدەندىرىپ، ساپالى پەرزەنت كورۋ، ساپالى تاربيەلەۋ بويىنشا قىزمەت وتەۋ دەڭگەيىن ايقىن جوعارىلاتىپ، باعۋ - تاربيەلەۋگە اماناتتاۋ بويىنشا قىزمەت وتەۋدىڭ جالپىعا ءتيىمدى جۇيەسىن جەدەل ورناتىپ، پەرزەنت كورۋ، پەرزەنت تاربيەلەۋ، وقۋ - اعارتۋ وزىندىك قۇنىن كورنەكتى تومەندەتىپ، تۋىت دەڭگەيىن ۇيلەسىمدى جوعارىلاتىپ، تۋىلعان حالىق سانىنىڭ جىنىستىق سالىستىرماسىن قالىپتى كۇيگە بەت الدىرىپ، حالىق سانىنىڭ قۇرىلىمىن بىرتىندەپ جاقسارتىپ، حالىقتىڭ ساپاسىن ىشكەرىلەي جوعارىلاتۋ كەرەك. 2035 - جىلعا بارعاندا حالىق سانىنىڭ ۇزاق ۋاقىت بىركەلكى دامۋىن جەبەۋ ساياسات، زاڭ ەرەجە جۇيەسىن اناعۇرلىم كەمەلدەندىرىپ، قىزمەت وتەۋ، باسقارۋ مەحانيزمىنىڭ اينالىسىن جوعارى ونىمدىلىككە يە ەتىپ، تۋىت دەڭگەيىن اناعۇرلىم ۇيلەسىمدى ەتىپ، حالىق سانىنىڭ قۇرىلىمىن ىشكەرىلەي كەمەلدەندىرۋ كەرەك. ساپالى پەرزەنت كورۋ، ساپالى تاربيەلەۋ، مەكتەپكە دەيىنگى تاربيەدەن يگىلىكتەنۋ بويىنشا قىزمەت وتەۋ دەڭگەيىن حالىق بۇقاراسىنىڭ تاماشا تۇرمىسقا دەگەن قاجەتىمەن ۇيلەستىرىپ، وتباسىنىڭ دامۋ قابىلەتىن ايقىن جوعارىلاتىپ، ادامنىڭ جاق - جاقتى دامۋىندا اناعۇرلىم ايقىن ناقتى ىلگەرىلەۋشىلىككە قول جەتكىزۋ كەرەك.
«قاراردا» مىنالار ايقىندالدى: 3 پەرزەنتتى بولۋ ساياساتىن ويداعىداي ۇيىمداستىرىپ اتقارىپ، «جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىنا» وزگەرىس ەنگىزىپ، لايىقتى جاستا ۇيلەنىپ، پەرزەنت كورۋدى، ساپالى پەرزەنت كورىپ، ساپالى تاربيەلەۋدى دارىپتەۋ. قوعامدىق باعىپ - قاعۋ اقىسىن كۇشىنەن قالدىرىپ، قاتىستى جازالاۋ بەلگىلەمەلەرىن اداقتاۋ جانە كۇشىنەن قالدىرۋ. ”قارتتار مەن بالالاردى“ ءتۇيىن ەتىپ، تۇتاس تىرشىلىك پەريودىن قامتىعان حالىق سانى بويىنشا قىزمەت وتەۋ جۇيەسىن ورناتۋ، اقاۋسىزداندىرۋ. مەملەكەتتىڭ تىرشىلىكتى تىركەۋ، باسقارۋ ءتۇزىمىن كەمەلدەندىرىپ، تۇتاس ادامدار شوعىرىن، تۇتاس تىرشىلىك پەريودىن قامتىعان حالىق سانىن قاداعالاۋ جۇيەسىن اقاۋسىزداندىرىپ، تۋىت جاعدايى مەن حالىق سانى وزگەرىسىنىڭ بەتالىسىن ءجىتى قاداعالاۋ.
«قاراردا» مىنالار تالاپ ەتىلدى: جۇكتى، بوسانعان ايەلدەردىڭ جانە بالالاردىڭ دەنساۋلىعىن قامتاماسىز ەتىپ، تۋما كەمىستىكتىڭ الدىن جالپى بەتتىك الىپ جانە ەمدەپ، ادامزاتتىڭ ءوسىپ - وربۋىنە جاردەمدەسەتىن تەحنيكالاردى قولدانۋدى ارناعا ءتۇسىرىپ، ساپالى پەرزەنت كورۋ، ساپالى تاربيەلەۋ بويىنشا قىزمەت وتەۋ دەڭگەيىن جوعارىلاتۋ كەرەك.
«قاراردا» تاعى باعۋ - تاربيەلەۋگە اماناتتاۋ بويىنشا قىزمەت وتەۋدىڭ جالپىعا ءتيىمدى جۇيەسىن دامىتۋ، پەرزەنت كورۋ، پەرزەنت تاربيەلەۋ، وقۋ - اعارتۋ وزىندىك قۇنىن تومەندەتۋ، ساياساتتىق رەتتەۋلەردى تارتىپپەن ۇلاستىرۋدى كۇشەيتۋ، ۇيىمداستىرۋدى، اتقارۋدى، قامتاماسىزدىقتى كۇشەيتۋ سياقتىلار جونىندە تالاپتار ورتاعا قويىلدى.
