تيانشان تورى   ›   جاڭالىقتار   ›   شينجياڭ حابارلارى

وسەك - اياڭ ارقىلى بىزگە زيان جەتكىزۋدى دوعارىڭدار

  □ باعراش اۋدانىنىڭ تۇرعىنى روشانگۇل رەحمىتۇل

  مەن H&M، نايكى سياقتى ءىشىنارا شەتەل كاسىپورىندارىنىڭ شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندى جەلەۋ ەتىپ، شينجياڭ ماقتاسىن شەكتەگەنىن ەستىدىم. مۇنى مەن قاتاڭ جازعىرامىن ءارى بۇعان باتىل قارسى تۇرامىن!

      شينجياڭنىڭ ماقتا ەگىمشىلىگى، مانەرلەۋ كاسىپ سالاسى الدەقاشان كەمەلدى كاسىپ سالاسى تىزبەگىن ازىرلەپ بولعان، مۇنى جالپاق جۇرت تۇگەل بىلەدى. ءار جىلى كوكتەم كەلىسىمەن جەر - جەردەگى ماقتاشىلار تۇگەلدەي قىرۋار تاپسىرىس تاپسىرىپ الادى، ماقتا ەگەتىن وتباسىلار ساتىلۋ ماسەلەسىنەن الاڭداپ كورگەن ەمەس.

  مەنىڭ اۋىلىم باعراش اۋدانى كوركەم باعراش كولىنىڭ جاعاسىندا، بۇل ارانىڭ جەر ءتۇزىلىسى جازىق، توپىراعى جۇمساق، كۇن نۇرى جەتكىلىكتى، ماقتا ەگۋدىڭ تابيعي ابزالدىلىعى ازىرلەنگەن. ءبىز ەككەن ماقتانىڭ قاۋىزى تولىق بولىپ، ءتۇسىمى وتە جوعارى، ساپاسى وتە جاقسى. ماقتا تەرۋ ماۋسىمى كەلگەندە اپپاق ماقتا اتىزىنان كىسى قاراسىن كورە المايسىز، الىسقا كوز تاستاعاندا، تەك ماقتا تەرۋ ماشيناسىنىڭ ءۇنسىز ماقتا تەرىپ جۇرگەنىن كورەسىز. ماقتا تەرۋ ماشيناسى وتە شىققاندا اتىز بەينە شاش قىرىققىش شاش الىپ وتكەندەي بولىپ سوڭىنداعى ماقتا ساباعىنداعى ماقتا شوقتارى لەزدە كوزدەن عايىپ بولادى دا تايلاعان ماقتاعا اينالادى.

  باعراش اۋدانىنىڭ ماقتا ەگىمشىلىگى ادام كۇشىمەن ىستەۋدەن ماشينالاسۋعا دەيىنگى وزگەرىسكە ءوز كوزىممەن كۋا بولدىم. بۇرىن ادام كۇشىمەن تەرگەندە ماقتا تەرۋشىلەر 50 نەشە كۇندە 10 مىڭ يۋاننان استام اقشا تاباتىن. ءار جىلى ماقتا تەرۋ مەزگىلىندە گانسۋ، چيڭحاي، سىچۋان قاتارلى جەرلەردەن قىرۋار ادام ىرىقتى تۇردە ءبىزدىڭ وسى اراعا كەلىپ ماقتا تەرىپ اقشا تاباتىن. قازىر ءبىزدىڭ ماقتا ەگۋىمىز، ماقتا تەرۋىمىز تۇگەلدەي ماشينالاستى، شەتسىز - شەكسىز ماقتا اتىزىندا جۇرەر بولساڭىز، ءسىز ءاربىر ديقاننىڭ جۇزىنەن مول ءونىم شاتتىعى ەسىپ تۇرعانىن كورەسىز.

      ەڭبەكشىلدىكپەن اۋقاتتانۋ ءبىزدىڭ ۇستانىمىمىز، H&M، نايكى سياقتى شەتەل كاسىپورىندارى وسەك - اياڭ ارقىلى بىزگە زيان جەتكىزۋدى دوعارىڭدار!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.