□ اراتۇرىك اۋدانىنىڭ تۇرعىنى ءىلياز ياسىن
ءالى ەسىمدە، 2010 - جىلى، رەسمي قىزمەتكە قاتىناسپاعان كەزىم، كاسىپ اشۋعا قارجى جوق، دوسىممەن بولعان اڭگىمەدەن ماقتا تەرۋ ارقىلى ءبىرشاما مول اقشا تابۋعا بولاتىنىن، تەك جاپاعا شىداپ، كوپ ىستەسەڭ مول اقشا تاباتىنىن ءبىلدىم. سونىمەن كەلەسى كۇنى دوسىممەن بىرگە ماقتا تەرۋگە كەتتىم.
العاش بارا سالعاندا ماقتانى قالاي تەرۋدى ونشا بىلمەدىم، دوسىم ماعان بايىپتىلىقپەن ماقتا تەرۋدىڭ ءادىسىن ۇيرەتتى، بىرنەشە كۇن وتكەننەن كەيىن جاتىلىپ كەتتىم. ماقتا تەرۋ ەڭبەكاقسىن كۇنبە - كۇن الىپ تۇرۋىڭا دا، تەرىپ بولعاننان كەيىن ءبىر جولاتا الۋىڭا دا بولادى، مەن دوسىمنىڭ ۇسىنىسى بويىنشا ءبىر جولاتا ەسەپ جابۋدى ءجون كوردىم. وسىدان كەيىنگى 50 نەشە كۇندە مەن ءار كۇنى توتەنشە قۇلشىنىپ ماقتا تەردىم، ماقتاشى ءبىزدى تەگىن ىشەر اس، جاتىن ورىنمەن قامدادى، تۇسكى دەمالىس ارەدىگىندە مەن ماڭىمىزداعى ماقتا تەرۋشىلەرمەن بىرگە ءماشىراپ بيلەيمىن، ءار ۇلت ماقتا تەرۋشىلەرى ءان ايتىپ، ءبي بيلەپ، اڭگىمە دۇكەنىن قۇرادى، قازىر سول ساتتەردى ەسكە السام بويىمدى شاتتىق كەرنەيدى. ماقتا تەرۋ اياقتاپ ماقتاشى ماعان ءبىر بۋدا اقشانى ۇستاتقاندا قاتتى تەبىرەندىم. 2 ايعا جۋىق ۋاقىتتا مەن 15 مىڭ يۋان اقشا تاپتىم، ەڭبەكشىل قوس قولىما سۇيەنىپ ەڭبەكاقى العانىما توتەنشە قۋاندىم.
ماقتا تەرۋ ارقىلى ءبىراز اقشانى بانكەگە قويدىم، اۋدان قالاشىعىنان ءبىر ناۋبايحانا اشتىم، قازىرگە دەيىن جۇرگىزىپ كەلەمىن. قازىر مەنىڭ ايلىق كىرىسىم 10 مىڭ يۋان اينالاسىندا، اۋدان قالاشىعىنان عيماراتتان ءۇي ساتىپ الدىم، اۆتوكولىك تە ساتىپ الدىم، تۇرمىسىم بارعان سايىن شالقي تۇسۋدە. ءبىز ەڭبەكتەنىپ بايۋدا ەجەلدەن بىرەۋدىڭ زورلاۋىن قاجەت ەتپەيمىز. مەن وسەك - اياڭ شىعارعاندارعا مىنانى ايتامىن: اۋىزدارىڭدى جابىڭدار، ەندىگارى ءبىزدىڭ شينجياڭعا قاساقانا كۇيە جاقپاڭدار!
