□ شينجياڭ داچۋان جاڭا ەنەرگيا جارنا شەكتى سەرىكتەستىگىنىڭ قىزمەتكەرى باجين
مەن سەرىكتەستىككە 2011 - جىلى 5 - ايدا كەلدىم، سودان بەرى 10 جىل ءوتتى، قازىر سۋىق سۋتەكتىلەندىرۋ 1 - سەحىنىڭ حاۋىپسىزدىككە جاۋاپتى مەڭگەرۋشى ينجەنەرىمىن، باستىسى، حاۋىپسىزدىكتى، قورشاعان ورتانى قورعاۋدى باسقارۋ سياقتى قىزمەتتەرگە جاۋاپتىمىن.
تاياۋدا امەريكا ساۋدا ىستەرى مينيسترلىگى سەرىكتەستىگىمىزگە از ۇلتتاردىڭ ادامدىق ۇقىعىنا سۇعاناقتىق جاسادى، ”زورلىقپەن ەڭبەككە سالۋ“ ءومىر ءسۇرىپ وتىر دەپ پالە جاپتى، مۇنىسى بارىپ تۇرعان اۋزىنا كەلگەنىن كوكىگەندىك! سەرىكتەستىكتەگى ءبىر از ۇلت قىزمەتكەرى رەتىندە، مەنىڭ سويلەۋ ۇقىعىم بار، سەرىكتەستىگىمىز زاڭعا، ەرەجەگە ساي شارۋاشىلىقپەن، وندىرىسپەن اينالىسادى، سەرىكتەستىكتەگى قىزمەتكەرلەردىڭ ءتۇرلى ۇقىق - مۇددەسى جان - جاقتى قامتاماسىز ەتىلگەن، ”زورلىقپەن ەڭبەككە سالدى“ دەگەندى قايدان تاپقان؟ ءوزىمدى مىسالعا السام، مەن سەرىكتەستىكتىڭ قىزمەتكەر قابىلداۋىنا ءوز ەركىممەن تىزىمدەلىپ قاتىناسقام، سەرىكتەستىك جاعىنان قابىلدانعاننان كەيىن، سەرىكتەستىكپەن ەڭبەك توقتامىنا قول قويدىم، قىزمەت كۇندەرىندە 8 ساعات قىزمەت ىستەيمىن، اپتاسىنا 2 كۇن دەمالامىن، جىلدىق دەمالىس، كەزەكشىلىك ىستەگەن كۇنىن تولىقتاپ دەمالۋ، زاڭدا بەلگىلەنگەن مەرەكەلىك دەمالىس سياقتى ءتۇرلى دەمالىستارىمىز بار. سەرىكتەستىك ءار ۇلت قىزمەتكەرلەرىنىڭ ءبارىن بىردەي كورەدى، از ۇلت قىزمەتكەرلەرى ءارقانداي كەمسىتۋگە جانە ادىلەتسىزدىك مامىلەگە ۇشىراپ كورگەن جوق. قازىرگى ايلىق ەڭبەكاقىم 9000 يۋان اينالاسىندا، بۇعان توتەنشە رازىمىن. سەرىكتەستىك تاعى ءبىزدى قاجەتتى ەڭبەك قورعاۋ، كاسىپتىك قاتەردەن ساقتاۋ، قورعاۋ سياقتىلارمەن قامدايدى. ءوندىرىس حاۋىپسىزدىگى بۇكىلدەي قامتاماسىز ەتىلگەن.
سەرىكتەستىگىمىز جوعارى عىلىم - تەحنيكا سەرىكتەستىگى، تەحنيكا شوعىرلانعان كاسىپورىن، سەرىكتەستىكتىڭ ءوندىرىستى جانە حاۋىپسىزدىكتى باسقارۋى تۇگەل ايرىقشا زەردەلىلەنگەن، اۆتوماتتانعان، سوندىقتان امەريكا جاقتىڭ سەرىكتەستىگىمىزدە ”زورلىقپەن ەڭبەككە سالۋ“ ءومىر ءسۇرىپ وتىر دەپ كوكۋى بۇكىلدەي شاتپاق!
امەريكا جاقتىڭ ايتىلمىس ”زورلىقپەن ەڭبەككە سالدى“ دەگەندى سىلتاۋراتىپ سەرىكتەستىگىمىزدى قيسىنسىز جازالاۋداعى ماقساتى − شينجياڭنىڭ فوتوۆولت كاسىبى سالاسىنىڭ دامۋىنا كەدەرگىلىك جاساپ، شينجياڭداعى اناعۇرلىم كوپ تىرەكتى كاسىپ سالاسىن ونان ارى قىسپاققا الىپ، شينجياڭنىڭ قوعام ورنىقتىلىعىنىڭ اسا تاماشا جاعدايىن ءبۇلدىرۋ. امەريكا جاقتىڭ بۇل قىلىعى ەش قيسىنسىز، ءمورالسىز، جۇرت كوڭىلىنە جاقپايدى. امەريكا جاقتىڭ قىسپاققا الىپ جازالاۋى ءبىزدىڭ وتانشىلدىق ىنتامىزدى ونان ارى قاۋلاتادى. ءبىز ءار ۇلت قىزمەتكەرلەرى اناردىڭ دانىندەي تىعىز ۇيىسىپ، ءونىم ساپاسىن قۇلشىنا جوعارىلاتىپ، سەرىكتەستىكتىڭ حالىقارالىق بازارداعى باسەكەلىك قۋاتىن ونان ارى ارتتىرىپ، تەمىردەي فاكت ارقىلى امەريكا جاقتىڭ قاسكۇنەمدىگىنىڭ تۇبەگەيلى تاس - تالقانىن شىعارامىز!
