□ شينجياڭ شيەشين جاڭا ەنەرگيا ماتەريالدارى عىلىم - تەحنيكا شەكتى سەرىكتەستىگىنىڭ قىزمەتكەرى زۇلفيا احىمەت
مەن سەرىكتەستىكتىڭ DCS باسقارۋ بولمەسىنىڭ مەڭگەرۋ قىزمەتكەرىمىن. 2018 - جىلى سەرىكتەستىكتىڭ جوعارى مەكتەپتەردەن قىزمەتكەر قابىلداۋىنا قاتىناسۋعا تىزىمدەلدىم، وقىعان ماماندىعىم ساي كەلگەندىكتەن، قىزمەتكەر قابىلداۋ اۋىزشا سىناۋىنان ءساتتى ءوتتىم، سونداي - اق سەرىكتەستىكپەن ەڭبەك توقتامىنا قول قويىپ، قىزمەتكە ورنالاسۋ راسمياتتارىن ءبىتىرىپ، سەرىكتەستىكتىڭ ءبىر قىزمەتكەرى بولدىم.
سەرىكتەستىكتىڭ تۇرمىستىق شارت - جاعدايى وتە جاقسى، ەرەن بازار، مۇسىلمانشا اسحانا، دەنە شىنىقتىرۋ ءۇيى، باسكەتبول الاڭى، فۋتبول الاڭى، ۇستەل دوپ ءۇيى سياقتىلار بار. قىزمەتكەرلەردىڭ جاتاق بولمەلەرىندە بولەك دارەتحانا، اۋا رەتتەگىش، اۋىز سۋ جابدىعى، كيىم - كەشەك جۋۋ ءۇيى، سىمسىز جەلى، سۇيىق كريستالدى تەلەۆيزور بار، وسىزاماندانعان تۇرمىس جابدىقتارىنىڭ ءبارى تولىق. وسىنداي جايلى ورتانى بۇرىن تۇسىمىزدە دە كورگەن ەمەسپىز. ايلىق ەڭبەكاقىم پراكتيكا كەزىندەگى 3000 يۋاننان ءوسىپ، قازىر سالىقتى شىعارىپ تاستاعاندا 8000 نەشە يۋانعا جەتتى. بىلتىر ءوز قۇلشىنىسىممەن، قارجى شىعارىپ تۋعان جەرىم تۇرپاننان ءبىر ءجۇزىم باعىنىڭ پايدالانۋ ۇقىعىن ساتىپ الدىم، بۇل مەن ءۇشىن ەرەكشە ماقتانارلىق ءىس. ءبىراق تەك مەن عانا ەمەس، مەنىمەن بىرگە وسى ارادا قىزمەت ىستەپ جاتقان ساباقتاستارىمنىڭ ءبارى ءۇي ساتىپ الدى، اۆتوكولىك ساتىپ العاندارى دا بار، كوپشىلىك باقىتقا تالپىنۋ جولىندا تىنباي كۇرەس جاساپ كەلەدى!
تاياۋدا امەريكا ساۋدا ىستەرى مينيسترلىگىنىڭ ”زورلىقپەن ەڭبەككە سالدى“، ”از ۇلتتاردىڭ ادامدىق ۇقىعىنا سۇعاناقتىق جاسادى“ دەگەندى سىلتاۋ ەتىپ سەرىكتەستىگىمىزدى قيسىنسىز جازالاۋى بارىپ تۇرعان ارسىزدىق، مۇنداي ءجونسىز كۇيە جاعىپ، پالە جاپقانىنا قاتتى كەكتەنەمىن! ولار سەرىكتەستىگىمىز بەن قىزمەتكەرلەرىمىزدى ءومىر ءسۇرۋ ۇقىعىنان، دامۋ ۇقىعىنان ماقرۇم ەتپەكشى، ولاردىڭ بۇل قىلىعى كوپە - كورنەۋ ادامدىق ۇقىقتى تاپتاعاندىق!
جۇڭحۋا حالىق رەسپۋبليكاسىنىڭ ءبىر ازاماتى رەتىندە، مەن ءوزىمدى تالايلى، باقىتتى سانايمىن، سوڭعى جىلداردان بەرى ءوزىم قىزۋ سۇيەتىن شينجياڭدا جويقىن وزگەرىستەر تۋىلدى، ءار ۇلت بۇقاراسىنىڭ تۇرمىسى بارعان سايىن جاقساردى، ءار ۇلت بۇقاراسى رەفورما جاساۋ، ەسىك اشۋ اكەلگەن دامۋدىڭ پايداسىنان تەرەزەسى تەڭ تۇرعىدا يگىلىكتەندى، ءار جاقتاعى ۇقىق - مۇددەلەرى تولىق قۇرمەتتەلدى جانە زاڭ بويىنشا قورعالدى، ءبىز قازىرگىدەي تاماشا تۇرمىسىمىزدى توتەنشە قاستەرلەيمىز جانە العىس ايتامىز! بۇل ارادا مەن امەريكا جاققا: شينجياڭنىڭ دامۋ تابىستارىنا كۇيە جاعۋلارىڭا جول بەرمەيمىز، ءار ۇلت بۇقاراسىنىڭ باقىتتى تۇرمىسىن داتتاۋعا جول بەرمەيمىز! - دەپ قاتاڭ ەسكەرتەمىن.
