□ انار بۇلت / شينجياڭ گازەتىنىڭ تىلشىلەرى رىن جياڭ، جاڭ شياۋمي، ۋاڭ جيڭجيڭ
قۇربان ايت مەرەكەسى كەزىندە شينجياڭداعى قىزىل ساياحات كورىنىس وڭىرلەرىن، كورىنىس تۇيىندەرىن تاماشالاۋشىلار ءيىن تىرەستى. توڭىرەكتىڭ ءتورت بۇرىشىنان كەلگەن ادامدار قىزىل رۋحتىڭ شىڭداۋىن قابىلداۋمەن قاتار، تۇرلىشە ءتاسىل ارقىلى وزدەرىنىڭ شىنايى سەزىمدەرىن بەينەلەدى.
7 - ايدىڭ 21 - كۇنى تۇستەن بۇرىن شۋىرما قۇرباندار قابىرستانىن تاماشالاۋشىلاردىڭ اياعى ۇزىلمەدى. كوپتەگەن ادام گۇل ساتىپ الىپ، مايتاۋ - كۇشار تاس جولىن سالۋدا قۇربان بولعان قۇرباندارعا قويدى. قابىرستان باسقارۋشىسى چىن جۇنگۇي تەرەڭ سەزىممەن ەكسكۋرسيالاۋشىلارعا جاۋىنگەر سەرىكتەرىنىڭ اسەرلى ىزگى ىستەرىن باياندادى.
ۇرىمجىلىك يىن گۇيلين دوستارىمەن بىرگە مايتاۋ - كۇشار جولىمەن كەلىپتى. چىن جۇنگۇيدىڭ اڭگىمەسىن تىڭداعاننان كەيىن، ول كوزىنە ىستىق جاس الىپ: ”جول بويى مايتاۋ - كۇشار تاس جولى كورىنىسىنىڭ ەرەكشە كوركەمدىگىن سەزىندىم. قۇرباندار قابىرستانىن ەكسكۋرسيالاعاننان كەيىن، سول جىلدارى جول جاساۋدىڭ وڭاي بولماعانىن تەرەڭ ءتۇسىندىم. سول جىلدارداعى جاس جاۋىنگەرلەردىڭ ماڭداي تەرى مەن ىستىق قانىنىڭ ارقاسىندا بۇگىن وسىنداي ەڭ كوركەم تاس جولدا زاۋلاپ ءجۇرمىز“.
زيالى جاس ءنومىرلى جاسىل پويەز، كونە ۆەلوسيپەد، تراكتور... مەرەكە كەزىندە موڭعۇلكۇرە اۋدانى زيالى جاس سارايى كورىنىس وڭىرىندە ساياحاتشىلار قايشالىستى. زيالى جاس سارايىندا قىرۋار قۇندى فوتو سۋرەت، ناقتى بۇيىم، سونداي - اق زيالى جاستاردىڭ تاريحي ارتقى كورىنىسىن تانىستىرۋ ادامداردى قاتتى اسەرلەندىردى. ”زيالى جاس سارايى وتكەن عاسىردىڭ 60 -، 70 - جىلدارىنداعى اسقاق سەزىم الاۋلاعان جىلداردى كوز الدىمىزعا ەلەستەتتى. رەڭسىز كونە سۋرەتتەر، جاپ - جاس بەينەلەر زيالى جاستاردىڭ تاۋعا شىعىپ، اۋىلعا بارعان كورىنىستەرىن شىنايى بەينەلەگەن. ولار ەڭ جالىندى جاستىق كوكتەمدەرىن وسى اراعا ارنادى“، - دەدى ەكسكۋرسيالاۋشى شۇي جيەجى.
”سول كەزدەگى زيالى جاستاردىڭ شار تاراپتان ىلەگە كەلگەنىنە ەرەكشە العىس ايتامىن. مەكەنىمىزدىڭ وسىنشاما جاقسى گۇلدەنۋىن ولاردىڭ جاپالى ەڭبەك ەتۋىنەن بولە قاراۋعا بولمايدى“، - دەدى موڭعۇلكۇرە اۋدانىنان كەلگەن ەكسكۋرسيالاۋشى نۇرمانباي جەتپىسباي.
مەرەكە كەزىندە جەر - جەردەگى قىزىل ساياحات كورىنىس وڭىرلەرى، كورىنىس تۇيىندەرى مىندەتتى تۇردە باراتىن قىزعىن جەرلەرگە اينالدى. قۇمىل قالاسىنداعى جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا شەرۋ تارتۋ ەسكەرتكىش باقشاسى، اراتۇرىك اۋدانى يشۇييۋان باقشاسى، قارامايلى قالاسى حييۋشان كورىنىس ءوڭىرى، مايتاۋ - كۇشار تاس جولى مۇراجايى سياقتى ءبىر توپ قىزىل كورىنىس ءوڭىرى، كورىنىس ءتۇيىنى كوپتەگەن ەكسكۋرسيالاۋشىلاردى قارسى الدى.
7 - ايدىڭ 20 - كۇنى قارامايلى قالاسى حييۋشان كورىنىس ءوڭىرى بۇكىل ەلدەگى ساياحاتشىلاردان ەسىك بەلەتىن المادى، سول كۇنى قابىلداعان ساياحاتشى 1000 ادام - رەتتەن استى. وسى كورىنىس ءوڭىرىنىڭ جاۋاپتىسى پىڭ حايحۇي بىلاي دەپ تانىستىردى: كورىنىس ءوڭىرى جالپى قىزمەتكەرلەردىڭ قىزمەت ورنىندا بولۋىن اتقاردى ءارى ءار كۇنگى تاڭەرتەڭگى ماجىلىستەن پايدالانىپ قىزمەتكەرلەردى قىزمەت وتەۋ جول - جوسىنىنا تاربيەلەدى، تۇسىندىرۋشىلەردى تاربيەلەدى، ت.ب. وسى كورىنىس ءوڭىرىنىڭ ساياحاتشىلار ورتالىعى ءار كۇنى ساياحاتشىلاردىڭ ىستىقتان ساقتانۋى، سالقىنداۋى ءۇشىن، جاسىل بۇرشاق سورپاسى، اۋىز سۋ، جەلپۋىش، قول شاتىر سياقتىلارمەن تەگىن قامدادى. ساياحاتشىلار ورتالىعى تاعى لەي فىڭ ەرىكتىلەر قىزمەت وتەۋ ءتۇيىنىن ورنالاستىرىپ، ساياحاتشىلارعا نەگىزدىك ەمدەۋ، كۇتىمدەۋ بويىنشا تەگىن قىزمەت وتەدى.
7 - ايدىڭ 21 - كۇنى اقسۋ قالاسىنىڭ تۇرعىنى چىن چىننىڭ وتباسىنداعى بەس جان «359 - لۇيى ۇلگىمىز» اتتى قىزىل تاقىرىپتىق ناقتى كورىنىستىك تەاتردى كورۋ ءۇشىن، ارال قالاسىنداعى تاكلاماكان ● 359 - لۇي مادەنيەت ساياحات وڭىرىنە باردى. ”اكە - شەشەم ەكەۋى دە بيڭتۋاندىق، بۇل تەاتردە ءدال سولاردىڭ حيكاياسى باياندالعان، سوندىقتان دەمالىسقا تاراي سالىسىمەن وتباسىمداعىلاردى ەرتىپ كورۋگە كەلدىم“، - دەدى چىن چىن.
«359 - لۇيى ۇلگىمىز» ناقتى كورىنىستىك تەاترىندە 359 - لۇيدىڭ قاندى شايقاس جۇرگىزگەن مايدانى، تىڭ يگەرىپ شەكارانى قورعاۋ سياقتى ايبىنى اسقاق تاريحى بەينەلەنگەن، قىزىققا شومۋ تۇرىندەگى بەينەلەۋ ءتاسىلى كورەرمەندەرگە ءوزى ارالاسىپ جۇرگەندەي سەزىم بەرەدى. ارال 359 - لۇيى مادەنيەت، ساياحات قارجى قوسۋ، اشۋ شەكتى سەرىكتەستىگىنىڭ باس ديرەكتورى جاڭ لى بىلاي دەپ تانىستىردى: وسى بىرنەشە كۇندە كونسەرتتىڭ ەسىك بەلەتى وتە جاقسى ساتىلدى، ”7 - ايدىڭ 6 - كۇنى كونسەرت تۇڭعىش رەت قويىلعاننان بەرى ءار سەيسەنبىدەن جەكسەنبىگە دەيىن ويىن قويدىق، جارتى ايدا 10 مىڭنان استام كورەرمەن (رەت) قابىلدادىق“.
