8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلدى
ۋاڭ ياڭ قاتىناستى ءارى ءسوز سويلەدى
7 - ايدىڭ 19 - كۇنىنەن 21 - كۇنىنە دەيىن 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى شينجياڭنىڭ اقسۋىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شينجياڭ قىزمەتىن سايكەستىرۋ گرۋپپاسىنىڭ باستىعى ۋاڭ ياڭ ماجىلىسكە قاتىناستى ءارى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
شينحۋا اگەنتتىگىنىڭ 7 - ايدىڭ 21 - كۇنى ۇرىمجىدەن بەرگەن حابارى (ءتىلشى لين حۇي). 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى 7 - ايدىڭ 19 - كۇنىنەن 21 - كۇنىنە دەيىن شينجياڭنىڭ اقسۋىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شينجياڭ قىزمەتىن سايكەستىرۋ گرۋپپاسىنىڭ باستىعى ۋاڭ ياڭ ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ۇلى پارتيا قۇرۋ رۋحىن اسقاقتاتىپ، حالىق تىلەگىنە ۇيلەسۋگە، حالىق تۇرمىسىن قامتاماسىز ەتۋگە، جۇرت تىلەگىن ۇيىستىرۋعا تاباندى بولىپ، شينجياڭعا جالپى بەتتىك كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، شينجياڭنىڭ باياندى تىنىشتىعىنا ىقپال جاسايتىن تەرەڭ قاتپارلى قايشىلىقتار مەن ماسەلەلەردى قۇلشىنا شەشىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ونان ارى جوعارىلاتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا دەم بەرۋ كەرەك.
ۋاڭ ياڭ بىلاي دەپ اتاپ كورسەتتى: جۋىق جىلداردان بەرى پارتيا ورتالىق كوميتەتىنىڭ پارمەندى باسشىلىعىندا، ءارقايسى قاتىستى جاقتار جاڭا تيپتى ايدارشا ۆيرۋس وكپە قابىنۋ ىندەتى سياقتى ءتيىمسىز ىقپالدى جەڭىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ بەتالىسى مەن ءتۇيىنىن دالمە - ءدال مەڭگەرىپ، نازاردى شينجياڭداعى ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، دالمە - ءدال كۇش سالىپ، شينجياڭنىڭ ەكونوميكالىق، قوعامدىق دامۋىنا ءونىمدى قولداۋ كورسەتىپ، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە قول جەتكىزۋگە جانە حالىق تۇرمىسىن ۇزدىكسىز جاقسارتۋعا دەم بەرىپ، جۇڭحۋا ۇلتى ۇلى ىنتىماعىن جەبەپ، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ تۇزىمدىك ابزالدىلىعىن تولىق ايگىلەدى. ناتيجە وڭاي - وسپاق قولعا كەلمەدى، تولىق تۇراقتاندىرۋعا تاتيدى.
ۋاڭ ياڭ بىلاي دەپ باسا دارىپتەدى: شينجياڭعا باعىتتامالى كومەكتەسۋ − پارتيا ورتالىق كوميتەتى جۇكتەگەن كەلەلى ساياسي مىندەت. قارجىنى، نىساندى حالىق تۇرمىسىنا بەيىمدەۋگە، نەگىزگى ساتىعا بەيىمدەۋگە، ءتۇيىندى وڭىرلەرگە بەيىمدەۋگە تاباندى بولىپ، كومەك قابىلداعان جەرلەردىڭ كەدەيلىكتەن ارىلتۋدان قامال الۋ جەتىستىگىن بەكەمدەۋىنە، كەڭەيتۋىنە، اۋىل - قىستاقتى گۇلدەندىرۋىنە دەم بەرۋ كەرەك. اقىل - پاراسات جاعىنان شينجياڭعا كومەكتەسۋدى قىزمەتتىڭ ءتۇيىنى ەتۋگە تاباندى بولىپ، ”ۇيىرمە قۇراۋ فورماسىنداعى“ شينجياڭعا كومەكتەسۋ سالاسىن كەڭەيتىپ، كادر، دارىندىلاردى تاڭداپ جىبەرۋ قىزمەتىنىڭ ساپاسىن جوعارىلاتۋ كەرەك. كاسىپ سالاسى جاعىنان شينجياڭعا كومەكتەسۋدى ناقتى ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىنا قىزمەت وتەۋدىڭ جانە ونىمەن توعىسۋدىڭ كىرىسۋ ءتۇيىنىن ءدال تاۋىپ، ”14 - بەسجىلدىق“ مەزگىلىندەگى كاسىپ سالاسى سەلبەستىگى مەن نىسانداردى ورنالاستىرۋدى ويداعىداي جوسپارلاپ، كومەك قابىلداعان جەرلەردىڭ ”قان جاساۋ“ يقۋاتىن كۇشەيتۋىنە قولداۋ كورسەتۋ كەرەك. شينجياڭدى مادەنيەتپەن نارلەندىرۋدى ىشكەرىلەي اتقارىپ، ”ەنگىزۋ“ مەن ”سىرتقا شىعارۋدى“ ءوزارا ۇشتاستىرۋعا تاباندى بولىپ، شينجياڭنىڭ تاڭداۋلى وڭىرلىك مادەنيەتى مەن ىشكى وڭىردەگى ءار ۇلتتىڭ تاڭداۋلى مادەنيەتىنىڭ اۋىس - كۇيىسىن، ءوزارا ۇلگى الۋىن ىلگەرىلەتىپ، شينجياڭداعى ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋىن كۇشەيتۋ كەرەك. ءار ۇلتتىڭ ارالاسۋىن، ىشتەسۋىن، توعىسۋىن جەبەۋدى اناعۇرلىم كورنەكتى ورىنعا قويىپ، شينجياڭ ءىشى - سىرتىنداعى ءار ۇلت بۇقاراسىنىڭ كوپ ساتىلى، كوپ سالالى، كوپ فورمالى بارىس - كەلىسىن، ىقپالداستىعىن ىلگەرىلەتىپ، شينجياڭعا كومەكتەسۋ قىزمەتىن شىنايى تۇردە دامۋدى ىلگەرىلەتەتىن ينجەنەريا، ۇلتتار ىنتىماعى ينجەنەرياسى، جۇرت تىلەگىن ۇيىستىراتىن ينجەنەريا ەتىپ تۇلعالاۋ كەرەك.
چىن چۋانگو ماجىلىسكە قاتىناستى. يوۋ چۋان ءماجىلىستى باسقاردى ءارى قورىتىندى ءسوز سويلەدى. ول وڭىرلەردەن، تاراۋلاردان مىنانى تالاپ ەتتى: ساياسي دەڭگەيدى ونان ارى جوعارىلاتىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شينجياڭ قىزمەتى جاعدايى جونىندەگى تۇجىرىمىمەن شىن مانىندە بىرلىككە كەلتىرىپ، شينجياڭنىڭ باياندى تىنىشتىعىن ارقاۋ ەتە وتىرىپ شينجياڭعا كومەكتەسۋ مىندەتىن ويداعىداي جوسپارلاۋ كەرەك. نازاردى ءتۇيىندى ماسەلەلەرگە شوعىرلاندىرىپ، ءتۇيىندى قىزمەتتەردى كورنەكتىلەندىرىپ، قىزمەت ستيلىن جاقسارتىپ، شينجياڭعا كومەكتەسۋ مىندەتتەرىنىڭ تياناقتانۋىنا، ونىمدىلىك كورسەتۋىنە شىنايى كەپىلدىك ەتۋ كەرەك.
شينجياڭعا كومەكتەسەتىن 19 ولكە، قالانىڭ، ورتالىقتىڭ قاتىستى تاراۋلارى مەن ورىندارىنىڭ، شينجياڭ ۇيعۇر اۆتونوميالى رايونىنىڭ، شينجياڭ ءوندىرىس - قۇرىلىس بيڭتۋانىنىڭ، سونداي - اق ايماقتاردىڭ، وبلىستاردىڭ، قالالاردىڭ، شىلاردىڭ جاۋاپتى جولداستارى ماجىلىسكە قاتىناستى. ورتالىق كوميتەت ۇيىمداستىرۋ ءبولىمىنىڭ، مەملەكەتتىك دامۋ جانە رەفورما كوميتەتىنىڭ، مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ جانە بەيجيڭنىڭ، تيانجيننىڭ، شاڭحايدىڭ، جياڭسۋدىڭ، جىجياڭنىڭ، فۋجياننىڭ، شاندۇڭنىڭ، حىناننىڭ، حۋبەيدىڭ، گۋاڭدۇڭنىڭ، اۆتونوميالى رايوننىڭ، بيڭتۋاننىڭ جاۋاپتى جولداستارى پىكىر اۋىستىرىپ ءسوز سويلەدى.
