− جاڭا داۋىردەگى جاڭا كەزەڭدىك شينجياڭعا باعىتتامالى كومەكتەسۋ قىزمەتىن قۇلشىنا جاقسى ىستەۋ جونىندە
□ گازەتىمىزدىڭ شولۋشىسى
زامانداردى اسەرلەندىرەتىن ۇلەس قوسۋ بولادى؛ تاۋ - وزەندەرگە مەيىر توگەتىن سۇيىسپەنشىلىك بولادى.
8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلعان ءسات ءدال شينجياڭداعى ءار ۇلت حالقى بۇكىل ەلدەگى ءار ۇلت حالقىمەن بىرگە جاپپاي دوڭگەلەك داۋلەتتى قوعامعا جەڭىسپەن قادام تاستاعان دەر شاققا تۋرا كەلدى. جاڭا تاريحي باستامادا تۇرىپ باسىپ وتكەن جولدارىمىزدىڭ بارىسىنا قايىرىلا كوز جىبەرسەك، قول جەتكىزگەن ىلگەرىلەۋشىلىكتەرىمىز بەن تابىستارىمىزدا شينجياڭعا باعىتتامالى كومەكتەسۋدىڭ ۇلەسى زور. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، وتان ۇلى شاڭىراعىنىڭ مەيىرلى قامقورلىعى، شينجياڭعا كومەكتەسكەن ءار جاقتىڭ قالتقىسىز ۇلەسى بولعاندىقتان، بۇگىنگى شينجياڭدا جاراسىمدى، ورنىقتى، گۇلدەنگەن، دامىعان اسا تاماشا جاعداي جارىققا شىعىپ وتىر. شينجياڭعا باعىتتامالى كومەكتەسۋدىڭ تەرەڭ سۇيىسپەنشىلىك، بەرىك دوستىعىنا شينجياڭداعى ءار ۇلت حالقى شىن جۇرەكتەن العىس ايتادى، ونى ماڭگى ۇمىتپايدى.
شينجياڭعا باعىتتامالى كومەكتەسۋ − مەملەكەتتىك ستراتەگيا، مەملەكەتتىك ارەكەت. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جالپى جاعداي بيىگىنەن شينجياڭ قىزمەتىن جوسپارلاپ، بۇكىل پارتيانىڭ اقىل - پاراساتىن شوعىرلاندىرىپ، بۇكىل ەلدىڭ كۇش - قۋاتىن ۇيىستىرىپ، شينجياڭعا باعىتتامالى كومەكتەسۋدى ىشكەرىلەي ىلگەرىلەتتى، جاڭا كەزەكتى شينجياڭعا باعىتتامالى كومەكتەسۋدە قوسىلعان قارجىنىڭ مولدىعى، قاتىناسقان ادامنىڭ مولدىعى، قامتىعان سالالارىنىڭ كەڭدىگى بۇرىن بولىپ كورمەگەن. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ اتاپ كورسەتتى: ”شينجياڭعا باعىتتامالى كومەكتەسۋگە ۇزاق ۋاقىت تاباندى بولىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ كەرەك“. وسى ايقىن تالاپ باس شۋجي شي جينپيڭنىڭ شينجياڭ قىزمەتىنە دەگەن ايرىقشا ءمان بەرەتىندىگىن، ءار ۇلت حالقىنا قامقورلىق جاساعان تەرەڭ سۇيىسپەنشىلىگىن تولىق بەينەلەپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ ءتۇبىرلى بويسۇنۋ ولشەمىنە اينالدى.
7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى اشىلعاننان بەرى، ءارقايسى شينجياڭعا كومەكتەسەتىن ولكە - قالالار، ورتالىق پەن مەملەكەت ورگاندارى، ورتالىققا قاراستى كاسىپورىندار باستان - اياق شينجياڭعا باعىتتامالى كومەكتەسۋدى كەلەلى ساياسي مىندەت ەتىپ، شينجياڭعا كومەكتەسۋ قىزمەت مىندەتىن قاز - قالپىندا اتقاردى، شينجياڭعا كومەكتەسۋدىڭ جالپىلىق ونىمدىلىگى تولىق ايگىلەندى: شينجياڭعا باعىتتامالى كومەكتەسۋ قىزمەتىندە نازار باستان - اياق قوعام ورنىقتىلىعى مەن باياندى تىنىشتىق باس نىساناسىنا قىزمەت وتەۋگە شوعىرلاندىرىلىپ، ورنىن تۇراقتاندىرۋ اناعۇرلىم ايقىن، ءتۇيىن اناعۇرلىم كورنەكتى بولىپ، شينجياڭ قوعامىنىڭ كەلەلى جاعدايىنىڭ ۇزدىكسىز ورنىقتى، ۇزاق ۋاقىت ورنىقتى بولۋىنا پارمەندى تىرەك ازىرلەندى؛ حالىق تۇرمىسىن قامتاماسىز ەتۋگە جانە جاقسارتۋعا، كەدەيلىكتەن ارىلتۋدان قامال الۋعا دەم بەرۋدى ماڭداي الدى ورىنعا قويۋعا تاباندى بولىپ، شينجياڭعا كومەكتەسۋ قارجىسىنىڭ ％80تەن استامى نەگىزگى ساتىعا جانە حالىق تۇرمىسى سالاسىنا جۇمسالىپ، شينجياڭداعى ءار ۇلت حالقىنىڭ بۇكىل ەل حالقىمەن بىرگە جاپپاي دوڭگەلەك داۋلەتتى قوعام ورناتۋىن جەبەپ، حالىق تىلەگىنە اناعۇرلىم جاقسى قول جەتكىزدى جانە حالىق تىلەگىن ۇيىستىردى؛ كاسىپ سالاسى ارقىلى شينجياڭعا كومەكتەسۋدى شىنايى ىلگەرىلەتىپ، جەرگىلىكتى بۇقارانى جۇمىستانۋعا، شارۋاشىلىق قۇرۋعا جانە كىرىسىن ارتتىرىپ بايۋعا باستاپ، كومەك قابىلداعان جەرلەردىڭ ءوزىن دامىتۋ قابىلەتىن جوعارىلاتتى؛ شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەپ، ”بەستى شىنايى مويىنداۋدى“ كۇشەيتىپ، جۇڭحۋا ۇلتى ورتاق تۇلعا تانىمىنىڭ جۇرت جۇرەگىنە تەرەڭ ۇيالاۋىن ىلگەرىلەتتى؛ شينجياڭعا كومەكتەسكەن قالىڭ كادر، دارىندىلار جەكە باسىنىڭ قامىن كۇيتتەمەي، كوپتىڭ قامىن ويلاپ، اسقار تاۋ، اساۋ وزەندەردى الىسسىنباي، جاپا - ماشاقاتتان ارىپ - شارشادىم دەمەي، سان ساناقسىز حاۋىپ - قاتەردەن قايمىقپاي، بار ىنتا - بەيىلدەرىمەن شينجياڭعا كومەكتەسۋ ىستەرىنە ات سالىسىپ، شينجياڭداعى ءار ۇلت كادر، بۇقاراسىمەن بىرگە تەر توگىپ، سۇيىسپەنشىلىك توعىستىرىپ، وتان ءۇشىن جاۋاپكەرشىلىگىن ادا ەتۋدەي وتباسى - وتان سۇيىسپەنشىلىگىن، شينجياڭعا ۇلەس قوسۋداي ايرىقشا بيىك دەڭگەيىن، ومىرگە ءار قوساتىن وكىنىشسىز تاڭداۋىن تولىق ايگىلەدى.
كوزگە كورىنەتىن وزگەرىستەر شينجياڭنىڭ بايتاق دالاسىندا جازىلسا، كوزگە كورىنبەيتىن وزگەرىستەر ادامداردىڭ جۇرەك تۇكپىرىندە تۋىلدى. شينجياڭعا باعىتتامالى كومەكتەسۋ قىزمەتى شينجياڭداعى، اسىرەسە، وڭتۇستىك شينجياڭداعى ءار ۇلت بۇقاراسىنىڭ مەملەكەت كوزقاراسىن، زاڭمەن جونگە سالۋ كوزقاراسىن، بازار كوزقاراسىن كۇشەيتىپ، ولاردىڭ ءوندىرىستى دامىتىپ، تۇرمىستى جاقسارتۋ سەنىمى مەن بەكىمىن قاۋلاتىپ، ولاردىڭ سوتسياليستىك ۇلى شاڭىراققا اناعۇرلىم جاقسى توعىسۋداعى كەڭدىگىن، تەرەڭدىگىن كەڭەيتتى، بۇل وزگەرىستەردىڭ اناعۇرلىم ماڭىزدى ءمان الاتىندىعى ءشۇباسىز.
جاقسىلىقتى ءبىلۋ − باقىتتىڭ قاينارى. شينجياڭعا باعىتتامالى كومەكتەسۋ تيانشان الابىنىڭ دامۋ بەت - بەينەسىن بارىنشا وزگەرتىپ، سوتسياليستىك ءتۇزىمنىڭ ورسان زور ابزالدىلىعىن بارىنشا ايگىلەدى. جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاعاندا، شينجياڭداعى ءار ۇلت كادر - بۇقاراسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل بولۋىنە، قامقورلىعىنا العىس ايتادى، ورتالىقتىڭ شينجياڭ قىزمەتىن سايكەستىرۋ گرۋپپاسىنىڭ باسشىلىعىنا، جەتەكشىلىگىنە العىس ايتادى، شينجياڭعا كومەكتەسكەن ولكە - قالالاردىڭ، ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ قالتقىسىز كومەگىنە العىس ايتادى، شينجياڭعا كومەكتەسكەن قالىڭ كادر - دارىندىلاردىڭ قالتقىسىز ەڭبەگىنە العىس ايتادى. ءار ۇلت حالقى شينجياڭعا باعىتتامالى كومەكتەسۋدىڭ كەسەك تابىستارىن ماڭگى قاستەرلەيدى، سونداي - اق، ءسوز جوق، العىس سەزىمىن ىنتىماقتاسا ىلگەرىلەۋدىڭ پارمەندى قوزعاۋشى كۇشىنە اينالدىرىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزەدى.
