تيانشان تورى   ›   جاڭالىقتار   ›   ەل ءىشى حابارى

«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردە ورتا بولىكتەگى وڭىرلەردىڭ جوعارى ساپالى دامۋىن ىلگەرىلەتۋ جونىندەگى پىكىرى» جاريالاندى

  شينحۋا اگەنتتىگىنىڭ 7 - ايدىڭ 22 - كۇنى بەيجيڭنەن بەرگەن حابارى (تىلشىلەر ان بەي، ۋي يۇيكۇن). «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردە ورتا بولىكتەگى وڭىرلەردىڭ جوعارى ساپالى دامۋىن ىلگەرىلەتۋ جونىندەگى پىكىرى» 7 - ايدىڭ 22 - كۇنى جاريالانىپ، جاڭا داۋىردەگى جاڭا تالاپتارعا ۇيلەسىپ، ورتا بولىكتەگى وڭىرلەردىڭ جوعارى ساپالى دامۋىن ىلگەرىلەتۋگە جوبا سۇلبالادى.

  پىكىر 8 بولىكتى، جالپى 25 تارماق مازمۇندى قامتيدى. 1 - بولىكتە جالپى تالاپ، جەتەكشى يدەيا مەن باستى نىسانا ايقىندالعان. 2 - بولىكتەن 6 - بولىككە دەيىن نازاردى جاڭالىق اشا دامۋعا، سايكەستى دامۋعا، جاسىل دامۋعا، اشىق دامۋعا، ورتاق يگىلىككە كەنەلەتىن دامۋعا شوعىرلاندىرىپ، ءبىر قىدىرۋ ناقتى، شىنايى شارالار العا قويىلعان. 7 - بولىك پەن 8 - بولىكتە جەكە - جەكە ”ورتا بولىكتەگى وڭىرلەردىڭ جوعارى ساپالى دامۋىن جەبەيتىن ساياساتتاردى، شارالاردى كەمەلدەندىرۋ“ مەن ”ۇيىمداستىرىپ اتقارۋدى مۇقيات ويداعىداي يگەرۋدى“ ارقاۋ ەتىپ، ورتا بولىكتەگى وڭىرلەردىڭ جوعارى ساپالى دامۋىن ىلگەرىلەتۋدىڭ قامتاماسىزداندىرۋ مەحانيزمى ايقىندالعان.

  پىكىردە مىنالار اتاپ كورسەتىلگەن: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، ورتا بولىكتەگى وڭىرلەردىڭ شىعىس پەن باتىستى ۇلاستىرعان، وڭتۇستىك پەن سولتۇستىكتى تۇتاستىرعان وڭىرلىك ورىن باسىمدىعى مەن بايلىق فاكتورى مول بولۋ، بازارىنىڭ كومەسكى كۇشى وراسان زور بولۋ، مادەنيەت مايەگى قالىڭ بولۋ سياقتى سالىستىرمالى باسىمدىعىن تولىق ساۋلەلەندىرىپ، وزىق جاساۋ كاسىبىن تىرەك ەتكەن وسى زامانعى كاسىپ جۇيەسىن كۇش سالا ورناتىپ، قالا مەن اۋىل وڭىرلەرىنىڭ دامۋىنىڭ سايكەستىلىگىن كۇش سالا ارتتىرىپ، جاسىل دامىعان كورىكتى ورتا بولىكتى كۇش سالا قۇرىپ، ىشكى قۇرلىقتىڭ جوعارى دەڭگەيلى ەسىك اشۋىن كۇش سالا ىلگەرىلەتىپ، نەگىزگى الەۋمەتتىك قىزمەت وتەۋ بويىنشا قامتاماسىز ەتۋ دەڭگەيىن كۇش سالا جوعارىلاتىپ، تۇزىلىسكە، مەحانيزمگە رەفورما جاساۋعا، ونى كەمەلدەندىرۋگە كۇش سالىپ، ورتا بولىكتەگى وڭىرلەردىڭ كوركەيۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا اناعۇرلىم زور ۇلەس قوسۋ كەرەك.

  پىكىرگە ساي، 2025 - جىلعا بارعاندا، ورتا بولىكتەگى وڭىرلەردىڭ ساپا وزگەرىسىندە، ونىمدىلىك وزگەرىسىندە، قوزعاۋشى كۇش وزگەرىسىندە تىڭ سەرپىلىستى ىلگەرىلەۋشىلىككە قول جەتىپ، ۇسىنىلىم قوسۋ، ءوندىرۋ ونىمدىلىگى زور كولەمدە جوعارىلاپ، جالپىلىق ناقتى قۋاتى، ىشكى قوزعاۋشى قۋاتى جانە باسەكەلىك قۋاتى اناعۇرلىم ارتا تۇسەدى. 2035 - جىلعا بارعاندا، ورتا بولىكتەگى وڭىرلەردىڭ وسىزاماندانعان ەكونوميكالىق جۇيەسى نەگىزىنەن ورناتىلىپ، كاسىپ سالاسى جالپى تۇلعالىق جاقتان ورتا جوعارى دەڭگەيگە قادام تاستاپ، قالا مەن اۋىل وڭىرلەرىنىڭ سايكەستى دامۋى ءبىرشاما جوعارى ورەگە جەتىپ، جاسىل، تومەن كومىرتەكتى ءوندىرىس، تۇرمىس ءتاسىلى نەگىزىنەن قالىپتاسىپ، اشىق ەكونوميكالىق ءتۇزىلىس، مەحانيزم اناعۇرلىم كەمەلدەنىپ، حالىقتىڭ تۇرمىسى اناعۇرلىم باقىتتى دا تىنىش بولىپ، سوتسياليستىك وسىزاماندانۋ نەگىزىنەن جۇزەگە اسىرىلىپ، بىرگە بايۋ اناعۇرلىم كورنەكتى ماندىك ىلگەرىلەۋشىلىككە قول جەتكىزەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.