شي جينپيڭ شيزاڭدا قىزمەت تەكسەرگەن كەزدە بىلاي دەپ باسا دارىپتەدى
جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، قارلى القاپتى ءۇستىرتتىڭ باياندى تىنىشتىعى مەن جوعارى ساپالى دامۋىنىڭ جاڭا تاراۋىن جازۋ كەرەك
7 - ايدىڭ 21 - كۇنىنەن 23 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭعا كەلىپ، شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتادى، شيزاڭداعى ءار ۇلت كادر - بۇقاراسىنا امانداستى، ولاردان حال سۇرادى. سۋرەتتە: 7 - ايدىڭ 21 - كۇنى تۇستەن بۇرىن، شي جينپيڭ ۇشاققا وتىرىپ لينجى ميلين اۋەجايىنا جەتتى، شيزاڭداعى ءار ۇلت كادر - بۇقاراسى ءان ايتىپ، ءبي بيلەپ، باس شۋجي شي جينپيڭنىڭ كەلگەندىگىن قىزۋ قارسى الدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
7 - ايدىڭ 21 - كۇنىنەن 23 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭعا كەلىپ، شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتادى، شيزاڭداعى ءار ۇلت كادر - بۇقاراسىنا امانداستى، ولاردان حال سۇرادى. سۋرەتتە: 7 - ايدىڭ 21 - كۇنى تۇستەن كەيىن، شي جينپيڭ لينجى قالاسى بايى رايونى لينجى قالاشىعىنىڭ گالا قىستاعىندا قىزمەت تەكسەرگەن كەزدە قىستاق تۇرعىندارىنا قول بۇلعاپ قۇرمەت ءبىلدىردى. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
شينحۋا اگەنتتىگىنىڭ 7 - ايدىڭ 23 - كۇنى لاسادان بەرگەن حابارى. شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتاۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭعا كەلىپ، شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتادى، شيزاڭداعى ءار ۇلت كادر - بۇقاراسىنا امانداسىپ، ولاردان حال سۇراپ، ءار ۇلت كادر - بۇقاراسىنا پارتيا ورتالىق كوميتەتىنىڭ قامقورلىعىن جەتكىزدى. شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى ساناتىندا شيزاڭعا كەلىپ شيزاڭنىڭ بەيبىت ازات بولعاندىعىن قۇتتىقتاۋى پارتيا مەن مەملەكەت تاريحىندا تۇڭعىش رەت بولىپ، پارتيا ورتالىق كوميتەتىنىڭ شيزاڭ قىزمەتىنە دەگەن قولداۋىن، شيزاڭداعى ءار ۇلت كادر - بۇقاراسىنا دەگەن قامقورلىعىن تولىق بەينەلەدى.
شي جينپيڭ بىلاي دەپ اتاپ كورسەتتى: شيزاڭ بەيبىت ازات بولعان 70 جىلدان بەرى پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ زور كۇشپەن قولداۋىندا، شيزاڭداعى ءار ۇلت كادر - بۇقاراسى قاجىرلىلىقپەن كۇرەس جۇرگىزىپ، قايسارلىقپەن شايقاس جاسادى، قوعامدىق ءتۇزىم تاريحي سيپاتتى قارىشتاۋدى جۇزەگە اسىرىپ، ەكونوميكا، قوعام جالپى بەتتىك دامۋدى جۇزەگە اسىرىپ، حالىق تۇرمىسى بارىنشا جاقسارىپ، قالا، اۋىلدىڭ بەت - بەينەسى بۇرىنعىدان مۇلدە وزگەشە تۇسكە ەندى. اماليات جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس ەكەندىگىن، جاڭا شيزاڭ دا بولماق ەمەس ەكەندىگىن، پارتيا ورتالىق كوميتەتىنىڭ شيزاڭ قىزمەتى جونىندەگى باعىت - ساياساتتارىنىڭ بۇكىلدەي دۇرىس ەكەندىگىن دالەلدەدى.
شي جينپيڭ بىلاي دەپ باسا دارىپتەدى: جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، جوعارى ساپالى دامۋدى ىلگەرىلەتىپ، شەكارا ءوڭىر قۇرىلىسىن كۇشەيتىپ، ورنىقتىلىق، دامۋ، ەكولوگيا، شەكارانى كۇشەيتۋ سىندى 4 ءىرى ءىستى ويداعىداي يگەرىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ مەن باياندى دامۋىن ىلگەرىلەتۋ جاعىندا ۇزدىكسىز جاڭا تابىسقا قول جەتكىزىپ، قارلى القاپتى ءۇستىرتتىڭ باياندى تىنىشتىعى مەن جوعارى ساپالى دامۋىنىڭ جاڭا تاراۋىن كۇش سالا جازۋ كەرەك.
7 - ايدىڭ 21 - كۇنىنەن 23 - كۇنىنە دەيىن شي جينپيڭ شيزاڭ اۆتونوميالى رايوندىق پارتكومنىڭ شۋجيى ۋ يىڭجيەنىڭ، اۆتونوميالى رايوندىق ۇكىمەتتىڭ ءتوراعاسى چيجالانىڭ سەرىك بولۋىندا، ىلگەرىندى - كەيىندى لينجى، لاسا سياقتى جەرلەرگە بارىپ، اۋىل - قىستاق، قالا باقشاسى، تەمىر جول تورابى، ءدىني ورىن، مادەنيەت كوشە رايونى سياقتىلاردى ىشكەرىلەي ارالاپ، ءار ۇلت كادر - بۇقاراسىنا امانداستى، ولاردان حال سۇرادى.
7 - ايدىڭ 21 - كۇنى تۇستەن بۇرىن ساعات 11 مولشەرىندە شي جينپيڭ ۇشاقپەن لينجى ميلين اۋەجايىنا جەتتى. شيزاڭداعى ءار ۇلت كادر - بۇقاراسى قولدارىنا گۇل شوعىن كوتەرىپ، ءان ايتىپ، ءبي بيلەپ، باس شۋجي شي جينپيڭنىڭ كەلگەندىگىن قىزۋ قارسى الدى ءارى باس شۋجيگە حادا، چيەما، ارپا شارابىن ۇسىنىپ، باس شۋجيگە دەگەن شىنايى ىزگى تىلەگىن ءبىلدىردى.
وسىدان كەيىن شي جينپيڭ اۆتوكولىككە وتىرىپ نيياڭحى ۇلكەن كوپىرىنە كەلىپ، تولقىن اتىپ جاتقان، ءشوپ - اعاشتارى جايقالا وسكەن ياني سازدىعىنا الىستان كوز تاستاپ، يالۋزاڭبۇ دارياسى جانە نيياڭحى الابىنىڭ ەكولوگيالىق ورتاسىن قورعاۋ جانە جاراتىلىستىق قورىق قۇرىلىسى سياقتى جاعدايلاردى تىڭدادى. شي جينپيڭ بىلاي دەپ باسا دارىپتەدى: قورعاۋدى الدىمەن ويلاسۋعا تاباندى بولىپ، تاۋ، سۋ، ورمان، ەگىنجاي، كول، جايلىم، ءشول، مۇزدىقتى ءبىر تۇلعالاندىرا قورعاۋ مەن جۇيەلى جونگە سالۋعا تاباندى بولىپ، ماڭىزدى داريا، وزەن الابىنىڭ ەكولوگيالىق ورتاسىن قورعاۋ مەن قالپىنا كەلتىرۋدى كۇشەيتىپ، سۋ بايلىعىن ۇيلەسىمدى اشۋ، پايدالانۋ مەن قورعاۋدى ءبىر تۇتاس جوسپارلاپ، وسى ارانىڭ جان - جانۋارىن، ءشوبى مەن اعاشىن، سۋى مەن تاۋىن ويداعىداي قورعاۋ كەرەك.
سول كۇنى تۇستەن كەيىن شي جينپيڭ لينجى قالاسىنىڭ قالا جوباسى سارايىنا كەلىپ، لينجىنىڭ قالا قۇرىلىسى بارىسى مەن دامۋ جوباسىن ۇعىستى. شي جينپيڭ مىنالاردى ءبىلدىردى: ۇستىرتتە تۇرمىس كەشىرىپ جاتقان ءار ۇلت بۇقاراسى ۇزاق ۋاقىتتان بەرى ۇلى تابيعاتقا سۇيەنىپ تىرشىلىك ەتىپ، ءۇستىرتتىڭ قورشاعان ورتاسىمەن جاراسىمدى وتەتىن تۇرمىس ءتاسىلىن قالىپتاستىردى، وڭىرلىك ەرەكشەلىكتى كورنەكتىلەندىرىپ، وسىنداي ادام مەن تابيعات جاراسىمدى بىرگە ءومىر سۇرەتىن، باياندى دامۋ ۇستانىمىن قوزعاۋعا جەتەكشىلىك ەتىپ، بايلىق ورتاسىنىڭ كوتەرىمدىلىك قۋاتىن قاتاڭ تەجەم ەتىپ، قالانى اشۋ شەگى مەن ەكولوگيانى قورعاۋ قىزىل سىزىعىن عىلمي بەلگىلەپ، قالانىڭ حالىق سانى كولەمىن ۇيلەسىمدى تۇراقتاندىرىپ، جوبا قۇرىلىسى نەگىزدىك قۇرىلعىسىن عىلمي سايكەستىرىپ، ورمان ورتىنەن ساقتانۋ قۇرىلعى قۇرىلىسىن كۇشەيتىپ، قالانىڭ وسىزاماندانۋ دەڭگەيىن جوعارىلاتۋ كەرەك.
لينجى قالاسى با - ي رايونى لينجى قالاشىعىنىڭ گالا قىستاعى كوكتەم مەزگىلىندە شەشەك اتاتىن تاۋلى دالا شاپتول گۇلىمەن تانىمالى. شي جينپيڭ وسى اراعا كەلىپ، گالا قىستاعىنىڭ پارتيا قۇرىلىسىنىڭ جەتەكشىلىك رولىن ساۋلەلەندىرۋ، بۇقارانى كىرىستەرىن ارتتىرىپ بايۋعا باستاۋ، نەگىزگى ساتىنى جونگە سالۋ دەڭگەيىن جوعارىلاتۋ سياقتى تانىستىرۋلاردى تىڭدادى، قىستاقتاعى حالىققا قولايلى قىزمەت وتەۋ ورتالىعى، ”جاسىل بانكەنىڭ“ اقشا ايىرباستاۋ دۇكەنى، ەمحانا سياقتىلارعا بارىپ، قاتىستى جاعدايلاردى تاپتەشتەي ۇعىستى. قىستاق تۇرعىنى داۋاجيانسان باس شۋجيدى ۇيىندە قوناق بولۋعا ىستىق ىقىلاسپەن قارسى الدى. شي جينپيڭ جاتىن ءۇي، اسحانا، كىلەت، تازالىق بولمەسى سياقتىلاردى ەگجەي - تەگجەيلى كوردى، سونداي - اق ءبىر ءۇيلى جانمەن قوناق بولمەسىندە قورالانا وتىرىپ اڭگىمە دۇكەن قۇردى. داۋاجيانسان باس شۋجيگە وسى جىلدارى ءوز وتباسىنىڭ تاسىمالمەن شۇعىلدانۋعا، شاپتول گۇلى مەرەكەسىندە تابىس بولىسۋگە، جەردى اينالىمعا سالۋعا، ەگىمشىلىككە، باعىمشىلىققا سۇيەنىپ، بىلتىر بۇكىل وتباسىنىڭ كىرىسىن 300 مىڭ يۋاننان اسىرعاندىعىن ايتتى. شي جينپيڭ ەستىپ ەرەكشە قۋاندى. ول بىلاي دەپ اتاپ كورسەتتى: گالا قىستاعىنىڭ تاماشا تۇرمىسى شيزاڭنىڭ بەيبىت ازات بولعان 70 جىلدان بەرگى ەكونوميكالىق، قوعامدىق دامۋ تابىسىنىڭ ءبىر شاعىن كورىنىسى، بۇل ارا ۇلتتار ىنتىماعى، العاباسارلىعى گۇلىنىڭ شەشەك اتقان جەرى. اۋىلداستاردىڭ تاماشا تۇرمىسى پارتيا مەن مەملەكەتتىڭ ابزال ساياساتىنىڭ ارقاسىندا كەلگەن ءارى ونى وزدەرىڭىزدىڭ ەڭبەكشىل قوس قولدارىڭىزبەن دە جاراتتىڭىزدار. پارتيا ورتالىق كوميتەتىنىڭ شيزاڭنىڭ دامۋىن قولداۋ ساياساتىن ويداعىداي تياناقتاندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. قىستاق تۇرعىندارى جول بويىنا توپتالىپ، قولدارىنا اپپاق حادا ۇستاپ، باس شۋجي سالەمەتسىز بە دەپ الاقايلاپ، مالاقايلارىن الىپ باس شۋجيگە قۇرمەت ءبىلدىردى. شي جينپيڭ ”جاشيدىلى“ دەپ كوپشىلىكتىڭ باقىتتى، امان - ساۋ بولۋىن تىلەدى.
گالا قىستاعىنان اتتانعان شي جينپيڭ لينجى جاڭا، كونە قالا رايونى شەكاراسىنداعى گۇڭبۋ باقشاسىنا كەلىپ، باقشانىڭ جاسىلدانۋىن جانە نەگىزدىك قۇرىلعىسىن كوردى. شي جينپيڭ بىلاي دەپ باسا دارىپتەدى: قالانىڭ وزەگى ادام، قالا قىزمەتىنىڭ جاقسى ىستەلگەن - ىستەلمەگەندىگىندە بۇقارانىڭ ريزا بولۋ - بولماۋ − تۇرمىسقا قولايلى بولۋ - بولماۋى ماڭىزدى باعالاۋ ولشەمى. ادامدى نەگىز ەتۋگە تاباندى بولىپ، قالا يقۋاتىن ۇزدىكسىز كەمەلدەندىرىپ، بۇقارانىڭ تۇرمىس ساپاسىن جوعارىلاتۋ كەرەك. شي جينپيڭ باقشا الاڭىندا ءبي بيلەپ جۇرگەن جەرگىلىكتى بۇقارا مەن ساياحاتشىلارعا باقىت تىلەدى، ءار ۇلت بۇقاراسىنىڭ تۇرمىسىنىڭ جاقسارعان ۇستىنە جاقسارا بەرۋىن، ءال - اۋقاتىنىڭ بارعان سايىن تاۋىرلەنە ءتۇسۋىن تىلەدى.
بيىل 6 - ايدىڭ 25 - كۇنى شيزاڭداعى العاشقى ەلەكترلى تەمىر جول لاسا - لينجى تەمىر جولى اشىلىپ، ىسكە قوسىلدى. 7 - ايدىڭ 22 - كۇنى تۇستەن بۇرىن شي جينپيڭ سىچۋان - شيزاڭ تەمىر جولىنىڭ ماڭىزدى توراپ بەكەتى لينجى پويەز بەكەتىنە كەلىپ، سىچۋان - شيزاڭ تەمىر جولىنىڭ جالپى تۇلعالىق جوباسى مەن لاسادان لينجىعا دەيىنگى بولىگىنىڭ قۇرىلىسىن، ىسكە قوسىلۋ جاعدايىن ۇعىسىپ، يا - اننان لينجىعا دەيىنگى بولىگىنىڭ قۇرىلىسىن ىلگەرىلەتۋ جاعدايىنان بەرىلگەن مالىمەتتى تىڭدادى، ارناۋلى كەزەكشى پويەزعا وتىرىپ لاسا - لينجى تەمىر جولى بويىنىڭ قۇرىلىس جاعدايىن ناقپا - ناق كورىپ، قاتىستى ماسەلەلەردى ىشكەرىلەي اقىلداستى. شي جينپيڭ سىچۋان - شيزاڭ تەمىر جولى قۇرىلىسىنا ايرىقشا ءمان بەرىپ، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، سىچۋان - شيزاڭ تەمىر جول قۇرىلىسىن جاپپاي ىلگەرىلەتۋدى اقىلداسىپ ورنالاستىردى، قىزمەتتى ىلگەرىلەتۋ جونىندە كوپ رەت ماڭىزدى نۇسقاۋ بەردى. ول بىلاي دەپ اتاپ كورسەتتى: سىچۋان - شيزاڭ تەمىر جولىن جوبالاۋ، سالۋ شيزاڭنىڭ دامۋى مەن حالىق تۇرمىسىن جاقسارتۋدى جەبەۋدىڭ كەلەلى شاراسى، يالين بولىگىنىڭ جەر بەدەرى، جەر قۇرىلىمى جانە كليمات شارت - جاعدايى ءتىپتى دە كۇردەلى، سالۋ قيىندىق دارەجەسىنىڭ زور بولۋى الەمدە سيرەك كەزدەسەدى، عىلىم - تەحنيكادا جاڭالىق اشۋدىڭ شەشۋشى سيپاتتى رولىن ساۋلەلەندىرىپ، قيىندىققا قارسى اتتانىپ، باتىلدىقپەن الدا ءجۇرىپ، عىلمي قۇرىلىس جۇرگىزۋگە، حاۋىپسىز قۇرىلىس جۇرگىزۋگە، جاسىل قۇرىلىس جۇرگىزۋگە تاباندى بولىپ، ەكىنشى 100 جىلدىق كۇرەس نىساناسىن جۇزەگە اسىرۋ اياق الىسىنداعى وسى بەلگى سيپاتتى ينجەنەريانى ويداعىداي قۇرۋ كەرەك. باتىس بولىك شەكارا ءوڭىرىنىڭ تەمىر جول تورى قۇرىلىسىن ءبىر تۇتاس جوسپارلاپ، ويداعىداي جوبالاپ، تولىق دالەلدەپ، عىلمي جوبالاپ، شەكارا ءوڭىردىڭ جوعارى ساپالى دامۋىنا جانە قالىڭ حالىق بۇقاراسىنىڭ جوعارى ساپالى تۇرمىس كەشىرۋىنە اناعۇرلىم ويداعىداي قىزمەت وتەۋ كەرەك.
سول كۇنى تۇستەن كەيىن شي جينپيڭ لاسانىڭ باتىس ىرگەسىنە ورنالاسقان جىباڭ بۇتحاناسىنا كەلدى. سوچين سارايى الاڭىندا ۇزىن سىرنايلار تەڭ شالىنىپ، جىباڭ بۇتحاناسىن باسقارۋ كوميتەتىنىڭ جاۋاپتىسى باس شۋجيگە حادا سيلادى، موناحتار تۇتانعىش تۇعىرىن كوتەرىپ، قاسيەتتى شاتىر ۇستادى، باس شۋجي باسپالداقپەن سارايعا كىردى. شي جينپيڭ شيزاڭنىڭ ءدىن قىزمەتى جاعدايىن جانە جىباڭ بۇتحاناسىنىڭ بۇتحانا باسقارۋدا جاڭالىق اشۋدى كۇشەيتۋ جاعدايى جونىندەگى تانىستىرۋدى تىڭدادى ءارى سوچين سارايىن كورىپ، جىباڭ بۇتحاناسىنىڭ وسى جىلدارى جۇڭگو كوممۋنيستىك پارتياسىنىڭ باسشىلىعىن قولداۋ، سوتسياليستىك ءتۇزىمدى قولداۋ، وتان تۇتاستىعىن قورعاۋ سياقتى جاقتاردا قوسقان بەلسەندى ۇلەسىن تولىق تۇراقتاندىردى. شي جينپيڭ سارايدان شىققاندا نەشە ونداعان موناح قولدارىنا حادا ۇستاپ باس شۋجيدى اتتاندىردى. شي جينپيڭ بىلاي دەپ باسا دارىپتەدى: پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، بۇقارانىڭ ءدىني سەنىمىنە قۇرمەت ەتىپ، دەربەس، ءوزىن - ءوزى باسقارۋ، ءوز جۇمىسىن ءوزى جۇرگىزۋ پرينسيبىنە تاباندى بولىپ، ءدىن ىستەرىن زاڭ بويىنشا باسقارىپ، تيبەت بۇددا ءدىنىن سوتسياليستىك قوعامعا ۇيلەسۋگە بەلسەنە جەتەكتەپ، ءدىننىڭ ۇيلەسىمدىلىگىن، قوعامنىڭ جاراسىمدىلىعىن، ۇلتتاردىڭ تاتۋلىعىن جەبەپ، قوعامنىڭ دامۋىن، العا باسۋىن ىلگەرىلەتۋ بارىسىندا بەلسەندى رول اتقارۋ كەرەك.
لاسا قالاسىنىڭ كونە قالا رايونىنا ورنالاسقان باكو كوشەسى 1300 جىلدان استام تاريحقا يە. شي جينپيڭ باكو كوشەسىنىڭ كەلبەتىن جاياۋ ارالاپ كورىپ، ەرەكشە تاۋار دۇكەنىنە كىرىپ، ساياحات، مادەنيەت جاسامپازدىعى كاسىپ سالاسىنىڭ دامۋى، شيزاڭ مادەنيەتىنىڭ جالعاستىرىلۋى، قورعالۋى سياقتى جاعدايلاردى تاپتەشتەي سۇرادى. ءار ۇلت بۇقاراسى باس شۋجيگە جابال امانداستى. شي جينپيڭ قول بۇلعاپ كوپشىلىككە قۇرمەت ءبىلدىردى. شي جينپيڭ ونان سوڭ بۇدالا سارايى الاڭىنا كەلدى، الاڭدا نارت قىزىل مەملەكەت تۋى جەلمەن بىرگە جەلبىرەپ تۇر، شيزاڭنىڭ بەيبىت ازات بولۋ ەسكەرتكىشى اسقاق بوي كوتەرىپ، بۇدالا سارايى ايبىنمەن مەن مۇندالايدى. شي جينپيڭ بۇدالا سارايىن قورعاۋ، باسقارۋ سياقتى جاعدايلاردى تاپتەشتەي سۇرادى، ءار ۇلت بۇقاراسىنا ىستىق ىقىلاسپەن امانداستى. الاڭداعى ساياحاتشىلار مەن جەرگىلىكتى بۇقارا ”باس شۋجي سالەمەتسىز بە“ دەپ بىركەلكى داۋىستادى. شي جينپيڭ بىلاي دەپ اتاپ كورسەتتى: شيزاڭدى ءار ۇلت بىرگە اشقان، شيزاڭنىڭ تاريحىن ءار ۇلت بىرگە جازعان، زاڭزۋ ۇلتىنىڭ باسقا ءار ۇلتپەن اۋىس - كۇيىسى شيزاڭنىڭ تاريحي دامۋىمەن باستان - اياق ساباقتاسقان. كەزەكتە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى الدەقاشان باستالدى، شيزاڭنىڭ دامۋى دا جاڭا تاريحي باستامادا تۇر، تەك جۇڭگو كوممۋنيستىك پارتياسىنا ىلەسىپ، جۇڭگوشا سوتسياليزم جولىمەن مىزعىماي ءجۇرىپ، ءبىر نيەتپەن كۇش شىعارىپ، ۇلتتار ىنتىماعىن كۇشەيتەتىن بولساق، ءبىز، ءسوز جوق، دەر كەزىندە ەكىنشى 100 جىلدىق كۇرەس نىساناسىن جۇزەگە اسىرا الامىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الامىز. شي جينپيڭ ءار ۇلت بۇقاراسىنا ”جاشيدىلى“ دەپ باقىت تىلەدى.
سول كۇنى كەشتە شي جينپيڭ شيزاڭ حالىق سارايىندا ءار ۇلت كادر - بۇقاراسىمەن بىرگە ۇلتتىق ادەبيەت - كوركەمونەر كونسەرتىن كوردى. تامىلجىعان حالىق ءانى، بۇرالا باسقان ءبي شيزاڭنىڭ وزىندىك ەرەكشەلىككە يە مادەنيەتىنىڭ باۋراۋ قۋاتىن ايگىلەپ، شيزاڭداعى ءار ۇلت بۇقاراسىنىڭ پارتياعا بۇلجىماي ىلەسىپ، اناعۇرلىم باقىتتى، تاماشا تۇرمىستى بىرگە جاراتاتىن بەرىك سەنىمىن بەينەلەدى.
7 - ايدىڭ 23 - كۇنى تۇستەن بۇرىن شي جينپيڭ شيزاڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭدادى، شيزاڭنىڭ ءتۇرلى قىزمەتتەردە قول جەتكىزگەن ناتيجەسىن تۇراقتاندىردى، اۆتونوميالى رايوندىق پارتكوم مەن ۇكىمەتتىڭ قالىڭ كادر - بۇقارانى ىنتىماقتاستىرىپ، باستاپ، ءبىر نيەتپەن كۇش شىعارىپ، قايراتتانا العا ىلگەرىلەپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭدى ويداعىداي قۇرۋعا قۇلشىنۋىن ءۇمىت ەتتى.
شي جينپيڭ بىلاي دەپ باسا دارىپتەدى: شيزاڭ قىزمەتىنىڭ كەزەڭدىك ەرەكشەلىگىن دالمە - ءدال يگەرىپ، بۇقارالىق قىزمەتتى تىڭعىلىقتى جاقسى ىستەپ، قوعامدى جونگە سالۋ ورەسىن جوعارىلاتىپ، مەملەكەتتىڭ حاۋىپسىزدىگىنە، قوعامنىڭ ورنىقتىلىعىنا، حالىقتىڭ باقىتىنا شىنايى كەپىلدىك ەتۋ كەرەك. ۇلتتار ىنتىماعى، العاباسارلىعى ۇگىت تاربيەسىن سوتسياليستىك وزەكتى قۇن كوزقاراسى تاربيەسىمەن، وتانشىلدىق تاربيەسىمەن، بولشەكتەۋشىلىككە قارسى تۇرۋ كۇرەسى تاربيەسىمەن، جاڭا، كونە شيزاڭدى سالىستىرۋ تاربيەسىمەن جانە ماركسيزمدىك مەملەكەت كوزقاراسى، تاريح كوزقاراسى، ۇلت كوزقاراسى، مادەنيەت كوزقاراسى، ءدىن كوزقاراسى تاربيەسىمەن ۇشتاستىرۋعا تاباندى بولىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانۋ كەرەك. ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن ۇزدىكسىز نىعايتىپ، ۇلتتار ىنتىماعىنىڭ يدەيالىق نەگىزىن بەكەمدەۋ كەرەك.
شي جينپيڭ بىلاي دەپ اتاپ كورسەتتى: شيزاڭنىڭ جوعارى ساپالى دامۋىن ىلگەرىلەتۋدە بارلىق دامۋلارعا تۇگەلدەي ۇلتتار ىنتىماعى، العاباسارلىعىنىڭ ءمان - ماڭىزىن سىڭىرۋگە، تۇگەلدەي حالىق تۇرمىسىن جاقسارتۋدىڭ، جۇرت تىلەگىن ۇيىستىرۋدىڭ ءمان - ماڭىزىن سىڭىرۋگە، تۇگەلدەي ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋعا پايدالى بولۋعا تاباندى بولۋ كەرەك. ارتىقشىلىقتى ساۋلەلەندىرىپ، ولقىلىقتاردى تولىقتاپ، جەرگىلىكتى جاعدايعا قاراي ىستەپ، رەفورما جاساپ، ەسىك اشۋدى تەرەڭدەتىپ، تەمىر جول، تاس جول، سونداي - اق باسقا دا كەلەلى نەگىزدىك قۇرىلعىلار قۇرىلىسىن تەزدەتىپ، ەرەكشەلىككە يە كاسىپ سالاسىن دامىتىپ، مەملەكەتتىڭ تازا ەنەرگيا بازاسىن قۇرۋدى جەدەلدەتىپ، دامۋ مەن حاۋىپسىزدىكتى ءبىر تۇتاس جوسپارلاپ، شيزاڭنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن ءجۇرۋ كەرەك.
شي جينپيڭ بىلاي دەپ باسا دارىپتەدى: سوڭعى جىلدارى شيزاڭداعى ءار ۇلت بۇقاراسىنىڭ تۇرمىسى مەن رۋحاني بەت - بەينەسىندە تۇگەلدەي وتە زور وزگەرىستەر تۋىلدى، مەن بارعان جەرلەرىمنىڭ بارىنەن كوپشىلىكتىڭ جاقسى تۇرمىس وتكىزۋگە دەگەن باقىت سەزىمىن، پارتيا مەن مەملەكەتكە دەگەن العىس سەزىمىن سەزىندىم. حالىقتى وزەك ەتكەن دامۋ يدەياسىنا تاباندى بولىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جاپپاي ىلگەرىلەتۋمەن ءونىمدى ۇشتاستىرۋدى ىلگەرىلەتىپ، نازاردى بۇقارا جاپپاي كوڭىل ءبولىپ وتىرعان حالىق تۇرمىسى ماسەلەلەرىنە بارىنشا شوعىرلاندىرىپ، جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەلۋ، زەينەتكەرلىك، بالانى اماناتتاپ باقتىرۋ، تۇرعىن ءۇي سياقتى حالىق تۇرمىسىنداعى ناقتى ىستەردى جاقسى ىستەپ، ءبىر - بىردەن يگەرىپ تياناقتاندىرىپ، ءار ۇلت بۇقاراسىنىڭ تابىس سەزىمىنىڭ اناعۇرلىم شىنايى، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز ەتىلۋىنە مۇمكىندىك جاساۋ كەرەك. شەكارانىڭ نەگىزدىك قۇرىلعى قۇرىلىسىن كۇشەيتىپ، ءار ۇلت بۇقاراسىن شەكارا وڭىرگە تامىر تارتىپ، مەملەكەت تەرريتورياسىن قورعاپ، اتا مەكەندى قۇرۋعا شابىتتاندىرۋ كەرەك.
شي جينپيڭ بىلاي دەپ اتاپ كورسەتتى: شيزاڭنىڭ ەكولوگيالىق ورتاسىن جاقسى قورعاۋدىڭ پايداسىن بولاشاقتا كورۋگە بولادى، ەل - جۇرتقا يگىلىك جەتكىزەدى. تۇنىق سۋ، جاسىل تاۋ − باعالى بايلىق، قارلى دالا، مۇزدى القاپ تا − باعالى بايلىق ۇستانىمىن بەرىك ورناتىپ، ستراتەگيالىق تاباندىلىقتى ساقتاپ، ەكولوگيالىق ورتانى جونگە سالۋ ورەسىن جوعارىلاتىپ، چيڭحاي - شيزاڭ ۇستىرتىندەگى ورگانيزمدەردىڭ الۋن تۇرلىلىگىن قورعاۋدى ىلگەرىلەتىپ، ەكولوگيانى الدىمەن ويلاستىرۋ، جاسىل دامۋ جولىمەن مىزعىماستان ءجۇرىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرىپ، جەر شارىنىڭ 3 - ۇيەك ەكولوگياسىن شىن مانىندە جاقسى قورعاۋ كەرەك.
شي جينپيڭ بىلاي دەپ باسا دارىپتەدى: تاريحتى ۇيرەنۋ ارقىلى ۇمتىلا ىستەۋ − پارتيا تاريحىن ۇيرەنۋ تاربيەسىنىڭ تابان تىرەر تياناعى، تاريحتى ۇيرەنۋ ارقىلى قاعيدانى ءتۇسىنۋدىڭ، تاريحتى ۇيرەنۋ ارقىلى سەنىمدى ارتتىرۋدىڭ، تاريحتى ۇيرەنۋ ارقىلى ءمورالدى اسقاقتاتۋدىڭ جەتىستىكتەرىن سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ ءىس جۇزىندىك ارەكەتىنە اينالدىرۋ كەرەك. پارتيالىلىقتى شىڭداۋ جاعىندا ۇمتىلا ىستەپ، قالىڭ پارتيا مۇشەلەرىن، كادرلاردى پارتيانىڭ داڭقتى ءداستۇرىن ساۋلەلەندىرىپ، قىزىل تامىردى ۇزدىكسىز جالعاستىرىپ، ۇلى پارتيا قۇرۋ رۋحىمەن پارتيالىلىق جەتىلىمدى نارلەندىرىپ، مۇرات - سەنىمدى بەكەمدەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”مەملەكەتتىڭ زور ءىسىن“ كوكەيدە ساقتاپ، قاشاندا پارتيالىلىق پرينسيپ ارقىلى ءوزىن تاربيەلەپ، ءوزىن تيىپ، شىن مانىندە بەرىك پارتيالىلىق ارقىلى حالىقتىڭ سەنىمىنە يە بولۋعا، بۇقارانى باستاۋعا تاربيەلەۋ، جەتەكتەۋ كەرەك. حالىق ءۇشىن قىزمەت ىستەۋ جاعىندا ۇمتىلا ىستەپ، قالىڭ پارتيا مۇشەلەرىن، كادرلاردى قاشاندا حالىقتى كوڭىلدىڭ ەڭ بيىك تورىنە قويۋعا، حالىق بۇقاراسىنىڭ سىرلاسى، جان اشىرى، جول باستاۋشىسى بولىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شىن نيەتپەن، سۇيىسپەنشىلىكپەن، كۇش سالا شەشىپ، جالپى حالىقتىڭ بىرگە بايۋدا اناعۇرلىم كورنەكتى ماندىك ىلگەرىلەۋشىلىككە قول جەتكىزۋىن قۇلشىنا ىلگەرىلەتۋگە تاربيەلەۋ، جەتەكتەۋ كەرەك. دامۋدى ىلگەرىلەتۋ جاعىندا ۇمتىلا ىستەپ، پارتيا مۇشەلەرىن، كادرلاردى پارتيا تاريحىن ۇيرەنۋدى قىزمەتتى ىلگەرىلەتۋمەن ۇشتاستىرىپ، شىندىققا جۇگىنىپ ناقتى ءىس ىستەۋگە، جاۋاپكەرشىلىك ارقالاپ ءىس تىندىرۋعا تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاسامپازدىقپەن تياناقتاندىرىپ، دامۋداعى قيىن ماسەلەلەردى شەشۋگە، دامۋ باسىمدىعىن جەتىلدىرۋگە كۇش سالىپ، پارتيا مەن حالىقتىڭ سەنىمىن اقتايتىن، تاريح پەن ءداۋىردىڭ سەنىمىن اقتايتىن جاڭا ناتيجەلەرگە قول جەتكىزۋگە قۇلشىنۋعا تاربيەلەۋ، جەتەكتەۋ كەرەك.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتى شيزاڭداعى كادرلار مەن جۇمىسشى - قىزمەتكەرلەرگە ەرەكشە كوڭىل ءبولىپ، شيزاڭنىڭ ايرىقشا جاپالى قىزمەتىن، تۇرمىسىن شىعار ءتۇيىن ەتە وتىرىپ، ەرەكشە ەڭبەكاقى جانە قاتىستى يگىلىك ساياساتتارىن بەلگىلەدى، تياناقتاندىرۋدى شىن مانىندە ويداعىداي يگەرىپ، كادرلار مەن جۇمىسشى - قىزمەتكەرلەردىڭ دەنساۋلىعىن قامتاماسىز ەتۋ قىزمەتىنە ءمان بەرىپ، كادرلار مەن جۇمىسشى - قىزمەتكەرلەردىڭ ۋايىم - قايعىسىن ويداعىداي شەشۋ كەرەك.
مالىمەت بەرۋ ءماجىلىسىنىڭ الدىندا، شي جينپيڭ شيزاڭ اۆتونوميالى رايونىنىڭ، سونداي - اق قاتىستى تاراۋلاردىڭ، ايماق - قالالاردىڭ جاۋاپتى جولداستارىمەن جانە ساقا جولداستاردىڭ ۋاكىلدەرىمەن، ءار ۇلت، ءار سالا ۋاكىلدەرىمەن، شيزاڭعا كومەكتەسۋشى كادرلاردىڭ ۋاكىلدەرىمەن، ساياسي - زاڭ كادر - ساقشىلارىنىڭ ۋاكىلدەرىمەن، ءدىن سالاسىنداعى وتانشىل قايراتكەرلەردىڭ ۋاكىلدەرىمەن جەكە - جەكە كەزدەستى. شي جينپيڭ پارتيا ورتالىق كوميتەتى اتىنان قارلى القاپتى ۇستىرتتە كۇرەس جاساپ جاتقان قالىڭ جولداستارعا شىن ىقىلاستى سالەم جولدادى.
7 - ايدىڭ 23 - كۇنى شي جينپيڭ لاسادا شيزاڭدا تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرىمەن ىقىلاسپەن كەزدەستى. شي جينپيڭ شيزاڭدا تۇراتىن اسكەري بولىمدەردەگى بارلىق قولباسى - جاۋىنگەرلەرگە شىن ىقىلاستى سالەم جولداپ، شيزاڭدا تۇراتىن اسكەري بولىمدەردىڭ قوسقان كورنەكتى ۇلەسىن تولىق تۇراقتاندىردى. ول بىلاي دەپ باسا دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگياسى باعىتىن دايەكتىلەندىرىپ، ”ىلگەرگى شيزاڭ رۋحىن“ زور كۇشپەن اسقاقتاتىپ، اسكەر جاتتىقتىرىپ سوعىسقا دايىندالۋ قىزمەتىن جاپپاي كۇشەيتىپ، شيزاڭنىڭ باياندى تىنىشتىعى مەن كوركەيىپ - گۇلدەنىپ، دامۋىن ىلگەرىلەتۋگە بەلسەندى تۇردە ەسە قوسۋ كەرەك.
قازىر بۇكىل ەل بويىنشا تاسقىننان ساقتانۋ، تاسقىنعا قارسى اتتانۋدىڭ شەشۋشى مەزگىلى. قىزمەت تەكسەرۋ جولىندا شي جينپيڭ حىناندا شەكتەن تىس قاتتى نوسەر جاۋعانىن بىلگەن سوڭ، دەرەۋ ماڭىزدى نۇسقاۋ بەرىپ، باستان - اياق حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن ءبىرىنشى ورىنعا قويۋدى قامتاماسىز ەتىپ، دەرەۋ كۇش ۇيىمداستىرىپ، تاسقىننان ساقتانىپ، اپاتتان قۇتقارىپ، اپاتقا ۇشىراعان بۇقارانى لايىقتى ورنالاستىرىپ، اپاتتىڭ قايتا تۋىلۋىنان قاتاڭ ساقتانىپ، ءولىم - ءجىتىم مەن مال - مۇلىك شىعىنىن ەڭ زور شەكتە ازايتۋدى تالاپ ەتتى. شي جينپيڭ مىنالاردى تالاپ ەتتى: ازاتتىق ارميا مەن قارۋلى ساقشى قوسىندارى جەرگىلىكتى ورىننىڭ قاتەردەن اراشالاپ اپاتتان قۇتقارۋ قىزمەتىن جۇرگىزۋىنە بەلسەندىلىكپەن سەلبەسۋى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، شۇعىل جاعدايعا توتەپ بەرۋ - باسقارۋ مينيسترلىگى، سۋ يگىلىگى مينيسترلىگى، قاتىناس - تاسىمال مينيسترلىگى ءبىر تۇتاس جوسپارلاپ سايكەستىرۋدى كۇشەيتىپ، اۋا رايىن باقىلاۋ - ولشەۋ، الدىن الا مالىمەت بەرۋ جانە گەولوگيالىق اپاتتاردى ساراپتاۋدى كۇشەيتىپ، تاسقىننان ساقتانۋ، اپاتتان قۇتقارۋ قىزمەتىن ەگجەي - تەگجەيلى، ناقتى يگەرۋى كەرەك. وڭىرلەر، قاتىستى تاراۋلار ءتۇرلى قىزمەتتەردى شىن مانىندە جاقسى ىستەپ، ءوندىرىس، تۇرمىس ءتارتىبىن تەزىرەك قالپىنا كەلتىرىپ، اپاتقا ۇشىراعان بۇقاراعا كومەكتەسۋ - سۇيەمەلدەۋ، قۇتقارۋ - جاردەمدەسۋ جانە دەنساۋلىق ساقتاۋ، ىندەتتەن ساقتانۋ قىزمەتىن جاقسى ىستەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە باسا ءمان بەرۋى كەرەك. شيزاڭ دا وسى تالاپتاردى ويداعىداي تياناقتاندىرىپ، جاراتىلىستىق اپاتتان ساقتانۋ جانە ءبىر جاقتى ەتۋ قىزمەتىن جاقسى ىستەۋى كەرەك.
ديڭ شۋەشياڭ، ليۋ حى، ياڭ شياۋدۋ، جاڭ يوۋشيا، چىن شي، حى ليفىڭ، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، پابالا گىلەلاڭجيە قاتىستى قيمىلدارعا قاتىناستى.
