− جاڭا داۋىردەگى جاڭا كەزەڭدىك شينجياڭعا باعىتتامالى كومەكتەسۋ قىزمەتىن قۇلشىنا جاقسى ىستەۋ جونىندە
گازەتىمىزدىڭ شولۋشىسى
8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ اشىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرگەندىگىن، تيانشان پەرزەنتتەرىنە دەگەن قامقورلىعىن، قويۋ سۇيىسپەنشىلىگىن تولىق ايگىلەدى، شينجياڭداعى ءار ۇلت كادرلارى مەن بۇقاراسى تەرەڭ شابىت الدى، ايرىقشا جەلپىندى، نەگىزگى تۇلعالىق تانىمدى جوعارىلاتىپ، نەگىزگى تۇلعالىق جاۋاپكەرشىلىكتى كۇشەيتىپ، سانالى تۇردە شينجياڭعا كومەكتەسۋ قىزمەتىن شينجياڭ قىزمەتىنىڭ كەلەلى جاعدايىنا ەنگىزىپ جوسپارلاۋ، ورنالاستىرۋ سەنىمى مەن بەكىمىن اناعۇرلىم بەكەمدەدى.
بۇگىنگى شينجياڭنىڭ جاراسىمدى دا ورنىقتى، گۇلدەنگەن، دامىعان اسا تاماشا جاعدايى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەلدىڭ زور كۇشپەن كومەكتەسۋىنىڭ ناتيجەسى، سونداي - اق شينجياڭداعى ءار ۇلت حالقىنىڭ ىنتىماقتاسا كۇرەس جاساۋىنىڭ، ءورىس اشا العا ىلگەرىلەۋىنىڭ ناتيجەسى. كەزەكتە شينجياڭداعى ءار ۇلت حالقى بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا جەڭىسپەن قادام تاستاپ، تاسقىنداعان جىگەرمەن ەكىنشى 100 جىلدىق كۇرەس نىساناسىنا قاراي ارشىندى قادام تاستادى. العا باسۋ جولىندا ءبىز جاڭا جاعدايعا، جاڭا مىندەتتەرگە ءدوپ كەلەمىز، سونداي - اق جاڭا ماسەلەلەرگە، جاڭا سايىستارعا ءدوپ كەلەمىز. جاڭا داۋىردەگى جاڭا كەزەڭدىك شينجياڭعا باعىتتامالى كومەكتەسۋ قىزمەتىن جاقسى ىستەۋدە تۇتاس رايوننىڭ جەر - جەرى باستان - اياق نەگىزگى تۇلعالىق جاۋاپكەرشىلىكتى كۇشەيتىپ، قىزمەت وتەۋ تانىمىن ارتتىرىپ، قامتاماسىز ەتۋ قابىلەتىن جوعارىلاتىپ، شىنايى تۇردە پارتيا ورتالىق كوميتەتىنىڭ شەشىمدەرىن، ورنالاستىرۋلارىن، ءار ۇلت حالقىنىڭ قاجەتىن، كوكسەگەنىن، شينجياڭعا كومەكتەسكەن ءارقايسى جاقتاردىڭ قولداۋىن، كومەكتەسۋىن ورگانيكالى بىرلەستىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتۋ كەرەك.
سانالى تۇردە شينجياڭعا كومەكتەسۋ قىزمەتىن شينجياڭ قىزمەتىنىڭ كەلەلى جاعدايىنا ەنگىزىپ جوسپارلاۋدا، ورنالاستىرۋدا جاڭا دامۋ ۇستانىمىن دايەكتىلەندىرىپ، كاسىپ سالاسى ارقىلى شينجياڭعا كومەكتەسۋدى ىلگەرىلەتۋ جاعىنا ۇزدىكسىز كۇش سالىپ، جۇمىستاندىرۋدى جەبەۋدى باعدار ەتۋگە تاباندى بولىپ، ەڭبەك شوعىرلانعان كاسىپ سالالارى مەن ەرەكشەلىككە، باسىمدىققا يە كاسىپ سالالارىن زور كۇشپەن دامىتىپ، شينجياڭعا كومەكتەسەتىن ولكە - قالالاردىڭ تىزبەك فورماسىندا، شوعىرلانۋ فورماسىندا كاسىپ سالاسىنا ويىسۋ تەبىنىن كۇشەيتۋىن قولداپ، ءتىپتى دە كوپ ورتالىق كاسىپورىنداردى، شينجياڭعا كومەكتەسەتىن ولكە - قالالارداعى كاسىپورىنداردى شينجياڭعا كەلىپ قارجى قوسىپ، شارۋاشىلىقتى شالقىتۋعا باۋراپ، شينجياڭ ەكونوميكاسىنىڭ جوعارى ساپالى دامۋىنا دەم بەرۋ كەرەك.
سانالى تۇردە شينجياڭعا كومەكتەسۋ قىزمەتىن شينجياڭ قىزمەتىنىڭ كەلەلى جاعدايىنا ەنگىزىپ جوسپارلاۋدا، ورنالاستىرۋدا كادرلاردىڭ، دارىندىلاردىڭ ساپاسىن جوعارىلاتۋدى توڭىرەكتەي وتىرىپ، اقىل - پاراسات ارقىلى شينجياڭعا كومەكتەسۋدى تەرەڭدەتۋ جاعىنا ۇزدىكسىز كۇش سالىپ، يكەمدى دارىندى قابىلداۋ مەحانيزمىن كەمەلدەندىرىپ، ”ۇيىرمە فورماسىنداعى“ شينجياڭعا كومەكتەسۋ جەتىستىكتەرىن بەكەمدەپ، كەڭەيتىپ، شينجياڭعا كومەكتەسۋشى كادرلاردىڭ، دارىندىلاردىڭ ناقتى مىندەت وتەۋىنە، ناقتى جاۋاپكەرشىلىك ارقالاۋىنا، ناقتى جۇمىس ىستەۋىنە ءتيىمدى ءتۇزىم مەحانيزمىن اقاۋسىزداندىرىپ، ارمانى بار ءتىپتى دە كوپ شينجياڭعا كومەكتەسۋشى تاڭداۋلى كادردى، دارىندىنى شينجياڭدا قالىپ قىزمەت ىستەۋگە، ۇزاق ۋاقىت شەكارا وڭىرگە ۇلەس قوسۋعا شابىتتاندىرۋ كەرەك.
سانالى تۇردە شينجياڭعا كومەكتەسۋ قىزمەتىن شينجياڭ قىزمەتىنىڭ كەلەلى جاعدايىنا ەنگىزىپ جوسپارلاۋدا، ورنالاستىرۋدا حالىقتى وزەك ەتۋگە تاباندى بولىپ، حالىق تۇرمىسىن قامتاماسىز ەتۋ جانە جاقسارتۋ جاعىنا ۇزدىكسىز كۇش سالىپ، شينجياڭعا كومەكتەسۋ نىسان قارجىسىنىڭ ％80تەن استامىن حالىق تۇرمىسى سالاسىنا بەيىمدەۋگە، اۋداننان تومەن نەگىزگى ساتىعا بەيىمدەۋگە، ۇلتتاردىڭ ارالاسۋىن، ىشتەسۋىن، توعىسۋىن جەبەۋگە بەيىمدەۋگە تاباندى بولىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى ۇزدىكسىز ىلگەرىلەتىپ، ءار ۇلت بۇقاراسىنىڭ ءوندىرىس، تۇرمىس شارت - جاعدايىن ۇزدىكسىز جاقسارتىپ، ءار ۇلت بۇقاراسىنىڭ وتان ۇلى شاڭىراعىنىڭ مەيىرىن اناعۇرلىم كوپ سەزىنۋىنە مۇمكىندىك جاساۋ كەرەك.
سانالى تۇردە شينجياڭعا كومەكتەسۋ قىزمەتىن شينجياڭ قىزمەتىنىڭ كەلەلى جاعدايىنا ەنگىزىپ جوسپارلاۋدا، ورنالاستىرۋدا جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتار ىنتىماعىن بەكەمدەۋ، دامىتۋ جاعىنا ۇزدىكسىز كۇش سالىپ، جۇڭحۋا ۇلتى ورتاق تۇلعا تانىمى ۇگىت تاربيەسىن ونان ارى كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن تىڭعىلىقتى ورىستەتىپ، شينجياڭنىڭ ءىشى - سىرتىنداعى ءار ۇلت بۇقاراسىنىڭ كوپ ساتىلى، كوپ سالالى، كوپ فورمالى بارىس - كەلىسىن، ىقپالداستىعىن ىلگەرىلەتىپ، شينجياڭعا باعىتتامالى كومەكتەسۋ قىزمەتىن ۇلتتار ىنتىماعىن كۇشەيتەتىن ينجەنەرياعا اينالدىرۋعا قۇلشىنۋ كەرەك.
سانالى تۇردە شينجياڭعا كومەكتەسۋ قىزمەتىن شينجياڭ قىزمەتىنىڭ كەلەلى جاعدايىنا ەنگىزىپ جوسپارلاۋدا، ورنالاستىرۋدا شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، مادەنيەت، وقۋ - اعارتۋ ارقىلى شينجياڭعا كومەكتەسۋ جاعىنا ۇزدىكسىز كۇش سالىپ، وقۋ - اعارتۋ ارقىلى شينجياڭعا كومەكتەسۋ قىزمەتىن كۇشەيتىپ جانە جاقسارتىپ، وتاندى ءسۇيۋ، شينجياڭدى ءسۇيۋ مادەنيەت بايلىق قاينارىن ىشكەرىلەي اشىپ، ءارقايسى ۇلتتاردىڭ مادەنيەت اۋىس - كۇيىسىن، ءوزارا ۇلگى الۋىن جەبەپ، ءار ۇلت بۇقاراسىن ”ءۇشتىڭ ءبىر - بىرىنەن ايرىلا الماۋ“ يدەياسىن بەرىك ورناتۋعا، ”بەستى شىنايى مويىنداۋدى“ كۇشەيتۋگە جەتەكتەۋ كەرەك.
سانالى تۇردە شينجياڭعا كومەكتەسۋ قىزمەتىن شينجياڭ قىزمەتىنىڭ كەلەلى جاعدايىنا ەنگىزىپ جوسپارلاۋدا، ورنالاستىرۋدا لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن ىلگەرىلەتىپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ جاعىنا ۇزدىكسىز كۇش سالىپ، شينجياڭدى زاڭ بويىنشا جونگە سالۋعا تاباندى بولىپ، كەشەندى شارالار اتقارىپ، تۇبىرىنەن وڭاۋ مەن ۇستىنەن وڭاۋدى ۇشتاستىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، قوعامدىق كەلەلى جاعدايدىڭ ۇزدىكسىز ورنىقتى بولۋىنا، ۇزاق ۋاقىت ورنىقتى بولۋىنا شىنايى كەپىلدىك ەتىپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىنا تاماشا ورتا جاراتۋ كەرەك.
سۋ كوتەرىلسە، ەكى جاعالاۋدىڭ ساعاسى كەڭەيەدى، جەل وڭىنان تۇرسا، كەمەنىڭ جەلكەنى كوتەرىلەدى. تاريحتىڭ جاڭا باستاماسىندا، ءبىز اۋىر مىندەت يىعىمىزدا تۇر دەيتىن بورىشتىلىق سەزىمدى، ەشقانداي بويكۇيەزدىككە سالىنۋعا كەلمەيدى دەيتىن جاۋاپكەرشىلىك سەزىمدى، ۋاقىت كۇتىپ تۇرمايدى دەيتىن كوكەي تەستىلىك سەزىمدى كۇشەيتىپ، شينجياڭعا باعىتتامالى كومەكتەسۋدىڭ كەلەلى تاريحي ورايىن مىقتى يگەرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا باعىتتامالى كومەكتەسۋدەگى ءتۇرلى شەشىمدەرىن، ورنالاستىرۋلارىن ناقتى، ەگجەي - تەگجەيلى تياناقتاندىرۋدى تىڭعىلىقتى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جاڭا دا اناعۇرلىم زور ۇلەس قوسۋىمىز كەرەك.
