تيانشان تورى   ›   جاڭالىقتار   ›   سۋرەتتى حابار

قىزىل قان تامىردى ۇزدىكسىز جالعاستىرىپ، قىزمەت جاۋاپكەرشىلىگىن، بورىشتى ەستە بەرىك ساقتاپ، جاڭا ساپاردا قايراتتانا ەكپىندەي ىلگەرىلەپ، تاعى دا تىڭ ەڭبەك ءسىڭىرۋ كەرەك

 ۋاڭ ياڭ شينجياڭدا بيڭتۋان قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

قىزىل قان تامىردى ۇزدىكسىز جالعاستىرىپ، قىزمەت جاۋاپكەرشىلىگىن، بورىشتى ەستە بەرىك ساقتاپ، جاڭا ساپاردا قايراتتانا ەكپىندەي ىلگەرىلەپ، تاعى دا تىڭ ەڭبەك ءسىڭىرۋ كەرەك

  7 - ايدىڭ 21 - كۇنىنەن 24 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ شينجياڭدا بيڭتۋان قىزمەتىنە تەكسەرۋ - زەرتتەۋ جۇرگىزدى. سۋرەتتە: 7 - ايدىڭ 22 - كۇنى ۋاڭ ياڭ شينجياڭ بيڭتۋان اسكەري تىڭ يگەرۋ مۇراجايىندا بيڭتۋاننىڭ تىڭ يگەرىپ، شەكارانى كۇزەتكەن تاريحىمەن تانىسۋدا.  سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

  شينحۋا اگەنتتىگىنىڭ 7 - ايدىڭ 24 - كۇنى ۇرىمجىدەن بەرگەن حابارى (ءتىلشى لين حۇي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جۋىقتا شينجياڭدا بيڭتۋان قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، باس شۋجي شي جينپيڭنىڭ بيڭتۋان قىزمەتى جونىندەگى ماڭىزدى نۇسقاۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، جاڭا ءداۋىردىڭ جاڭا تالاپتارىنا ۇيلەسىپ، ورنىقتىلىقتى قورعاۋ، شەكارانى كۇزەتۋ قابىلەتىن كۇشەيتىپ، رەفورما جاساۋ، جاڭالىق اشۋ بارىسىندا ءوزىنىڭ ناقتى كۇشىن زورايتىپ، وڭتۇستىككە قاراي دامۋدى تەز ءارى ورنىقتى ىلگەرىلەتىپ، قىزمەت جاۋاپكەرشىلىگىن، بورىشتى اتقارۋدىڭ يدەيالىق سانالىلىعىن، ساياسي سانالىلىعىن جانە ارەكەت سانالىلىعىن شىنايى كۇشەيتىپ، شينجياڭنىڭ باياندى تىنىشتىعى مەن مەملەكەتتىڭ شەكارا ءوڭىردى بەكەمدەۋىن جەبەۋگە تاعى دا تىڭ ەڭبەك ءسىڭىرۋ كەرەك.

  اۆتونوميالى رايوندىق پارتكومنىڭ شۋجيى چىن چۋانگو، ورتالىق كوميتەت شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان تەكسەرۋ - زەرتتەۋدە بىرگە بولدى.

  7 - ايدىڭ 21 - كۇنىنەن 24 - كۇنىنە دەيىن ۋاڭ ياڭ بيڭتۋان 1 - شى ارال قالاسى، 8 - شى شىحىزى قالاسى، 10 - شى بەيتۇن قالاسى سياقتى جەرلەرگە كەلىپ، تۋان - الاڭداردى، ليان - دۇيلەردى، كاسىپ سالاسى باقشا اۋماعىن، كاسىپورىنداردى، الەۋمەتتىك اۋماقتاردى، مەكتەپتەردى، شيپاحانالاردى، مۇراجايلاردى ىشكەرىلەي ارالاپ، كادرلارعا، جۇمىسشى - قىزمەتكەرلەرگە امانداسىپ، حال سۇرادى، سونداي - اق اڭگىمە ءماجىلىس اشىپ، قاتىستى جاقتاردىڭ پىكىرلەرىن، ۇسىنىستارىن تىڭدادى. ۋاڭ ياڭ بىلاي دەپ اتاپ كورسەتتى: جۋىق جىلداردان بەرى شينجياڭ ءوندىرىس - قۇرىلىس بيڭتۋانى نازاردى شينجياڭ قىزمەتى باس نىساناسىنا شوعىرلاندىرىپ، رەفورمانى ۇزدىكسىز تەرەڭدەتىپ، ءتۇزىلىس - مەحانيزمدەردى ىڭعايلاپ، وڭتۇستىككە قاراي دامۋدى بار كۇشپەن ىلگەرىلەتىپ، ءتۇرلى جاقتارداعى قىزمەتتەردە تىڭ ىلگەرىلەۋشىلىككە قول جەتكىزدى، ناتيجە وڭاي قولعا كەلگەن جوق، تولىق تۇراقتاندىرۋعا تاتيدى.

  ۋاڭ ياڭ بىلاي دەپ باسا دارىپتەدى: بيڭتۋاننىڭ تاريحي ۇلەسى ەشقاشان وشپەيدى، بيڭتۋاننىڭ ستراتەگيالىق رولىن ەشكىم باسا المايدى. ورنىقتىلىقتى قورعاۋدى، شەكارانى كۇزەتۋدى جالعاستى بيڭتۋاننىڭ ماڭداي الدى قىزمەت جاۋاپكەرشىلىگى، بورىشى ەتىپ، ورنىن دالمە - ءدال تاۋىپ، جايشىلىقتا مىقتاپ يگەرىپ، كوپ ساتىلى، كوپ فورمالى بيڭتۋان مەن جەرگىلىكتى ورىننىڭ ىقپالداستىق مەحانيزمىن ورناتۋدى قاراستىرىپ، ءار ۇلت بۇقاراسىمەن بولعان اۋىس - كۇيىس پەن ءوزارا كومەكتەسۋدى كۇشەيتىپ، جاڭا داۋىردەگى بيڭتۋاننىڭ ورنىقتىلىقتى قورعاۋ، شەكارانى كۇزەتۋدەگى جاڭا باسىمدىعىن قۇلشىنا قالىپتاستىرۋ كەرەك. بيڭتۋاننىڭ رەفورمانى تەرەڭدەتۋ قىزمەتىندەگى ىلگەرىلەۋشىلىگىن قورىتىندىلاپ، رەفورما جەتىستىگىن بەكەمدەپ، رەفورما شارالارىن كەمەلدەندىرىپ، ”ۇكىمەتتىك“ باسقارۋ فۋنكتسياسىن شىن مانىندە ارقالاپ، ويداعىداي جۇرگىزىپ، بازارداعى ”كاسىپورىندىق“ نەگىزگى تۇلعالىق ورنىن تۇراقتاندىرىپ، بيڭتۋاننىڭ دامۋ ومىرشەڭدىك كۇشى مەن جاسامپازدىق كۇشىن تاسقىنداتىپ، جۇمىسشى - قىزمەتكەرلەردىڭ تابىس سەزىمىن ۇزدىكسىز كۇشەيتۋ كەرەك. بيڭتۋاننىڭ وڭتۇستىككە قاراي دامۋىن باتىل، بۇلجىماي ىلگەرىلەتىپ، ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، ىشكەرىلەي دالەلدەۋ شارتى استىندا ستراتەگيالىق ورنالاستىرۋلاردى ساپالىلاندىرىپ، ءبىر تۇتاس جوسپارلاۋ، سايكەستىرۋ نەگىزىندە ساياساتتىق تىرەكتى كۇشەيتىپ، ماڭىزدى جاۋاپكەرشىلىكتى ءبىلۋ، ماڭىزدى جاۋاپكەرشىلىكتى ارقالاۋ بارىسىندا دامۋداعى قيىن ماسەلەلەردى شەشۋ كەرەك. پارتيانى جاپپاي قاتاڭ جونگە سالۋ تالابىن تياناقتاندىرىپ، ءتۇزىم ارقىلى ادامدى باسقارۋعا، ىستەردى باسقارۋعا، بيلىكتى باسقارۋعا تاباندى بولىپ، شەشىم جاساۋ مەحانيزمىن كەمەلدەندىرىپ، كادرلار قوسىنى قۇرىلىسىن كۇشەيتىپ، باقىلاۋ مەحانيزمىن اقاۋسىزداندىرىپ، بيڭتۋان قىزمەتىن تۇزىمدەندىرۋ، جۇيەلەندىرۋ دەڭگەيىن ۇزدىكسىز جوعارىلاتۋ كەرەك. باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇلى پارتيا قۇرۋ رۋحىمەن پارتيالىلىق جەتىلىمدى نارلەندىرىپ، مۇرات - سەنىمدى بەكەمدەپ، بيڭتۋاننىڭ قىزىل قان تامىرىن ۇزدىكسىز جالعاستىرىپ، وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن شارۋاشىلىق قۇرۋ، ءورىس اشا العا ىلگەرىلەۋ تاڭداۋلى ءداستۇرىن جالعاستىرىپ، اسقاقتاتىپ، جاڭا ۇزاق جورىق جولىن ويداعىداي باسىپ، پارتيا ورتالىق كوميتەتىنىڭ ءۇمىتى مەن ماڭىزدى تاپسىرماسىن ورىنداۋ كەرەك.

  ورتالىق كوميتەت بىرلىكساپ ءبولىمىنىڭ ورىنباسار باستىعى، ورتالىق شينجياڭ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى شى جۇن، ورتالىق قۇرىلىم شتاتى كوميتەتى كەڭسەسىنىڭ ورىنباسار مەڭگەرۋشىسى سۇي شاۋپىڭ، مەملەكەتتىك دامۋ - رەفورما كوميتەتىنىڭ ورىنباسار مەڭگەرۋشىسى لين نيانشيۋ، قازىنا مينيسترلىگىنىڭ ورىنباسار مينيسترى شۇي حۇڭساي تەكسەرۋ - زەرتتەۋدە بىرگە بولدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار قاتىستى تەكسەرۋ - زەرتتەۋ قيمىلىنا نەمەسە اڭگىمە ماجىلىسىنە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.