□ ءۇشتۇرپان اۋدانىنداعى ماقتا تەرۋشى ارزىگۇل مامەت
مەن امەريكاداعى، باتىستاعى جۇڭگوعا قارسى كۇشتەردىڭ ءبىزدىڭ شينجياڭنىڭ ماقتاسىنا جالا جابۋىنا، كۇيە جاعۋىنا باتىل قارسى تۇرامىن، مەن ءوزىمنىڭ باستان كەشىرگەندەرىم ارقىلى ولارعا شينجياڭدا ايتىلمىس ”زورلىقپەن ەڭبەككە سالۋ“ مۇلدە ءومىر سۇرمەگەندىگىن ايتامىن.
2019 - جىلى 10 - ايدا قىستاقتاعى دوستارىممەن بىرگە سەرىكتەسىپ اۋات اۋدانىنا بارىپ ماقتا تەردىك. جەرگىلىكتى ماقتاشىلار بىزگە جاقسىلاپ جاتاق ورنالاستىرىپ، تەگىن تاماق ازىرلەدى، ماقتا تەرگەن ەڭبەكاقىمىزدى تەرگەن ماقتامىزدىڭ سالماعىنا قاراي ءار كيلوگرامىن 2. 2 يۋان توڭىرەگىندە ەسەپتەدى. ءبىز اۋىلداستار ءار كۇنى وزىمىزگە مىندەت بەلگىلەيمىز، كەيدە كوبىرەك ىستەگىمىز كەلسە، تۇستە تاماقتانۋعا قايتپاي قالامىز، مۇندايدا وتاعاسى بىزگە تاماق بەرىپ جىبەرەدى. ول كەزدە مەن كۇنىنە 150 يۋاننان استام اقشا تابامىن. زەرىكپەۋ ءۇشىن ماقتا تەرگەندە ءبىز اڭگىمەلەسەمىز، ءان ايتامىز، شارشاساق اتىزدا وتىرىپ دەمالىپ، كۇندەرىمىزدى شات - شادىمان وتكىزەمىز. 2 ايعا تاياۋ ۋاقىتتا 9000 يۋاننان استام اقشا تاپتىم. سىرتقا شىعىپ ماقتا تەرۋ ارقىلى مەن ءار جىلى ۇيگە جاڭا بۇيىمدار ساتىپ الىپ، تۇرمىسىمدى بارعان سايىن جاقسارتتىم.
ءبىز ماقتا تەرگەندى جاقسى كورەمىز ءارى قوس قولىمىزعا سۇيەنىپ تۇرمىسىمىزدى جاقسارتتىق. قازىر ماقتا اتىزدارىنىڭ كوبىندە ماشينامەن تەرۋ جۇزەگە استى، ونىمدىلىگى جوعارى، وزىندىك قۇنى تومەن بولعاندىقتان، كوپ ادام كۇشى تىم قاجەت بولماي قالدى. شىندىق الدىندا امەريكاداعى، باتىستاعى جۇڭگوعا قارسى كۇشتەردىڭ وسەك - اياڭى تۇبىندە پاش بولادى.
