□ شينجياڭ حىشىڭ كرەمني كاسىبى (ءپىشان) شەكتى سەرىكتەستىگىنىڭ قىزمەتكەرى ۇسەن سادىق
تاياۋ ءبىر مەزگىلدە ينتەرنەتتەن امەريكانىڭ ايتىلمىس ”زورلىقپەن ەڭبەككە سالدى“ دەگەندى جەلەۋ ەتىپ، حىشىڭ كرەمني كاسىبىن قيسىنسىز جازالاعاندىعىن كورىپ، توتەنشە كەكتەندىم.
اكە - شەشەم ەكەۋى دە ديقان، ولار ءبىزدى قوس قولىمىزعا سۇيەنىپ باقىتتى تۇرمىس كەشىرۋگە بالا كەزىمىزدەن باستاپ تاربيەلەگەن. ورتالاۋ مەكتەپ بىتىرگەننەن كەيىن، ماعلۇماتىم جوعارى بولماعاندىقتان، لايىقتى قىزمەت تابا الماي، ۇيدە ەگىس جۇمىسىمەن اينالىستىم. 2019 - جىلى دوسىمنىڭ تانىستىرۋىمەن حىشىڭ كرەمني كاسىبىنىڭ جۇمىسقا قابىلداۋىنا قاتىناسىپ، اۋىزشا ەمتيحاننان ءساتتى ءوتتىم ءارى سەرىكتەستىكپەن ەڭبەك توقتامىنا قول قويىسىپ، حىشىڭ كرەمني كاسىبىنىڭ ءبىر قىزمەتكەرىنە اينالدىم. 2 جىل ۇيرەنۋ، قىزمەت ىستەۋ ارقىلى جۇمىس ورنى شەبەرلىگىن بىرتىندەپ يگەرىپ، ىسىلعان قىزمەتكەرگە اينالىپ، ايىنا 8000 يۋان ەڭبەكاقى الدىم، ءبىر جىلداعى تازا كىرىسىم 100 مىڭ يۋانعا تايادى، وتباسىنا جۇمساعاننان تىس، جىلىنا 50 نەشە مىڭ يۋان امانات اقشا قويامىن. سەرىكتەستىك ءبىز ءۇشىن ”بەس قامسىزداندىرۋ مەن تۇرعىن ءۇي الەۋمەتتىك قورىن“ ۋاعىندا تاپسىرادى، قىزمەت كۇنىندە 8 ساعاتتىق قىزمەت ءتۇزىمى اتقارىلادى، اي سايىن تاعى كەزەكتەسىپ دەمالامىز، دەمالىس ۋاقىتىمىزدا ەركىن قيمىلدارمەن اينالىسۋىمىزعا بولادى.
قازىر ەڭبەكاقىمىز جوعارىلاپ، تۇرمىس شارت - جاعدايىمىز جاقساردى، ءبىر جەڭىل اۆتوموبيل ساتىپ الدىم، كەلەر جولى ءۇي ساتىپ الىپ، باس قۇراماقشىمىن. اكە - شەشەم، تۋىس - تۋعان، دوستارىم مەنى ەرجەتىپ، ءۇيدىڭ تىرەگىنە اينالدى دەسەدى. مۇنى ەستىگەنىمدە بويىمدى شەكسىز ماقتانىش كەرنەپ، ومىرگە دەگەن ءۇمىتىم ارتا تۇسەدى. قىستاقتاعىلار مەندەگى وزگەرىستى كورىپ، قىزىعا قارايدى، مەن دە بىرنەشە دوسىمدى حىشىڭ كرەمني كاسىبىنە بارىپ جۇمىس ىستەۋگە تانىستىردىم، قازىر ولار دا قاجىرلى قوس قولىنا سۇيەنىپ ءوز تۇرمىستارىن وزگەرتۋدە.
امەريكاداعى، باتىستاعى جۇڭگوعا قارسى كۇشتەر كاسىپورنىمىزعا ەجەلدەن كەلىپ كورگەن جوق، سويتە تۇرا ولار ويجوتامەن كاسىپورنىمىزدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ وسەك تاراتىپ، جالا جاپتى، بۇل كوپە - كورنەۋ وتىرىكتى سىقپىرتقاندىق. ءبىز قوس قولىمىزعا سۇيەنىپ قاجىرلى ەڭبەك ەتىپ، وزىمىزگە ءتان باقىتتى تۇرمىسقا تالپىندىق، بۇعان بىرەۋدىڭ زورلاۋىنىڭ نە قاجەتى بار؟ وسەك - اياڭ شىندىقتى بۇركەمەلەي المايدى، ولاردىڭ ناعىز ماقساتى ءبىزدى جۇمىسسىز قالۋعا، كەدەيلەسۋگە ماجبۇرلەۋ، شينجياڭنىڭ ورنىقتى، دامىعان اسا تاماشا جاعدايىن ءبۇلدىرۋ. بۇل ولاردىڭ قۇر قيالى! شينجياڭداعى ءار ۇلت حالقى ءبىر نيەتپەن ىنتىماقتاسقان، بولاتتاي بەكەم، ولاردىڭ قاسكۇنەمدىگى ماڭگى ىسكە اسپايدى!
