□ ساۋان قالاسى شاڭحۋدي اۋىلىنداعى ماقتاشى داۋرەن
مەن 200 مۋ جەرگە ماقتا ەگەمىن. اكەمنەن باستاپ وتباسىمىز ماقتا ەگىپ كۇن كورىپ كەلەدى، مەن ءوزىمنىڭ شينجياڭ ماقتاشىسى بولعانىمدى ماقتانىش ەتەمىن. الدىڭعى ءبىر مەزگىلدە، H&M سياقتى شەتەل كاسىپورىندارى ايتىلمىس ”زورلىقپەن ەڭبەككە سالۋدى“ سىلتاۋ ەتىپ، شينجياڭعا كۇيە جاقتى، شينجياڭ ماقتاسىن شەكتەدى. بۇل سوزدەر بارىپ تۇرعان ساندىراق، ادامنىڭ زىعىردانىن قايناتادى.
بۇرىن ءار جولى ءونىم الاتىن مەزگىلدە، مەن ماقتا تەرۋشى جۇمىسكەرلەرگە تازا، رەتتى ۇيلەردى دايىنداپ، ازىق - تۇلىك ماتەريالدارىمەن قامداپ، ارناۋلى اسپاز اكەلىپ، ماقتا تەرۋشى جۇمىسكەرلەرگە تاماق ىستەپ بەرگىزەتىنمىن. ماقتا تەرۋشى جۇمىسكەرلەر مەنىڭ ۇيىمە كەلىپ جۇمىس ىستەۋدى قالايتىن، ەڭبەكاقىسى تەرگەن ماقتاسىنىڭ سالماعىنا قاراي ەسەپتەلىنەدى دە، ولار ءبىر ايدان استام ۋاقىتتا 10 مىڭ يۋاننان استام اقشا تاباتىن. قازىر ماقتا ەگۋ مەن تەرۋ بۇكىلدەي ماشينالاستى، ءبىز ”اۋا رەتتەگىشتىڭ استىندا“ جۇمىس ىستەيتىن بولدىق، ەندىگارى ماقتا تەرۋشى جۇمىسكەرلەردى جالداپ جۇمىس ىستەتۋدىڭ قاجەتى قالمادى. ءبىزدىڭ بۇل جەردە ايتىلمىس ”زورلىقپەن ەڭبەككە سالۋ“ مۇلدە ءومىر سۇرگەن ەمەس.
امەريكاداعى، باتىستاعى جۇڭگوعا قارسى كۇشتەر شىعارعان ايتىلمىس ”زورلىقپەن ەڭبەككە سالۋ“ بارىپ تۇرعان بۇيرەكتەن سيراق شىعارعاندىق، ناعىز ساندىراق. شينجياڭ، ءسىرا، قانداي؟ بۇعان شىنىندا كەلىپ كورگەندەر عانا شىنايى، وبيەكتيۆ قورىتىندى شىعارا الادى. شينجياڭدا 4 - ايدا تۇقىم سەبۋ ماشيناسىنىڭ تۇقىم سەۋىپ جۇرگەن كورىنىسىن كورەسىز، 8 - ايدا جاپ - جاسىل ماقتا قاۋاشاعىن ۇستاي الاسىز، 10 - ايدا اشىلعان ماقتانى تەرىپ، ماقتاشىلاردىڭ جۇزىندەگى ءونىم شاتتىعىنا كۋا بولاسىز. ءبىز ماقتاشىلار شينجياڭ ماقتاسى ءۇشىن ادىلدىگىن ايتامىز، شينجياڭنىڭ كىرشىكىسىز ماقتاسىنا داق سالۋعا جول بەرمەيمىز!
