تيانشان تورى   ›   جاڭالىقتار   ›   شينجياڭ حابارلارى

ماقتا ءبىزدى باقىتتى تۇرمىسقا كەنەلتتى

□ لوپنور اۋدانى اقسوپى اۋىلىنداعى ماقتاشى مامەت قاسىم

  H&M سياقتى شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ جالا جاۋىپ، شينجياڭعا كۇيە جاقتى. ولاردىڭ بۇيرەكتەن سيراق شىعارعان بۇل سوزدەرى مەنى ەرەكشە كەكتەندىردى.

  ءبىز ماقتامەن بىتە قايناسىپ ەرجەتكەن ءبىر ءداۋىردىڭ ادامدارىمىز. كىشكەنتاي كەزىمدە ءبىزدىڭ ۇيدە ون نەشە مۋ عانا ماقتا اتىزى بار ەدى، ءار جىلى ماقتا ەگەتىن مەزگىلدە باسقا ۇيلەردىڭ تراكتورى مەن تۇقىم سەبۋ ماشيناسىن جالعا الاتىنبىز. قىس كۇنىنەن باسقا ۋاقىتتا اكە - شەشەم ماقتا اتىزىندا قاربالاس جۇمىس ىستەۋشى ەدى. مەن كىشكەنتايىمنان ماقتا اتىزىندا ءوستىم، ءتۇيىر - ءتۇيىر ماقتا گۇلىنىڭ بۇرشىك اتقانىن، گۇل اشقانىن، شيتتەگەنىن، پىسقانىن كوردىم. ماعان ەڭ تەرەڭ اسەر قالدىرعانى ماقتا تەرۋ كورىنىسى بولدى، قىستاققا توڭىرەكتەگى اۋىل - قالاشىقتاردان، اۋدان، قالالاردان، ءتىپتى، ەلىمىزدىڭ جەر - جەرىنەن جۇمىسكەرلەر كەلىپ، ماقتا اتىزى دىر - دۋمان بولىپ جاتۋشى ەدى. ءبىزدىڭ ءۇيىمىزدىڭ ەگىستىك جەرى از، اكە - شەشەم ءوزىمىزدىڭ ماقتا اتىزىمىزداعى ماقتانى تەرىپ بولىسىمەن باسقالاردىڭ ماقتا تەرۋىنە كومەكتەسۋگە باراتىن. مىنە وسىلايشا، ءبىز ەڭبەكشىل قوس قولىمىزعا سۇيەنىپ كىرىسىمىزدى ارتتىرىپ، بايۋ جولىنا تۇستىك، ءۇيىمىز كەيىن كەلە تراكتور، تۇقىم سەبۋ ماشيناسىن ساتىپ الدى.

  جۋىق جىلداردان بەرى ءبىز ماشينامەن ماقتا ەگەتىن بولدىق، مىڭداعان مۋلىق ماقتا اتىزىندا تۇقىم سىڭىرۋدەن جيناپ الۋعا دەيىنگى جۇمىستى بىرنەشە ادام عانا ىستەيتىن بولدى. ماشينالاسقان، كولەمدەنگەن ەگىنشىلىكتىڭ ءونىمىنىڭ جوعارى، وزىندىك قۇنىنىڭ تومەن ەكەنىن كورگەننەن كەيىن، ءبىز ماقتا اتىزىنىڭ بارلىعىن كاسىپتىك ەگىنشىلىك كووپەراتيۆىنە جالعا بەردىك. بوس ۋاقىتتا ءبىز دەربەس شارۋاشىلىق قۇرۋدى، سونداي - اق توڭىرەكتەگى كاسىپورىندارعا بارىپ قىزمەت ىستەۋدى تاڭداۋىمىزعا بولاتىن بولدى دا، كوڭىلدى تۇردە ەكى جاقتان كىرىس كىرگىزە الاتىن بولدىق. مۇنداي باقىتتى تۇرمىستى بىزگە ماقتا سيلادى.

  بۇل مەنىڭ شىنايى تۇرمىسىم. اناۋ، بىزگە جالا جاپقان ادامدار، سەندەردىڭ تاراتقان ايتىلمىس “زورلىقپەن ەڭبەككە سالۋ“ دەگەندەرىڭ سوندا قايدان كەلدى؟ سەندەردىڭ بۇلاي ىستەۋلەرىڭ شينجياڭداعى ەڭبەكشىلەرگە جاپقان اۋىر جالا، وسەك - اياڭدارىڭدى دوعارىپ، شينجياڭداعى ەڭبەكشىلەردى زيانداۋدى توقتاتىڭدار!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.