انار بۇلت / شينجياڭ گازەتىنىڭ ءتىلشىسى كاڭ حاۋيان 7 - ايدىڭ 26 - كۇنى ۇرىمجىدەن حابارلايدى. 7 - ايدىڭ 22 - كۇنى شينجياڭ داچۋان جاڭا ەنەرگيا شەكتى جارنا سەرىكتەستىگى (تومەندە قىسقاشا ”داچۋان ەنەرگياسى“ دەلىنەدى) شاڭحاي اكتسيا ايىرباس بازارىنىڭ عىلمي جاسامپازدىق بولىگىنە ءساتتى تىركەلىپ، شينجياڭداعى تۇڭعىش عىلمي جاسامپازدىق بولىگىندە جارناسى بازارعا سالىنعان كاسىپورىنعا اينالدى.
داچۋان ەنەرگياسى، باستىسى، ساپ كوپ كريستالدى كرەمني زەرتتەۋ - اشۋ، جاساۋ، ساتۋ جۇمىسىمەن شۇعىلدانادى، قازىرگى كوپ كريستالدى كرەمني جىلدىق جالپىلىق ءوندىرىس قۋاتى 70 مىڭ تونناعا جەتەدى. ساپ كوپ كريستالدى كرەمني، باستىسى، فوتوۆولتتىق كرەمني جاپىراقشاسىن وندىرۋگە جۇمسالادى، كرەمني جاپىراقشاسى سايكەستى فوتوۆولتتىق باتاريا، فوتوۆولتتىق باتاريا بولىگى، فوتوۆولتتىق ەلەكتر تاراتۋ جۇيەسى سياقتى كۇن ەنەرگياسى فوتوۆولت ونىمدەرىن وندىرۋگە پايدالانىلادى. سەرىكتەستىككە قاراستى بولىك شينجياڭ بولىگى، ماتەريال كاسىپ سالاسى، كۇن ەنەرگياسى سياقتىلار.
داچۋان ەنەرگيا سەرىكتەستىگىنىڭ قاتىستى جاۋاپتىسى، وسى رەت توپتالعان 6 ميلليارد 447 ميلليون يۋان قارجىنىڭ، جىلىنا 1000 توننا ساپ جارتىلاي وتكىزگىش ماتەريال ءوندىرۋ نىسانىن جوسپارلاپ سالۋعا، جىلىنا 35 مىڭ توننا كۇن ەنەرگياسى فوتوۆولتتىق كوپ كريستالدى كرەمني ءوندىرۋ نىسانىن قارجى قوسىپ سالۋعا، سونداي - اق قوسىمشا اينالىمدى قارجى رەتىندە پايدالانىلاتىندىعىن ايتتى. وسى سەرىكتەستىكتىڭ سالىپ جاتقان 4B نىسانى 2022 - جىلى 1 - توقساندا وندىرىسكە قوسىلادى، كەزىندە جىلدىق جالپى ءوندىرىس قۋاتى 105 مىڭ تونناعا جەتەدى.
سەرىكتەستىكتىڭ وسى رەت تاراتقان 300 ميلليون جارناسىنىڭ 90 ميلليونى باستاپقى كەزەڭدە ستراتەگيالىق ولشەممەن ساتىلعان جارنا، تاراتىلعان جارنا جالپى سانىنىڭ ％30ىن يەلەيدى. ستراتەگيالىق قارجى قوسۋشىلاردان 10ى بار، داچۋان ەنەرگياسىنىڭ جوعارى دارەجەلى باسقارۋشىلارى مەن ۇيتقى قىزمەتكەرلەردىڭ ارناۋلى مال - مۇلىكتى باسقارۋ جوسپارىنان سىرت، شىنچۋاڭتوۋ جاڭا ماتەريال قورى، مەملەكەتتىك قوعامدىق قامسىزداندىرۋ قور قوعامى، ابۋدابي قارجى قوسۋ مەكەمەسى، جۇڭباۋ قارجى قوسۋ قورى، چيڭنىڭيۇنچۋاڭ، حۋاديان كاپيتالى، تايباۋ عۇمىر قامسىزداندىرۋى، جۇڭگو عۇمىر قامسىزداندىرۋى سياقتى كولەمدى، ايتۋلى قۇرىلىمداردى قامتيدى.
