تيانشان تورى   ›   جاڭالىقتار   ›   شينجياڭ حابارلارى

كەڭ ارنادا حالىقتىڭ ءۇنىن تىڭداپ، شىنايى قۋزاپ، شىنايى تەكسەرىپ، حالىقتى ۋايىمنان ارىلتتى

− اۆتونوميالى رايوننىڭ ”ينتەرنەت + قۋزاۋ - تەكسەرۋ“ تۇعىرى كادرلار مەن بۇقارا اراسىندا تىلەكتەستىك كوپىرىن سالدى

□ انار بۇلت / شينجياڭ گازەتىنىڭ ءتىلشىسى ۋاڭ يۇڭفي

  ۇكىمەت ىسىندە حالىقتىڭ اقىل - كەڭەسىن تىڭداپ، ارتىق - كەمىن ءبىلدى، حالىقتىڭ قاجەتىن ۇعىسىپ، حال - جايىن ءبىلدى.

  7 - ايدىڭ 26 - كۇنىنەن باستاپ، اۆتونوميالى رايوندىق حالىق ۇكىمەتى 14 ايماققا (وبلىس، قالا) قۋزاۋ - تەكسەرۋ گرۋپپاسىن جىبەرىپ، اۆتونوميالى رايوندىق پارتكومنىڭ ءتۇيىندى قىزمەت ورنالاستىرۋىنىڭ جانە «ۇكىمەت قىزمەتىنەن باياندامادا» العا قويىلعان نىسانا - مىندەتتەردىڭ تياناقتانۋ جاعدايىنا ناقتى قۋزاۋ - تەكسەرۋ جۇرگىزدى.

  بۇرىنعىمەن ۇقسامايتىنى، وسى رەتكى قۋزاۋ - تەكسەرۋ باستالاردان بۇرىن، اۆتونوميالى رايوندىق حالىق ۇكىمەتى اۆتونوميالى رايوننىڭ ”ينتەرنەت + قۋزاۋ - تەكسەرۋ“ تۇعىرى شاعىن باعدارلاماسىنان پايدالانىپ، قۋزاۋ - تەكسەرۋ مازمۇنى جونىندە قوعامنان كەڭىنەن دەرەك جينادى.

  ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋدىڭ ءونىمدى تۇتقاسى رەتىندە بيىل 1 - ايدىڭ 1 - كۇنىنەن باستاپ، اۆتونوميالى رايوندىق حالىق ۇكىمەتى ”ينتەرنەت +قۋزاۋ - تەكسەرۋ“ تۇعىرىن جەلىگە شىعارىپ جۇرگىزىپ، بۇقارا قوعام جاعدايىن، حالىق اۋانىن اڭىس ەتەتىن توتە ارنا سالىپ، حالىق تۇرمىسىنداعى قيىن ماسەلەلەردى ءونىمدى شەشىپ، شارۋاشىلىق - ساۋدا ورتاسىن ساپالىلاندىردى، سونىمەن قاتار ۇكىمەتتىڭ شەشىم جاساۋىنا قىزمەت وتەدى.

تۇعىر ورناتىپ، حالىق تىلەگىن ىركىلىسسىزدەندىردى

  7 - ايدىڭ 5 - كۇنى ساعات 13تە جەر ءۇستى سۋلارىنىڭ قالامشا باقشاسىنا قاراي سىلدىراپ اعىپ جاتقانىنا قاراپ، سانجى حۇيزۋ اۆتونوميالى وبلىسى حۇيلين ەكولوگيانى دامىتۋ شەكتى جاۋاپكەرشىلىك سەرىكتەستىگىنىڭ باس ديرەكتورى شياۋ حۇيجۇننىڭ كوڭىلى كەڭىپ سالا بەردى. ەگەر”’ينتەرنەت + قۋزاۋ - تەكسەرۋ‘ تۇعىرى ارقىلى ماسەلەلەردى اڭىس ەتپەسەك، اۆتونوميالى رايوندىق حالىق ۇكىمەتىنىڭ قۋزاۋ - تەكسەرۋ كەڭسەسى بىرنەشە رەت قۋزاماسا، ءبىزدىڭ 500 مۋ اعاش قالامشامىز تۇگەلدەي قۋراپ قالۋشى ەدى“، - دەدى ول اسەرلەنە.

  بىلتىر 9 - ايدا سانجى وبلىسى حۇيلين ەكولوگيالىق سەرىكتەستىگىنىڭ سۋارۋ ماشيناسىنىڭ 2 ەلەكترلى سۋ قۇدىعى جەر استى سۋىن قازۋعا تيىم سالۋ ءوڭىرى ىشىنە ورنالاسقاندىقتان، زاڭ بويىنشا توقتاتىلعان بولاتىن. سۋارۋ ماشيناسىنىڭ ەلەكترلى سۋ قۇدىعى كاسىپورىن قالامشا باقشاسى بازاسىنىڭ بىردەن - ءبىر سۋ قاينارى بولعاندىقتان، سانجى قالالىق سۋ يگىلىگى مەكەمەسى سۋ قاينارىن اۋىستىرۋ ءتاسىلىن قولدانۋدى ۇيعارىپ، كاسىپورىننىڭ جەر ءۇستى سۋىمەن سۋارۋىنا كومەكتەستى.

  الايدا قىس ماۋسىمىندا اۋا تەمپەراتۋراسى تومەن بولۋ سياقتى كوپ ءتۇرلى فاكتورلار تۇساۋ بولعاندىقتان، سۋ قاينارىن اۋىستىرۋ ينجەنەرياسى ۋاعىندا ورىندالماي، وسى كاسىپورىننىڭ قالامشا باقشاسى 9 اي بويى قۋاڭشىلىقتا قالدى. بيىل 6 - ايدىڭ 25 - كۇنى اۆتونوميالى رايوندىق حالىق ۇكىمەتى قۋزاۋ - تەكسەرۋ كەڭسەسىنىڭ تەكسەرىپ انىقتاۋ گرۋپپاسى وسى كاسىپورىندا جەلىدەن سىرتقى كەزدەسۋ ءماجىلىسىن وتكىزدى. ماجىلىستە سانجى قالالىق سۋ يگىلىگى مەكەمەسى سۋ قاينارىن اۋىستىرۋ ينجەنەرياسىن جەدەل ورىنداپ بولاتىندىعىن ايقىن ءبىلدىرىپ، 7 - ايدىڭ 5 - كۇنى سۋمەن ورنىقتى قامداۋعا كۇش سالدى. كوپ وتپەي ينجەنەريا ۋاعىندا ورىندالدى.

  2019 - جىلى 4 - ايدىڭ 22 - كۇنى مەملەكەتتىك كەڭەس كەڭسەسى ”ينتەرنەت + قۋزاۋ - تەكسەرۋ“ تۇعىرىن اشقاننان كەيىن، بيىل اۆتونوميالى رايوندىق حالىق ۇكىمەتى ”ينتەرنەت + قۋزاۋ - تەكسەرۋ“ تۇعىرىن جەلىگە شىعارىپ جۇرگىزدى، بۇل مەملەكەت بويىنشا جەلىگە شىعارىلىپ جۇرگىزىلگەن ولكە دارەجەلى 8 - تۇعىر، بۇقارانىڭ ەكى دارەجەلى تۇعىر ارقىلى قوعام جاعدايىن، حالىق اۋانىن اڭىس ەتۋىنە بولادى.

  تۇعىردىڭ اشىلۋى ينتەرنەت داۋىرىندەگى بۇقارانىڭ تالاپ - تىلەكتەرىن جەلى ارقىلى بەينەلەگىسى كەلەتىن اۋقىمىنا بەيىمدەلىپ، قوعام جاعدايىن، حالىق اۋانىن ورتالىق پەن اۆتونوميالى رايوندىق ۇكىمەتكە تىكە جەتكىزەتىن جەدەل ارنا قالىپتاستىردى. ”بۇرىن بۇقارا ماسەلەنى قايدا اڭىس ەتەرلەرىن بىلمەيتىن، ارىز - شاعىم ايتۋ تەلەفونىنىڭ، حات ارقىلى اشكەرەلەۋدىڭ ونىمدىلىگى ونشا ەمەس بولاتىن. قازىر ءبىر قول تەلەفون، ءبىر ۋيچات شاعىن باعدارلاماسى ارقىلى قالاعان ۋاقىتتا، قالاعان جەردە تالاپ - تىلەكتى اڭىس ەتۋگە بولادى“، - دەدى اۆتونوميالى رايوندىق حالىق ۇكىمەتى قۋزاۋ - تەكسەرۋ كەڭسەسىنىڭ مەڭگەرۋشىسى تاۋ جيە.

  بيىل 1 - ايدان 6 - ايعا دەيىن مەملەكەتتىك كەڭەس جانە اۆتونوميالى رايون ەكى دارەجەلى ”ينتەرنەت + قۋزاۋ - تەكسەرۋ“ تۇعىرى رايونىمىزداعى بۇقارادان شارۋاشىلىق - ساۋدا ورتاسىن ساپالىلاندىرۋ، زاڭ بويىنشا اكىمشىلىك جۇرگىزۋدى ىلگەرىلەتۋ، جاڭاشا قالا - قالاشىقتاندىرۋ قۇرىلىسى، ىندەتتەن ساقتانۋ - تىزگىندەۋ سياقتى كوپ جاقتارعا ساياتىن 25 توپ، 139 ءتۇر بويىنشا 1173 پىكىر - دەرەك قابىلدادى.

اشىق تەكسەرىپ، جاسىرىن جاعداي ۇعىسىپ، قيىن تۇيىندەرگە شىنداپ كىرىستى

  6 - ايدىڭ باسىنداعى اپتاپ قاشقار دالاسىن وتتاي قاقتاپ تۇر. قاشقار قالاسى چىنگۋاڭ شاعىن اۋماعى، 6 - ايدىڭ 5 - كۇنى تۇستەن كەيىنگى ساعات 4 مولشەرى، اۆتونوميالى رايوندىق حالىق ۇكىمەتى قۋزاۋ - تەكسەۋ كەڭسەسىنىڭ كادرى پاحىردين ىسكاندار باستاعان 4 ادام شاعىن اۋماق تۇرعىندارى اڭىس ەتكەن سۋمەن قامداۋ جەتكىلىكسىز بولۋ ماسەلەسىن انىقتاپ تەكسەرۋدە. ولار شىجىعان ىستىققا قاراماي، ارىپ - شارشاۋدان قورىقپاي، تالاي - تالاي باسپالداقتاردى ورمەلەپ، وتباسىلارىنان جاعداي ۇعىسىپ، اس ۇيلەرگە كىرىپ، دارەتحانالاردى تەكسەرىپ، سۋ شۇمەكتەرىن اشىپ، سۋمەن قامداۋ جاعدايىن ەگجەي - تەگجەيلى تەكسەردى.

  6 - قاباتتاعى تۇرعىن سۇن شۇي: ”ءار كۇنى تۇستەن كەيىن ساعات 4تە سۋ توقتايدى، ۇيدە جۋىنۋ، تاماق پىسىرۋ وتە قولايسىز، اسىرەسە، مەنىڭ 2 بالاما قيىن بولدى“، - دەيدى. پاحىردين جانىنداعى قاشقار قالاسى سۋمەن قامداۋ، سۋ ىعىستىرۋ سەرىكتەستىگىنىڭ جاۋاپتىسىن نۇسقاپ: ”ءسىز مىنا كىسىنىڭ ۋيچاتىن قوسىپ الىپ، ءار كۇنى بەينە ەكرانمەن سۋمەن قامداۋ جاعدايىن كورسەتىڭىز. مەنىڭ دە تەلەفونىمدى جازىپ الىڭىز، ەگەر شەشىلمەسە مەنى ىزدەڭىز“، - دەيدى سۇن شۇيگە.

  وسى رەتكى قۋزاۋ - تەكسەرۋدەن كەيىن، قاشقار قالاسى سۋمەن قامداۋ، سۋ ىعىستىرۋ سەرىكتەستىگى دەرەۋ شارا قولدانىپ سۋ قىسىمىن رەتتەيدى، ءبىر اپتا ىشىندە شاعىن اۋماقتاعى سۋمەن قامداۋ جەتكىلىكسىز بولۋ ماسەلەسى شەشىلەدى. 7 - ايدىڭ 24 - كۇنى ءتىلشى شاعىن اۋماق تۇرعىنى چياۋ ايگوعا تەلەفون شالىپ جاعدايدى انىقتاعاندا، چياۋ ايگو قارقىلداي كۇلىپ: ”تۇبەگەيلى شەشىلدى، 24 ساعات بويى سۋمەن قامداۋ جەتكىلىكتى، سۋدىڭ ساپاسى دا جاقساردى، ءدامى اۋىزدان كەتپەيدى“، - دەدى.

  بۇل اۆتونوميالى رايوندىق حالىق ۇكىمەتىنىڭ ”ينتەرنەت + قۋزاۋ - تەكسەرۋ“ تۇعىرىندا قالدىرىلعان پىكىر - دەرەگىن ناقتى تەكسەرۋىنىڭ ءبىر كورىنىسى. بيىل 6 - ايدىڭ 2 - كۇنىنەن 8 - كۇنىنە دەيىن اۆتونوميالى رايوندىق حالىق ۇكىمەتى 11 قىزمەت گرۋپپاسىن 10 ايماققا (وبلىس، قالا) جىبەرىپ، بۇقارا قالدىرعان 40 نەشە پىكىر - دەرەگىن ءبىتىرۋ جاعدايىنا ناقتى تەكسەرۋ جۇرگىزدى. مۇنىڭ ىشىندە سولتۇستىك شينجياڭ قىزمەت گرۋپپاسى جەرگىلىكتى ورىنعا الدىن الا ايتپاي تۇرىپ، جۇمىس باسىنا توتە بارىپ دەرەكتىڭ ءبىتىرىلۋ جاعدايىن تەكسەردى.

  بۇقارا قالدىرعان پىكىر - دەرەك جونىندە اۆتونوميالى رايوندىق حالىق ۇكىمەتى قۋزاۋ - تەكسەرۋ كەڭسەسى ماڭىزدىلىق دارەجەسىنە قاراي جەكە - جەكە ناقتى قۋزاۋ - تەكسەرۋ، ينتەرنەتتە بىتىرۋگە جونەلتۋ سياقتى تاسىلدەردى قولدانىپ ءبىتىردى؛ تيپتىك پىكىر - دەرەكتەر جونىندە جەلىدەن تىس كەزدەسۋ ءماجىلىسىن وتكىزىپ، پىكىر قالدىرعان بۇقارانى ءبىتىرۋدى ۇستىنە العان تاراۋدىڭ قاتىستى جاۋاپتىسىمەن بەتپە - بەت اڭگىمەلەسۋگە ۇسىنىس ەتتى؛ ءبىتىرۋ ناتيجەسىن كەز كەلگەن ۋاقىتتا ينتەرنەتتە جاريالادى. ”وسى شارالار ارقىلى ءبىز شىنايى قۋزاۋدى، شىنايى تەكسەرۋدى، شىنايى ءبىتىرۋدى جۇزەگە اسىرىپ، ات ۇستىلىك ىستەمەي، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن نەگىزگى ساتىنىڭ ءبىرىنشى شەبىندە شەشتىك“، - دەدى تاۋ جيە.

قايشىلىقتى شەشىپ، شەشىم جاساۋعا قىزمەت ەتتى

  حالىق تۇرمىسىندا كىشكەنە ءىس جوق، كىشكەنە ىستەردەن دە اۋەلگى ماقسات كورىنەدى. 1 - ايدان 6 - ايعا دەيىن بۇقارانىڭ تۇعىرعا قالدىرعان پىكىر - دەرەگىنە سۇيەنىپ، اۆتونوميالى رايوندىق حالىق ۇكىمەتى قۋزاۋ - تەكسەرۋ كەڭسەسى جيىنى 400 نەشە قايشىلىقتى شەشۋگە قۋزاپ، بۇقارانى قيناپ وتىرعان 1000 نەشە ماسەلەنى شەشىپ، 53 مىڭ 806 بۇقاراعا تيىمدىلىك جەتكىزدى، 11 ايماقتى (وبلىس، قالا) كاسىپورىنداردىڭ بۇقاراعا بەرمەي كەشەۋىلدەتىپ كەلگەن 34 ميلليون 266 مىڭ 600 يۋان قاراجاتىن تياناقتاندىرۋعا قۋزاپ، ساياساتتى تىڭعىلىقتى تياناقتاندىرماعان 35 ماسەلەنى شەشتى. 6 - ايدىڭ 30 - كۇنىنە دەيىن دەرەكتەردى ءبىتىرىپ اياقتاتۋ مولشەرى %98.12كە جەتتى.

  ”سۋ، ەلەكتر، گاز، پار، قوجالىق سياقتى حالىق تۇرمىسىنداعى كىشكەنە ىستەر ۇكىمەت جونىنەن ايتقاندا، ۇلكەن ءىس ەسەپتەلەدى. تۇعىر جەلىگە شىعارىلعاننان بەرى ءبىز حالىقتى وزەك ەتۋگە تاباندى بولىپ، ينتەرنەتتە بۇقارالىق لۋشيانمەن جاقسى ءجۇرىپ، بۇقارا كوڭىل ءبولىپ وتىرعان ماسەلەلەردى شەشۋدى شىعار ءتۇيىن جانە تياناق ەتىپ، قايشىلىقتى ءونىمدى شەشىپ، جۇرت تىلەگىن ۇيىستىردىق“، - دەدى تاۋ جيە.

  ”باس اۋىرسا باستى، اياق اۋىرسا اياقتى ەمدەۋ كەرەك، جەكە ماسەلەلەردى ويداعىداي شەشۋ ءبىزدىڭ ەڭ جوعارى تالپىنىسىمىز ەسەپتەلمەيدى؛ شەشۋشىسى جالپى جاعدايدى كوزدە ۇستاپ، بىرەۋى ارقىلى باسقالارىن تۇسپالداپ، ’تۇيىندەگى‘ ماسەلەلەردى شەشۋ مەن ’بەتتىك‘ ماسەلەلەردى رەتتەپ - تۇزەتۋدى پارمەندى ىلگەرىلەتىپ، ساياساتتىق اڭىستىڭ ’قايتارۋ جولى مەحانيزمىن‘ ورناتىپ، ساياساتتىڭ كەمەلدەنۋىن جەبەۋ“، - دەدى تاۋ جيە.

  جارتى جىلدان بەرى اۆتونوميالى رايوندىق حالىق ۇكىمەتى قۋزاۋ - تەكسەرۋ كەڭسەسى ايلىق شاعىن قورىتىندى جاساۋ، ايلىق مالىمدەۋ، ايلىق حابارلاندىرۋ مەحانيزمىنە تاباندى بولىپ، 25 مەرزىمدىك تالداۋ ماتەريالىن جاساپ، كىرە اۆتوكولىك سالاسى رەفورماسىن تەرەڭدەتۋ، 2 - دارەجەلى قۇرىلىسشى ەمتيحانىن جاقسارتۋ، ءىرى تۇرپاتتى قۇرىلىس ماشينا جابدىقتارىنىڭ ورىن بەلگىلەۋ، تىزگىندەۋ ماشينا كلەنتىنىڭ وزىندىك قۇنىن ءبولىپ كوتەرۋ مەحانيزمىن ورناتۋ سياقتى شەشىم، ۇسىنىستاردى ورتاعا قويدى، ۇكىمەتتىڭ نەگىزگى باسشىلارى ايرىقشا ءمان بەرىپ، ساياساتتى كەمەلدەندىردى جانە وزگەرىس ەنگىزدى.

  6 - ايداعى جۇمىس باسىندا انىقتاپ تەكسەرۋگە قاتىناسقان دەموكراتيانى ىلگەرىلەتۋ قوعامى شينجياڭ رايوندىق كوميتەتىنىڭ ارناۋلى مىندەتتەگى ورىنباسار مەڭگەرۋشى مۇشەسى سۇن يۇيحۋا تەبىرەنە بىلاي دەدى: ”’ينتەرنەت + قۋزاۋ - تەكسەرۋ‘ بۇقارانىڭ ماڭىنداعى كىشكەنە ىستەردى ۇلكەن ءىس رەتىندە ءبىتىرىپ، ۇكىمەتتىڭ وسىزاماندانعان جونگە سالۋ قابىلەتىن جوعارىلاتۋمەن بىرگە، بۇقاراعا ۇكىمەتتىڭ قامقورلىعىن دا سەزىندىردى، بۇل ءبىر جاقسى مەحانيزم ەكەن“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.