□ شينجياڭ داشۋەسىنەن وقۋ تاۋىسقان وقۋشى ابدۇناسىر اقيول
مەن اقتاۋ اۋدانىنداعى قاراپايىم ەگىنشى وتباسىندا دۇنيەگە كەلدىم. 2012 - جىلى شينجياڭ داشۋەسىنە قابىلدانىپ، جوعارى مەكتەپ وقۋشىسى بولدىم، كەيىن ۇيرەنۋ ناتيجەم كورنەكتى بولعاندىقتان، شينجياڭ داشۋەسىندە اسپيرانتتىق وقىپ، 2020 - جىلى 6 - ايدا وقۋ ءبىتىرىپ اۋىلىما قايتتىم.
جۋىقتا ينتەرنەتتە H&M سياقتى شەتەل كاسىپورىندارى شينجياڭ ماقتاسىن اشىقتان - اشىق شەكتەپ، ءبىزدىڭ شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جاپتى. بۇعان مەنىڭ زىعىردانىم قاتتى قاينادى. ءبىزدىڭ شينجياڭدا ەگىلەتىن ماقتا ۇزىن تالشىقتى ماقتانى نەگىز ەتەدى، ءونىم مولشەرى مول، ساپاسى جاقسى، ەل ءىشى - سىرتىنا ايگىلى. ماقتانى ەگۋدەن تارتىپ تەرىپ - جيعانعا دەيىن ايتىلمىس ”زورلىقپەن ەڭبەككە سالۋ“ ءومىر سۇرگەن ەمەس، قايتا ءار ۇلت ەگىنشىلەرىنە مول پايدا الا كەلدى. ءار جىلى ماقتا تەرۋشى جۇمىسكەر قابىلداۋ ينفورماتسيالاردى كورسە بولعانى، كوپشىلىك تالاسا - تارماسا بارادى، ويتكەنى ولار ماقتانى كىم كوپ، تەز تەرسە، ءتىپتى دە كوپ اقشا تابا الاتىندىعىن بىلەدى. سىرت جەرلەرگە بارىپ ماقتا تەرۋ ءبىزدىڭ جەرگىلىكتى ەگىنشىلەردىڭ بايۋ جولىنا اينالدى. ءالى ەسىمدە، كىشكەنە كەزىمدە ءار جولعى ماقتا تەرۋ مەزگىلى جەتىپ كەلگەندە، اكە - شەشەم دە سىرتقا شىعىپ ماقتا تەرىپ كىرىس تاۋىپ، وتباسىمىزدىڭ تۇرمىسىن ءتىپتى دە جاقسارتۋعا تىرىساتىن. 2019 - جىلى اكەم ماعان قىستاعىمىزداعى 20 نەشە قىستاق تۇرعىنىنىڭ بىرگە قاشقارعا بارىپ ماقتا تەرىپ اقشا تاپقاندىعىن، ءبىر ايدان استام ۋاقىتتان كەيىن، كوبىنىڭ 7 − 8 مىڭ يۋاننان كىرىس تاپقاندىعىن، جاقسى ىستەگەندەرىنىڭ كىرىسى 10 مىڭ يۋاننان اسقاندىعىن ايتتى. وسىنشاما قىسقا ۋاقىت ىشىندە وسىنشاما مول اقشا تاپقاندىقتارىنا كوپشىلىك توتەنشە قۋاندى.
H&M سياقتى باتىس كاسىپورىندارى شينجياڭ ماقتاسىن شەكتەپ، ايتىلمىس ”زورلىقپەن ەڭبەككە سالدى“ دەگەن وسەك - اياڭدى قۇراستىردى، مۇنداعى ماقساتى شينجياڭنىڭ دامۋىن ءبۇلدىرۋ. مۇنداي پاسىق ءىس - ارەكەتكە ءبىز باتىل قارسى تۇرامىز. ءبىز جۇدىرىقتاي جۇمىلىپ، ءبىر نيەتپەن سايكەسىپ، شىندىق ارقىلى وسەك - اياڭدى ايپاراداي اشىپ تاستايمىز!
