تيانشان تورى
تيانشان تورى   ›   جاڭالىقتار   ›   ساياحات

حييۋشان كورىنىس ءوڭىرىنىڭ نەشە ميلليون يۋان ەسىك بەلەتى كىرىسىنەن باس تارتۋىندا قانداي ەسەپ جاسالعان

”4A“ دارەجەلىگە كوتەرىلگەننەن كەيىن بەلەت باعاسىن جوعارىلاتقاننىڭ ورنىنا ەسىك بەلەتىن المادى

حييۋشان كورىنىس ءوڭىرىنىڭ نەشە ميلليون يۋان ەسىك بەلەتى كىرىسىنەن باس تارتۋىندا قانداي ەسەپ جاسالعان

  انار بۇلت / شينجياڭ گازەتىنىڭ ءتىلشىسى رىن جياڭ 7 - ايدىڭ 27 - كۇنى قارامايلىدان حابارلايدى. 10 ميلليون يۋاننىڭ ۇستىندە قارجى قوسىپ، جاڭالاپ، دارەجەسىن جوعارىلاتىپ، مەملەكەتتىك 4A دارەجەلى ساياحات كورىنىس وڭىرىنە كوتەرىلگەننەن كەيىن، قارامايلىداعى ءبىر كورىنىس ءوڭىرى ورايدان پايدالانىپ اقىسىن جوعارىلاتقان جوق، قايتا بۇكىل ەلدەگى ساياحاتشىلاردان ەسىك بەلەتىن المايتىندىعىن جاريالادى، مەجەمەن تۇتاس جىلدا نەشە ميلليون يۋان كىرىسى ازايادى.

  ”6 - ايدىڭ سوڭىندا مەملەكەتتىك 4A دارەجەلى ساياحات كورىنىس وڭىرىنە كوتەرىلگەننەن كەيىن، ءبىز 7 - ايدىڭ 20 - كۇنىنەن باستاپ، بۇكىل ەلدەگى ساياحاتشىلاردان ەسىك بەلەتىن المادىق“، - دەدى 7 - ايدىڭ 26 - كۇنى حييۋشان كورىنىس ءوڭىرىنىڭ جاۋاپتىسى پىڭ حايحۇي تىلشىگە، ”وسىدان بۇرىن، كورىنىس ءوڭىرى كۇنىنە 500 − 600 ساياحاتشى قابىلداپ تۇرعان، ەسىك بەلەتىن الماعان وسى بىرنەشە كۇندە ساياحاتشى سانى كۇنىنە 1000 ادامعا تايادى، مۇنىڭ %70ىنەن استامى شينجياڭنىڭ سىرتىنان كەلگەن ساياحاتشىلار، ءونىمى تاباندا كورىلدى“.

  حييۋشان كورىنىس ءوڭىرى قارامايلى قالاسىنىڭ قارامايلى رايونىنا ورنالاسقان، قالا ورتالىعىنان 2 كيلومەتردەن استام قاشىقتىقتا، جەر اۋدانى 130 مىڭ شارشى مەتر، شيكى مۇناي جىل بويى تاسىپ جاتاتىندىقتان 13 مەتر بيىكتىكتە قاراماي توبەشىگىن قالىپتاستىرعان. توبەشىكتىڭ كوپ جەرىندە مۇناي كوزى بار بولىپ، كوپتەگەن مۇناي شالشىعىن قالىپتاستىرىپ، مۇناي كوپىرشىكتەرى ۇزدىكسىز كوپىرىپ شىعىپ جاتادى، دۇنيە جۇزىندە از كەزدەسەتىن تابيعي مۇناي كورىنىسى سانالادى. 2019 - جىلى وسى كورىنىس ءوڭىرىنىڭ ەسىك بەلەت كىرىسى 2 ميلليون 500 مىڭ يۋان بولعان. بيىل ەسىك بەلەتىن الماۋ شاراسىن اتقارۋدان بۇرىن، وسى كورىنىس ءوڭىرىنىڭ ساياحاتشى قابىلداۋ مولشەرى ۇزدىكسىز ارتىپ، 2019 - جىلداعى ۇقساس مەزگىلدەگىدەن %50تەن استام ارتقان، ”اسىلىندە بيىل ەسىك بەلەتىنەن 4 ميلليون يۋان اينالاسىندا كىرىس كىرەتىندىگى مەجەلەنگەن“، - دەدى پىڭ حايحۇي.

  ”ءبىز حييۋشان كورىنىس ءوڭىرىنىڭ ’4A‘ دارەجەسىنە كوتەرىلۋ ورايىنان پايدالانىپ، ءتىپتى كوپ ادامنىڭ حييۋشاندى تۇسىنۋىنە، قارامايلىنى تۇسىنۋىنە مۇمكىندىك جاساۋدى ءۇمىت ەتەمىز“، - دەدى قارامايلى قالاسى قارامايلى رايوندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى حۋاڭ رۇي.

  ساياحاتشىلار سانىنىڭ كۇرت ارتۋىنا توتەپ بەرۋ ءۇشىن، قازىر حييۋشان كورىنىس ءوڭىرىنىڭ جالپى قىزمەتكەرلەرى تۇگەل قىزمەت ورىندارىندا بولعان، اسىرەسە، تۇسىندىرۋشىلەر تۇگەلدەي قىزمەت ورىندارىندا قىزمەت وتەگەن. ءار كۇنى ەسىك اشۋدان بۇرىن كورىنىس ءوڭىرى تاڭەرتەڭگى ماجىلىستەن پايدالانىپ قىزمەتكەرلەردى قىزمەت وتەۋ بويىنشا تاربيەلەدى؛ ساياحاتشىلار ورتالىعى جاسىل بۇرشاق سورپاسى، اۋىز سۋ، جەلپۋىش، قول شاتىر سياقتىلارمەن تەگىن قامدادى، تاعى ەرىكتىلەر قىزمەت وتەۋ ءتۇيىنىن ورنالاستىرىپ، نەگىزدىك ەمدەۋ، كۇتىمدەۋ بويىنشا تەگىن قىزمەت وتەدى؛ كورىنىس ءوڭىرى قىزمەتكەرلەردى كوبەيتىپ ساياحاتشىلارعا ءجون سىلتەدى، تازالىق قىزمەتىن ۇسىندى. ”ساياحاتشى كوبەيسە، ساياحات قىزمەت وتەۋ دەڭگەيىمىزگە اناعۇرلىم سىن اكەلەدى، كورىنىس ءوڭىرى قىزمەت وتەۋ ساپاسىن ونان ارى جوعارىلاتۋ كەرەك“، - دەدى حۋاڭ رۇي.

  پىڭ حايحۇي بۇكپەسىز تۇردە بىلاي دەدى: ەسىك بەلەتىن الماۋ قىسقا ۋاقىتتا تيجارات جۇرگىزۋگە جاڭا قىسىم اكەلەدى، الايدا ۇزاق ۋاقىتتان الىپ قاراساق، كورىنىس ءوڭىرىنىڭ تيبىن جاڭالاپ، دارەجەسىن جوعارىلاتۋعا قوزعاۋشى كۇش قوسادى. كەزەكتە كورىنىس ءوڭىرى مايلى اسقاباق، مۇزداتقىش جاپسىرماسى سياقتى 10 نەشە ءتۇرلى مۇناي مادەنيەت جاسامپازدىعى ونىمدەرىن جاساپ، ساتىلۋى ايتارلىقتاي بولعان، ال قارامايلى توبەشىك فورماسىنداعى بالسوقتا سياقتى ونىمدەر دە ويداعى جوبادان ونىمگە تەز اينالىپ شىعارىلدى. كورىنىس ءوڭىرى كىشكەنە كاديڭ ماشيناسى، VR سەزىنۋ سارايى سياقتى ءبىر توپ مادەنيەت، ساياحات كوڭىل اشۋ جاڭا تۇرلەرىنىڭ تياناقتانۋىن جەدەل ىلگەرىلەتتى، ىسكە قوسىلعاننان كەيىن، مەجەمەن جىلدىق جالپى كىرىسى ءبىر ميلليون يۋاننان اسادى.

  ”بۇرىن حييۋشان كورىنىس ءوڭىرى ەسىك بەلەتىن قوسپاعاندا، جالپىلىق كىرىسى نەبارى 100 نەشە مىڭ يۋان عانا بولاتىن. تەگىن اشىلعاننان كەيىن، ساياحاتشىلار كوبەيىپ، تاماشالاۋ ۋاقىتى ۇزاردى، جالپى جۇمسايتىن اقشا دا ارتىپ، كورىنىس ءوڭىرىنىڭ، اۋەلى قارامايلى قالاسىنىڭ اس - سۋ، قوناق ءۇي، قاتىناس سياقتى كاسىپتەرىنىڭ دامۋىن جەبەدى“، - دەدى حۋاڭ رۇي، - ”كورىنىس ءوڭىرىنىڭ ’ەسىك بەلەتى ەكونوميكاسىنا‘ شەكتەن تىس يەك سۇيەۋدەن قۇتىلىپ، ەسىك بەلەتى كىرىسىن ازايتۋدىڭ ەسەسىنە قارامايلىنىڭ جالپى تۇلعالىق ساياحات كىرىسىن ارتتىرۋى ساياحات شارۋاشىلىعىنىڭ تيپ جاڭالاپ، دارەجەسىن جوعارىلاتۋىن جەدەلدەتۋگە ءتيىمدى بولدى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.