ۇلگى اتىزىنىڭ ورتاشا مۋ باسىندىق ءونىمى 857.2 كيلوگرامعا جەتتى
شونجىدا دۇمبە ءبيدايدىڭ مۋ باسىندىق ءونىم مولشەرى بۇكىل شينجياڭ بويىنشا ەڭ جوعارى رەكوردتى تاعى دا جاڭالادى
انار بۇلت / شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى ۋان ليحۇڭ 7 - ايدىڭ 27 - كۇنى شونجىدان حابارلايدى. ”ماماندار تەكسەرىپ وتكىزىپ الۋ گرۋپپاسىنىڭ باسى - قاسىندا ناقتى ولشەۋى ارقىلى ءبيداي ۇلگى اتىزىنىڭ ناقتى ولشەنگەن اۋدانى3.206 مۋ بولىپ، ونىڭ ناق ءتۇسىمىنىڭ تازا سالماعى 2810 كيلوگرامعا جەتىپ، ورتاشا مۋ باسىندىق ءونىم مولشەرى 876.48 كيلوگرام بولدى، سۋ قۇرامى ورتا ەسەپپەن ％12.2، بوگدە زات ％3 بولىپ، شىعارىپ تاستاۋ ارقىلى سىندىرىپ ەسەپتەگەندە ورتاشا مۋ باسىندىق ناق ءونىم مولشەرى 857.2 كيلوگرام بولدى“، - دەدى 7 - ايدىڭ 19 - كۇنى شونجى اۋدانى دۇمبە ءبيدايدىڭ مول تۇسىمىنەن قامال الۋ ۇلگى اتىزىندا ناق ءتۇسىمدى ناق ولشەۋ جۇمىس باسىندا ءبيدايدىڭ مول ءتۇسىمىن تەكسەرىپ وتكىزىپ الۋ گرۋپپاسىنىڭ باستىعى، شينجياڭ اۋىل شارۋاشىلىعى داشۋەسىنىڭ دوتسەنتى چىن بيڭ تەكسەرىپ وتكىزىپ الۋ ناتيجەسىن جاريالاپ. سونىمەن شونجى اۋدانى بيىل دۇمبە ءبيدايدىڭ مول ءتۇسىمدى ۇلگى اتىزىنىڭ 857.2 كيلوگرامدىق ورتاشا مۋ باسىندىق ءونىم مولشەرىمەن بۇكىل شينجياڭ بويىنشا ەڭ جوعارى رەكوردتى تاعى دا جاڭالادى.
ۇلگى اتىزىنىڭ ناق ءتۇسىمىن ناق ولشەۋ جۇمىس باسىندا شينجياڭ اۋىل شارۋاشىلىعى داشۋەسى مەن شينجياڭ اۋىل شارۋاشىلىعى عىلىم اكادەمياسىنىڭ ماماندار گرۋپپاسىنان قۇرالعان ءبيدايدىڭ مول ءتۇسىمىن تەكسەرىپ وتكىزىپ الۋ گرۋپپاسى شونجى اۋدانى اۋىل شارۋاشىلىعى تەحنيكاسىن جالپىلاستىرۋ ورتالىعىنىڭ اعا اگرونومى ما جاۋتيڭ ۇجىمى قۇرعان دۇمبە ءبيداي مول ءتۇسىمدى ۇلگى اتىزىنىڭ ءونىمىن تەكسەرىپ وتكىزىپ الدى. تەكسەرىپ وتكىزىپ الۋ گرۋپپاسى اۋىل شارۋاشىلىعى، اۋىل - قىستاق مينيسترلىگىنىڭ «بۇكىل ەلدە استىقتىڭ مول ءتۇسىمدى اتىزىن قۇرۋدىڭ ءونىم تەكسەرۋ، تەكسەرىپ وتكىزىپ الۋ ادىسىنە (سىناق رەتىندە اتقارىلادى)» قاتاڭ نەگىزدەلىپ، ناق ءتۇسىمىن تەكسەرىپ وتكىزىپ الدى. سول جەردىڭ وزىندە جەردى ولشەۋ، كومباينمەن جيناۋ، سالماعىن ولشەۋ، سۋ قۇرامىن ولشەۋ، بوگدە زات مولشەرىن ۇلگى الىپ ولشەۋ سياقتى بۋىندار ارقىلى ەڭ سوڭىندا مۋ باسىنان 857.2 كيلوگرام ءونىم الىندى دەگەن ناق ءتۇسىمدى ناق ولشەۋ ناتيجەسىن شىعاردى. وسى رەتتە تەكسەرىپ وتكىزىپ الىنعان دۇمبە ءبيدايدىڭ مول ءتۇسىمدى ۇلگى اتىزىندا جالپى 210 مۋ جەرگە ءبيداي ەگىلگەن.
چىن بيڭ بىلاي دەدى: ”تالداۋعا قاراعاندا، وسى رەتكى ناق ءتۇسىمدى ناق ولشەۋدە قول جەتكىزگەن دۇمبە ءبيدايدىڭ مول ءتۇسىم رەكوردى جالپىلىق اسەردىڭ ناتيجەسىنەن كەلگەن، اتاپ ايتقاندا، بيىلعى كليمات جاعدايىن، سونداي - اق سورتتى تاڭداۋ، شوعىرلى تەحنيكانى قولدانۋ سياقتىلاردى قامتىپ، سوڭىندا ءبىرشاما ويداعىداي ءونىم مولشەرىنە يە بولعان“. تەكسەرىپ وتكىزىپ الۋ گرۋپپاسىنداعى مامان مۇشە، شينجياڭ اۋىل شارۋاشىلىعى عىلىم اكادەمياسى استىق داقىلدارىن زەرتتەۋ ورنىنىڭ زەرتتەۋشىسى يۇي تيانشىڭ تالداۋ جاساپ بىلاي دەپ قارادى: ءونىم تەكسەرىلگەن ۇلگى اتىزىندا شيندۇڭ 52 - ءنومىرلى تۇقىم سورتى ەگىلگەن، ونىڭ وزىندە مول ءتۇسىم بەرۋدەي ەرەكشەلىك بولىپ قانا قويماي، ونىڭ ۇستىنە اتىز باپتاۋ بارىسىندا سۋارۋ، تىڭايتقىش بەرۋ ءبىرشاما تياناقتى ىستەلگەن، ءبيداي ساباعىنىڭ بيىكتىگى ءبىرشاما جاقسى تىزگىندەلگەن، تۇپتەرىنىڭ ماساققا اينالۋ مولشەرى ەرەكشە جوعارى بولعان، ءونىم العان مۋ باسىندىق ماساق سانى 400 مىڭنان استام بولىپ، مىڭ ءتۇيىرىنىڭ سالماعى 52 گرام اينالاسىندا بولعان، وسىلاردىڭ بارلىعى مول ءونىم الۋعا جاقسى نەگىز قالاعان.
ما جاۋتيڭ بىلاي دەپ تانىستىردى: دۇمبە ءبيدايدىڭ مول ءتۇسىمدى ۇلگى اتىزىن ەگۋ - باپتاۋ بارىسىندا شونجى اۋدانىنىڭ دۇمبە ءبيدايدىڭ مول تۇسىمىنەن قامال الۋ تەحنيكالىق ۇجىمى جالپى بارىسىنا ءجىتى قاداعالاپ جەتەكشىلىك ەتىپ، ءبىر قىدىرۋ سايكەستى عىلمي ەگۋ - باپتاۋ تەحنيكالارىن قولدانۋ ارقىلى ۇلگى اتىزدان مول ءونىم الدى.
”شونجى − مەملەكەت بويىنشا ساپالى ءبيداي وندىرىلەتىن بازا اۋدان، سوڭعى جىلدارى بۇكىل اۋدان بويىنشا ءبيداي ەگىلگەن جەر اۋدانى ءبىر ميلليون مۋدان اسقان. شونجى اۋدانىندا 2018 - جىلى جانە 2019 - جىلى دۇمبە ءبيدايدىڭ مۋ باسىندىق ءونىمى جەكە - جەكە 724 كيلوگرام، 832.83 كيلوگرام بولىپ، شينجياڭدا دۇمبە ءبيدايدىڭ مول ءتۇسىم رەكوردىن جاراتتى“. ما جاۋتيڭنىڭ ايتۋىنشا، بيىل شونجى اۋدانى شينجياڭ دۇمبە ءبيدايىنىڭ مول ءتۇسىم رەكوردىن تاعى ءبىر رەت جاڭالاعان، بۇل بۇكىل اۋداننىڭ ءبيداي ەگىمشىلىگىنىڭ جوعارى ساپالى دامۋىنا ءونىمدى جول اشقان.
