تيانشان تورى
تيانشان تورى   ›   جاڭالىقتار   ›   سپورت الەمى

رەكورد جاراتتى، تاريح جاڭالادى، جۇڭگو قۇراماسى اتوي سالدى

7 - ايدىڭ 28 - كۇنى جۇڭگو ساڭلاقتارى شيە سى - ي / ۋاڭ زۇڭيۋان جارىستا.

7 - ايدىڭ 28 - كۇنى جۇڭگو ساڭلاعى شى جىيۇڭ جارىستا. □ سۋرەتتەردى شينحۋا اگەنتتىگى تاراتقان

7 - ايدىڭ 28 - كۇنى جۇڭگو قۇراماسىنىڭ ساڭلاقتارى چىن يۇنشيا، جاڭ ليڭ، لۇي ياڭ، سۇي شياۋتۇڭ جارىستا.

  شينحۋا اگەنتتىگىنىڭ 7 - ايدىڭ 28 - كۇنى توكيودان بەرگەن حابارى (تىلشىلەر ۋاڭ حىڭجى، ۋاڭ چينوۋ، گاڭ يە). رەكورد جاراتتى! تاريح جاڭالادى! جۇڭگو قۇراماسى 7 - ايدىڭ 28 - كۇنى توكيو وليمپيادا سپورت جارىسىندا تاعى 3 التىن مەدال الدى، ايەلدەردىڭ 4 ادامدىق قوس ەسكەكتى قايىق جارىسىندا 13 جىلدى اراعا ساپ وليمپيادانىڭ التىن مەدالىن تاعى ەنشىلەدى، اعا جۇلدەگەرلىك ناتيجەسى دۇنيە جۇزىلىك ەڭ جاقسى ناتيجەنى جاڭالادى، شى جىيۇڭ ەرلەردىڭ زىلتەمىر كوتەرۋدەن 73 كيلوگرامدىق سالماق دارەجەسىندە جالپى ناتيجەسىمەن دۇنيە جۇزىلىك رەكوردى جاڭالاپ، اعا جۇلدەگەر بولدى، مۇنان سىرت، ەرلەردىڭ 2 ادامدىق قوس ەسكەكتى قايىق جارىسىنىڭ قولا مەدالى جۇڭگونىڭ قايىق جارىسىنىڭ وليمپيادا تاريحىنداعى ەرلەردىڭ العان العاشقى مەدالى، العاش رەت وليمپيادا ساحناسىنا شىققان جۇڭگو ايەلدەر 3 ادامدىق باسكەتبول قۇراماسى دا وليمپيادانىڭ سيلىق مىنبەسىنە كوتەرىلىپ، قولا مەدال الدى.

  توكيو حايجىسىن سۋ ءۇستى باسەكە جارىس الاڭى 7 - ايدىڭ 28 - كۇنى جۇڭگو قايىق جارىسىنىڭ تاريحي ساتىنە كۋا بولدى. سۇي شياۋتۇڭ، لۇي ياڭ، جاڭ ليڭ، چىن يۇنشيا ايەلدەردىڭ 4 ادامدىق قوس ەسكەكتى قايىق جارىسىندا التىن مەدال الىپ، جۇڭگو قايىق قۇراماسى ءۇشىن اراعا 13 جىل سالىپ وسى تۇردەگى وليمپيادانىڭ اعا جۇلدەگەرلىگىن تاعى دا ەنشىلەدى، بۇل ءارى جۇڭگو قايىق جارىسىنىڭ وليمپياداداعى 2 - التىن مەدالى بولىپ، 6 مينۋت 05 سەكۋند 13 داقىلدىق ناتيجەمەن وسى ءتۇردىڭ دۇنيە جۇزىلىك ەڭ جاقسى ناتيجەسىن تاعى جاڭالادى. بۇل ناتيجە، شىنىن قۋعاندا، كاسىپتەستەرى جونىنەن توسىن سەزىلگەن جوق، قانشا ايتقانمەن 2019 - جىلى قايىق جارىسىنىڭ سپورتشىلارىن سەپتەگەننەن سوڭ، مىنەزدەمەسى ءار قيلى وسى 4 بويجەتكەن جارىسقا قاتىناسقاندا بىردە - ءبىرى اعاتتىق كەتىرمەي، وليمپيادا سپورت جارىسىندا جەڭىسكە جەتتى. وسىمەن بىرگە، ەرلەردىڭ 2 ادامدىق قوس ەسكەكتى قايىق جارىسىندا دا تاريح جاراتىلدى، جاڭ لياڭ، ليۋ جىيۇي جۇڭگو قايىق جارىسىنىڭ وليمپيادا تاريحىنداعى ەرلەردىڭ العاشقى مەدالىن ەنشىلەدى − قولا مەدال بولعانىمەن، 13 جىلدىڭ الدىندا جەكە سەبەپتەن بەيجيڭ وليمپيادا سپورت جارىسىنا قاتىناسا الماي قالعان جاڭ لياڭ وسى ارمانى ءۇشىن تىنباي تالپىنعان - دى. ول: ”بۇل ءبىزدىڭ ەرلەر قايىق جارىسىنىڭ جۇڭگوداعى دامۋى جونىندە جاڭا تانىم قالىپتاستىرۋىمىزعا مۇمكىندىك جاسادى“، - دەدى.

  زىلتەمىر كوتەرۋ جارىس الاڭى اقىرى توكيو وليمپيادا سپورت جارىسىنداعى العاشقى دۇنيە جۇزىلىك رەكوردتى قارسى الدى، وسى ءبىر كەرەمەتتىڭ يەسى جۇڭگولىق ساڭلاق شى جىيۇڭ، ەرلەردىڭ 73 كيلوگرامدىق سالماق دارەجەسىندە دۇنيە جۇزىلىك 3 رەكوردتى ساقتاۋشى رەتىندە، سول كۇنى ول 364 كيلوگرامدىق ناتيجەمەن ءوزى ساقتاپ كەلگەن جالپى ناتيجەنىڭ دۇنيە جۇزىلىك رەكوردىن جاڭالادى، سەرپە كوتەرۋدە 198 كيلوگرامدىق ناتيجەمەن دۇنيە جۇزىلىك رەكوردپەن تەڭەستى.

  جۇڭگو سۋعا سەكىرۋ قۇراماسى دا داڭقتى قورعادى، ۋاڭ زۇڭيۋان، شيە سى - ي ەرلەردىڭ 2 ادامدىق 3 مەتر بيىكتىكتەگى تۇعىردان سۋعا سەكىرۋ التىن مەدالىن قينالماي الدى، بۇل التىن مەدال جۇڭگو ەرلەر سۋعا سەكىرۋ قۇراماسىنىڭ توكيو وليمپيادا سپورت جارىسىنداعى ءبىرىنشى التىن مەدالى، سونىمەن بىرگە 5 جىلدىڭ الدىنداعى ريو - دە - جانەيرودا وسى جەكە تۇردە التىن مەدالدان قاپى قالعان وكىنىشىنىڭ ورنىن تولتىردى.

  اناعۇرلىم كوپ جۇڭگو ساڭلاقتارى التىن مەدال الا الماسا دا، وليمپيادا سپورت جارىسى الاڭىندا ءوزىن دالەلدەدى. جۇڭگو ايەلدەردىڭ 3 ادامدىق باسكەتبول قۇراماسى 3 - ، 4 - ورىنعا تالاسۋ جارىسىندا 14كە قارسى 16 ۇپايمەن فرانسيا قۇراماسىن جەڭىپ، قۇندى قولا مەدال ەنشىلەدى؛ شياۋ روتىڭ مەن سۇن ۋي ەرلەردىڭ گيمناستيكا جەكە امبەباپ شەشۋشى جارىسىندا ەڭ سوڭعى اينالىمعا دەيىن ايانباي شايقاستى، شياۋ روتىڭ 0.4 ۇپاي پارقىمەن ەكىنشىلىكتى ەنشىلەدى، سۇن ۋي 4 - ورىنعا جايعاستى؛ 3 مالتاۋ شەبەرىنىڭ بىردە - ءبىرى سيلىق ساحناسىنان كورىنبەسە دە، ولار ءوزىنىڭ دەڭگەيىن كورسەتتى، 19 جاستاعى ۋاڭ جيانجياحىنىڭ ايتقانىنداي: ”(مەدال) الا المادىم، قايتىپ بارعاننان سوڭ قۇلشىنامىن“.

  3 ادامدىق باسكەتبول جارىسى سول كۇنى اياقتادى، لاتۆيا، امەريكا جەكە - جەكە ەرلەر، ايەلدەر ءتۇرىنىڭ التىن مەدالىن، رەسەي 2 كۇمىس مەدال، سەربيا ەرلەر ءتۇرىنىڭ قولا مەدالىن ەنشىلەدى.

  سول كۇنى مالتاۋ جارىسى الاڭىندا تاماشا ناتيجەلەر تولاسسىز جارىققا شىقتى، كوپ ءتۇرلى جارىس رەكوردى جاڭالاندى، سونداي - اق كوپتەگەن بيىلعى ەڭ تاماشا ناتيجە جارىققا شىقتى، جۇڭگو ساڭلاعى جاڭ يۇيفي ايەلدەردىڭ 200 مەترلىك كەۋدەمەن مالتاۋ جارتىلاي شەشۋشى جارىسىندا بيىلعى دۇنيە جۇزىلىك ەڭ تاماشا ناتيجەنى جاراتتى. امەريكانىڭ ەركىن مالتاۋ شەبەرى لايدىسىجي ايەلدەردىڭ 1500 مەترلىك ەركىن مالتاۋ جارىسىندا اعا جۇلدەگەرلىكتى ەنشىلەسە دە، 200 مەترلىك ەركىن مالتاۋ تۇرىندە اعا جۇلدەگەرلىگىن ساقتاي المادى، اۆستراليالىق 20 جاستاعى ساڭلاق تيتىماسى 400 مەترلىك ەركىن مالتاۋدان كەيىن تاعى دا اعا جۇلدەگەر بولىپ، اعا بۋىنداردىڭ ورنىن باستى.

  ”اعا بۋىنداردىڭ ورنىن باسۋ“ مۇمكىندىگى بارلاردان تاعى ايەلدەر گيمناستيكاسىنداعى امەريكالىق ساڭلاق بايرس بار، ول ”ءوزىنىڭ پسيحيكالىق اقاۋسىزدىعىنا باسا ءمان بەرۋ نەگىزىندە“ 7 - ايدىڭ 29 - كۇنى وتكىزىلەتىن ايەلدەردىڭ جەكە امبەباپ شەشۋشى جارىسىنان شەگىنىپ شىقتى، ”امبەباپ ايەل پاتشانىڭ“ جارىستان شەگىنۋى وسى التىن مەدال يەگەرلەرىنىڭ قايتا تۋىندايتىندىعىن دەرەۋ اڭعارتتى. ويلاعان ويدان شىقتى دەپ ۇستەل دوپ جارىس الاڭىن ايتۋعا بولادى، ”توسىن جەڭىمپاز“ ساڭلاقتار ەرلەر، ايەلدەر جەكە جارىسىنىڭ 8 مىقتى جارىسىندا تۇگەلدەي قاتاردان شىقتى، جۇڭگونىڭ 4 ساڭلاعى ەرلەر، ايەلدەر جەكە جارىسىندا جەكە - جەكە ەكىدەن 4 مىقتى ورىنعا جايعاستى.

  7 - ايدىڭ 28 - كۇنى توكيو جارىس الاڭىندا ويلاماعان جايتتەر تولاستامادى، داياشى ەلدىڭ ساڭلاعى، قاۋىرسىن دوپ ەرلەر جەكە جارىسىندا دۇنيە جۇزىندە 1 - ورىندا تۇراتىن تياۋتيان شياندوۋ 2: 0 ناتيجەمەن كورەيا ساڭلاعى شۇي گۇڭشيدان جەڭىلىپ، گرۋپپا جارىسىندا قاتاردان شىقتى؛ ريو - دە - جانەيرو وليمپيادا سپورت جارىسىندا ەرلەر فۋتبول جارىسىنىڭ 2 - جۇلدەگەرى گەرمانيا كومانداسى 1 گە قارسى 1 ۇپايمەن كوتاديۆامەن تەڭەسىپ، گرۋپپا جارىسىندا 3 - بولىپ قاتاردان قالىپ قويدى.

  التىن مەدال تاقتاسىندا داياشى ەل ءۇرتىس جەڭىستەن جەڭىسكە جەتىپ، گيمناستيكا، مالتاۋ جانە دزيۋدو كۇرەسىندە جەكە - جەكە ءبىر التىن مەدال الىپ، 13 التىن مەدالمەن ۇزدىكسىز الدا تۇردى، جۇڭگو قۇراماسى 12 التىن مەدالمەن امەريكادان اسىپ 2 - ورىنعا جايعاستى.

  7 - ايدىڭ 29 - كۇنى توكيو وليمپيادا سپورت جارىسىندا 17 التىن مەدال تاراتىلادى، جۇڭگو قۇراماسىنىڭ مالتاۋ، ۇستەل دوپ سياقتى تۇرلەردە التىن مەدال الۋ مۇمكىندىگى بار، جۇڭگو ايەلدەر ۆولەيبول قۇراماسى رەسەي قۇراماسىمەن گرۋپپا جارىسىنىڭ 3 - جارىسىن قارسى الادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.