تيانشان تورى
تيانشان تورى   ›   جاڭالىقتار   ›   سپورت الەمى

جۇڭگو 3 ادامدىق ايەلدەر باسكەتبول قۇراماسى توكيو وليمپياداسىندا قولا مەدال ەنشىلەدى

جۇڭگو 3 ادامدىق ايەلدەر باسكەتبول قۇراماسى توكيو وليمپياداسىندا قولا مەدال ەنشىلەدى

مەملەكەتتىك قۇرامانىڭ مۇشەسى، شينجياڭ ايەلدەر باسكەتبول كومانداسىنىڭ باستىعى ۋاڭ ليلي 9 ۇپاي الدى

  انار بۇلت / شينجياڭ گازەتىنىڭ ءتىلشىسى حۋاڭ شيڭ 7 - ايدىڭ 28 - كۇنى ۇرىمجىدەن حابارلايدى. 7 - ايدىڭ 28 - كۇنى مەملەكەتتىك قۇرامانىڭ 23 - ءنومىرلى كيىمىن كيگەن ۋاڭ ليلي جارىستا تاعى ءبىر رەت باستاماشى بولدى. توكيو وليمپيادا سپورت جارىسى ايەلدەر 3 ادامدىق باسكەتبول جارىسىنىڭ قولا مەدالىنا تالاسۋ جارىسىندا، جۇڭگو قۇراماسى مەن فرانسيا قۇراماسىنىڭ ۇپاي سانى 14: 16 بولىپ تۇراقتانعان كەزدە، 9 ۇپاي العان وسى شينجياڭ ايەلدەر باسكەتبول كومانداسىنىڭ باستىعى قۋانعانىنان الاقايلاپ جىبەردى. بۇل جۇڭگو باسكەتبول سپورتشىلارىنىڭ وليمپيادا سپورت جارىسىندا ءۇشىنشى رەت مەدال الۋى، الدىڭعى رەت جۇڭگو ايەلدەر باسكەتبول قۇراماسىنىڭ 1992 - جىلى بارسەلونا وليمپيادا سپورت جارىسىندا ەكىنشى جۇلدەگەر بولعانىنان بەرى ارادا 29 جىل ءوتتى. مەملەكەتتىك قۇراما اتىنان جارىسقا قاتىناسقان ۋاڭ ليلي دا وليمپيادا سپورت جارىسى مەدالىن العاش رەت ەنشىلەگەن شينجياڭ باسكەتبول سپورتشىسىنا اينالدى.

  ”مەن قاتتى تەبىرەندىم، اۋەلى، سول جىلى ءوزىمنىڭ بارسەلونا وليمپيادا سپورت جارىسىندا كۇمىس مەدال العانىمنان ارمان تەبىرەنىپ وتىرمىن. ۋاڭ ليلي جونىنەن العاندا، ەرەكشە قيىن بولدى. توكيو وليمپيادا سپورت جارىسىندا ول ناقتى قۋات جانە اماليات ارقىلى ءوزىنىڭ قۇنىن دالەلدەدى، بۇل ونىڭ تالاي جىلدان بەرگى تاباندىلىعى مەن قۇلشىنىسىنا دەگەن ەڭ تاماشا ماداق“، - دەدى تىلشىگە شينجياڭ ايەلدەر باسكەتبول كومانداسىنىڭ باس جاتتىقتىرۋشىسى جان شۋپيڭ اسەرلەنە.

  2021 - جىلى توكيو وليمپيادا سپورت جارىسىنىڭ 3 ادامدىق ايەلدەر باسكەتبولى گرۋپپا اينالما جارىسىندا جۇڭگو قۇراماسى 7 رەتكى جارىستىڭ بەسەۋىندە جەڭىپ، ەكەۋىندە ۇتىلىپ، گرۋپپادا 3 - ورىنعا جايعاستى. 4/1 شەشۋشى جارىستا جۇڭگو 3 ادامدىق ايەلدەر باسكەتبول قۇراماسى 13: 19 ناتيجەمەن يتاليا قۇراماسىن جەڭىپ، جارتىلاي شەشۋشى جارىسقا ءوتتى. جارتىلاي شەشۋشى جارىستا جۇڭگو قۇراماسى 21: 14 ناتيجەمەن رەسەي قۇراماسىنان ۇتىلىپ، شەشۋشى جارىستان قالىپ قالدى.

  فرانسيا قۇراماسىمەن قولا مەدالعا تالاسۋ جارىسىندا جۇڭگو قۇراماسى بويىنىڭ بيىكتىگى مەن قارسىلاسۋ جاعىندا باسىمدىققا يە بولدى. وسىنىڭ الدىنداعى گرۋپپا جارىسىندا 13: 20 ناتيجەمەن قارسىلاسىن جەڭىپ الۋى جۇڭگو قۇراماسىنىڭ جەڭىسكە جەتۋ سەنىمىن نىعايتتى.

  4/1 شەشۋشى جارىستا 11 ۇپاي الۋداي بەينەسىمەن # ءورشىل ۋاڭ ليلي # ميكروبلوك قىزۋ تالقىسىنا ءتۇستى. بۇگىن # ورنىقتى ۋاڭ ليلي # # ۋاڭ ليلي 9 ۇپاي # تاعى دا قىزۋ تالقىعا ءتۇستى.

  قولا مەدالعا تالاسۋ جارىسى باستالىسىمەن ۋاڭ ليلي جارىستا تاعى دا باستاماشى بولىپ، كوماندالاسى جاڭ جىتيڭنىڭ ىشكى شەپتە ۇپاي الۋىنا ءۇرتىس كومەكتەستى، وعان قوسا ءوزى ورتادان جانە الىستان دوپ لاقتىرىپ، العاشقى مايدان جارىستا جۇڭگو قۇراماسى 2 گە قارسى 6 ۇپايمەن العا شىقتى. ۋاڭ ليلي الاڭنان شىعىپ دەمالعان كەزدە فرانسيا قۇراماسى قۋاتتى قايتارما شابۋىلعا ءوتىپ، ۇپاي پارقىن ءبىر ۇپايعا ءتۇسىردى. شەشۋشى ساتتە ۋاڭ ليلي ءبىر رەتكى جارىپ ءوتۋ بارىسىندا شۇعىل توقتاي قالىپ، سەكىرىپ بارىپ گارعا دوپ تاستاپ، ۇپاي پارقىن تاعى دا 3 ۇپايعا الشاقتاتتى؛ ىلە - شالا ءبىر رەتكى شابۋىلدا تاعى دا الىستان دوپ ءتۇسىردى، ۇپاي سالىستىرماسى 9 : 14 بولدى، بۇل كەزدە جارىستىڭ اياقتالۋىنا 2 مينۋت قالعان - دى!

  جاعداي جۇڭگو قۇراماسىنا بۇكىلدەي اۋعاننان سوڭ، فرانسيا قۇراماسى قايتارما شابۋىل جاساپ ىركەس - تىركەس 3 ۇپاي الدى. وسى كەزدە ۋاڭ ليلي ءبىر رەت شەشۋشى قايتپا دوپتى تارتىپ الدى، وسى رەتكى قۇندى دوپ ۇقىعىن الۋى مەن بۇكىل قۇرامانىڭ قاتاڭ قورعانىس جاساۋىنىڭ ارقاسىندا، جۇڭگو قۇراماسى جارىستا جەڭىسكە جەتتى.

  ”بۇل قولا مەدال تاريحتى جاسادى. بۇرىن 5 ادامدىق باسكەتبول جارىسىندا جۇڭگو ايەلدەر باسكەتبول قۇراماسى قولا مەدال دا، كۇمىس مەدال دا العان، الايدا بۇل 3 ادامدىق باسكەتبول جارىسىنىڭ العاش رەت وليمپيادا سپورت جارىسىنا ەنۋى. بىرنەشە جىلدىڭ الدىندا الدىڭعى ايقاسپالى ءسىڭىرى ۇزىلگەننەن سوڭ، ۋاڭ ليلي وپەراتسيادان كەيىن تەز قالپىنا كەلىپ وسىنشاما تاماشا كۇيگە جەتتى، سونداي - اق 3 ادامدىق باسكەتبولدىڭ كۇشەمەلىلىگى وسىنشاما جوعارى جارىسىندا وسىنشاما قۋاتتى بەينە كورسەتتى. ونىڭ جان قيارلىق جانە كۇرەسكەرلىك رۋحى شينجياڭداعى، اۋەلى، بۇكىل ەلدەگى باسكەتبولدى قىزۋ سۇيەتىن جاستار مەن ورەندەرگە شابىت بەرەدى“، - دەدى جان شۋپيڭ جۇڭگو قۇراماسى مەن ۋاڭ ليليگە جوعارى باعا بەرىپ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.