تيانشان تورى   ›   جاڭالىقتار   ›   شينجياڭ حابارلارى

جايدارى جۇزدەر ەڭ تاماشا ىسپات

□ ساۋان قالاسى سىداۋحىزى قالاشىعىنىڭ ماقتاشىسى قاليبەك اقمان

  قالاشىعىمىز ماقتانى جەتەكشى كاسىپ سالاسى ەتكەن اۋىل شارۋاشىلىعىنداعى ءىرى قالاشىق، ماقتا ەگىلگەن اۋماق 222 مىڭ 100 مۋ، ماقتانىڭ ماشينامەن تەرىلۋ سالىستىرماسى %95تەن اسادى. ماقتامىزدىڭ عايباتىن ايتقان سول ادامداردان بىزدە ”زورلىقپەن ەڭبەككە سالۋ“ جاعدايى بارلىعىن قاي كوزدەرىڭمەن كوردىڭدەر دەپ سۇراماقشىمىن.

  ءبىز ماقتا ەگۋدە ماشينالاسۋدى الدەقاشان جۇزەگە اسىردىق، بۇل تالاسسىز شىندىق. كوكتەمگى ەگىس مەزگىلىندە تۇقىم سەبۋ ماشيناسى شوفەرلەرى بەيدوۋ جۇيەسى ورناتىلعان ات كۇشى زور تراكتورعا تۇقىم سەبۋ تالابىنا ساي ساندى مالىمەتتى ورناتسا بولعانى، تۇقىم سەبۋ ماشيناسى جوبالانعان جولمەن اۆتوماتتى ءجۇرىپ، ءتۇپ - ءتۇزۋ ءارى قاتار ارالىعى بىركەلكى ماقتا جارعاعىن ءداپ - ءدال جاتقىزادى، بۇرىنعىعا سالىستىرعاندا، قازىرگى شوفەرسىز جۇرگىزۋ ۋاقىتتى، كۇشتى ۇنەمدەپ، تۇقىم سەبۋ ساپاسى كورنەكتى جوعارىلاپ، جۇمىس ونىمدىلىگى بارىنشا ارتتى؛ باسقارۋ جاعىندا ءبىز جاساندى سەرىك ارقىلى الىستان مەڭگەرۋ تەحنيكاسىنا سۇيەنىپ، ماقتاعا قاتىستى اۋىل شارۋاشىلىعى جاعدايى ينفورماتسياسىن دەر كەزىندە ءتۇسىرۋدى، دەر كەزىندە اڭىس ەتۋدى الدەقاشان جۇزەگە اسىردىق؛ ماقتا جينايتىن مەزگىلدە ادام كۇشىنىڭ ورنىنا ماشينا پايدالانۋمەن بىرگە، زەردەلى باقىلاۋ - ولشەۋ جۇيەسى بار ەلىمىزدە وندىرىلگەن ماقتا تەرۋ، تايلاۋ ءبىر تۇلعالانعان ماشينامەن جابدىقتاپ، ماقتا تەرۋدى، ماقتا جيناۋدى، تايلاۋدى، شىعارۋدى، تايدى ءتۇسىرۋدى ءبىر تۇلعالاندىردىق.

  ماقتا ءونىم مولشەرىن جوعارىلاتۋ ءۇشىن، قالاشىق ۇكىمەت كاسىپتىك تەحنيكتەردى جۇمىس باسىندا جەتەكشىلىك ەتۋگە مەرزىم بويىنشا ۇسىنىس ەتەدى، كوپشىلىك ماقتا ەگۋگە قاتىستى ءتۇرلى تەحنيكالىق ماسەلەلەر جونىندە مامانداردان بەلسەنە كەڭەس سۇراپ، ەگىمشىلىك تاجىريبەلەرىن اۋىستىرادى. 2020 - جىلى ماقتا ەگۋ جانە مال باعۋ ارقىلى قالاشىعىمىزداعى ەگىنشى - مالشىلاردىڭ جان باسىندىق ورتاشا تازا كىرىسى 20 مىڭ يۋانعا جەتتى. ماقتا ەگۋ ارقىلى تاماشا تۇرمىسقا كەنەلگەن بۇقارانىڭ قاتارى بارعان سايىن مولايىپ، بۇقارا عيمارات ۇيگە كوشىپ كىرىپ، جەكە اۆتوكولىك ساتىپ الىپ، تۇرمىس دەڭگەيى بارعان سايىن جوعارىلاپ، تۇرمىستارى بارعان سايىن جاقساردى، جايدارى جۇزدەرى ەڭ تاماشا ىسپات!

  امەريكاداعى، باتىستاعى جۇڭگوعا قارسى كۇشتەر شينجياڭعا قالاي كۇيە جاعىپ، جالا جاپسا دا، شينجياڭنىڭ گۇلدەنگەن، دامىعان قادامىنا كەدەرگى بولا المايدى، شينجياڭداعى ءار ۇلت حالقى ىنتىماقتى، بەرەكەلى بولعان، ءوزارا كومەكتەسكەن، قارايلاسقان، بىرگە العا باسقان شىندىقتى دا وزگەرتە المايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.